ବଇଣ୍ଡା,୬।୯(ଡି.ଏନ.ଏ.): ଆଠମଲ୍ଲିକ ଅବକାରୀ ବିଭାଗ ପକ୍ଷରୁ ଠାକୁରଗଡ଼ ଓ ଆଠମଲ୍ଲିକ ଥାନା ଅଞ୍ଚଳର ବିଭିନ୍ନ ଗ୍ରାମରେ ଚଢାଉ କରି ୫୨ ଲିଟର ଦେଶୀ ମହୁଲି ମଦ ଜବତ କରିଛି। ଏହି ଘଟଣାରେ ୫ ଜଣଙ୍କୁ ଗିରଫ କରାଯାଇଛି। ସେମାନେ ହେଲେ ଠାକୁରଗଡ଼ ଥାନା ଖଇରା ସାହି ଗ୍ରାମର ନିରାକାର ନାହାକ, ଆଠମଲ୍ଲିକ ଥାନା ଢେଲନାଳୀ ଗ୍ରାମର ବେଲାରସେନ ପ୍ରଧାନ, କୁଟେଶ୍ୱର ଗ୍ରାମର ପବିତ୍ର ବେହେରା, ବାଘୁଆକଟା ଗ୍ରାମର ବିଶ୍ୱାମିତ୍ର ନାୟକ, ଡିପିପଦର ଗ୍ରାମର ମୁରାରୀ ସାହୁ। ସେମାନେ ଚୋରାରେ ମଦ ବିକ୍ରି କରୁଥିବା ଖବରପାଇ ଆଠମଲ୍ଲିକ ଅବକାରୀ ବିଭାଗର ଉପନୀରିକ୍ଷକ ପ୍ରଫୁଲ୍ଲ କୁମାର ପତି, ସହକାରୀ ଉପନୀରିକ୍ଷକ ରମାକାନ୍ତ ଚାନ୍ଦ, ହରିହର ପରିଡା, ମନୋଜ ବେହେରା ଚଢାଉ କରିଥିଲେ।
