ଥିରୁଭାନନ୍ତପୁରମ୍,୧୧।୮: କେରଳର ଅଲାପୁଝା ସହରରେ ବତକପଲଙ୍କ ଯୋଗୁ ପ୍ରାୟ ୨୦ରୁ ୨୫ ମିନିଟ ଧରି ରାସ୍ତା ଜାମ୍ ହୋଇଯାଇଥିଲା। ଟ୍ରାଫିକ୍ ପୋଲିସ ଯାନବାହନଗୁଡ଼ିକୁ ଅଟକାଇ ରଖିଥିଲା। ବତକ ପଲ ରାସ୍ତା ପାର୍ ହେବାପରେ ଯାନବାହନଗୁଡ଼ିକ ଗନ୍ତବ୍ୟ ପଥରେ ଯାଇଥିଲା। ଏହାର ଭିଡ଼ିଓ ଏବେ ସୋସିଆଲ୍ ମିଡ଼ିଆରେ ଭାଇରାଲ ହେବାରେ ଲାଗିଛି। ଇତିମଧ୍ୟରେ ଏହି ଭିଡ଼ିଓକୁ ୩ ହଜାରରୁ ଅଧିକ ଲାଇକ୍ ମିଳିଥିବାବେଳେ ୮ ଶହରୁ ଅଧିକ ଥର ରି-ଟୁଇଟ୍ କରାଯାଇଛି। କେତେକ ମଣିଷଙ୍କ ପାଖରେ ଏଭଳି ଅନୁଶାସନ ନ ଥିବା କମେଣ୍ଟ୍ ଦେଇଛନ୍ତି। ଶହ ଶହ ବତକ ଶୃଙ୍ଖଳିତ ଭାବେ ରାସ୍ତା ପାର୍ ହେଉଥିବା ଏହି ଭିଡ଼ିଓରେ ଦେଖିବାକୁ ମିଳୁଛି। ଏହି ଭିଡ଼ିଓ ୟୁଜରଙ୍କୁ ବେଶ୍ ଭାବୁକ ମଧ୍ୟ କରିଛି।
