ସତ୍ୟ ଜାଣିବାର ଶକ୍ତି ରାଧାନାଥଙ୍କର ଥିଲା: ତଥାଗତ

କଟକ ଅଫିସ, ୭।୧୨: କେଉଁଟା ସତ କେଉଁଟା ମିଛ ତାହା ଜାଣିବାର ଶକ୍ତି ରାଧାନାଥ ରଥଙ୍କ ପାଖରେ ଥିଲା। ସେ ଜଣେ ବ୍ୟକ୍ତି ନ ଥିଲେ, ସେ ଥିଲେ ଏକ ଅନୁଷ୍ଠାନ। ସମାଜର ଚିନ୍ତାଧାରା ରାଧାନାଥଙ୍କଠାରୁ ହିଁ ଆରମ୍ଭ ହୋଇଥିଲା। ଏ ଜାତିର ମାନସିକତା ସମାଜ ସହିତ ରହିଛି। ସମାଜକୁ ସେ ନିଜର ସମ୍ପତ୍ତି ଭାବେ କେବେ ଦେଖି ନ ଥିଲେ। ସେ ଏହାକୁ ଅନୁଷ୍ଠାନ ବୋଲି କହୁଥିଲେ। ପଦ୍ମଭୂଷଣ ଡ. ରାଧାନାଥ ରଥଙ୍କ ୧୨୩ତମ ଜୟନ୍ତୀ ସମାରୋହରେ ମୁଖ୍ୟଅତିଥି ଭାବେ ଯୋଗଦେଇ ଧରିତ୍ରୀ ଏବଂ ଓଡିଶା ପୋଷ୍ଟର ସମ୍ପାଦକ ତଥାଗତ ସତପଥୀ ଏହି କଥା କହିଛନ୍ତି। ଶୁକ୍ରବାର ବକ୍ସିବଜାରସ୍ଥିତ ଗୋପବନ୍ଧୁ ଭବନରେ ଏହି ଅବସରରେ ଏକ ସଭାର ଆୟୋଜନ କରାଯାଇଥିଲା।
ଉଦ୍‌ବୋଧନ ଦେବାବେଳେ ତଥାଗତ କହିଥିଲେ ଯେ, ବିଭିନ୍ନ ସମୟରେ ଭିନ୍ନ ଭିନ୍ନ ଚିନ୍ତାଧାରା ଏ ଦେଶକୁ ଆସିଛି। ଚିନ୍ତାଧାରାକୁ ଗଢ଼ିଥିବା ଲୋକଙ୍କୁ ସମାଲୋଚନା ମଧ୍ୟ କରାଯାଉଛି। କିନ୍ତୁ ରାଧାନାଥ ସମସ୍ତ ସମାଲୋଚନାର ଊର୍ଦ୍ଧ୍ୱରେ। ତଥାଗତ ଦେଶପ୍ରେମ ଓ ଦେଶଭକ୍ତିକୁ ସୁନ୍ଦର ଭାବେ ବିଶ୍ଳେଷଣ କରିଥିଲେ। ଦେଶପ୍ରେମର କୌଣସି ଭୌଗୋଳିକ ସୀମା ନାହିଁ। ଏହା କୌଣସି ଏକ ନିର୍ଦ୍ଦିଷ୍ଟ ସୀମା ମଧ୍ୟରେ ଆବଦ୍ଧ ନୁହେଁ, ଯାହା ରାଧାନାଥଙ୍କ ବ୍ୟକ୍ତିତ୍ୱରୁ ଜଣାପଡ଼େ। ସେ ଥିଲେ ସମାଜ (ସୋସାଇଟି)ର ମୁରବି। ରାଜନେତାଙ୍କଠାରୁ ଆରମ୍ଭ କରି ବିଭିନ୍ନ ପଦପଦବୀଧାରୀ ରାଧାନାଥଙ୍କଠାରୁ ଆଶୀର୍ବାଦ ନେବାକୁ ଆସୁଥିଲେ। କାରଣ ରାଧାନାଥ ସେମାନଙ୍କୁ ଉଚିତ ମାର୍ଗରେ ଯିବାକୁ ଦିଗ୍‌ଦର୍ଶନ ଦେବେ ବୋଲି ସେମାନଙ୍କ ମଧ୍ୟରେ ଦୃଢ ଆଶା ଓ ଭରସା ଥିଲା। ଗଣତନ୍ତ୍ର ଉପରେ ମତଦେଇ ତଥାଗତ କହିଥିଲେ, ଏକ ଗଣତାନ୍ତ୍ରିକ ରାଷ୍ଟ୍ରରେ ନାଗରିକ ହିଁ ସବୁଠୁ ବଡ଼। ପ୍ରଧାନମନ୍ତ୍ରୀ, ମୁଖ୍ୟମନ୍ତ୍ରୀ ଇତ୍ୟାଦି ପାଣି ସ୍ରୋତର ଅସ୍ଥାୟୀ ଫୋଟକା ଭଳି। କିନ୍ତୁ ନାଗରିକ ହେଉଛନ୍ତି ସ୍ଥାୟୀ। ଆମେ ଆଜି ଯାହା କରୁଛେ ତା’ର ବିଚାର ଆସନ୍ତାକାଲିର ଯୁବପିଢି କରିବେ। ବର୍ତ୍ତମାନ ଭବିଷ୍ୟତଠାରୁ ଧାର ଆଣୁଛି। ତେଣୁ ବର୍ତ୍ତମାନର ଯୁବପିଢି ରାଧାନାଥଙ୍କ ଭଳି ହେବାକୁ ଚେଷ୍ଟା କରିବା ଉଚିତ ବୋଲି ତଥାଗତ କହିଥିଲେ। ଏହି ଅବସରରେ ରାଧାନାଥଙ୍କ ସହିତ ପ୍ରଥମ ଭେଟ ସମୟର କଥାକୁ ତଥାଗତ ସ୍ମରଣ କରିଥିଲେ।
