ଶୂନ୍ୟ ହେଉଛି କୁପାରୀ ପୁଣ୍ୟଭୂମି: ଏବେ ମାଙ୍କଡ଼ା ଖଣି ଉପରେ ଲୋଲୁପ ଦୃଷ୍ଟି

ଖଇରା, ୨୧।୧୨ – ବାଲେଶ୍ୱର ଜିଲା ଖଇରା ବ୍ଲକ ଅଧୀନ କୁପାରୀ ସାଂସ୍କୃତିକ ପୀଠ ପୁଣ୍ୟଭୂମି ଭାବେ ସାରା ଓଡିଶାରେ ଏକ ସ୍ବତନ୍ତ୍ର ପରିଚୟ ସୃଷ୍ଟି କରିଛି। ଶୂନ୍ୟ ମଣ୍ଡପ, ନୃସିଂହ ମଠ, ଅମ୍ବିକା ମନ୍ଦିର, ବୌଦ୍ଧ ଓ ଜୈନ କୀର୍ତ୍ତି ପାଇଁ ୧୯୯୯ ମସିହାରୁ ଏହା ପର୍ଯ୍ୟଟନ କ୍ଷେତ୍ରର ମାନ୍ୟତା ଲାଭ କରିଛି ା ହେଲେ କୁପାରୀର ଉନ୍ନତି ପାଇଁ ଯେତେ ଧ୍ୟାନ ଦିଆଯାଉଛି, ତା’ଠାରୁ ଅଧିକ ଏ ଅଞ୍ଚଳରୁ ମିଳୁଥିବା ମାଙ୍କଡା ପଥରକୁ ବିକି ମୁନାଫାଖୋରମାନେ ପୁଣ୍ୟଭୂମିକୁ ଶୂନ୍ୟ କରିବାରେ ଲାଗିଛନ୍ତି ା ତୁରନ୍ତ ଯଦି ମୁଖ୍ୟମନ୍ତ୍ରୀ, ପରିବେଶ ବିଭାଗ କି ଜିଲାପାଳ ଏଥିପ୍ରତି ଦୃଷ୍ଟି ନ ଦିଅନ୍ତି ତେବେ ଏହି ତୀର୍ଥସ୍ଥାନ କେବଳ କୃତ୍ରିମ ପୋଖରୀ ଭିତରେ ଲୁଚିଯିବ ଏଥିରେ ସନ୍ଦେହ ନାହିଁ।
କୁପାରୀ କ୍ଷେତ୍ର ଶାରୀଶୁଆ ପାହାଡ ପାଦଦେଶରେ ଅବସ୍ଥିତ। ଏଠାରେ ମାଟିତଳେ ମାଙ୍କଡା ପଥର ଗଚ୍ଛିତ ରହିଛି। ପୂର୍ବରୁ ଖଣି ମାଫିଆମାନେ ଏହାକୁ ଖୋଳି ବିକ୍ରି କରିଆସୁଥିଲେ। ବହୁ ବିରୋଧ ପରେ ପ୍ରଶାସନ ପକ୍ଷରୁ ଅଙ୍କୁଶ ଲଗାଯାଇଥିଲା। ୧୯୯୯ରେ ପର୍ଯ୍ୟଟନ କ୍ଷେତ୍ର ଘୋଷଣା ପରେ ଆଉ କୌଣସି ମାଙ୍କଡା ପଥର ଖଣି ନିଲାମ ଦିଆଯାଇ ନ ଥିଲା ା ହେଲେ ପୁଣି ଏବେ କିଛି ମାସ ହେଲା ମାଫିଆମାନେ ବେଆଇନ ଭାବେ ଏହି ମାଙ୍କଡା ଖଣି ବ୍ୟବହାର କରି ଟନ ଟନ ପଥର ବିକ୍ରି କରୁଥିବା ନେଇ ଅଭିଯୋଗ ହୋଇଛି ା କୁପାରୀ କଲେଜ ପଛପଟ, ବଗେଇପୁର ରାସ୍ତା କଡ ଡିବିଏଲ କମ୍ପାନୀ ପଛପଟ, ବରପଦା ରାସ୍ତା କଡରେ ଏବେ ୨୦ରୁ ଅଧିକ ଖଣିରୁ ମାଙ୍କଡା ଉତ୍ତୋଳନ ଜାରି ରହିଛି ା ୫ଦିନ ତଳେ ସ୍ଥାନୀୟ ଗ୍ରାମବାସୀ ରାଜସ୍ବ ବିଭାଗ ଅଧିକାରୀଙ୍କ ନଜରକୁ ଆଣିବା ପରେ ମାତ୍ର ଗୋଟିଏ ପାୱାର ଟିଲର ମେଶିନ ଜବତ କରି କାମ ସାରି ଦିଆଯାଇଛି। ଖଣି ଜଗିବା ପାଇଁ ପୋଲିସ ମୁତୟନ କରିବାକୁ ଜିଲାପାଳଙ୍କ ନିର୍ଦ୍ଦେଶ ରହିଛି। ଏଥିପାଇଁ ଖଇରା ଥାନାରେ ସ୍ବତନ୍ତ୍ର ଭାବେ ପୋଲିସ ରହିଥିଲେ ମଧ୍ୟ ସେମାନଙ୍କୁ ଖଣି ଅଞ୍ଚଳକୁ ପଠା ନ ଯିବା ପ୍ରଶାସନର ଦକ୍ଷତା ପ୍ରତି ପ୍ରଶ୍ନବାଚୀ ସୃଷ୍ଟି କରିଛି। ସେପଟେ ମାଫିଆମାନେ ଖଣି ବ୍ୟବହାର ପରେ ଗାତଗୁଡିକୁ ପୋତୁ ନ ଥିବାରୁ ବନ୍ୟଜନ୍ତୁ ଗୃହପାଳିତ ପ୍ରାଣୀ ଖାଲରେ ପଡି ଜୀବନ ହାରୁଛନ୍ତି ା ବର୍ଷା ପରେ ଖଣିରେ ପାଣି ଜମି ରହୁଥିବାରୁ ମଶାଙ୍କ ପ୍ରାଦୁର୍ଭାବ ବୃଦ୍ଧି ପାଉଛି। ସ୍ଥାନୀୟ ବାସିନ୍ଦା ମ୍ୟାଲେରିଆରେ ଆକ୍ରାନ୍ତ ହେଉଥିବା ଅଭିଯୋଗ ହେଉଛି। ଗୋରୁ ଚରିବା ଓ ପିଲାମାନଙ୍କ ଖେଳାଖେଳିରେ ବାଧା ସୃଷ୍ଟି ହେଉଥିବା ନେଇ କ୍ରମାଗତ ଅଭିଯୋଗ ହେଉଥିଲେ ହେଁ ପ୍ରଶାସନ ଜାଣି ନ ଜାଣିଲା ପରି ଚୁପ୍‌ ରହୁଛି। କୁପାରୀ ରାଜସ୍ବ କ୍ଷେତ୍ରର ୨୦୦ମିଟର ସୀମା ମଧ୍ୟରେ ମାଙ୍କଡା ଖୋଳା ଚାଲିଥିବା ବେଳେ ଦିନେ ହେଲେ ରାଜସ୍ବ ନିରୀକ୍ଷକଙ୍କ ଆଖିରେ ଏହା ନ ପଡିବା ଜନସାଧାରଣଙ୍କୁ ଆଶ୍ଚର୍ଯ୍ୟ କରିଛି ା ଫଳରେ କୋଟି କୋଟି ଟଙ୍କାର ରାଜସ୍ବ ସରକାର ହରାଉଛନ୍ତି ା ଏ ସମ୍ପର୍କରେ ଅତିରିକ୍ତ ଜିଲାପାଳ ସମ୍ବିତ ନାୟକଙ୍କ ଦୃଷ୍ଟି ଆକର୍ଷଣ କରାଯିବାରୁ ଚଢାଉ ପାଇଁ ତହସିଲଦାରଙ୍କୁ କୁହାଯାଇଛି ଏବଂ ଖଣି ଅଞ୍ଚଳକୁ ଫୋର୍ସ ସାଥିରେ ଯିବାକୁ ନିର୍ଦ୍ଦେଶ ଦିଆଯାଇଛି ବୋଲି କହିଥିଲେ।


