ଷ୍ଟ୍ରେଚର ଅଭାବ, କାନ୍ଧରେ ବୁହା ହେଉଛନ୍ତି ରୋଗୀ

କଟକ ଅଫିସ, ୨୦-୯:କଟକ ଏସ୍‌ସିବି ମେଡିକାଲରେ ଦିନକୁ ଦିନ ରୋଗୀ ସଂଖ୍ୟା ବଢିବାରେ ଲାଗିଛି। ପ୍ରତିଦିନ ୫ହଜାରରୁ ଊର୍ଦ୍ଧ୍ୱ ରୋଗୀ ଚିକିତ୍ସା ପାଇଁ ଆସିଥାନ୍ତି। ସେମାନଙ୍କ ମଧ୍ୟରୁ ୫୦୦ରୁ ଊର୍ଦ୍ଧ୍ୱ ରୋଗୀ ହସ୍ପିଟାଲରେ ଆଡମିଶନ ହୋଇଥାନ୍ତି। ପ୍ରତିଦିନ ରୋଗୀ ସଂଖ୍ୟା ବଢୁଥିବାବେଳେ ସେହି ଅନୁପାତରେ ସେମାନଙ୍କ ଲାଗି ଷ୍ଟ୍ରେଚର୍‌ ସଂଖ୍ୟା ବଢୁ ନ ଥିବା ଅଭିଯୋଗ ହୋଇଛି। ଫଳରେ ବାହାରୁ ଆସୁଥିବା ଗୁରୁତର ରୋଗୀ ଷ୍ଟ୍ରେଚର୍‌ ନ ପାଇ ନିଜ ସମ୍ପର୍କୀୟଙ୍କ କାନ୍ଧରେ ଭାର ହୋଇ ଯାଉଥିବା ଦେଖିବାକୁ ମିଳିଛି। ଏସ୍‌ସିବିର କାଜୁଆଲିଟି, ପେଡିଆଟିକ୍‌, ସ୍ତ୍ରୀ ଓ ପ୍ରସୂତି, ଟ୍ରମା କେୟାର, ନ୍ୟୁରୋଲୋଜି, ଚର୍ମ, ସର୍ଜରୀ, ମାନସିକ ରୋଗ, କର୍ଣ୍ଣ ନାଶା, ଗଳା, ଅର୍ଥୋପେଡିକ ବିଭାଗରେ ରୋଗୀ ଚିକିତ୍ସିତ ହେଉଥିଲେ ମଧ୍ୟ ସେମାନଙ୍କୁ ନେବା ଆଣିବା ନିମନ୍ତେ ଷ୍ଟ୍ରେଚର୍‌ର ଅଭାବ ରହୁଥିବା ଅଭିଯୋଗ ହୋଇଛି। ବାହାରୁ ଆସୁଥିବା ଗୁରୁତର ରୋଗୀ ଏକ୍ସ-ରେ, ଥାଇରଏଡ୍‌, ବ୍ଲଡ୍‌, ୟୁରିନ ପରୀକ୍ଷା ନିମନ୍ତେ ବିଭିନ୍ନ ପରୀକ୍ଷାଗାରକୁ ଯିବା ପାଇଁ ଷ୍ଟ୍ରେଚରର ଆବଶ୍ୟକତା ପଡ଼ିଥାଏ। କିନ୍ତୁ ଏସ୍‌ସିବିରେ ଷ୍ଟ୍ରେଚର୍‌ର ବ୍ୟବସ୍ଥା ନ ଥିବା ହେତୁ ଲୋକେ ନାହିଁ ନ ଥିବା ଅସୁବିଧାର ସମ୍ମୁଖୀନ ହେଉଛନ୍ତି। ସମ୍ପର୍କୀୟଙ୍କ କାନ୍ଧରେ ବୁହା ହୋଇ ଯିବା ଫଳରେ ପରୀକ୍ଷା ରିପୋର୍ଟ ଠିକ୍‌ ସମୟରେ ନ ପାଇପାରି ଖର୍ଚ୍ଚାନ୍ତ ହେବାକୁ ପଡ଼ୁଛି। ଏଥିସହ ଚିକିତ୍ସା ସରିବା ପରେ ରୋଗୀ ଘରକୁ ଯିବା ସମୟରେ ଗାଡ଼ି କିମ୍ବା ଆମ୍ବୁଲାନ୍ସ ପର୍ଯ୍ୟନ୍ତ ନେବା ଆଣିବା କରିବାକୁ ଷ୍ଟ୍ରେଚର୍‌ ନ ଥିବା ଦେଖିବାକୁ ମିଳିଛି। ଏ ନେଇ କେନ୍ଦ୍ରାପଡ଼ାରୁ ଚିକିତ୍ସା ନିମନ୍ତେ ଆସିଥିବା ସୁରେଶ ମହାନ୍ତି କହିଛନ୍ତି, ମା’ଙ୍କୁ ଚିକିତ୍ସା କରିବା ପାଇଁ ଏସ୍‌ସିବି ମେଡିକାଲ ଆଣିଥିଲି। କିନ୍ତୁ ଏଠାରେ ଚିକିତ୍ସା କରିବାଠାରୁ ଆରମ୍ଭ କରି ଘରକୁ ନେବା ସମୟରେ ମୋତେ ଷ୍ଟ୍ରେଚର ମିଳି ନ ଥିଲା। ଫଳରେ ମୁଁ ଓ ଭାଇ ମିଶି ମାଆଙ୍କୁ କାନ୍ଧରେ ବିଭିନ୍ନ ପରୀକ୍ଷା କରାଇବା ସହ ଚିକିତ୍ସା କରାଇଥିଲୁ। ମୋ ଭଳି ବହୁ ରୋଗୀ ଏଠାରେ ଅସୁବିଧାର ସମ୍ମୁଖୀନ ହେଉଛନ୍ତି। କର୍ତ୍ତୃପକ୍ଷ ଏଥିପ୍ରତି ଦୃଷ୍ଟି ଦେଲେ ଅନ୍ୟ ରୋଗୀମାନେ ସୁବିଧା ପାଇପାରିବେ। ଏ ନେଇ ଏସ୍‌ସିବି ମେଡିକାଲ ସୁପରିଣ୍ଟେଣ୍ଡେଣ୍ଟ ପ୍ରଫେସର ଡା. ସିବିକେ ମହାନ୍ତି କହିଛନ୍ତି, ରୋଗୀ ଷ୍ଟ୍ରେଚର ବ୍ୟବହାର କଲା ପରେ ବାହାରକୁ ଆଣି ରଖିଦେଇ ଯାଉଛନ୍ତି। ଫଳରେ ବହୁ ଷ୍ଟ୍ରେଚର ଚୋରି ହୋଇଯାଉଛି। ରୋଗୀଙ୍କୁ ବିଭିନ୍ନ ପରୀକ୍ଷା ପାଇଁ ବ୍ୟାଟ୍ରିଚାଳିତ ଗାଡ଼ିରେ ନେବା ଆଣିବା କରାଯାଉଛି। ପ୍ରତି ବିଭାଗରେ ୪ରୁ ୫ଟି ଷ୍ଟ୍ରେଚର ଦିଆଯାଇଛି। କୌଣସି ରୋଗୀ କାନ୍ଧରେ ବୁହାଯାଉନି। ଗୋଟିଏ ପରେ ଗୋଟିଏ ରୋଗୀ ପରୀକ୍ଷା ନିମନ୍ତେ ଯିବା କଥା। କିନ୍ତୁ ରୋଗୀ ଅପେକ୍ଷା ନ କରି ଯାଉଥିବାରୁ ଷ୍ଟ୍ରେଚର ସମସ୍ୟା ଦେଖାଯାଉଛି। କିନ୍ତୁ ଷ୍ଟ୍ରେଚର ଅଭାବ ନାହିଁ। ସମସ୍ତ ରୋଗୀଙ୍କୁ ଷ୍ଟ୍ରେଚର ସୁବିଧା ଯୋଗାଇ ଦିଆଯାଉଥିବା ସେ କରିଛନ୍ତି।


