ଲକ୍‌ଡାଉନ: ଡିଜିଟାଲ ଇଣ୍ଡିଆ ପାଇଁ ବଡ ଚ୍ୟାଲେଞ୍ଜ

ନୂଆଦିଲ୍ଲୀ,୩୦। ୩: ଡିଜିଟାଲ ଇଣ୍ଡିଆ ଯୋଗୁ ଆପ୍‌ ସେବା ଯୋଗାଣ କରୁଥିବା କମ୍ପାନୀଗୁଡିକ ଏବେ ସମସ୍ୟାରେ ରହିଛନ୍ତି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କରୋନା ଭାଇରସ ସଂକ୍ରମଣକୁ ରୋକିବା ଲାଗି ସାରା ଦେଶରେ ୨୧ ଦିନିଆ ଲକ୍‌ଡାଉନ ଘୋଷଣା କରିଥିବା ବେଳେ ଏହା ଏବେ ଡିଜିଟାଲ ଇଣ୍ଡିଆ ପାଇଁ ବଡ ଚ୍ୟାଲେଞ୍ଜ ଭାବେ ଉଭା ହୋଇଛି। ଆପ୍‌ ଭିତ୍ତିକ ପ୍ଲାଟଫର୍ମରେ ସେବା ପାଉଥିବା ଦେଶର କୋଟି କୋଟି ଗ୍ରାହକ ଏବେ ସେବାରୁ ବଞ୍ଚିତ ହୋଇଛନ୍ତି। କ୍ୟାବ୍‌ ସେବା ପ୍ରଦାନକାରୀ ଉବର, ଓଲା ଠାରୁ ଆରମ୍ଭ କରି ଡୋରଷ୍ଟେପରେ ଖାଇବା ଡେଲିଭରି ଦେଉଥିବା କମ୍ପାନୀ ସ୍ବିଗି, ଜୋମାଟୋ ସହ ବିଗ୍‌ବାସ୍କେଟ, ଗ୍ରୋଫରର ସେବାରେ ଏବେ ବାଧା ଉପୁଜିଛି। ଏହି ସେବାଗୁଡିକ ଏବେ ଠପ୍‌ ହୋଇଯାଇଥିବା ବେଳେ ଡିଜିଟାଲ ଇଣ୍ଡଷ୍ଟ୍ରିରେ ବେତନ କାଟ ଏବଂ ଚାକିରି ସଙ୍କଟ ଦେଖାଯିବା ନେଇ ଆଶଙ୍କା ଉପୁଜିଛି।
କୋଭିଡ-୧୯ ଲକ୍‌ଡାଉନ ପାଇଁ କର୍ମଚାରୀମାନଙ୍କର ବେତନରେ ହ୍ରାସ କରାଯିବା ନେଇ ଜୋମାଟୋ ସିଇଓ ଦିପିନ୍ଦର ଗୋୟଲ ସ୍ପଷ୍ଟ କରିଛନ୍ତି। ଓବର ଏବଂ ଓଲା ଡ୍ରାଇଭର ଏବେ ସେମାନଙ୍କ ଘରେ ହାତବାନ୍ଧି ବସିଛନ୍ତି। କଟକଣା ଲାଗିଥିବାରୁ ଖାଦ୍ୟ ଏବଂ ଗ୍ରୋସରୀ ଡେଲିଭରି ଦେଉଥିବା କର୍ମଚାରୀମାନେ ମଧ୍ୟ ବାହାରକୁ ଆସୁନାହାନ୍ତି। ଏହି କଟକଣାକୁ କମ୍‌ କରିବା ଲାଗି ସରକାର କମ୍ପାନୀଗୁଡିକର ପ୍ରତିନିଧିଙ୍କ ସହ ଆଲୋଚନା କରିଛନ୍ତି। ହେଲେ ସାରା ଦେଶରେ ସ୍ବାଭାବିତ ସ୍ଥିତି ଆସିନାହିଁ। ଆମାଜନ, ଫ୍ଲିପକାର୍ଟ , ମିନ୍ତ୍ରା ଭଳି ପ୍ରମୁଖ ଇ-କସର୍ମ ସାଇଟଗୁଡିକ ଏବେ ଅର୍ଡର ନେବା ବନ୍ଦ କରି ଦେଇଛନ୍ତି। ଘରେ ଯୋଗ କରିବା କରିବା ଲାଗି ଉବର ଏହାର ଡ୍ରାଇଭରଙ୍କୁ କହିଛି। ଏପଟେ ଓଲା ସିଇଓ ତାଙ୍କ ଗୋଟିଏ ବର୍ଷର ବେତନ ଦାନ କରିଛନ୍ତି। ଡ୍ରାଇଭରଙ୍କ ଋଣ ଛାଡ, ବିଳମ୍ବ ଦେୟ ପ୍ରଦାନ କ୍ଷେତ୍ରରେ ଟିକସ ଛାଡ କରିବାକୁ ଓଲା ପକ୍ଷରୁ ସରକାରଙ୍କୁ ନିବେଦନ କରାଯାଇଥିବା ଏକ ରିପୋର୍ଟ ପ୍ରକାଶ ପାଇଛି। ଏହା ହେଲେ ଡ୍ରାଇଭରମାନେ କରୋନା ପ୍ରଭାବକୁ କମ୍‌ କରିବାରେ ସହାୟକ ହେବ ବୋଲି ଏଥିରେ କୁହାଯାଇଛି। କମ୍ପାନୀ କହିଛି ଯେ, ଏହାର ଡ୍ରାଇଭରଙ୍କୁ ବୀମା ଏବଂ ମେଡିକାଲ ସୁବିଧା ପ୍ରଦାନ କରାଯାଇଛି। ଏହାବାଦ ସେମାନଙ୍କ ଭଡା ଚାର୍ଜକୁ ମଧ୍ୟ ରିହାତି ପ୍ରଦାନ କରାଯାଇଛି।
ଫୁଡ ଡେଲିଭରି ଚେନ୍‌ରେ ଦୈନିକ ମଜୁରୀ ଭିତ୍ତିରେ କାମ କରୁଥିବା ବ୍ୟକ୍ତି ବିଶେଷ, ଅଣ କୁଶଳୀ ହୋଟେଲ ଷ୍ଟାଫ, ଡେଲିଭରୀ ବୟ ଏବେ ମେଟ୍ରୋ ଛାଡି ସେମାନଙ୍କ ଘରୁକ ପଳାୟନ କରିଛନ୍ତି। ଯେଉଁମାନେ ଘରକୁ ଯାଇ ପାରିନାହାନ୍ତି ସେମାନେ ଏବେ ଲକ୍‌ଡାଉନରେ କୌଣସି କାମ ନ କରି ବସି ରହିଛନ୍ତି। ଦେଶର କିଛି ସ୍ଥାନରେ ଆବଶ୍ୟକ ସାମଗ୍ରୀ ଡେଲିଭରି ପାଇଁ ଲୋକ ଆବଶ୍ୟକ ହେଉଥିଲେ ମଧ୍ୟ ଚାହିଦା ପୂରଣ କରିବା ସହ ଠିକ୍‌ ସମୟରେ ଡେଲିଭରି ଦେବା ଏବେ କଷ୍ଟକର ହୋଇ ପଡୁଛି। ଏଭଳି ଅସୁବିଧାରୁ ଅନଲାଇନ ସେବା ପ୍ରଦାନକାରୀଙ୍କୁ ବାଦ ଦିଆଯିବା ନେଇ ସରକାର ପଦକ୍ଷେପ ନେଉଥିଲେ ମଧ୍ୟ ସାରା ଦେଶରେ ସ୍ଥିତି ସମ୍ପୂର୍ଣ୍ଣ ସ୍ବାଭାବିକ ହୋଇ ପାରିନାହିଁ।