Enter your email to get our daily news in your inbox.

All Right Reserved By Dharitri.Com

୫ଶହ ପରିବାରକୁ ଖାଦ୍ୟ, ମାସ୍କ ବଣ୍ଟନ

ରୂପ୍‌ସା, ୨।୫(ଡି.ଏନ.ଏ.): କରୋନା ମୁକାବିଲା ପାଇଁ ସମଗ୍ର ଦେଶ ଜଟିଳ ପରିସ୍ଥିତି ଦେଇ ଗତି କରୁଛି। ଜନସାଧାରଣଙ୍କୁ ସୁରକ୍ଷା ଦେବା ପାଇଁ ଉଭୟ କେନ୍ଦ୍ର ଓ...

କୃତୀ ଛାତ୍ରୀଛାତ୍ରଙ୍କୁ ଗଛ ଉପହାର

ସିମୁଳିଆ, ୧୫।୧୨(ଡି.ଏନ.ଏ.)-ସିମୁଳିଆ ବ୍ଲକ ମାର୍କୋଣା ରଘୁନାରାୟଣ ଉଚ୍ଚ ବିଦ୍ୟାଳୟର ୬୪ତମ ବାର୍ଷିକ କ୍ରୀଡ଼ା ଓ ସାଂସ୍କୃତିକ ଉତ୍ସବ ଶନିବାର ବିଜୁ ପଟ୍ଟନାୟକ ମିନିଷ୍ଟାଡିୟମ ପରିସରରେ ଅନୁଷ୍ଠିତ...

