ଭୁବନେଶ୍ୱର, ୮ା୧(ବ୍ୟୁରୋ): ବୁଧବାର ବାମପନ୍ଥୀ ଦଳ ଓ ଶ୍ରମିକ ସଂଗଠନ ପକ୍ଷରୁ ବନ୍ଦ ଡାକରା ରେଳ ଚଳାଚଳ ଉପରେ ବିଶେଷ ପ୍ରଭାବ ପକାଇନି। ପୂର୍ବତଟ ରେଳପଥରେ ମାତ୍ର ୩ଟି ପାସେଞ୍ଜର ଟ୍ରେନ ବାତିଲ୍ କରାଯାଇଥିବା ବେଳେ ଅନ୍ୟ ଟ୍ରେନ୍ ଗୁଡ଼ିକ ବିଳମ୍ବରେ ଚାଲିଥିଲା। କିଛି ସ୍ଥାନରେ ଟ୍ରେନ ଗୁଡ଼ିକୁ ଅଟକାଯାଇଥିବାରୁ ସେଗୁଡ଼ିକ ବିଳମ୍ବରେ ଚାଲିଥିଲା। ୬୮୪୩୮ କଟକ-ଭଦ୍ରକ-କଟକ ପାସେଞ୍ଜର, ୬୮୪୧୧ ଭୁବନେଶ୍ୱର-ବ୍ରହ୍ମପୁର-ଭୁବନେଶ୍ୱର ଓ ୫୮୪୦୫ ପାରାଦୀପ-କଟକ-ପାରାଦୀପ ପାସେଞ୍ଜରକୁ ବାତିଲ୍ କରାଯାଇଥିଲା। ସକାଳକୁ ବନ୍ଦ ଆରମ୍ଭ ହୋଇଯାଇଥିବାରୁ ସକାଳ ୬ଟା ୩୦ରେ ଭଦ୍ରକ ଷ୍ଟେଶନରେ ଭଦ୍ରକ-ବ୍ରହ୍ମପୁର ପାସେଞ୍ଜର, କେନ୍ଦୁଝରଠାରେ କେନ୍ଦୁଝରଗଡ଼-ଭୁବନେଶ୍ୱର, ଭୁବନେଶ୍ୱରରେ ଭୁବନେଶ୍ୱର-ବଲାଙ୍ଗୀର ଇଣ୍ଟରସିଟି, ବ୍ରହ୍ମପୁରରେ ହାଓଡ଼ା-ଯଶୋବନ୍ତପୁର ଏକ୍ସପ୍ରେସ, ବ୍ରହ୍ମପୁରରେ ଇଛାପୁର-କଟକ ମେମୁ, ଭୁବନେଶ୍ୱରରେ ପୁରୀ-ରାଉରକେଲା ପାସେଞ୍ଜରକୁ ଅଟକାଯାଇଥିଲା। ସେହିପରି ସକାଳ ୭ଟା ପରେ ରାଜସୁନାଖଳାଠାରେ ନୟାଗଡ଼-ଭୁବନେଶ୍ୱର ସେବା ଏକ୍ସପ୍ରେସ୍, ଭୁବନେଶ୍ୱରରେ ଚେନ୍ନାଇ-ହାଓଡ଼ା ଏକ୍ସପ୍ରେସ୍, ବାଲୁଗଁ।ରେ ହୀରାଖଣ୍ଡ ଏକ୍ସପ୍ରେସ, ଇଛାପୁରମରେ ଯଶୋବନ୍ତପୁର-ହାଓଡ଼ା ଦୂରନ୍ତୋ, ସୋମପେଟାରେ ଫଲକନାମା ଏକ୍ସପ୍ରେସ, ମଣ୍ଡସାରେ ପଲାସା-ଭୁବନେଶ୍ୱର ମେମୁ, ପଲାସାରେ ବେଙ୍ଗାଲୁରୁ-ଭୁବନେଶ୍ୱର ଏକ୍ସପ୍ରେସକୁ ଅଟକାଯାଇଥିଲା। ଅନ୍ୟପଟେ ପୁରୀକୁ ଆସୁଥିବା ସକାଳୁଆ ଟ୍ରେନ ଗୁଡ଼ିକ ଠିକ୍ ସମୟରେ ପୁରୀରେ ପହଞ୍ଚତ୍ୟାଇଥିଲା। ହାଓଡ଼ା-ପୁରୀ ଜଗନ୍ନାଥ ଏକ୍ସପ୍ରେସ, ହାଓଡ଼ା-ପୁରୀ ଗରିବ ରଥ, ହାଓଡ଼ା-ପୁରୀ ଏକ୍ସପ୍ରେସ, ହଟିଆ-ପୁରୀ ତପସ୍ବିନୀ ଏକ୍ସପ୍ରେସ୍, ହରିଦ୍ୱାର-ପୁରୀ କଳିଙ୍ଗ ଉତ୍କଳ ଏକ୍ସପ୍ରେସ ଓ ନୂଆଦିଲ୍ଲୀ-ପୁରୀ ପୁରୁଷୋତ୍ତମ ଏକ୍ସପ୍ରେସ ଠିକ୍ ସମୟରେ ପୁରୀରେ ପହଞ୍ଚତ୍ଥିଲା। ଉପରୋକ୍ତ ଅଟକାଯାଇଥିବା ସମସ୍ତ ଟ୍ରେନ ଅଧ ଘଣ୍ଟାରୁ ଦୁଇ ଘଣ୍ଟା ପର୍ଯ୍ୟନ୍ତ ବିଳମ୍ବରେ ଚାଲିଥିଲା।
