ଇମ୍ଫାଲ୍,୨୭।୪: ମଣିପୁରରେ ଘଟିଛି ଏକ ଅଭାବନୀୟ ଘଟଣା। ଏଠାରେ ୬ ଜଣ ଛାତ୍ର ସ୍ଥାନୀୟ କାଥଲିକ୍ ସ୍କୁଲର ଶୃଙ୍ଖଳାଗତ କାର୍ଯ୍ୟାନୁଷ୍ଠାନରେ ଉତ୍କ୍ଷୀପ୍ତ ହୋଇ ସ୍କୁଲରେ ନିଆଁ ଲଗାଇ ଦେଇଛନ୍ତି। ଏହି ସେଣ୍ଟ ଯୋଶେଫ୍ ହାୟର ସେକେଣ୍ଡାରୀ ସ୍କୁଲ ରାଜ୍ୟର ଦ୍ୱିତୀୟ ବୃହତ୍ତମ ସ୍କୁଲ ବୋଲି କୁହାଯାଉଛି। ଅଗ୍ନିକାଣ୍ଡରେ ୧୦ଟି ଶ୍ରେଣୀଗୃହ ନଷ୍ଟ ହୋଇଯାଇଛି। ସେଥିମଧ୍ୟରୁ ୨ଟିରେ ଥିବା ଗୁରୁତ୍ୱପୂର୍ଣ୍ଣ କାଗଜପତ୍ର ଜଳିପୋଡ଼ି ପାଉଁଶ ହୋଇଯାଇଛି। ସମ୍ପୃକ୍ତ ଛାତ୍ରଙ୍କୁ ସ୍କୁଲରୁ ସସ୍ପେଣ୍ଡ କରାଯାଇଥିଲା। ଛାତ୍ରମାନେ ରାଗିଯାଇ ଏପରି କରିଥିବା କୁହାଯାଉଛି। ସ୍କୁଲରେ ୧୪ଶହ ଛାତ୍ରୀଛାତ୍ର ପଢ଼ନ୍ତି ବୋଲି ସ୍କୁଲ କର୍ତ୍ତୃପକ୍ଷ ସୂଚନା ଦେଇଛନ୍ତି।
