ସବୁଠାରୁ ଖରାପ ସ୍ଥିତିରେ ବାଣିଜି୍ୟକ ପରିବେଶ

ମୁମ୍ବାଇ,୬-୧୦: ସେପ୍ଟେମ୍ବର ତ୍ରୈମାସରରେ ଦେଶର ବାଣିଜି୍ୟକ ପରିବେଶ ସବୁଠାରୁ ଖରାପ ସ୍ଥିତିରେ ପହଞ୍ଚିଛି। ୨୦୦୮ ଆର୍ଥତ୍କ ଦୁଃସ୍ଥିତି ପରେ ଏଭଳି ସ୍ଥିତି ଗତ ତ୍ରୈମାସରେ ଘରୋଇ ବଜାର ସାମ୍ନା କରିିଛି। ରିଜର୍ଭ ବ୍ୟାଙ୍କ ଅଫ୍‌ ଇଣ୍ଡିଆ ଏହାର ତ୍ରୈମାସିକ ସର୍ଭେରେ ଏହା ଶନିବାର ପ୍ରକାଶ କରିଛି। ଦେଶର ଅର୍ଥଅବସ୍ଥା ମାନ୍ଦାବସ୍ଥା ଦେଇ ଗତି କରୁଥିବାବେଳେ ଏହାର ପ୍ରକୃତ ସ୍ଥିତି ଏଭଳି ସର୍ଭେରୁ ସାମ୍ନାକୁ ଆସିଛି। ଏଭଳି ବିଭିନ୍ନ ପ୍ରସଙ୍ଗକୁ ବିଚାର କରିବା ପରେ ସରକାର ନିକଟରେ କର୍ପୋରେଟ ଟିକସ ହ୍ରାସ କରିଥିବା ବଜାର ବିଶେଷଜ୍ଞ କହିଛନ୍ତି। ୨୦୧୯-୨୦ ଆର୍ଥତ୍କ ବର୍ଷର ଦ୍ୱିତୀୟ ତ୍ରୈମାସରେ ମାନୁଫାକଚରିଂ କମ୍ପାନୀଗୁଡିକର ଅର୍ଡର ଲାଭ ୨୩% ଖସି ଯାଇଛି।
ସେହିଭଳି ଏହି ସମୟରେ ଦେଶର ଜିଡିପି ଅଭିବୃଦ୍ଧି ୬ ବର୍ଷର ସର୍ବନିମ୍ନ ସ୍ତର ୫%କୁ ଖସିଛି। ଶିଳ୍ପ ସଂସ୍ଥାଗୁଡିକର କ୍ଷମତା ବ୍ୟବହାରରେ ହ୍ରାସ ଘଟି ୭୩.୬କୁ କମିଛି। ଏହାର ପୂର୍ବ ତ୍ରୈମାସରେ ଏହା ୭୬.୧% ରହିଥିଲା। ବିମୁଦ୍ରୀକରଣ ପରେ ଏହି ସବୁଠାରୁ ସର୍ବନିମ୍ନ ସ୍ତରରେ ରହିଛି। ବିଭିନ୍ନ କାରଣ ଯୋଗୁ ଶିଳ୍ପ ସଂସ୍ଥାଗୁଡିକ ସେମାନଙ୍କ ପୂର୍ଣ୍ଣ କ୍ଷମତା ବ୍ୟବହାର କରିବା ପରିବର୍ତ୍ତେ ଏହାଠାରୁ ଢେର କମ୍‌ କରିଛନ୍ତି। ବିଶ୍ୱ ଆର୍ଥତ୍କ ମାନ୍ଦାବସ୍ଥା ପରେ ଚଳିତ ବର୍ଷ ମାନୁଫାକଚରିଂ କମ୍ପାନୀଗୁଡିକର କାର୍ଯ୍ୟକଳାପର ପ୍ରକୃତ ସ୍ଥିତିକୁ ରିଜର୍ଭ ବ୍ୟାଙ୍କ ଏହାର ଆସେସମେଣ୍ଟ ଇଣ୍ଡେକ୍ସରେ ପ୍ରକାଶ କରିଛି। କମ୍ପାନୀଗୁଡିକର ବାଣିଜ୍ୟ ଆଶା ମଧ୍ୟ କମିଛି। କମ୍ପାନୀଗୁଡିକର ଅର୍ଡର ଲାଭ ଆଶାତୀତ ଖସିବା, ଉତ୍ପାଦନ ହ୍ରାସ ଏବଂ ନିଯୁକ୍ତି କମିବା ଭଳି ପ୍ରସଙ୍ଗ ସମ୍ପର୍କରେ ସର୍ଭେରେ ଭାଗ ନେଇଥିବା ଅଧିକାଂଶ ମତ ରଖିଛନ୍ତି। ସେହିଭଳି ରପ୍ତାନି ଆମଦାନୀ କ୍ଷେତ୍ରରେ ଆଶା ଏତେଟା ଉନ୍ନତ ନୁହେଁ ବୋଲି ରିଜର୍ଭ ବ୍ୟାଙ୍କ ଶିଳ୍ପ ଆଉଟଲୁକ୍‌ ସର୍ଭେରେ ପ୍ରକାଶ କରିଛି।