ସଭାରେ ମୁଖ୍ୟବକ୍ତା ଭାବେ କିସ୍‌ ବିଶ୍ୱବିଦ୍ୟାଳୟର କୁଳପତି ପ୍ରଫେସର ଡ. ହରେକୃଷ୍ଣ ଶତପଥୀ ରାଧାନାଥଙ୍କ ସ୍ମୃତିଚାରଣ କରିବା ସହିତ ନିଜ ଅନୁଭୂତିକୁ ବାଖ୍ୟା କରିଥିଲେ। ସେ ନିଜ ବକ୍ତବ୍ୟରେ ବିବେକାନନ୍ଦ-ରାମକୃଷ୍ଣ ପରମହଂସଙ୍କ ଭଳି ରାଧାନାଥ-ଗୋପବନ୍ଧୁଙ୍କୁ ତୁଳନା କରିଥିଲେ। ଶତପଥୀ କହିଥିଲେ ଯେ, ରାଧାନାଥ ଥିଲେ ସାଧୁତା, ସଚ୍ଚୋଟତାର ମୂର୍ତ୍ତିମନ୍ତ ପ୍ରତୀକ। ଶିକ୍ଷା, ସଂସ୍କୃତି ଓ ବ୍ୟକ୍ତି ଚରିତ୍ରରେ ପରିବର୍ତ୍ତନ ଆଣିବା ସହିତ ଚରିତ୍ର ନିର୍ମାଣ ପାଇଁ ରାଧାନାଥ ଉଦ୍ୟମ କରୁଥିଲେ ବୋଲି ସେ କହିଥିଲେ। ସମାଜର ପ୍ରକାଶକ ଓ ମୁଦ୍ରାକର ନିରଞ୍ଜନ ରଥ ସଭାରେ ଅଧ୍ୟକ୍ଷତା କରି ରାଧାନାଥଙ୍କୁ ଯୁଗସ୍ରଷ୍ଟା ଭାବେ ଅଭିହିତ କରିଥିଲେ। ସେ କହିଥିଲେ ଯେ, ରାଧାନାଥଙ୍କ ନିକଟରେ ନିଭର୍ର୍ୀକତା ଓ ଉଦାରତା ଭରି ରହିଥିଲା। ସମୟ ବଦଳିବା ସହିତ ସମାଜ ମଧ୍ୟ ବଦଳିଛି। ସମାଜ ପୂର୍ବରୁ ବେତ ଥିଲା। ମାତ୍ର ଏବେ ଛତା ପାଲଟିଛି ବୋଲି ରଥ କହିଥିଲେ। ସମାଜ ସମ୍ପାଦକ ବାମାପଦ ତ୍ରିପାଠୀ ସ୍ବାଗତ ଭାଷଣ ଓ ଅତିଥି ପରିଚୟ ଦେଇଥିଲେ। ଏହି ଅବସରରେ କଟକ ମହାନଗର ଶାନ୍ତି କମିଟିର ସଭାପତି ଦେବେନ୍ଦ୍ର ସାହୁ ଓ ସମ୍ପାଦକ ଭିକାରି ଦାସଙ୍କୁ ମୁଖ୍ୟଅତିଥି ଓ ମୁଖ୍ୟବକ୍ତା ସମ୍ମାନିତ କରିଥିଲେ। ସେହିପରି ସମାଜ ପକ୍ଷରୁ ମୁଖ୍ୟଅତିଥି ଏବଂ ମୁଖ୍ୟବକ୍ତାଙ୍କୁ ସମ୍ବର୍ଦ୍ଧିତ କରାଯାଇଥିଲା। ସମାଜ ରିଲିଫ୍‌ କମିଟିର ସମ୍ପାଦକ ଡ. ପ୍ରଭାସ ଆଚାର୍ଯ୍ୟ କାର୍ଯ୍ୟକ୍ରମ ପରିଚାଳନା କରିଥିବା ବେଳେ ସମାଜ ସଂଯୋଜକ ସୁରେଶ ଚନ୍ଦ୍ର ମନ୍ତ୍ରୀ ଧନ୍ୟବାଦ ଦେଇଥିଲେ। ପ୍ରାରମ୍ଭରେ ଅତିଥିମାନେ ବକ୍ସିବଜାର ଛକରେ ଥିବା ରାଧାନାଥଙ୍କ ପୂର୍ଣ୍ଣାବୟବ ପ୍ରତିମୂର୍ତ୍ତିରେ ମାଲ୍ୟାର୍ପଣ କରିବା ସହିତ ଗୋପବନ୍ଧୁ ଭବନ ପରିସରରେ ଥିବା ରାଧାନାଥ ଓ ଓଡ଼ିଶାର ପ୍ରଥମ ମୁଖ୍ୟମନ୍ତ୍ରୀ ବିଶ୍ୱନାଥ ଦାଶଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରିଥିଲେ।


