ଭୁବନେଶ୍ୱର,୧୪।୧୨(ବ୍ୟୁରୋ): ନାଗରିକତ୍ୱ ସଂଶୋଧନ ଆଇନକୁ ନେଇ ପଶ୍ଚିମବଙ୍ଗରେ ଉତ୍ତେଜନା ପ୍ରକାଶ ପାଇଛି। ଏହାକୁ ନେଇ ଓଡ଼ିଶା- ହାଓଡା ମଧ୍ୟରେ ରେଳ ଚଳାଚଳ ବ୍ୟାହାତ ହୋଇଛି। ବିଶେଷକରି ପଶ୍ଚିମବଙ୍ଗର ଦକ୍ଷିଣ-ପୂର୍ବ ରେଳପଥର ଖଡଗପୁର ଓ ହାଓଡା ରେଳ ସେକ୍ସନ ମଧ୍ୟରେ ସଂକ୍ରାଏଲ, ମେରିଗ୍ରାମ, ବକ୍ରା ନୟାବାଜ ଓ ନଳପୁର ଷ୍ଟେଶନମାନଙ୍କରେ ଲୋକମାନଙ୍କଦ୍ୱାରା ବିକ୍ଷୋଭ ଯୋଗୁ ଓଡ଼ିଶା ଆସୁଥିବା ଓ ଓଡ଼ିଶାରୁ ଯାଉଥିବା ଟ୍ରେନ୍ ପ୍ରଭାବିତ ହୋଇଛି।
*ହାଓଡାରୁ ବାତିଲ ହୋଇଥିବା ଟ୍ରେନ:-
୧.୨୦୮୮୯ ହାଓଡା-ତିରୁପତି ହମସଫର ଏକ୍ସପ୍ରେସ
୨.୨୨୮୭୭ ହାଓଡା-ଏର୍ଣ୍ଣାକୁଲମ ଅନ୍ତର୍ଦ୍ୱୟ ଏକ୍ସପ୍ରେସ
୩.୧୨୮୪୧ ହାଓଡା-ଚେନ୍ନାଇ କରମଣ୍ଡଳ ଏକ୍ସପ୍ରେସ
୪.୧୨୨୪୫ ହାଓଡା-ଯଶୋବନ୍ତପୁର ଦୂରନ୍ତ ଏକ୍ସପ୍ରେସ
୫.୧୮୬୪୫ ହାଓଡା-ହାଇଦ୍ରାବାଦ ଇଷ୍ଟ କୋଷ୍ଟ ଏକ୍ସପ୍ରେସ
୬.୧୨୮୪୭ ହାଓଡା-ପୁଣେ ଦୂରନ୍ତ ଏକ୍ସପ୍ରେସ
୭.୧୨୮୬୦ ହାଓଡା-ମୁମ୍ବାଇ ଗୀତାଞ୍ଜଳି ଏକ୍ସପ୍ରେସ
*ସଂଲଗ୍ନ ଟ୍ରେନ ବାତିଲ ଯୋଗୁ ପୁରୀରୁ ବାତିଲ ହେଉଥିବା ଟ୍ରେନ:-
୧. ୨୨୮୯୦ ପୁରୀ-ଦିଘା ଏକ୍ସପ୍ରେସ ଶନିବାର ପୁରୀଠାରୁ
୨. ୫୮୦୦୨ ପୁରୀ-ସନ୍ତ୍ରାଗାଛି ପାସେଞ୍ଜର ରବିବାର ପୁରୀରୁ
୩. ୫୮୪୦୪ ପୁରୀ-ଖୋର୍ଦ୍ଧା ରୋଡ଼ ପାସେଞ୍ଜର ରବିବାର ପୁରୀରୁ
*ଆଂଶିକ ବାତିଲ ହେଉଥିବା ଟ୍ରେନ:-
୧. ଶନିବାର ପୁରୀରୁ ଛାଡିଥିବା ଶତାବ୍ଦୀ ଏକ୍ସପ୍ରେସ ହାଓଡା ପରିବର୍ତ୍ତେ ଖଡ଼ଗପୁରରୁ ଫେରିବ ଓ ଖଡ଼ଗପୁର ଓ ହାଓଡା ମଧ୍ୟରେ ଉଭୟ ଦିଗରୁ ବାତିଲ ରହିବ।
୨. ଶନିବାର ଭୁବନେଶ୍ୱରରୁ ଛାଡିଥିବା ଜନ ଶତାବ୍ଦୀ ଏକ୍ସପ୍ରେସ ହାଓଡା ପରିବର୍ତ୍ତେ ମେଛେଦାଠାରୁ ଫେରିବ ଓ ମେଛେଦା ଓ ହାଓଡା ମଧ୍ୟରେ ଉଭୟ ଦିଗରୁ ବାତିଲ ରହିବ।
*ସେହିଭଳି ମଧ୍ୟବର୍ତ୍ତୀ ଷ୍ଟେଶନମାନଙ୍କରେ ନିୟନ୍ତ୍ରିତ ହୋଇଥିବା ଟ୍ରେନ:-
୧. ଚେନ୍ନାଇ-ହାଓଡା କରମଣ୍ଡଳ ଏକ୍ସପ୍ରେସ ପାନ୍ସକୁରା ଠାରେ ଅଟକିଛି।
୨. ଯଶୋବନ୍ତପୁର-ହାଓଡା ଦୁରନ୍ତ ଏକ୍ସପ୍ରେସ ଭଦ୍ରକ ଠାରେ ଅଟକିଛି।
୩. ସିକନ୍ଦରାବାଦ-ହାଓଡା ଫଲକନାମା ଏକ୍ସପ୍ରେସ ଯାଜପୁର କେନ୍ଦୁଝର ରୋଡଠାରେ ଅଟକିଛି।
୪. ପୁରୀ-ହାଓଡା ଧଉଳି ଏକ୍ସପ୍ରେସ କଟକଠାରେ ଅଟକିଛି।