Enter your email to get our daily news in your inbox.

All Right Reserved By Dharitri.Com

ଲକ୍‌ଡାଉନ ବେଳେ ଅନାହାର ସହ ସଂଗ୍ରାମ

ନୂଆଦିଲ୍ଲୀ,୧୭।୪: ଗତ ମାର୍ଚ୍ଚରୁ ଏପ୍ରିଲ ମଧ୍ୟରେ ସାରା ବିଶ୍ୱରେ ଜୀବନ ବଦଳିଯାଇଛି ବୋଲି କହିବା ବାହୁଲ୍ୟ ହେବ ନାହିଁ। କରୋନା ମହାମାରୀ ସାରା ଦୁନିଆକୁ ଘୋଟିଛି।...

ୟୁପିଆଇ ପ୍ଲାଟ୍‌ଫର୍ମରେ ରେକରିଂ ପେମେଣ୍ଟ

ନୂଆଦିଲ୍ଲୀ,୧୨-୧ : ୟୁପିଆଇ ପ୍ଲାଟ୍‌ଫର୍ମରେ ଗ୍ରାହକମାନେ ଏବେ ରେକରିଂ ପେମେଣ୍ଟ ସୁବିଧା ପାଇବେ। ଡିଜିଟାଲ ପେମେଣ୍ଟକୁ ପ୍ରୋତ୍ସାହିତ କରିବା ଲାଗି ସରକାର ଏଭଳି ଏକ ସୁବିଧାର...

