ସଙ୍କଟରେ ‘ବ୍ୟାଙ୍କ ଅନ୍‌ ହୁଇଲ୍ସ’

ଭୁବନେଶ୍ୱର,୨ା୯: ରାଜ୍ୟର ଦୁର୍ଗମ ଅଞ୍ଚଳକୁ ବ୍ୟାଙ୍କ ସୁବିଧା ଯୋଗାଇ ଦେବା ସକାଶେ ରାଜ୍ୟ ସରକାର ଆରମ୍ଭ କରିଥିଲେ ‘ବ୍ୟାଙ୍କ ଅନ୍‌ ହୁଇଲ୍ସ’ ଯୋଜନା। ବହୁ ଆଡ଼ମ୍ବରରେ ଆରମ୍ଭ କରାଯାଇଥିବା ଏହି ଯୋଜନା ପ୍ରାୟ ୪ ବର୍ଷ ପରେ ବାଟ ହୁଡ଼ିଲାଣି। ଦୁର୍ଗମ ଅଞ୍ଚଳକୁ ଆଉ ଗଡୁ ନାହିଁ ବ୍ୟାଙ୍କ ଗାଡ଼ି। ଏହି ଯୋଜନା କାର୍ଯ୍ୟକାରୀ କରୁଥିବା ଜିଲା କେନ୍ଦ୍ରୀୟ ସମବାୟ ବ୍ୟାଙ୍କ (ଡିସିସିବି)ଗୁଡିକ ଖର୍ଚ୍ଚ ବୋଝରେ ଅତିଷ୍ଠ ହେଲେଣି। ଠିକ୍‌ ଢଙ୍ଗରେ ରକ୍ଷଣାବେକ୍ଷଣ କରାଯାଇ ପାରୁ ନ ଥିବାରୁ ବ୍ୟାଙ୍କ ସେବା ଯୋଗାଇବାକୁ କିଣାଯାଇଥିବା ଗାଡ଼ି ଖତ ଖାଇବାକୁ ମଧ୍ୟ ବସିଲାଣି।
୨୦୧୫ ସେପ୍ଟେମ୍ବର ୯ରେ ରାଜ୍ୟ ସରକାର ଏହି ଯୋଜନା ଆରମ୍ଭ କରିଥିଲେ। ରାଜ୍ୟର ଆଦିବାସୀ ବହୁଳ ଅଞ୍ଚଳ ଏବଂ ବ୍ୟାଙ୍କ ସୁବିଧା ନ ଥିବା ଅଞ୍ଚଳରେ ଏହି ସେବା ଯୋଗାଇ ଦେବାକୁ ଲକ୍ଷ୍ୟ ରଖାଯାଇଥିଲା। ଏଥିରେ ଗରିବ ଆଦିବାସୀ ଏବଂ ଚାଷୀମାନେ ଉପକୃତ ହୋଇଥାଆନ୍ତେ। ପ୍ରଥମ ପର୍ଯ୍ୟାୟରେ ୧୬ ଜିଲାର ୨୦ଟି ଆଦିବାସୀ ବହୁଳ ଓ ପଛୁଆ ବ୍ଲକକୁୁ ଏହି ଯୋଜନାରେ ସାମିଲ କରାଯାଇଥିଲା। ଏଥିପାଇଁ ରାଷ୍ଟ୍ରୀୟ କୃଷି ବିକାଶ ଯୋଜନା(ଆରକେଭିଓ୍ବାଇ)ରେ ୨୦ଟି ମିନିବସ୍‌ କିଣିବା ପାଇଁ ୬ କୋଟି ଟଙ୍କା ଯୋଗାଇ ଦିଆଯାଇଥିଲା। କେନ୍ଦୁଝର ଜିଲାର ବାଂଶପାଳ ଓ ତେଲକୋଇ, ନବରଙ୍ଗପୁର ଜିଲାର କୋଷାଗୁୁମୁଡା, କୋରାପୁଟ ଜିଲାର ଦଶମନ୍ତପୁର, ରାୟଗଡା ଜିଲାର ପଦ୍ମପୁର, ସୁନ୍ଦରଗଡ଼ ଜିଲାର ଲାଠିକଟା ଓ କୁଆଁରମୁଣ୍ଡା, ଗଜପତି ଜିଲାର ଆର. ଉଦୟଗିରି, କଳାହାଣ୍ଡି ଜିଲାର କର୍ଲାମୁଣ୍ଡା, ଥୁଆମୂଳ ରାମପୁର, ମୟୂରଭଞ୍ଜ ଜିଲାର ତିରିଙ୍ଗି, ଶ୍ୟାମାଖୁଣ୍ଟା, ସମ୍ବଲପୁର ଜିଲାର ଜୁଜୁମୁରା, ଅନୁଗୋଳ ଜିଲାର ପାଲଲହଡା, ଢେଙ୍କାନାଳ ଜିଲାର ପରଜଙ୍ଗ, ବୌଦ୍ଧ ଜିଲାର କଣ୍ଟାମାଳ, କନ୍ଧମାଳ ଜିଲାର ଦାରିଙ୍ଗବାଡି, ନୟାଗଡ ଜିଲାର ଦଶପଲ୍ଲା, ଗଞ୍ଜାମ ଜିଲାର ଜଗନ୍ନାଥପ୍ରସାଦ ଓ ମାଲକାନଗିରି ଜିଲାର କୁଡୁମୁଲୁଗୁମା ବ୍ଲକରେ ଏହି ଯୋଜନା କାର୍ଯ୍ୟକାରୀ ହୋଇଛି। ପ୍ରତ୍ୟେକ ବ୍ଲକକୁ ଗୋଟିଏ ଲେଖାଏ ମିନିବସ୍‌ ଯୋଗାଇ ଦିଆଯାଇଛି। ଏହି ଯୋଜନାରେ ଲୋକେ ଘର ପାଖରେ ବ୍ୟାଙ୍କ ସୁବିଧା ପାଇପାରିବେ। ବ୍ୟାଙ୍କ ଆକାଉଣ୍ଟ ଖୋଲିବା ସହ ଏଟିଏମ୍‌ରୁ ପଇସା ଉଠାଇ ପାରିବେ। ଏହାର ତଦାରଖ ଦାୟିତ୍ୱ ରାଜ୍ୟ ସରକାର ଓଡ଼ିଶା ରାଜ୍ୟ ସମବାୟ ବ୍ୟାଙ୍କ(ଓଏସ୍‌ସିବି) ଉପରେ ଦାୟିତ୍ୱ ନ୍ୟସ୍ତ କରିଛନ୍ତି। ଓଏସସିବିରେ ଥିବା ଡାଟା ସେଣ୍ଟର ସହ ତାହାକୁ ସଂଯୋଗ କରାଯିବ। ସମବାୟ ବ୍ୟାଙ୍କ ଖାତାଧାରୀମାନେ ଗାଡ଼ିରେ ଲାଗିଥିବା କିଓସ୍କୋ ଜରିଆରେ ବ୍ୟାଙ୍କ ସମ୍ବନ୍ଧୀୟ ସମସ୍ତ ସୂଚନା ପାଇପାରିବେ। ଏହାଛଡ଼ା ବ୍ୟାଙ୍କ ଅନ୍‌ ହୁଇଲ୍ସରେ ଲାଗିଥିବା ଟେଲିଭିଜନ ପରଦାରେ କେନ୍ଦ୍ରୀୟ ସମବାୟ ବ୍ୟାଙ୍କର ବିଭିନ୍ନ ସ୍କିମ ଏବଂ ସେବା ବିଷୟରେ ତଥ୍ୟ ଉପଲବ୍ଧ ହୋଇପାରିବ। ମୋଟାମୋଟି କହିବାକୁ ଗଲେ ଏହା ଏକ କ୍ଷୁଦ୍ର ବ୍ୟାଙ୍କ ଭଳି କାର୍ଯ୍ୟ କରିବ। କିଷାନ କ୍ରେଡିଟ କାର୍ଡ ପାଇଥିବା ବ୍ୟକ୍ତି ଓ ବ୍ୟାଙ୍କ ଖାତାଧାରୀମାନେ ଏହା ଜରିଆରେ ଟଙ୍କା ଦେଣନେଣ କରିପାରିବେ। ଜିଲା ସମବାୟ ବ୍ୟାଙ୍କ ଉପରେ ଏହାର ପରିଚାଳନା ଦାୟିତ୍ୱ ଦିଆଯାଇଛି। ଆରମ୍ଭ ବେଳେ ବ୍ୟାଙ୍କଗୁଡିକ ଏହି ଗାଡ଼ିଗୁଡିକୁ ଉତ୍ସାହର ସହ ନେଇଯାଇଥିଲେ। ତେବେ ଏହାର ପରିଚାଳନା ଓ ରକ୍ଷଣାବେକ୍ଷଣ ଜନିତ ବ୍ୟୟ ଭାରରେ ବ୍ୟାଙ୍କଗୁଡିକ ନୟାନ୍ତ ହେଲେଣି। ସମୁଦାୟ ୨୦ ଗାଡ଼ିରୁ ୧୪ଟି କଁାଭଁା ଚାଲୁଥିବା ବେଳେ ୬ଟି ଅଚଳ ହୋଇପଡିଛି। ଦୁର୍ଗମ ଅଞ୍ଚଳରେ ଇଣ୍ଟରନେଟ ସୁବିଧା ନ ଥିବାରୁ ହାଟ ବଜାରଗୁଡିକରେ ବ୍ୟାଙ୍କ ସୁବିଧା ଯୋଗାଇବା ସମ୍ଭବ ହେଉନାହିଁ ବୋଲି ଓଏସସିବି ପକ୍ଷରୁ କୁହାଯାଉଛି। ମାତ୍ର ଅସଲ କଥା ହେଲା, ଜିଲା କେନ୍ଦ୍ରୀୟ ସମବାୟ ବ୍ୟାଙ୍କ ଏହି ଯୋଜନାର ଖର୍ଚ୍ଚ ବହନ କରିବା ନେଇ ନାକେଦମ ହେଲାଣି। ବ୍ୟାଙ୍କ ଅନ୍‌ ହୁଇଲ ସେବା ଯୋଗାଇ ଦେବାକୁ ଦିନକୁ ୩୦ କିଲୋମିଟର ସକାଶେ ୧୫ ଲିଟର ଡିଜେଲ ଓ ଦୁଇଜଣ କର୍ମଚାରୀଙ୍କ ଖର୍ଚ୍ଚ ବାବଦରେ ମାସକୁ ହାରାହାରି ୧୫ରୁ ୨୦ ହଜାର ଟଙ୍କା ଖର୍ଚ୍ଚ ହେଉଛି। ଏହାଛଡା ଗାଡିଗୁଡିକର ରକ୍ଷଣାବେକ୍ଷଣ ବାବଦରେ ମଧ୍ୟ ଆହୁରି ଅଧିକ ଖର୍ଚ୍ଚ କରିବାକୁ ପଡୁଛି। ପ୍ରତ୍ୟେକ ଗାଡି ପିଛା ୨ ଲକ୍ଷ ଟଙ୍କା ହିସାବରେ ବାର୍ଷିକ ୪୦ ଲକ୍ଷ ଟଙ୍କା ଦେବାକୁ ବ୍ୟାଙ୍କଗୁଡିକ ରାଜ୍ୟ ସରକାରଙ୍କ ନିକଟରେ ଗତ ଦେଢ ବର୍ଷ ହେବ ଦାବି କରି ଆସୁଛନ୍ତି। ମାତ୍ର ସରକାର ଏ ବାବଦରେ ଟଙ୍କାଟିଏ ସୁଦ୍ଧା ଦେବାକୁ ରାଜି ହେଉନାହାନ୍ତି। ଆର୍ଥିକ ସଙ୍କଟ ଦେଇ ଗତି କରୁଥିବା ଏହି ଯୋଜନା ଫେଲ ମାରିବା ଏକ ପ୍ରକାର ନିଶ୍ଚିତ ହୋଇଛି। ଫନୀ ବାତ୍ୟା ବେଳେ ସେଥିରୁ କିଛି ଗାଡ଼ି ଆଣି ପୁରୀରେ ବ୍ୟାଙ୍କ ସୁବିଧା ଯୋଗାଇ ଦିଆଯାଇଥିଲା। ଗୋଟିଏ ପଟେ ଆର୍ଥିକ ସଙ୍କଟ ଦେଖା ଦେଇଥିବା ବେଳେ ଅନ୍ୟ ପଟେ ଇଣ୍ଟରନେଟ ଅପହଞ୍ଚ ଏହି ଯୋଜନାକୁ ଆହୁରି ବାଟବଣା କରିଛି।
ଏ ସମ୍ପର୍କରେ କେନ୍ଦ୍ରୀୟ ସମବାୟ ବ୍ୟାଙ୍କର ଜଣେ ସମ୍ପାଦକ କହିଛନ୍ତି ଯେ, ଖର୍ଚ୍ଚ ବଢୁଥିବାରୁ ଏହି ଯୋଜନା ଚଳାଇବା ବ୍ୟାଙ୍କ ପକ୍ଷେ କଷ୍ଟକର ହେଉଛି। ସରକାର ଗାଡି ଗୁଡିକର ରକ୍ଷଣାବେକ୍ଷଣ ଖର୍ଚ୍ଚ ବହନ ନ କଲେ ଏହି ଯୋଜନା ସଫଳ ହେବ ନାହିଁ।

ଅନୀଲ ଦାସ


Enter your email to get our daily news in your inbox.

All Right Reserved By Dharitri.Com

ଭୀମ୍‌ସାରରେ ଏଚ୍‌ଆଇଭି ଆକ୍ରାନ୍ତଙ୍କ ଅସ୍ତ୍ରୋପଚାର ପ୍ରସଙ୍ଗ: ଦୋଷୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ହେବ

ପୁରୀ ଅଫିସ, ୩୦ା୧୦:ସମ୍ବଲପୁର ଜିଲାର ବୁର୍ଲାସ୍ଥିତ ଭୀମ୍‌ସାରରେ ଗତ ସୋମବାର ଜଣେ ଏଚ୍‌ଆଇଭି ସଂକ୍ରମିତ ରୋଗୀଙ୍କୁ ଚିକିତ୍ସା କରାଯାଇଥିଲା। ଦନ୍ତ ବିଭାଗରେ ଏହି ଅସ୍ତ୍ରୋପଚାର ହୋଇଥିଲା।...

ଗୋରୁ ବୋଝେଇ ଗାଡ଼ି ଜବତ

ରାଇରଙ୍ଗପୁର,୧୭।୬(ଡି.ଏନ୍‌.ଏ.)- ମୟୂରଭଞ୍ଜ ଜିଲା ବିଶୋଇ ନିକଟସ୍ଥ ୪୯ନଂ. ଜାତୀୟ ରାଜପଥର ବାଇପାସ୍‌ ଛକରେ ସୋମବାର ରାତିରେ ପୋଲିସ ଏକ ଗୋରୁ ବୋଝେଇ ଗାଡ଼ି ଜବତ କରିଛି।...

ଜାତୀୟ ହାରଠୁ ଓଡ଼ିଶାରେ ୨୪% ଅଧିକ ବନାଞ୍ଚଳ

ଭୁବନେଶ୍ୱର,୮ା୧୦(ବ୍ୟୁରୋ):ଗୃହପାଳିତ ପ୍ରାଣୀଙ୍କୁ ଯେଉଁଭଳି ଭାବେ ଆମେ ସ୍ନେହ ଓ ଆଦର କରିଥାଉ, ବନ୍ୟପ୍ରାଣୀଙ୍କ ପ୍ରତି ସେହିଭଳି ଆଦର, ଦୟା, କରୁଣା ଭାବ ଆମ ଭିତରେ ରହିବା...

