ଗାନ୍ଧୀନଗର,୨୭ା୭(ପି.ଟି.): ଅକ୍ଷରଧାମ୍ ମନ୍ଦିର ଆକ୍ରମଣ ଘଟଣାର ମୁଖ୍ୟ ଷଡ଼ଯନ୍ତ୍ରକାରୀ ମହମ୍ମଦ ୟାସିନ୍ ଭଟ୍ଟଙ୍କୁ ଗୁଜରାଟ ଆତଙ୍କବାଦ ନିରୋଧୀ ସ୍କ୍ବାଡ୍ (ଏଟିଏସ୍) ଶୁକ୍ରବାର ଜମ୍ମୁ-କଶ୍ମୀରର ଅନନ୍ତନାଗରୁ ଗିରଫ କରିଛି। ୨୦୦୨ ସେପ୍ଟେମ୍ବର ୨୪ରେ ଅକ୍ଷରଧାମ୍ ମନ୍ଦିର କମ୍ପ୍ଲେକ୍ସ ଉପରେ ଦୁଇଜଣ ଆତଙ୍କବାଦୀ ଆକ୍ରମଣ କରିଥିଲେ। ସେମାନଙ୍କ ଗୁଳିରେ ଜଣେ ଏନ୍ଏସ୍ଜି କମାଣ୍ଡୋଙ୍କ ସମେତ ୩୩ ଜଣଙ୍କ ମୃତ୍ୟୁ ଘଟିଥିଲା। ଏନ୍ଏସ୍ଜି କମାଣ୍ଡୋମାନଙ୍କ ପାଲଟା ଜବାବରେ ଦୁଇ ଆତଙ୍କବାଦୀ ନିହତ ହୋଇଥିଲେ। ଆକ୍ରମଣର ମାଷ୍ଟରମାଇଣ୍ଡ୍ ଲଶ୍କର-ଇ-ତୋଇବା ଆତଙ୍କବାଦୀ ମହମ୍ମଦ ପାକ୍ ଅଧିକୃତ କଶ୍ମୀର (ପିଓକେ) ପଳାଇଥିଲେ। ସେ ଜମ୍ମୁ-କଶ୍ମୀର ଫେରି ଅନନ୍ତନାଗର ଏକ ଟିମ୍ବର ଓ୍ବେର୍ହାଉସ୍ରେ କାମ କରୁଥିବା ସୂଚନା ପାଇ ଏଟିଏସ୍ ତାଙ୍କୁ ଗିରଫ କରିଛି।
