Posted inଖେଳ

ଆଇରନ ମ୍ୟାନ୍‌ ସୌଭାଗ୍ୟ

ଦିନେ ସେ ଏକ ସମୟରେ ୨୦ ମିନିଟ୍‌ ଯାଏ ଦୌଡି ପାରୁ ନ ଥିଲେ । ୨୦ ମିନିଟ୍‌ ଧରି ଦୌଡି ସାରିଲା ପରେ ହାଲିଆ ହୋଇ ବସିପଡି ଭାବୁଥିଲେ ଲୋକଙ୍କ ଷ୍ଟାମିନା ଆଉ ପରଫରମାନ୍ସର କଥା। କେମିତି ଲୋକମାନେ ଏକସମୟରେ ଘଣ୍ଟା ଘଣ୍ଟା ଧରି ଦୌଡୁଛନ୍ତି। ପାଣିରେ ପହଁରୁଛନ୍ତି ଆଉ ସାଇକେଲ ଧରି ଛୁଟି ଯାଉଛନ୍ତି କିଲୋମିଟର ପରେ କିଲୋମିଟର। ତାଙ୍କର ଏପରି ଦକ୍ଷତାର ରହସ୍ୟ କ’ଣ? କ’ଣ ଆଉ କେମିତି ଲୁହା ପରି ଶରୀର ଧାରଣ କରିଛନ୍ତି ଆଉ କେମିତି ଘଣ୍ଟା ଘଣ୍ଟା ଧରି ଶାରୀରିକ ପରିଶ୍ରମ ଜଣେ କରିପାରୁଛି ବେଶ୍‌ ଅନାୟାସରେ? ଏ ପ୍ରଶ୍ନର ଉତ୍ତର ହୁଏତ ତାଙ୍କ ପାଖରେ ନ ଥିଲା। ତେବେ ସେ ଜାଣିଥିଲେ ଯେ ନିୟମିତ ଏବଂ ପ୍ରଚୁର ପରିଶ୍ରମ କୌଣସି ଲୋକର ଭାଗ୍ୟକୁ ପରିବର୍ତ୍ତନ କରି ଦେଇପାରେ। ଆଉ ଏହି ଚିନ୍ତାଧାରାକୁ ନେଇ ସେ କାମରେ ଲାଗିଗଲେ। ମହାନଦୀର ଖୋଲା ଛାତିରେ ପହଁରିବା ହେଉ କିମ୍ବା ସାଇକେଲ ଧରି ଏକୁଟିଆ କଟକରୁ କେନ୍ଦୁଝରଯାଏ ଯିବା ହେଉ। ଏ ସବୁ ମାଇଲ ଖୁଣ୍ଟ ପାର ହେଉଥିବା ଲୋକଟିଏ ନିଜ ନା ଆଗରେ ଆଇରନ ମ୍ୟାନ ଲଗାଇବାର ପ୍ରଚେଷ୍ଟା କରି ଚାଲିଥିଲା। ସେଦିନ ସେ ଲୋକ ଆଖିରେ ଦପ୍‌ କରି ଜଳି ଉଠିଥିବା ଏହି ଝୁଙ୍କ୍‌ ସମୟକ୍ରମେ ବଡ ହେଉଛି ସିନା କମିବାର ନାମ ଧରୁନାହିଁ, କେବେ ବି ଧରିନାହିଁ।
ଆମେ ନୟାଗଡର ସୌଭାଗ୍ୟଙ୍କ କଥା ହିଁ କହୁଛୁ। ସେହି ସୌଭାଗ୍ୟ ଯିଏ ନୟାଗଡର ଇଟାମାଟିରେ ୧ ଜୁଲାଇ ୧୯୮୯ରେ ଜନ୍ମ ହୋଇଥିଲେ। ଯିଏ ବି ଟେକ ପାଠ ପଢିଥିଲେ ବି ଟା୍ରଇଥଲନ ପାଇଁ ଏବେ ଓଡିଶାରେ ପରିଚିତି ପାଇଛନ୍ତି। ଯିଏ ନିକଟରେ ଗତ ଫେବୃୟାରୀରେ ହାଫ ଆଇରନ ମ୍ୟାନର ଉପାଧି ପ୍ରଥମେ ପାଇଥିଲେ। ଶ୍ରୀଲଙ୍କାର ଟୁରିଜମ ପ୍ରମୋଶନ ବ୍ୟୁରୋ ଦ୍ୱାରା ଆୟୋଜିତ ଟ୍ରାଇଥଲନ ପ୍ରତିଯୋଗିତାରେ ସୌଭାଗ୍ୟ ଜୀବନରେ ପ୍ରଥମ ଥର ପାଇଁ ହାଫ୍‌ ଆଇରନ ମ୍ୟାନ୍‌ର ଉପାଧି ପାଇଲେ। କିଛିମାସ ପରେ ସୌଭାଗ୍ୟ ଆଉ ପାଦେ ଆଗେଇଯାଇ ଜର୍ମାନୀର ହାମବର୍ଗରେ ନୂଆ ଇତିହାସ ସ୍ଥାପନ କଲେ। କଲମ୍ବୋରେ ଥିଲା ହାଫ ମାରାଥନ୍‌ କିନ୍ତୁ ଜର୍ମାନୀରେ ସେ ଦୌଡିଥିଲେ ଫୁଲ ମାରାଥନ। ଏଇଠି ହିଁ ତାଙ୍କୁ ମିଳିଲା ଫୁଲ୍‌ ଆଇରନ ମ୍ୟାନର ଉପାଧି। ଟ୍ରାଇଥଲନ କହିଲେ ଏକ ଏପରି ଆମେରିକାନ ଏବଂ ୟୁରୋପୀୟ ପ୍ରତିଯୋଗିତାକୁ ବୁଝାଏ ଯେଉଁଥିରେ ପ୍ରତିଯୋଗୀକୁ ୩.୮ କିମି ପହଁରିବା, ୧୮୦ କିଲୋମିଟରର ସାଇକେଲ ଚଳାଇବା ଏବଂ ୪୨.୨ କିମିର ଗୋଟିଏ ଫୁଲମାରାଥନ ଦୌଡିବାକୁ ହୋଇଥାଏ । ୨୨୬ କିମିର ଏହି କଷ୍ଟସାଧ୍ୟ ପ୍ରତିଯୋଗିତାକୁ ସାରିବା ପାଇଁ ପ୍ରତିଯୋଗୀଙ୍କୁ ବେଳେ ବେଳେ ୧୬ ଘଣ୍ଟାଯାଏ ଅବିରତ ପରିଶ୍ରମ କରିବାକୁ ହୋଇଥାଏ। ପ୍ରାୟ ୪୦ ବର୍ଷ ତଳେ ହାୱାଇ ଆଇଲାଣ୍ଡରୁ ଆରମ୍ଭ ହୋଇଥିବା ଏହି ଖେଳ ଏବେ ବିଶ୍ୱର ଅନ୍ୟତମ ଏକ୍ସଟ୍ରିମ୍‌ ସ୍ପୋଟର୍‌ସ ଭାବେ ପରିଚିତ। ଭାରତରେ ଏହି ଖେଳ ବିଷୟରେ ଲୋକ ୨୦୧୬ରେ ଜାଣିଲେ ଯେତେବେଳେ ପୂର୍ବତନ ସୁପର ମଡେଲ ମିଲିନ୍ଦ୍‌ ସୋମେନ ୫୦ ବର୍ଷ ବୟସରେ ଏହି ଖେଳରେ ନିଜର ପରାକାଷ୍ଠା ଦେଖାଇ ଏହି ଆଇରନ ମ୍ୟାନ୍‌ ଉପାଧି ହାସଲ କରିଥିଲେ। ଏବେ ଭାରତରେ ପାଖାପାଖି ୧୦୦ ଜଣ ଏପରି ଆଇରନ ମ୍ୟାନ୍‌ ଥିବା ବେଳେ ସୌଭାଗ୍ୟଙ୍କ ପରି ତିନିଜଣ ଓଡ଼ିଆ ଏହି ଉପାଧି ପାଇଛନ୍ତି। କୁହାଯାଏ ବିଶ୍ୱକ୍ରୀଡ଼ାରେ ଏମିତି ଅନେକ ନଜିର ଅଛି ଯେଉଁଠାରେ ଗୋଟିଏ କ୍ରୀଡାରେ ଜଣଙ୍କର ସଫଳତା ଅନ୍ୟ ଅନେକଙ୍କ ପାଇଁ ସୁଯୋଗର ଦୁଆର ସବୁକୁ ମେଲିଦେଇଥାଏ। ସୌଭାଗ୍ୟ ମଧ୍ୟ ମିଳିନ୍ଦଙ୍କ ଏହି ସଫଳତା ଦେଖି କାମରେ ଲାଗି ପଡିଲେ। କାମ କହିଲେ ଦିନକୁ ପାଞ୍ଚ ଘଣ୍ଟାର ଚାଲି, ଆଉ ରବିବାର ଦିନ ୬-୮ ଘଣ୍ଟାର ସାଇକ୍ଲିଂ। ଏତିକିରେ କାମ ସରିଲାନି ବରଂ ୨୦୧୬ରେ ସେ ଓସିଏରେ ସନ୍ତରଣ ଶିଖିଲେ।