ପୋଖରୀରେ ବୁଡ଼ି ଶିଶୁକନ୍ୟା ମୃତ

ବାଲେଶ୍ୱର ଅଫିସ,୧୫।୧୦-ବାଲେଶ୍ୱର ସଦର ଥାନା ବଡ଼ଡିହ ଗ୍ରାମର ବୀରେନ୍ଦ୍ର ଦିଣ୍ଡାଙ୍କ ୨ବର୍ଷର ଝିଅ ଶୁଭଲକ୍ଷ୍ମୀ ମଙ୍ଗଳବାର ପୋଖରୀରେ ବୁଡ଼ି ଯାଇ ପ୍ରାଣ ହରାଇଛନ୍ତି। ବୀରେନ୍ଦ୍ର କଲିକତାରେ...

ମିଳୁନି ପ୍ରୋତ୍ସାହନ ଓ ସହାୟତା ସଙ୍କଟରେ କୌଳିକ ବୃତ୍ତି

କେନ୍ଦୁଝର, ୨୩ା ୪ (ସ୍ବ.ପ୍ର.)-ଖରା ଦିନ ଆସିଲେ ଟିକେ ଥଣ୍ଡା ପାଣି ପାଇଁ ଖୋଜା ପଡ଼େ ହାଣ୍ଡି, ମାଠିଆ, କଳସୀ। ସେତେବେଳେ କୁମ୍ଭକାରଙ୍କ କଥା ସମସ୍ତଙ୍କର ମନେ ପଡ଼େ।...

ଐତିହ୍ୟର ସ୍ମୃତି ଏଠି ଅଲୋଡ଼ା

ଚାନ୍ଦବାଲି,୧୬।୫(ଡି.ଏନ.ଏ.)-ଭଦ୍ରକ ଜିଲାର ପ୍ରାଚୀନ ବନ୍ଦର ନଗରୀ ଚାନ୍ଦବାଲିରେ ଇଂରେଜ ଅମଳର ଅନେକ ସ୍ମାରକୀ ରହିଛି। ଏଭଳି ଐତିହ୍ୟକୁ ନେଇ ଅଞ୍ଚଳବାସୀ ଗର୍ବ ଅନୁଭବ କରୁଥିଲେ ମଧ୍ୟ...

ବଜ୍ରପାତରେ ଯୁବକଙ୍କ ଜୀବନଗଲା

ସଜନାଗଡ, ୧୫ା୫(ଡି.ଏନ୍‌.ଏ.)-ବାଲେଶ୍ୱର ଜିଲା ନୀଳଗିରି ଥାନା ଅଧୀନ ହାତିଆଶିଳା ଗ୍ରାମର ଗୁରା ସିଂ ( ୨୧ )ନାମକ ଯୁବକଙ୍କ ବଜ୍ରପାତରେ ମୃତ୍ୟୁ ଘଟିିଛି। ଶୁକ୍ରବାର ସାରେ...

କାରଖାନାରେ ଶ୍ରମିକ ଅଶାନ୍ତି, ଆଲୋଚନା ପରେ ସ୍ବାଭାବିକ ହେଲା

ରେମୁଣା, ୧୦।୮(ଡି.ଏନ.ଏ.)-ବାଲେଶ୍ୱର ଜିଲା ଶିଳ୍ପାଞ୍ଚଳ ଥାନା ଅଧୀନ ଗଣେଶ୍ୱରପୁର ଶିଳ୍ପାଞ୍ଚଳସ୍ଥିତ ଆଲୁମ ଏକ୍ସଟ୍ରୁସିଅନସ କାରଖାନାରେ ଶ୍ରମିକ ଅଶାନ୍ତି ଦେଖାଦେଇଥିଲା। କାରଖାନା ସମ୍ମୁଖରେ ମଙ୍ଗଳବାରଠାରୁ ଆରମ୍ଭ ହୋଇଥିବା...

ଝରଣା ପାଣି ଏକମାତ୍ର ଭରସା

ତେଲକୋଇ, ୨୨।୫(ଡି.ଏନ.ଏ.)-ତେଲକୋଇ ବ୍ଲକ ଅନ୍ତର୍ଗତ ଶିବନାରାୟଣପୁର ଗୋଡା ପଞ୍ଚାୟତ ଅଧୀନରେ ରହିଛି କାଞ୍ଜିଆଝରଣ ବସ୍ତି । ପାହାଡ ଉପରେ ବସବାସ କରୁଥିବା ୩୦ରୁ ଊର୍ଦ୍ଧ୍ୱ ଭୂୟାଁ...

Advertisement
Archives

Model This Week