ଋଣ ଉପରେ ସୁଧଦେୟଜନିତ ଏବଂ ବେତନ ପ୍ରଦାନ ଚାପ ସାମାନ୍ୟ ହ୍ରାସ ଘଟିଛି। ମାତ୍ର ଲାଭ ମାର୍ଜିନ ଏବେ ମଧ୍ୟ ଦୁର୍ବଳ ରହିଛି। ଏହାକୁ ବଜାର ବିଶେଷଜ୍ଞମାନେ ସହଜରେ ଗ୍ରହଣ କରି ପାରୁ ନ ଥିବା ବେଳେ ଅତ୍ୟନ୍ତ ଚିନ୍ତା ପ୍ରକଟ କରିଛନ୍ତି। ଶିଳ୍ପଗୁଡିକର କ୍ଷମତା ବ୍ୟବହାର ୭୬%କୁ ଖସିଥିବା ବେଳେ ପୁଞ୍ଜି ଖର୍ଚ୍ଚ ଚକ୍ରକୁ ପୂର୍ବ ବ୍ୟବସ୍ଥାକୁ ଫେରାଇ ଆଣିବା ଏକ ଚ୍ୟାଲେଞ୍ଜ। ଏକ୍ଷେତ୍ରରେ ସ୍ଥିିତାବସ୍ଥା କେବେ ଫେରିବ ତାକୁ ନେଇ ଠିକ୍‌ ଭାବେ କିଛି କହି ହେବ ନାହିଁ। ଏଭଳି ସ୍ଥିତିରେ ଶିଳ୍ପଗୁଡିକ ନୂଆ ଅର୍ଡର କମିବା ଏକ ଚିନ୍ତାର କାରଣ ବୋଲି ଭାରତର ପୂର୍ବତନ ମୁଖ୍ୟ ପରିସଂଖ୍ୟାନ ଅଧିକାରୀ ତଥା ଅର୍ଥନୀତିଜ୍ଞ ପ୍ରଣବ ସେନ୍‌ କହିଛନ୍ତି। ସେହିଭଳି ଖାଉଟି ଆତ୍ମବିଶ୍ୱାସ ପ୍ରଭାବିତ ହୋଇଥିବା ଏନେଇ କରାଯାଇଥିବା ସର୍ଭେରେ ପ୍ରକାଶ ପାଇଛି। ସେପ୍ଟେମ୍ବର ସର୍ଭେରେ ଖାଉଟିଙ୍କ ଆତ୍ମବିଶ୍ୱାସ ଦୁର୍ବଳ ହୋଇଛି। ଆଗାମୀ ଦିନର ଆୟକୁ ନେଇ ପରିବାରଗୁଡିକର ଆଶା କ୍ଷେତ୍ରରେ ପ୍ରଭାବ ଦେଖାଯାଇଛି ବୋଲି ରିଜର୍ଭ ବ୍ୟାଙ୍କ ପ୍ରକାଶ କରିଛି। ମୋଟ ଖର୍ଚ୍ଚ ଏବଂ ଆବଶ୍ୟକୀୟ ଖର୍ଚ୍ଚ ଉନ୍ନତ ସ୍ଥିତିରେ ରହିଛି। ମାତ୍ର ଅନ୍ୟାନ୍ୟ ଖର୍ଚ୍ଚ ଦୁର୍ବଳ ସ୍ଥିତିରେ ରହିଛି। ଏଭଳି ବିଭିନ୍ନ ପ୍ରସଙ୍ଗ ଚାହିଦା କମିବାର ପ୍ରମୁଖ କାରଣ ବୋଲି ବିଶେଷଜ୍ଞ କହୁଛନ୍ତି। ଆଗାମୀ କିଛି ମାସରେ ସାଧାରଣ ମୂଲ୍ୟ ବଢିବା ନେଇ ଲୋକମାନେ ମତ ରଖିଛନ୍ତି। ଏଭଳି ସ୍ଥିତିରେ ମୁଦ୍ରାସ୍ଫୀତି ମଧ୍ୟ ବଢିବ ବୋଲି କୁହାଯାଇଛି। ସର୍ଭେରେ କୁହାଯାଇଛି, ୨୦୧୯-୨୦ରେ ଜିଡିପି ଅଭିବୃଦ୍ଧି ୬.୨% ରହିବ। ୨୦୨୦-୨୧ରେ ଏହା ୭% ଛୁଇଁବ ଯାହା ପୂର୍ବର ଆକଳନଠାରୁ କମ୍‌।


Enter your email to get our daily news in your inbox.

All Right Reserved By Dharitri.Com

ସାଲୁ ଜିନ୍ଦଲଙ୍କୁ ମହାତ୍ମା ପୁରସ୍କାର

ନୂଆଦିଲ୍ଲୀ,୨-୧୦: ଜେଏସ୍‌ପିଏଲ୍‌ ଫାଉଣ୍ଡେଶନ ସହଅଧ୍ୟକ୍ଷା ସାଲୁ ଜିନ୍ଦଲଙ୍କୁ ମହାତ୍ମା ଆଓ୍ବାର୍ଡ ଫର ଲିଡରଶିପ ଇନ୍‌ କର୍ପୋରେଟ ସୋସିଆଲ ରେସପନ୍ସବିଲିଟି ସମ୍ମାନରେ ସମ୍ମାନୀତ କରାଯାଇଛି। ଗୁରୁଗ୍ରାମଠାରେ ଅନୁଷ୍ଠିତ...

ତେଲ ପାଇଁ କେନ୍ଦ୍ର-ରାଜ୍ୟ ସହମତି ଲୋଡ଼ା

ପେଟ୍ରୋଲ ଏବଂ ଡିଜେଲ ଉପରେ ଜିଏସ୍‌ଟି ଲାଗୁ କରିବା ପାଇଁ କେରଳ ହାଇକୋର୍ଟ ଶୁଣାଣି କରିଥିଲେ। ଏହି ପ୍ରସଙ୍ଗ ଉପରେ ମଧ୍ୟ ଆଲୋଚନା ହେବା ବିଶେଷ...

କରୋନା ପରବର୍ତ୍ତୀ ଭିତ୍ତିଭୂମି ବିକାଶ ‌: ୩ ବର୍ଷରେ ୭ ନୂଆ ଟେକ୍ସଟାଇଲ ପାର୍କ

ନୂଆଦିଲ୍ଲୀ, ୧।୨: କରୋନା ପରବର୍ତ୍ତୀ ଭିତ୍ତିଭୂମି ବିକାଶ ଉପରେ ଚଳିତ ବଜେଟରେ ଗୁରୁତ୍ୱାରୋପ କରାଯାଇଛି। ଆସନ୍ତା ୩ ବର୍ଷ ମଧ୍ୟରେ ଦେଶରେ ୭ ନୂଆ ଟେକ୍ସଟାଇଲ...

ଫର୍ଚୁନ ବିଜନେସ୍‌ ପର୍ସନ ଅଫ୍‌ ଦି ଇୟର ତାଲିକାରେ ୩ ଭାରତୀୟ

ନୂଆଦିଲ୍ଲୀ,୨୧-୧୧: ଫର୍ଚୁନ ପକ୍ଷରୁ ପ୍ରକାଶିତ ୨୦୧୯ ବିଜନେସ ପର୍ସନ ଅଫ୍‌ ଦି ଇୟର ତାଲିକାରେ ୩ ଭାରତୀୟ ସାମିଲ ହୋଇଛନ୍ତି। ଏମାନଙ୍କ ମଧ୍ୟରେ ମାଇକ୍ରୋସଫ୍ଟ ସିଇଓ...

ବିଭିନ୍ନ ବ୍ୟାଙ୍କରେ ରହିଛି ୬୨୦୮.୦୩ କୋଟି ଟଙ୍କା, ହାଇକୋର୍ଟରେ ଡିଏମଆରସିର ସୂଚନା…

ନୂଆଦିଲ୍ଲୀ, ୧୧।୧ : ଦିଲ୍ଲୀ ମେଟ୍ରୋ ରେଳ ନିଗମ ଲିମିଟେଡ (ଡିଏମଆରସି)ର ବିଭିନ୍ନ ବ୍ୟାଙ୍କରେ ମୋଟ ୬୨୦୮.୦୩ କୋଟି ଟଙ୍କା ରହିଛି। ଏନେଇ ଡିଏମଆରସି ପକ୍ଷରୁ...

କଠିନ ଅଧ୍ୟବସାୟରୁ ସଫଳତା

ପାଞ୍ଚ ଦଶନ୍ଧି ତଳେ ଭୁବନେଶ୍ୱର କହିଲେ ହାତଗଣତି କିଛି ବଜାର ଓ ଅଞ୍ଚଳକୁ ବୁଝାଉଥିଲା। ୧୯୭୦ ମସିହାରେ ଜଣେ ସଫଳ ବ୍ୟବସାୟୀ ଭାବେ ଖ୍ୟାତି ଅର୍ଜନ...

ସାମ୍‌ସଙ୍ଗ୍‌ର ନୂଆ ଗାଲାକ୍ସି ଏସ୍‌୨୦ ଏଫ୍‌ଇ

ନୂଆଦିଲ୍ଲୀ: ସାମ୍‌ସଙ୍ଗ୍‌ ଇଲେକ୍‌ଟ୍ରୋନିକ୍ସ କମ୍ପାନୀ ଲିମିଟେଡ୍‌ ପକ୍ଷରୁ ନୂଆ ଗାଲାକ୍ସି ଏସ୍‌୨୦ ଫ୍ୟାନ୍‌ ଏଡିଶନ(ଏଫ୍‌ଇ)ର ବଜାର ପ୍ରବେଶ କରାଯାଇଛି। ଗାଲାକ୍ସି ଏସ୍‌ ୨୦ ସିରିଜରେ ଏହା...

ଏଲ୍‌ପିଜି ଦର ୧୧.୫ ଟଙ୍କା ବଢ଼ିଲା

ନୂଆଦିଲ୍ଲୀ,୨।୬: ସୋମବାର ଅଣ ସବ୍‌ସିଡି ଏଲ୍‌ପିଜି କ୍ଷେତ୍ରରେ ସିଲିଣ୍ଡର ପିଛା ୧୧.୫ ଟଙ୍କା ମୂଲ୍ୟ ବୃଦ୍ଧି ଘଟିଛି। ସେହିଭଳି ବିମାନ ଇନ୍ଧନ ବା ଏଟିଏଫ୍‌ ମୂଲ୍ୟ...

Advertisement
Archives

Model This Week