ଯଦି ନୟାଗଡର ସୌଭାଗ୍ୟ ରଥ ଆଜି ଆଇରନ ମ୍ୟାନ ସୌଭାଗ୍ୟ ହୋଇପାରିଛନ୍ତି ସେଥିପାଇଁ ୨୦୧୬ ମସିହାକୁ ହିଁ ଶ୍ରେୟ ଦେବାକୁ ପଡିବ। ୨୦୧୬ରୁ ହିଁ ସେ ବିଧିବଦ୍ଧ ଭାବେ ମାରାଥନ ସବୁକୁ ଦୌଡିବାକୁ ଆରମ୍ଭ କଲେ । ଜାନୁୟାରୀ ୧୬ ଭୁବନେଶ୍ୱର ହାଫ ମାରାଥନରେ ପ୍ରଥମେ ଦୌଡି ୧୦ କିମି ଦୂରତାକୁ ୧ ଘଣ୍ଟା ୨୦ ମିନିଟରେ ପୂରଣ କଲେ। ତା’ ପର ବର୍ଷ ସେ ସେଇ ପ୍ରତିଯୋଗିତାର ହାଫ ମାରାଥନକୁ ଦୌଡିଲେ ୨ ଘଣ୍ଟା ୨୫ ମିନିଟ୍‌ରେ। ଏଯାଏ ହାଫ ମାରାଥନ ଦୌଡୁଥିବା ସୌଭାଗ୍ୟ ୨୦୧୭ରେ ଥୋନ୍ନୁର ଟା୍ରଇଥଲନରେ ଭାଗ ନେଲେ ପ୍ରଥମ ଥର କରି। ଏହା ପରେ ସେ ଆଉ ପଛକୁ ଫେରି ଚାହିଁ ନାହାନ୍ତି। ଗୋଟିଏ ପରେ ଗୋଟିଏ ଟା୍ରଇଥଲନରେ ସେ ଭାଗ ନେଇ ସେ ପ୍ରତିଯୋଗିତାରେ ନିଜର ଅଲିଭା ସ୍ବାକ୍ଷର ଛାଡି ଯାଇଛନ୍ତି। ଓଡ଼ିଶାର ଏହି ଗର୍ବିତ ଆଇରନ ମ୍ୟାନ ବିଭିନ୍ନ ଅନ୍ତର୍ଜାତୀୟ ପ୍ରତିଯୋଗିତାରେ ଓଡିଶାର ପରିଚୟ ପାଲଟିଛନ୍ତି। କେବଳ ୨୦୧୮ରେ ହିଁ ସେ ଭାଗ ନେଇଛନ୍ତି ଏକାଧିକ ଜାତୀୟ ସ୍ତରୀୟ ଇଭେଣ୍ଟରେ। ସତାରାର ନାଇଟ ଚ୍ୟାଲେଞ୍ଜ ମାରାଥନ, ୧୧,୫୦୦ ଫୁଟ ଉପରେ ଅନୁଷ୍ଠିତ ହେଉଥିବା ଲଦାଖ ମାରାଥନ ଛଡା, ହାଇଦ୍ରାବାଦ, ରାୟପୁର ଏବଂ ଗୋଆ ହାଫ ମାରାଥନ ମଧ୍ୟ ଦୌଡିଛନ୍ତି।
ଆକାଶବାଣୀ କଟକରେ କାମ କରୁଥିବା ସୌଭାଗ୍ୟଙ୍କ ପାଇଁ ଏ ଯାତ୍ରା ଏବେ ବି ବେଶ୍‌ କାଠିକର ମନେ ହେଉଛି। ଓଡ଼ିଶାରେ କୌଣସି ଟ୍ରାଇଥଲନ କ୍ଲବ ନାହିଁ। ତାଙ୍କୁ ଏ ନେଇ କୋଚିଂ ଦେବାକୁ କିମ୍ବା ମାନସିକ ସମର୍ଥନ ଦେବାକୁ ବି କେହି ନାହାନ୍ତି। ଟ୍ରାଇଥଲନ ପାଇଁ ବ୍ୟବହୃତ ସାଇକେଲର ଦାମ ୧.୫ରୁ ୨ ଲକ୍ଷ ଭିତରେ ହେଉଥିବା ବେଳେ ପ୍ରତିଯୋଗିତାରେ ଭାଗ ନେବାକୁ ପଞ୍ଜୀକରଣ ପାଇଁ ୬୦,୦୦୦ ଯାଏ ଦେବାକୁ ହୁଏ। ଏହା ବାଦ୍‌ ପୁଣି ଯିବା ଆସିବା ଏବଂ ରହିବା ଖର୍ଚ୍ଚ ଅଲଗା। ଟ୍ରାଇଥଲନ ଚାଲୁନଥିବା ବେଳେ ଏ ନେଇ ଅଭ୍ୟାସ କରିବା ଏବଂ ପୁଷ୍ଟିକର ଖାଦ୍ୟ ବାବଦ ମାସକୁ ୧୨ ହଜାରର ରୁ ୨୦ ହଜାରଯାଏ ଟଙ୍କା ଖର୍ଚ୍ଚ କରିବାକୁ ହୋଇଥାଏ। ଏପରି ସ୍ଥିିତିରେ ନିୟମିତ ସହାୟତା ନ ମିଳିଲେ ସୌଭାଗ୍ୟଙ୍କର ଏ ନିଶା ଯେ ବେଶି ଦିନଯାଏ କାଏମ ରହିବା ତାହା ଚିନ୍ତା କରିବା କଷ୍ଟକର।

