ନୂଆଦିଲ୍ଲୀ,୨୧-୧: ଅନ୍ତର୍ଜାତୀୟ ମୁଦ୍ରା ପାଣ୍ଠି( ଆଇଏମ୍ଏଫ୍) ସୋମବାର ଆର୍ଥତ୍କ ବର୍ଷ ୨୦୧୯-୨୦ ଲାଗି ଭାରତର ବିକାଶ ହାର ପୂର୍ବାନୁମାନକୁ ୪.୮%କୁ ଖସାଇଛି। ଏହି ଏଜେନ୍ସି ଭାରତ ବଜାର ଲାଗି ପୂର୍ବରୁ କରାଯାଇଥିବା ଅନୁମାନ ତୁଳନାରେ ବର୍ତ୍ତମାନ ୧.୩% ହ୍ରାସ କରିଛି। ମାନ୍ଦାବସ୍ଥା ଯୋଗୁ ଅଭିବୃଦ୍ଧି କମାଇଥିବା ଆଇଏମ୍ଏଫ୍ କହିଛି। ସେହିଭଳି ବିଶ୍ୱ ବଜାର ଲାଗି ଏହା ଅଭିବୃଦ୍ଧି ପୂର୍ବାନୁମାନକୁ ମଧ୍ୟ କମ୍ କରି ଦେଇଛି। ଚଳିତ ଆର୍ଥତ୍କ ବର୍ଷରେ ଦେଶର ବିକାଶ ହାର ୫% ରହିବ ବୋଲି ସରକାର ନିକଟରେ ପ୍ରକାଶିତ ଅଫିସିଆଲ ଡାଟାରେ କହିଛନ୍ତି। ବିକାଶ ହାର ୨୦୨୦-୨୧ରେ ୫.୮% ଏବଂ ୨୦୨୧-୨୨ରେ ୬.୫% ଛୁଇଁବ ବୋଲି ଆଇଏମ୍ଏଫ୍ ପକ୍ଷରୁ ସୂଚନା ଦିଆଯାଇଛି।