ଜିଡିପି ବିବାଦ: ସୁବ୍ରମଣ୍ୟନ୍‌ଙ୍କୁ ଜବାବ ଦେବେ ସରକାର

ନୂଆଦିଲ୍ଲୀ,୧୩-୬: ଏନ୍‌ଡିଏ ସରକାର ଅମଳରେ ଜିଡିପି ହାର ଦର୍ଶାଇବାରେ ମିଥ୍ୟାର ଆଶ୍ରୟ ନିଆଯାଇଥିଲା ବୋଲି ପୂର୍ବତନ ଅର୍ଥନୈତିକ ଉପଦେଷ୍ଟା ଅରବିନ୍ଦ ସୁବ୍ରମଣ୍ୟନ୍‌ ଏକ ରିପୋର୍ଟ ପ୍ରକାଶ...

କରୋନା ଆକ୍ରାନ୍ତ ହେଲେ କେନ୍ଦ୍ର ମନ୍ତ୍ରୀ ନୀତୀନ ଗଡ଼କରୀ

ନୂଆଦିଲ୍ଲୀ, ୧୬।୯: କେନ୍ଦ୍ରମନ୍ତ୍ରୀ ନୀତୀନ ଗଡ଼କରୀ କରୋନା ଭାଇରସ୍‌ ଦ୍ୱାରା ଆକ୍ରାନ୍ତ ହୋଇଛନ୍ତି। ଟୁଇଟ୍‌ ଯୋଗେ ଗଡ଼କରୀ ନିଜେ ଏହି ସୂଚନା ଦେଇଛନ୍ତି। ଗଡ଼କରୀ କହିଛନ୍ତି,...

ରାଜ୍ୟରୁ ପୁଣି ୧୨୨୦ କରୋନା ପଜିଟିଭ ଚିହ୍ନଟ; ଆକ୍ରାନ୍ତଙ୍କ ସଂଖ୍ୟା ପହଞ୍ଚିଲା ୩ଲକ୍ଷ ୫ହଜାରରେ

ଭୁବନେଶ୍ୱର, ୧୧।୧୧(ବ୍ୟୁରୋ): ରାଜ୍ୟରେ ବୁଧବାର ପୁଣି ୧୨୨୦ ନୂଆ କରୋନା ପଜିଟିଭ ଚିହ୍ନଟ ହୋଇଛନ୍ତି। ଏହାକୁ ମିଶାଇ ରାଜ୍ୟରେ ମୋଟ ଆକ୍ରାନ୍ତଙ୍କ ସଂଖ୍ୟା ୩୦୫୦୦୦ ହଜାରରେ...

ଗାଡ଼ି ବିକ୍ରିରେ ଆସିଲା ଉନ୍ନତି

ନୂଆଦିଲ୍ଲୀ: କରୋନା ମହାମାରୀ ଯୋଗୁ ବଜାର ପ୍ରଭାବିତ ହୋଇ ରହିଛି। ଅକ୍ଟୋବରଠାରୁ ପୁଣି ଥରେ ସ୍ଥିତିରେ ସୁଧାର ଆସୁଥିବା ନଜରକୁ ଆସିଛି। ଦେଶର ଅଟୋମୋବାଇଲ କ୍ଷେତ୍ରର...

ଚିନ୍ତା ବଢ଼ାଇଲାଣି ରାଜଧାନୀ: ୨୫ କରୋନା ପଜିଟିଭ ଚିହ୍ନଟ; ୨୩ ସ୍ଥାନୀୟ ଅଞ୍ଚଳର

ଭୁବନେଶ୍ୱର, ୨୯।୬(ବ୍ୟୁରୋ): ରାଜଧାନୀ ଭୁବନେଶ୍ୱରରୁ ସୋମବାର ଆଉ ୨୫ କରୋନା ପଜିଟିଭ ଚିହ୍ନଟ ହୋଇଛନ୍ତି। ସେଥିମଧ୍ୟରେ ୨୩ ଲୋକାଲ୍‌ କେସ୍‌ ରହିଥିବା ବେଳେ ୨ ହୋମ୍‌...

୪ଦିନ ହେବ ବସ୍ତିରେ ରହିଛନ୍ତିି ପଜିଟିଭ୍‌

ଭୁବନେଶ୍ୱର, ୩୦।୭(ବ୍ୟୁରୋ): ବସ୍ତି ଓ ଶିଳ୍ପାଞ୍ଚଳରେ କାର୍ଯ୍ୟ କରୁଥିବା ବାହାର ଶ୍ରମିକଙ୍କ ପାଇଁ ଭୁବନେଶ୍ୱରରେ ଏବେ ସଂକ୍ରମଣ ବଢ଼ିଚାଲିଛି। ବର୍ତ୍ତମାନ ସହରରେ ୫ଶହରୁ ଊର୍ଦ୍ଧ୍ୱ ବସ୍ତି...

Advertisement

BGU

Archives

Model This Week

Why Dharitri