ଭଦ୍ରକ ଅଫିସ, ୨୯ ।୪
ଏବେ ପ୍ରଚଣ୍ଡ ଗ୍ରୀଷ୍ମପ୍ରବାହ ଜାରି ରହିଛି। ଗରମ ସାଙ୍ଗକୁ ଗୁଳୁଗୁଳି ଜନଜୀବନକୁ ଅସ୍ତବ୍ୟସ୍ତ କରି ପକାଇଛି। ସକାଳ ୧୦ଟା ପରେ ଘରୁ ବାହାରିବା ମୁସ୍କିଲ ହୋଇପଡୁଛି। ଅସହ୍ୟ ତାତି ଯୋଗୁ ମଧ୍ୟାହ୍ନରେ ଭଦ୍ରକ ସହର ଖଁା ଖାଁ ଲାଗୁଛି। ଦୋକାନ ବଜାର ବନ୍ଦ ହୋଇଯିବା ସହ ରାସ୍ତାଘାଟ ଶୂନ୍ଶାନ୍ ହୋଇଯାଉଛି। ଭଦ୍ରକ ସହରର ସବୁବେଳେ ଜନଗହଳି ରହୁଥିବା ବନ୍ତ ଛକ ତାତି ଯୋଗୁ ଜନଶୂନ୍ୟ ହେଉଥିବା ଦେଖିବାକୁ ମିଳିଛି। ଖରାରୁ ରକ୍ଷା ପାଇବା ପାଇଁ ୧୬ ନଂ. ଜାତୀୟ ରାଜପଥର ବନ୍ତ ଛକ ଓଭରବ୍ରିଜ ଲୋକଙ୍କ ବିଶ୍ରାମସ୍ଥଳୀ ପାଲଟିଛି। ଖରା ବେଳେ ସହରର ସବୁ ସ୍ଥାନ ଶୂନ୍ଶାନ୍ ଥିବାବେଳେ ଏହି ଓଭରବ୍ରିଜ୍ ତଳେ ବାଇକ୍ ଚାଳକ, ଟ୍ରଲି ଚାଳକ ଓ ବସ୍କୁ ଅପେକ୍ଷା କରୁଥିବା ଯାତ୍ରୀମାନେ ବିଶ୍ରାମ ନେଉଛନ୍ତିି।
ସ୍ବାସ୍ଥ୍ୟସେବା ଓ ବ୍ୟବସାୟିକ ଦୃଷ୍ଟିକୋଣରୁ ଜିଲା ସମେତ ପଡ଼ୋଶୀ ବାଲେଶ୍ୱର, କେନ୍ଦୁଝର, କେନ୍ଦ୍ରାପଡ଼ା ଓ ଯାଜପୁର ଜିଲାର ଅଧିକାଂଶ ଲୋକେ ଦୈନିକ ଭଦ୍ରକ ଆସିଥାନ୍ତି। ଅନେକ ଦିନ ଧରି ବଷର୍ର୍ା ହୋଇ ନ ଥିବାବେଳେ କିଛିଦିନ ହେଲା ତାପମାତ୍ରା ବୃଦ୍ଧି ଯୋଗୁ ତାତି ବଢ଼ି ଚାଲିଛି। ପୂର୍ବାହ୍ନ ୧୦ଟା ପରେ ନିଅଁା ବର୍ଷା ହେବା ପରି ଅନୁଭବ ହେଉଛି। ଲୋକଙ୍କ ଯାତାୟାତ କମ୍ ହୋଇଥିବାରୁ ବ୍ୟବସାୟୀଙ୍କ ବେପାର ମଧ୍ୟ ମାନ୍ଦା ହେଉଛି। ତେବେ ଲସି ଓ ଲେମ୍ବୁ ସର୍ବତ ଦୋକାନ ପାଖରେ ଲୋକଙ୍କ ଭିଡ଼ ଜମୁଛି।
