ବ୍ରହ୍ମପୁର ଅଫିସ,୨୧।୯: ଗଞ୍ଜାମ ଜିଲା ସଦର ଥାନା ପୋଲିସ ଏକ ଅଖା ଗୋଦାମରୁ ଚୋରି ଘଟଣାରେ ୨ ଜଣଙ୍କୁ ଗିରଫ କରିଛି। ଅଭିଯୁକ୍ତ ଦ୍ୱୟ ହେଲେ ବଡ଼ବଜାର ଥାନା ଅନ୍ତର୍ଗତ ପ୍ରହଲ୍ଲାଦ ନଗରର ନିଲୁ ସ୍ବାଇଁ (୨୪) , ସମୀର ଜେନା (୨୦)। ପୋଲିସ ସେମାନଙ୍କ ନିକଟରୁ ୬୦ ବଣ୍ଡଲ ଅଖା ଜବତ କରିଛି। କେସ୍ ନଂ. ୨୪୧/୧୯ରେ ଦୁଇଜଣଙ୍କୁ ଶନିବାର କୋର୍ଟ ଚାଲାଣ କରାଯାଇଛି ବୋଲି ଥାନାଧିକାରୀ ସନ୍ତୋସିନୀ ଓରାମ ସୂଚନା ଦେଇଛନ୍ତି। ପ୍ରକାଶ ଯେ, ଗୁରୁବାର ରାତିରେ ଗୁଣ୍ଠବନ୍ଧସ୍ଥିତ ଏକ ଅଖା ଗୋଦାମର କବାଟ ଭାଙ୍ଗି ସେମାନେ ୬୦ ବଣ୍ଡଲ ଅଖା ଚୋରି କରି ନେଇଯାଇଥିଲେ। ଗୋଦାମ ମାଲିକ ବିପିନ ପାଣିଗ୍ରାହୀ ଶୁକ୍ରବାର ଏ ନେଇ ଥାନାରେ ଅଭିଯୋଗ କରିଥିଲେ। ଅଭିଯୁକ୍ତ ଦ୍ୱୟ ଚୋରି ଅଖାଗୁଡ଼ିକ ବିକ୍ରି କରୁଥିବା ଖବର ପାଇ ପୋଲିସ ସେମାନଙ୍କୁ ଧରିଥିଲା।