ରୁଦ୍ର ପ୍ରସନ୍ନ ରଥ


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ରୋହିତଙ୍କୁ ସମ୍ଭାଳିବାକୁ ପଡିଲା ମୁମ୍ବାଇ ଇଣ୍ଡିଆନ୍ସର ଅଧିନାୟକତ୍ୱ! ପାଣ୍ଡ୍ୟାଙ୍କୁ କହିଲେ…

ନୂଆଦିଲ୍ଲୀ,୨୮।୩: ମୁମ୍ବାଇ ଇଣ୍ଡିଆନ୍ସ ବିପକ୍ଷରେ ସନରାଇଜର୍ସ ହାଇଦ୍ରାବାଦ ୨୦ ଓଭରରେ ୩ ଉଇକେଟ୍‌ ହରାଇ ୨୭୭ ରନ୍‌ ସଂଗ୍ରହ କରିଥିଲା। ଆଇପିଏଲ ଇତିହାସରେ ଏହା ହେଉଛି...

ପାଣ୍ଡ୍ୟାଙ୍କୁ ଗାଳି, ଗାଏକଓ୍ବାଡଙ୍କ ପାଇଁ ତାଳି…ଅଧିନାୟକ ଦାୟିତ୍ୱ କିଭଳି ଦିଆଯାଏ ଧୋନୀଙ୍କଠାରୁ ଶିଖିବା ଉଚିତ

ନୂଆଦିଲ୍ଲୀ,୨୮।୩: ଆଇପିଏଲ୍‌ରେ ମାର୍ଚ୍ଚ ୨୪ ଏବଂ ୨୬ର ଦୃଶ୍ୟ ବହୁତ କିଛି ବୟାନ କରୁଛି। ପ୍ରଥମେ ମାର୍ଚ୍ଚ ୨୪ ବିଷୟରେ କଥା ହେବା। ଏହି ଦିନ...

ଭାରତର ଏହି ସହରରେ ପ୍ରସ୍ତୁତ ହୁଏ ଆଇପିଏଲ୍‌ ବଲ୍‌, ବର୍ଷକୁ ୫୦୦ କୋଟି ଟଙ୍କା ରୋଜଗାର

ବର୍ତ୍ତମାନ ଆଇପିଏଲ ଚାଲିଛି। ଇଣ୍ଡିଆନ ପ୍ରିମିୟର ଲିଗ୍‌କୁ ନେଇ ଲୋକଙ୍କ ମଧ୍ୟରେ ଏକ ବଡ଼ କ୍ରେଜ୍‌ ରହିଛି। ଏହି ପ୍ରତିଯୋଗିତା ୬୬ ଦିନ ପର୍ଯ୍ୟନ୍ତ ଚାଲିବ।...