Enter your email to get our daily news in your inbox.

All Right Reserved By Dharitri.Com

ମାଟ୍ରିକ୍‌ ପରୀକ୍ଷା ଖାତା ମୂଲ୍ୟାୟନ ଅନିର୍ଦ୍ଦିଷ୍ଟ କାଳ ପାଇଁ ସ୍ଥଗିତ

ଭୁବନେଶ୍ୱର,୧୯ା୩(ବ୍ୟୁରୋ): ଗୁରୁବାରଠାରୁ ଆରମ୍ଭ ହୋଇଥିବା ମାଟ୍ରିକ୍‌ ପରୀକ୍ଷା ଖାତା ମୂଲ୍ୟାୟନ ପ୍ରକ୍ରିୟାକୁ ଅନିର୍ଦ୍ଦିଷ୍ଟ କାଳ ପାଇଁ ସ୍ଥଗିତ ରଖାଯାଇଛି। କରୋନା ଭାଇରସ୍‌ ପ୍ରଭାବ ହ୍ରାସ ନିମନ୍ତେ...

ବହୁ ମେଶିନ ଅଚଳ: ସ୍ବାସ୍ଥ୍ୟସେବା ବାଧାପ୍ରାପ୍ତ

କଟକ ଅଫିସ,୭ା୩: ଏସ୍‌ସିବି ମେଡିକାଲରେ ରୋଗୀଙ୍କ ସ୍ବାସ୍ଥ୍ୟ ପରୀକ୍ଷା ପାଇଁ ଥିବା ଅନେକ ମେଶିନ ଅଚଳ ହୋଇପଡ଼ିଛି। ଦିନବେଳା ପରୀକ୍ଷାଗାରଗୁଡିକରେ ତାଲା ପଡିରହୁଛି। କିଛି ପରୀକ୍ଷାଗାର...