Enter your email to get our daily news in your inbox.

All Right Reserved By Dharitri.Com

୪ ଏକର ଡଙ୍ଗର ଜମିକୁ ଚାଷୋପଯୋଗୀ କଲେ ୯୦ ବର୍ଷୀୟ ବୃଦ୍ଧ

ପାପଡାହାଣ୍ଡି,୩।୨(ଡି.ଏନ.ଏ)-ନବରଙ୍ଗପୁର ଜିଲା ପାପଡାହାଣ୍ଡି ବ୍ଲକର ଗାଦବା କତରା ଗ୍ରାମର ମୁନା ମାଧବ। ବୟସ ୯୦ରୁ ଊର୍ଦ୍ଧ୍ୱ । ତଥାପି ଜୀବନରେ ହାର ମାନି ନାହାନ୍ତି ।...

ଜନନୀ ଯନ୍ତ୍ରଣା: ଗ୍ରାମକୁ ରାସ୍ତା ନ ଥିବାରୁ ଭାରରେ ବୁହାହେଲେ ଗର୍ଭବତୀ

ଚିତ୍ରକୋଣ୍ଡା,୨୩।୩(ଡି.ଏନ୍‌.ଏ.): ନଜରକୁ ଆସିଛି ଆଉ ଏକ ଜନନୀ ଯନ୍ତ୍ରଣା। ଗ୍ରାମକୁ ରାସ୍ତା ନ ଥିବାରୁ ଗର୍ଭବତୀଙ୍କୁ ଭାରରେ ବୁହାଇବାକୁ ପଡ଼ିଛି। ରବିବାର ଏପରି ଦେଖିବାକୁ ମିଳିଛି...

ପାଚିକା ଚୟନ ପ୍ରତିବାଦରେ ଗ୍ରାମବାସୀଙ୍କ ଧାରଣା

ଭୋଗରାଇ,୧୨।୨(ଡି.ଏନ.ଏ.)-ବାଲେଶ୍ୱର ଜିଲା ଭୋଗରାଇ ବ୍ଲକ ଅଧୀନ କୁମ୍ଭାରମୂଳୀ ପ୍ରାଥମିକ ବିଦ୍ୟାଳୟରେ ପାଚିକା ଚୟନ ପ୍ରତିବାଦରେ ମଙ୍ଗଳବାର ଗ୍ରାମବାସୀ ଓ ଛାତ୍ରୀଛାତ୍ରମାନେ ପୂର୍ବାହ୍ନ ସ୍କୁଲ ଖୋଲିବା ପୂର୍ବରୁ...

