କରାଚୀ,୨୪।୮: ଶ୍ରୀଲଙ୍କା ଦଳ ଦିନିକିଆ ସିରିଜ୍ ଖେଳିବା ପାଇଁ ପାକିସ୍ତାନ ଗସ୍ତ କରିବାକୁ ରାଜି ହୋଇଛି। ଏ ନେଇ ଦୁଇ ବୋର୍ଡ ମଧ୍ୟରେ ଚୁକ୍ତି ହୋଇଛି। ଏଥିଯୋଗୁ ଅକ୍ଟୋବରରେ ହେବାକୁ ଥିବା ବିଶ୍ୱ ଟେଷ୍ଟ ଚାମ୍ପିୟନଶିପ ଏବେ ଡିସେମ୍ବରକୁ ଘୁଞ୍ଚତ୍ୟାଇଛି। ଶ୍ରୀଲଙ୍କା ସେପ୍ଟେମ୍ବର ୨୭ରୁ ଅକ୍ଟୋବର ୯ ତାରିଖ ପର୍ଯ୍ୟନ୍ତ କରାଚୀରେ ୩ ଦିନିକିଆ ଖେଳିବ। ପରେ ସମାନ ସଂଖ୍ୟକ ଟି୨୦ ମ୍ୟାଚ୍ ଲାହୋରଠାରେ ଖେଳାଯିବ। ପୂର୍ବରୁ ଅକ୍ଟୋବରରେ ଶ୍ରୀଲଙ୍କା ଦଳ ପାକିସ୍ତାନ ଗସ୍ତରେ ଆସି ଦୁଇ ଟେଷ୍ଟ ଖେଳିଥାନ୍ତା। ଏହାପରେ ଡିସେମ୍ବରରେ ସୀମିତ ଓଭର କ୍ରିକେଟ ସିରିଜ୍ ଆୟୋଜିତ ହେବାର ଥିଲା। ଦୁଇ ବୋର୍ଡ ସଭାପତି ଫୋନ ଯୋଗେ କଥାବର୍ତ୍ତା ହୋଇ କାର୍ଯ୍ୟସୂଚୀରେ ପରିବର୍ତ୍ତନ କରିଛନ୍ତି। ପିସିବି ପକ୍ଷରୁ ଦିଆଯାଇଥିବା ପ୍ରସ୍ତାବକୁ ଶ୍ରୀଲଙ୍କା କ୍ରିକେଟ ବୋର୍ଡ (ଏସ୍ଏଲ୍ସି) ମୁଖ୍ୟ ଶାମି ସିଲଭା ରାଜିି ହୋଇଯାଇଛନ୍ତି ବୋଲି ପିସିବି ପକ୍ଷରୁ କୁହାଯାଇଛି। ଚଳିତ ମାସରେ ଏସ୍ଏଲ୍ସି ସୁରକ୍ଷା ବିଶେଷଜ୍ଞ ପାକିସ୍ତାନ ଗସ୍ତ କରି ସୁରକ୍ଷା ବ୍ୟବସ୍ଥା ଯାଞ୍ଚ କରିଥିଲେ। ତାଙ୍କ ରିପୋର୍ଟ ପଜିଟିଭ ବାହାରିବା ପରେ ଏହା ସମ୍ଭବ ହୋଇପାରିଛି। ଉଲ୍ଲେଖଥାଉ କି, ୨୦୦୯ରେ ଶ୍ରୀଲଙ୍କା ଏକ ଅନ୍ତର୍ଜାତୀୟ ଟେଷ୍ଟ ସିରିଜ୍ ଲାଗି ପାକିସ୍ତାନ ଗସ୍ତ କରିଥିଲା। ସେଠାରେ ଶ୍ରୀଲଙ୍କା ଦଳର ବସ ଉପରେ ଆତଙ୍କବାଦୀ ଆକ୍ରମଣ ହୋଇଥିଲା।
