କୋରାପୁଟ,୨୨।୭(ସ୍ବ.ପ୍ର.) : ଶ୍ରାବଣ ମାସର ପ୍ରଥମ ସୋମବାରରେ ଜଳଲାଗି କରିବା ପାଇଁ ଦୂରଦୂରାନ୍ତରୁ ହଜାର ହଜାର କାଉଡ଼ିଆ କୋରାପୁଟ ଆଗମନ କରିଥିବା ଦେଖାଯାଇଛି। କଟକ, ଜଗତିସଂହପୁର, କେନ୍ଦ୍ରାପଡ଼ା, ଅନୁଗୋଳ, ଢେଙ୍କାନାଳ, କଳାହାଣ୍ଡି, ବଲାଙ୍ଗୀର, ରାୟଗଡ଼ା, ମାଲକାନଗିରି, ନବରଙ୍ଗପୁର, ନୂଆପଡ଼ା, ସୋନପୁର ସମେତ ରାଜ୍ୟ ବାହାର ଛତିଶଗଡ଼, ପଶ୍ଚିମବଙ୍ଗ, ଆନ୍ଧ୍ରପ୍ରଦେଶ ଆଦି ରାଜ୍ୟରୁ ହଜାର ହଜାର ବୋଲବମ ଭକ୍ତ କୋରାପୁଟଠରେ ପହଞ୍ଚିଛନ୍ତି। କୋଲାବ ଜଳଭଣ୍ଡାରରୁ ଜଳ ସଂଗ୍ରହ କରି ଜିଲାର ବୈପାରିଗୁଡ଼ା ବ୍ଲକରେ ଥିବା ପ୍ରସିଦ୍ଧ ଶୈବପୀଠ ଗୁପ୍ତେଶ୍ୱର, ଶାବର ଶ୍ରୀକ୍ଷେତ୍ରର ଶାବରେଶ୍ୱର, ଅର୍ଦ୍ଧନାରୀଶ୍ୱର, ବାବା ଆଖଣ୍ଡଳମଣି ଆଦି ମନ୍ଦିର ଯାଇ ଲମ୍ବା ଲାଇନରେ ଅପେକ୍ଷା କରି ମହାଦେବଙ୍କ ଉପରେ ଜଳଲାଗି କରିଥିବା ଜଣାଯାଇଛି ା