ମୁମ୍ବାଇ ଇଣ୍ଡିଆନ୍ସ-ସନରାଇଜର୍ସ ହାଇଦ୍ରାବାଦ ମ୍ୟାଚ୍‌ରେ ରେକର୍ଡ ବର୍ଷା

ହାଇଦ୍ରାବାଦ୍‌,୨୮।୩: ମୁମ୍ବାଇ ଇଣ୍ଡିଆନ୍ସ ବିପକ୍ଷରେ ଆଇପିଏଲ ଇତିହାସରେ ସନରାଇଜର୍ସ ହାଇଦ୍ରାବାଦ ସର୍ବାଧିକ ସ୍କୋର କରିଥିଲା। ଏହାପୂର୍ବରୁ ଏହି ରେକର୍ଡ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ନାମରେ ଥିଲା।...

ମାତ୍ର ୨୨ ମିନିଟ୍‌ରେ ରେକର୍ଡ ଭାଙ୍ଗିଦେଲେ ଅଭିଷେକ

ହାଇଦ୍ରାବାଦ,୨୮।୩: ସନରାଇଜର୍ସ ହାଇଦ୍ରାବାଦ ପାଇଁ ବିସ୍ଫୋରକ ବ୍ୟାଟିଂ କରୁଥିବାବେଳେ ଟ୍ରାଭିସ ହେଡ ଅର୍ଦ୍ଧଶତକ ହାସଲ କରିଥିଲେ। ମାତ୍ର କିଛି ମିନିଟ ପରେ ଅଭିଷେକ ଶର୍ମା ଏହି...

ପାଣ୍ଡ୍ୟାଙ୍କ ହାତରୁ ଯାଇପାରେ ଅଧିନାୟକ ପଦ: ରୋହିତଙ୍କ ସହ କଥା ହେଲେ ଆକାଶ ଅମ୍ବାନୀ

ହାଇଦ୍ରାବାଦ,୨୮।୩: ସନରାଇଜର୍ସ ହାଇଦ୍ରାବାଦ ମୁମ୍ବାଇ ଇଣ୍ଡିଆନ୍ସକୁ ପରାସ୍ତ କରିଛି। ଏହି ମ୍ୟାଚରେ ଆଇପିଏଲ ଇତିହାସରେ ହାଇଦ୍ରାବାଦ ସବୁଠୁ ବଡ଼ ସ୍କୋର କରିଥିଲା। ମୁମ୍ବାଇ ଦଳ ହାର୍ଦ୍ଦିକ...

ବାଡ଼େଇ ବାଡ଼େଇ ବଲ୍ ଚୋପା ଛଡ଼େଇ ଦେଲେ ସନରାଇଜର୍ସ ହାଇଦ୍ରାବାଦ ବ୍ୟାଟର

ହାଇଦ୍ରାବାଦ,୨୭।୩: ଇଣ୍ଡିଆନ୍ ପ୍ରିମିୟର ଲିଗ୍ (ଆଇପିଏଲ୍) ଇତିହାସରେ ସବୁଠୁ ବଡ଼ ସ୍କୋର କରିଛି ସନରାଇଜର୍ସ ହାଇଦ୍ରାବାଦ (ଏସଆରଏଚ)। ବୁଧବାର ହାଇଦ୍ରାବାଦର ରାଜୀବ ଗାନ୍ଧୀ ଅନ୍ତର୍ଜାତୀୟ ଷ୍ଟାଡିୟମରେ...

ଆଇପିଏଲ୍‌ ଇତିହାସରେ ସବୁଠୁ ବଡ଼ ସ୍କୋର ଛିଡା କଲା ସନରାଇଜର୍ସ ହାଇଦ୍ରାବାଦ: ମୁମ୍ବାଇକୁ ଦେଲା ବିଶାଳ ଟାର୍ଗେଟ୍‌

ହାଇଦ୍ରାବାଦ୍‌,୨୭।୩: ଆଇପିଏଲ ଇତିହାସରେ ସନରାଇଜର୍ସ ହାଇଦ୍ରାବାଦ ସବୁଠାରୁ ବଡ ସ୍କୋର କରିଛନ୍ତି। ଜିତିବା ପାଇଁ ମୁମ୍ବାଇ ଇଣ୍ଡିଆନ୍ସକୁ ୨୭୮ ରନ୍‌ର ଟାର୍ଗେଟ ଦେଇଛି ହାଇଦ୍ରାବାଦ୍‌। ୨୦...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri