ମୁମ୍ବାଇ,୧୯।୯: ମହାରାଷ୍ଟ୍ର ବିଧାନସଭା ନିର୍ବାଚନ ପାଖେଇ ଆସୁଥିବା ବେଳେ ସବୁ ରାଜନୈତିକ ଦଳ ଏହାକୁ ନେଇ ପ୍ରସ୍ତୁତି ଆରମ୍ଭ କରି ସାରିଲେଣି। ଏମିତିକି ପ୍ରାୟ ସବୁ ଦଳ ଆସନ ବାଣ୍ଟିବା କାମ ସାରିଲେଣି କହିଲେ ଚଳେ। କିନ୍ତୁ ଏପର୍ଯ୍ୟନ୍ତ ଭାଜପା ଓ ଶିବସେନା ମଧ୍ୟରେ ଆସନ ବଣ୍ଟା ଝିଣ୍ଡି ପାରୁ ନାହିଁ। ଗୋଟିଏ ପଟେ ଭାଜପା ଭୋଟ ବଢାଇବାର ଯୁକ୍ତି ବାଢୁଥିବା ବେଳେ ଅନ୍ୟପଟେ ଶିବସେନା କଂଗ୍ରେସ ଓ ଏନ୍ସିପି ନେତାଙ୍କୁ ଭାଜପାରେ ସାମିଲ କରିବାକୁ ପ୍ରୟାସ ଜାରି ରଖିଛି। ତେବେ ମହାରାଷ୍ଟ୍ର ବିଧାନସଭାର ୨୮୮ ଆସନ ମଧ୍ୟରୁ ଶିବସେନା ୧୪୪ ଆସନରେ ଲଢିବାକୁ ଚାହୁଁଥିବା ବେଳେ ଭାଜପା ମଧ୍ୟ ସେତିକିରେ ଲଢୁ ବୋଲି ସେ କହୁଛି। ଅନ୍ୟ ଭାଜପା ସହଯୋଗୀଙ୍କୁ ୧୮ ଆସନ ଦିଆଯାଉ ବୋଲି ଶିବାସନା ମତ ଦେଇଛି। ହେଲେ ଭାଜପା ଏଥିରେ ଅରାଜି ହେଉଥିବାରୁ ଶିବସେନା କହିଛି ଯଦି ତାକୁ ୧୪୪ ଆସନ ନ ମିଳେ ତେବେ ସେ ଭାଜପା ସହ ମେଣ୍ଟ କରିବ ନାହିଁ।