ଯୁବତୀଙ୍କୁ ଏସିଡ୍‌ ମାଡ଼ ମାମଲା: ଦୋଷୀଙ୍କୁ ୧୦ ବର୍ଷ ସଶ୍ରମ କାରାଦଣ୍ଡ ସହିତ ୧ଲକ୍ଷ ଟଙ୍କା ଜରିମାନା

ଧର୍ମଗଡ଼,୫।୭(ଡି.ଏନ.ଏ.): କଳାହାଣ୍ଡି ଜିଲା କଲମପୁର ବ୍ଲକ ଅନ୍ତର୍ଗତ ଖଣ୍ଡିଡଙ୍ଗରୀଗୁଡାର ଯୁବତୀଙ୍କୁ ଜଣେ ଯୁବକ ଏକତରଫା ପ୍ରେମ କରୁଥିଲେ । ଯୁବତୀ ଜଣକ ଏହାକୁ ବିରୋଧ କରିବାରୁ...

ପାଳନ ହେଉନି ବର୍ଜ୍ୟବସ୍ତୁ ନିୟମାବଳୀ

ଅନୁଗୋଳ ଅଫିସ, ୮ା୧: ଆବଶ୍ୟକ ସଂଖ୍ୟକ ଡାକ୍ତର ଅଭାବରୁ ଅନୁଗୋଳ ଜିଲାରେ ସରକାରୀ ସ୍ବାସ୍ଥ୍ୟସେବାର ସୁଫଳ ରୋଗୀଙ୍କୁ ମିଳୁନି। ଏହାର ସୁଯୋଗ ନେଇ ଜିଲାରେ ଘରୋଇ...

ଅମାନିଆଙ୍କୁ ଜରିମାନା

କୁଆମରା, ୬।୫(ଡି.ଏନ.ଏ.)-ଅମାନିଆଙ୍କୁ ନିୟନ୍ତ୍ରଣକୁ ଆଣିବା ପାଇଁ ଖୁଣ୍ଟା ଥାନା ପକ୍ଷରୁ ପ୍ରୟାସ ଜାରି ରହିଛି। ବିନା ହେଲମେଟ ଓ ମାସ୍କ ପିନ୍ଧି ନ ଥିବା ବାଇକ...

ଦୁର୍ବୃତ୍ତଙ୍କ ଆକ୍ରମଣରେ ୨ ଯୁବକ ଗୁରୁତର

ସାଲେପୁର,୨୮।୧୧(ଡି.ଏନ୍‌.ଏ.): କଟକ ଜିଲା ସାଲେପୁର ବ୍ଲକ ମାଛୁଆତି ବଜାରରେ ଦୁର୍ବୃତ୍ତଙ୍କ ଆକ୍ରମଣରେ ଦୁଇଜଣ ଯୁବକ ଗୁରୁତର ହୋଇଛନ୍ତି। ସ୍ଥାନୀୟଲୋକେ ଯୁବକଦ୍ୱୟଙ୍କୁ ଉଦ୍ଧାର କରି ସାଲେପୁର ଗୋଷ୍ଠୀ...

ପରୀକ୍ଷା ଖାତା ମୂଲ୍ୟାୟନକାରୀଙ୍କ ପାଉଣା ବଢ଼ିବ: ଉଚ୍ଚଶିକ୍ଷା ମନ୍ତ୍ରୀ

ଭୁବନେଶ୍ୱର, ୨୮।୮(ବ୍ୟୁରୋ): ଏଣିକି ପରୀକ୍ଷା ଖାତା ମୂଲ୍ୟାୟନ କେନ୍ଦ୍ର ଓ ପ୍ରଶ୍ନପତ୍ର ସେଟ୍‌ ବଢ଼ିବ। ସେହିଭଳି ମୂଲ୍ୟାୟନକାରୀଙ୍କ ପାଉଣା ମଧ୍ୟ ବଢ଼ାଯିବ ବୋଲି ଉଚ୍ଚଶିକ୍ଷା ମନ୍ତ୍ରୀ...

Advertisement


Archives

Model This Week