୮ ମାସର ସର୍ବୋଚ୍ଚ ସ୍ତରରେ ପାଇକାରୀ ମୁଦ୍ରାସ୍ଫୀତି

ନୂଆଦିଲ୍ଲୀ,୧୫-୧: ଏବେ ଖୁଚୁରା ମୁଦ୍ରାସ୍ଫୀତି ସାଢେ ପାଞ୍ଚ ବର୍ଷର ସର୍ବୋଚ୍ଚ ସ୍ତରରେ ରହିଥିବା ବେଳେ ପାଇକାରୀ ମୁଦ୍ରାସ୍ଫୀତି ମଧ୍ୟ ବଢିଥିବା ଜଣାପଡିଛି। ଡିସେମ୍ବରରେ ପାଇକାରୀ ମୂଲ୍ୟ ଭିତ୍ତିକ ମୁଦ୍ରାସ୍ଫୀତି ୮ ମାସର ସର୍ବୋଚ୍ଚ ସ୍ତରରେ ରହିବା ସହ ୨.୫୯ ସ୍ତରକୁ ବଢିଛି। ଚଳିତ ଆର୍ଥତ୍କ ବର୍ଷ ନଭେମ୍ବରରେ ଏହା ୦.୫୮% ରହିଥିଲା। ପିଆଜ,ଆଳୁ ଏବଂ ଖାଦ୍ୟ ସାମଗ୍ରୀ ଦରଦାମ ବଢିବା ଯୋଗୁ ଏଭଳି ସ୍ଥିତି ଉପୁଜିଥିବା ଜଣାପଡିଛି। ମାସିକ ପାଇକାରୀ ମୂଲ୍ୟ ଭିତ୍ତିକ ମୁଦ୍ରାସ୍ଫୀତି ସୂଚକାଙ୍କ(ଡବ୍ଲ୍ୟୁପିଆଇ) ୨୦୧୯ ଏପ୍ରିଲରେ ୩.୨୪% ରେକର୍ଡ କରାଯାଇଥିଲା। ସେହିଭଳି ଡିସେମ୍ବର ୨୦୧୮ରେ ଏହା ୩.୪୬% ସ୍ତରରେ ରହିଥିଲା। ଚଳିତ ଆର୍ଥତ୍କ ବର୍ଷ ବର୍ତ୍ତମାନ ମୁଦ୍ରାସ୍ଫୀତି ୨.୪୨% ହାରରେ ବଢିଥିଲା। ଏହା ଗୋଟିଏ ବର୍ଷ ପୂର୍ବ ସମାନ ସମୟରେ ୨.୯୨% ହାରରେ ବଢିଥିଲା ବୋଲି ବାଣିଜ୍ୟ ଏବଂ ଉଦ୍ୟୋଗ ମନ୍ତ୍ରଣାଳୟର ଇକୋନୋମିକ ଆଡଭାଇଜର କାର୍ଯ୍ୟାଳୟ ପକ୍ଷରୁ ଜାରି ତଥ୍ୟରୁ ସାମ୍ନାକୁ ଆସିଛି।
ଏହି ସମୟରେ ଖାଦ୍ୟ ସାମଗ୍ରୀର ଦର ବୃଦ୍ଧି ୧୩.୧୨ % ରହିଛି। ଏହା ପୂର୍ବରୁ ୧୧% ରହିଥିଲା। ୨୦୧୯ ନଭେମ୍ବରରେ ଅଣ ଖାଦ୍ୟ ସାମଗ୍ରୀ ବର୍ଗରେ ଦରଦାମ ବୃଦ୍ଧି ୧.୯୩% ରହିଥିଲା ଯାହା ଡିସେମ୍ବର ମାସରେ ୪ ଗୁଣ ବଢି ୭.୭୨% ସ୍ତର ଛୁଇଁଛି। ଖାଦ୍ୟ ସାମଗ୍ରୀ ବର୍ଗରେ ପନିପରିବା ଦର ୬୯.୬୯% ବଢିଛି। ଏହା ବିଶେଷ କରି ପିଆଜ ଦର ବଢିବା ଯୋଗୁ ହୋଇଥିବା ଜଣାପଡିଛି। ପିଆଜ ଦର ୪୫୫.୮୩% ବଢିଥିବା ବେଳେ ଆଳୁର ଦରଦାମ ୪୪.୯୭% ବଢିଥିବା ସାମ୍ନାକୁ ଆସିଛି। ବର୍ତ୍ତମାନ ମଧ୍ୟ ଦେଶର ବିଭିନ୍ନ ସ୍ଥାନରେ ପିଆଜ ଦର ୧୦୦ ଟଙ୍କାରୁ ଅଧିକ ମୂଲ୍ୟରେ ବିକ୍ରି ହେଉଛି। ମୁଦ୍ରାସ୍ଫୀତି ଏବେ ଉଚ୍ଚରେ ରହିଥିବା ବେଳେ ଫେବୃୟାରୀରେ ହେବାକୁ ଥିବା ରିଜର୍ଭ ବ୍ୟାଙ୍କର ମୁଦ୍ରାନୀତି ସମୀକ୍ଷା ବୈଠକରେ କେନ୍ଦ୍ରୀୟ ବ୍ୟାଙ୍କ ରେପୋ ହାର କମାଇବ ନାହିଁ ବୋଲି ବିଶେଷଜ୍ଞ ମତ ରଖିଛନ୍ତି। ଆଗାମୀ ମାସ ଗୁଡିକରେ ଦରଦାମ ଉଚ୍ଚରେ ରହିଲେ ସିପିଆଇ ମଧ୍ୟ ଉଚ୍ଚ ସ୍ତରରେ ରହିବ ବୋଲି କୁହାଯାଇଛି।
ଜାନୁୟାରୀରେ ମୁଦ୍ରାସ୍ଫୀତି ୮% ଛୁଇଁବା ନେଇ ଏସ୍‌ବିଆଇ ଇକୋନୋମିକ ରିପୋର୍ଟ ପକ୍ଷରୁ କୁହାଯାଇଛି। ଏବେ ଅଭିବୃଦ୍ଧି ନିମ୍ନରେ ରହିଛି। ଦରଦାମ ମଧ୍ୟ ବଢି ଚାଲିଛି। ଏଭଳି ସ୍ଥିତି ଆଗାମୀ ଦିନଗୁଡିକରେ ଲାଗି ରହିଲେ କେନ୍ଦ୍ରୀୟ ବ୍ୟାଙ୍କ ରେପୋ ହାର କମାଇ ନ ପାରେ ବୋଲି କୁହାଯାଇଛି। ମାନୁଫାକଚର୍ଡ ପ୍ରଡକ୍ଟ କ୍ଷେତ୍ରରେ ମୁଦ୍ରାସ୍ଫୀତି କମିବା ସହ (-) ୦.୨୫% ରହିଛି। ଏହାବାଦ ଇନ୍ଧନ ଏବଂ ଶକ୍ତି କ୍ଷେତ୍ରରେ ଏହା ଯଥାକ୍ରମେ (-)୧.୪୬ ରହିଛି ଯାହା ପୂର୍ବରୁ (-) ୭.୩୨ ରହିଛି। ଏହି ସମୟରେ ପ୍ରାଥମିକ ସାମଗ୍ରୀ ମୂଲ୍ୟ ଗ୍ରୁପ ଭାବେ ବିଚାର କଲେ ୧୧.୪୬% ବଢିଛି। ଏହା ଗୋଟିଏ ମାସ ପୂର୍ବରୁ ୭.୬୮% ରହିଥିଲା। ପାଇକାରୀ ମୂଲ୍ୟ ସୂଚୀରେ ପ୍ରାଇମିକ ସାମଗ୍ରୀର ଅଂଶ ପ୍ରାୟ ୨୨% ରହିଛି। ଏହା ମଧ୍ୟରେ ଖାଦ୍ୟ ସାମଗ୍ରୀ, ଅଣ ଖାଦ୍ୟ ସାମଗ୍ରୀ, ଖଣିଜ, ଅଶୋଧିତ ତୈଳ ଏବଂ ପ୍ରାକୃତିକ ବାଷ୍ପ ସାମିଲ ରହିଛି। ଖାଇଦା ତେଲ, ଡେରୀ ସାମଗ୍ରୀ, ଫ୍ୟାଟର ଦର ବୃଦ୍ଧି ଯୋଗୁ ମାନୁଫାକଚର୍ଡ ଖାଦ୍ୟ ସାମଗ୍ରୀ ବଢିଥିବା ଇକ୍ରାର ପ୍ରମୁଖ ଅର୍ଥନୀତିଜ୍ଞ ଆଦିତି ନାୟାର ସୂଚନା ଦେଇଛନ୍ତି।