ଓଡ଼ିଶାରେ ସାଇବର ଠକେଇର ଲଣ୍ଡନ ଲିଙ୍କ୍‌

ଭୁବନେଶ୍ୱର,୨୨।୮(ବ୍ୟୁରୋ): ରାଜ୍ୟରେ ଏବେ ବଡ଼ ବଡ଼ ସାଇବର ଠକେଇ ଘଟଣା ଘଟୁଛି। ସାଇବର ଠକମାନେ ବାହାର ରାଜ୍ୟ ଓ ଦେଶରେ ରହି ଅଭିନବ ଉପାୟରେ ଓଡ଼ିଶାର...

ଓଡ଼ିଆ ଚଳଚ୍ଚିତ୍ର ପତ୍ରିକାକୁ ନେଇ ସ୍ବତନ୍ତ୍ର ପ୍ରଦର୍ଶନୀ

ଭୁବନେଶ୍ୱର,୧୯ା୨(ବ୍ୟୁରୋ):ଓଡ଼ିଶାରେ ଆରମ୍ଭରୁ ଏ ପର୍ଯ୍ୟନ୍ତ ପ୍ରକାଶିତ ହୋଇଥିବା ଚଳଚ୍ଚିତ୍ର ପତ୍ରିକାଗୁଡ଼ିକର ପ୍ରଚ୍ଛଦ ପ୍ରଦର୍ଶନୀ ପ୍ରଥମ ଥର ପାଇଁ ରାଜ୍ୟ ଅଭିଲେଖାଗାର ଦ୍ୱାରା ଆୟୋଜିତ ହୋଇଛି। ପୁରୁଣା...

ଜୁଲାଇରେ ଜୋରଦାର ଧରପଗଡ଼

ଭୁବନେଶ୍ୱର,୩୦।୬(ବ୍ୟୁରୋ): ଏଣିକି ମାସ୍କ ଏବଂ ସାମାଜିକ ଦୂରତ୍ୱ ନିୟମ କଡ଼ାକଡ଼ି ପାଳନ କରାଯିବ। ମାସ୍କ ନ ପିନ୍ଧିଲେ ପୂର୍ବଭଳି ଜରିମାନା ଆଦାୟ କରାଯିବ। ସର୍ବସାଧାରଣ ସ୍ଥାନରେ...

୫ ଫୁଟ୍‌ର ନାଗ ଉଦ୍ଧାର

ଚୌଦ୍ୱାର,୧୦।୫(ଡି.ଏନ.ଏ.)-ଚୌଦ୍ୱାର ପୌରପାଳିକା ଅନ୍ତର୍ଗତ ୧ନଂ ୱାର୍ଡ ଗୁପ୍ତେଶର ସାହି ସ୍ଥିତ ସନାତନ ଜେନାଙ୍କ ଘରୁ ରବିବାର ଏକ ୫ଫୁଟର ନାଗସାପ ଉଦ୍ଧାର କରାଯାଇଛି। ସାପଟି ସନାତନଙ୍କ...

ଫନୀ ପାଇଁ ମିଳିଛି ଜାତୀୟ ବିପର୍ଯ୍ୟୟ ସହାୟତା ପାଣ୍ଠିରୁ ୩୧୧୪.୪୬ କୋଟି

ଭୁବନେଶ୍ୱର,୧୬।୧୧(ବ୍ୟୁରୋ): ଗତ ମେ ୩ ତାରିଖରେ ଉପକୂଳ ଓଡ଼ିଶାରେ ହୋଇଥିବା ପ୍ରଳୟଙ୍କରୀ ବାତ୍ୟା ଫନୀ ଯୋଗୁ ବହୁ ଧନଜୀବନ କ୍ଷତିଗ୍ରସ୍ତ ହୋଇଛି। ବାତ୍ୟାରେ କ୍ଷତିଗ୍ରସ୍ତ ଲୋକମାନଙ୍କର...


Coronavirus Update

Archives

Model This Week

Why Dharitri