କଟକ କ୍ୟାନ୍‌ସର ହସ୍ପିଟାଲରେ ରୋଗୀଙ୍କୁ କରୋନା

କଟକ ଅଫିସ, ୨୪।୬: ଆଚାର୍ଯ୍ୟ ହରିହର କର୍କଟ ଚିକିତ୍ସା କେନ୍ଦ୍ରର ବୁଧବାର ଜଣେ ରୋଗୀ କରୋନାରେ ଆକ୍ରାନ୍ତ ହୋଇଛନ୍ତି। ବୁଧବାର ତାଙ୍କ ସ୍ବାବ ପରୀକ୍ଷା ରିପୋର୍ଟ...

ପଦ୍ମଶ୍ରୀ କମଳା ପୂଜାରୀ ଅସୁସ୍ଥ: ଚିକିତ୍ସାଳୟରେ ଭର୍ତ୍ତି

ଜୟପୁର,୭।୬(ଡି.ଏନ.ଏ): ପଦ୍ମଶ୍ରୀ କମଳା ପୂଜାରୀ ଗତ ଶନିବାର ମଧ୍ୟାହ୍ନରେ ଅସୁସ୍ଥ ଯୋଗୁ ଜୟପୁରସ୍ଥିତ ଜିଲା ଚିକିତ୍ସାଳୟରେ ଭର୍ତ୍ତି ହୋଇଛନ୍ତି। ରବିବାର ତାଙ୍କ ସ୍ବାସ୍ଥ୍ୟ ସ୍ଥିର ରହିଥିବା...

ଆର୍ମି ପରୀକ୍ଷାର୍ଥୀଙ୍କ ଉତ୍ପାତ ଘଟଣା: ଆଜିଠୁ ଷ୍ଟେଶନରେ ମୁତୟନ ହେବେ ଫୋର୍ସ, ବିନା ଟିକେଟରେ ଚଢ଼ିପାରିବେନି ଯାତ୍ରୀ

ଭୁବନେଶ୍ୱର,୧୬।୧୦(ବ୍ୟୁରୋ): ଭୁବନେଶ୍ୱର ଷ୍ଟେଶନରେ ବୁଧବାରଠାରୁ ମୁତୟନ ହେବେ ୨ ପ୍ଲାଟୁନ ଫୋର୍ସ। ଦିଲ୍ଲୀ ତଥା ଦୂରଗାମୀ ଟ୍ରେନ୍‌ ପାଇଁ ଆର୍‌ପିଏଫ୍‌ ଏବଂ ଜିଆର୍‌ପି ପକ୍ଷରୁ ଫୋର୍ସ...

ଖୋଲା ଆକାଶ ତଳେ ଧାନମଣ୍ଡି, ଚିନ୍ତାରେ ଚାଷୀ

କଟକ ସଦର,୭।୧(ଡି.ଏନ୍‌.ଏ.): କଟକ ସଦର ବ୍ଲକ ଅଞ୍ଚଳର ଧାନମଣ୍ଡି ଜାନୁୟାରୀରୁ ଖୋଲିଯାଇଛି। ତେବେ ସବୁ ମଣ୍ଡି ଏକ ଘରେ ରହିବା ବଦଳରେ ଖୋଲା ଆକାଶ ତଳେ ପଡ଼ିରହିଛି।...

ସୋସିଆଲ ମିଡିଆରେ ଅପପ୍ରଚାର କରୁଥିବା ଅଭିଯୋଗ, ପୁରୀଘାଟ ଥାନାରେ ଅନୁଭବଙ୍କ ନାମରେ ଏତଲା ଦେଲେ ମଞ୍ଜିତ

କଟକ ଅଫିସ,୨୨।୧୦: କେନ୍ଦ୍ରାପଡ଼ା ଏମ୍‌ପି ଅନୁଭବ ମହାନ୍ତି ଏବଂ ଛାତ୍ର ବିଜେଡି ଉପସଭାପତି ମଞ୍ଜିତ ଦାସଙ୍କ ମଧ୍ୟରେ ସୃଷ୍ଟି ହୋଇଥିବା ତିକ୍ତତା ପୁଣି ଥରେ ଚର୍ଚ୍ଚାକୁ...

ମୁକ୍ତ ହେଲେଣି ୧୬,୭୮୯ କଏଦୀ

କଟକ ଅଫିସ,୩୦।୭: ରାଜ୍ୟରେ ଥିବା ଜେଲ୍‌ଗୁଡ଼ିକରେ ବର୍ତ୍ତମାନ କରୋନା ବ୍ୟାପିବାରେ ଲାଗିଛି। ପ୍ରାୟ ୮୫ଟି ଜେଲ୍‌ ମଧ୍ୟରୁ ୮ଟି ଜେଲ୍‌ରେ କରୋନା ପ୍ରବେଶ କରିସାରିଲାଣି। ଏହାକୁ...

Play 250+ Trending Games
Archives

Model This Week

Why Dharitri