Enter your email to get our daily news in your inbox.

All Right Reserved By Dharitri.Com

ଚଳିତ ବର୍ଷ ଭାରତର ଜିଡିପି ୪.୫% ଖସିଯିବ: ପ୍ରମୁଖ ଏଜେନ୍ସି ଆଶଙ୍କା ପ୍ରକଟ କଲେ

ନୂଆଦିଲ୍ଲୀ,୨୫।୬ : ଚଳିତ ଆର୍ଥତ୍କ ବର୍ଷରେ ଭାରତର ମୋଟ ଘରୋଇ ଉତ୍ପାଦ (ଜିଡିପି) ଅଭିବୃଦ୍ଧି ନକାରାତ୍ମକ ରହିବ। ଅର୍ଥାତ୍‌ ଏହି ସମୟରେ ଅଭିବୃଦ୍ଧି ଗଭୀର ଭାବେ...

ରାମ୍‌କୋ ସିମେଣ୍ଟ ପକ୍ଷରୁ ସହାୟତା

ଭୁବନେଶ୍ୱର,୨୩।୪: ରାମ୍‌କୋ ସିମେଣ୍ଟ ଲିମିଟେଡ୍‌ ପକ୍ଷରୁ କୋଭିଡ୍‌-୧୯କୁ ଧ୍ୟାନରେ ରଖି ଏହାର ପ୍ରୋଜେକ୍ଟ ସାଇଟଗୁଡିକରେ ବିଭିନ୍ନ ସତର୍କତା ପଦକ୍ଷେପ ହାତକୁ ନିଆଯାଇଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି...

ତନିଷ୍କର ସାବିତ୍ରୀ ଅଫର ଘୋଷଣା,ମିଳୁଛି ଆକର୍ଷଣୀୟ ରିହାତି

ଭୁବନେଶ୍ୱର,୨୮-୫: ପ୍ରମୁଖ ଜୁଏଲେରୀ ବ୍ରାଣ୍ଡ ତନିଷ୍କ ପକ୍ଷରୁ ସାବିତ୍ରୀ ଅଫର ସମ୍ପର୍କରେ ଘୋଷଣା କରାଯାଇଛି। ଏହି ଅଫର ଚଳିତ ମାସ ୨୯ରୁ ଜୁନ ୨ ଯାଏ...

ଚାଇନା କମ୍ପାନୀର ଚୁକ୍ତି ରଦ୍ଦ କଲା ରେଲଓ୍ବେ

ନୂଆଦିଲ୍ଲୀ,୧୯।୬: ସୀମାରେ ଭାରତ ଓ ଚାଇନା ସେନା ମଧ୍ୟରେ ତିକ୍ତତା ଲାଗି ରହିଛି। ୨୦ ଭାରତୀୟ ଯବାନ ଶହୀଦ ହେବା ଘଟଣା କେନ୍ଦ୍ର ସରକାରଙ୍କଠାରୁ ନେଇ...

ନକଲି ସୁନା ଇଟା ବନ୍ଧକ ରଖି ୨୧ ହଜାର କୋଟିରୁ ଅଧିକ ଠକେଇ

ବେଜିଂ, ୨।୭: ନକଲି ସାମଗ୍ରୀ ତିଆରି କରିବାରେ ଚାଇନା ବେଶ୍‌ ଜଣାଶୁଣା। କରୋନା ମହାମାରୀ ସଂକ୍ରମଣର ଏନ୍ତୁଡ଼ିଶାଳ ପାଲଟି ଥିବା ଉହାନ ଏବେ ପୁଣି ଚର୍ଚ୍ଚାରେ...

ବିଦେଶୀ ସଭରେନ ବଣ୍ଡ ଯୋଜନା; ପୁନର୍ବିଚାର ଲାଗି ସୀତାରାମନ୍‌ ଅରାଜି

ନୂଆଦିଲ୍ଲୀ,୨୯-୭: ବିଦେଶୀ ସଭରେନ ବଣ୍ଡ ଜାରି କରି ଭାରତ ପ୍ରାୟ ୧୦ ବିଲିୟନ ଡଲାର ଋଣ ଆଣିବାକୁ ବିଚାର କରୁଛି। ଏହାକୁ ଦେଶର ବହୁ ନାମିଦାମୀ...

ରିଲାଏନ୍ସ ଦେଉଛି କିରାନା ସାମଗ୍ରୀ ଅର୍ଡର ସୁବିଧା

ନୂଆଦିଲ୍ଲୀ,୨୮।୪: ହ୍ବାଟ୍ସଆପ୍‌ ମାଧ୍ୟମରେ କିରାନା ସାମଗ୍ରୀ ଅର୍ଡର କରିବା ଲାଗି ରିଲାଏନ୍ସ ପକ୍ଷରୁ ସେବା ଭାରତରେ ଆରମ୍ଭ ହୋଇଛି। ଏହାକୁ ପ୍ରାଥମିକ ପର୍ଯ୍ୟାୟରେ ମୁମ୍ବାଇରେ ଶୁଭାରମ୍ଭ...

କରୋନା ଯୋଦ୍ଧାଙ୍କୁ ଓଜିବିକେଏସ୍‌ର ସମର୍ଥନ

ଭୁବନେଶ୍ୱର,୨୪।୪: କରୋନା ବିରୋଧରେ ଲଢୁଥିବା ବ୍ୟକ୍ତିବିଶେଷଙ୍କୁ ଓଡ଼ିଶା ଗ୍ରାମ୍ୟ ବ୍ୟାଙ୍କ(ଓଜିବି) ପକ୍ଷରୁ ସମର୍ଥନ କରାଯାଇଛି। କରୋନା ଯୋଦ୍ଧାଙ୍କୁ ସମର୍ଥନ ଜଣାଇ ବ୍ୟାଙ୍କ ଅଧିକାରୀ ଏବଂ କର୍ମଚାରୀମାନେ...

Coronavirus Update


Archives

Model This Week

Why Dharitri