Advertisement

ରାଜ୍ୟରେ ଦୈନିକ ନିର୍ଯାତନାର ଶିକାର ହେଉଛନ୍ତି ୨୮% ବୟୋଜ୍ୟେଷ୍ଠ

ଭୁବନେଶ୍ୱର, ୧।୧୦(ବ୍ୟୁରୋ): ବୟସ ବଢ଼ିଲେ ଅଲୋଡ଼ା ହୋଇପଡ଼ୁଛନ୍ତି ବୟୋଜ୍ୟେଷ୍ଠ। ନା ପିଲାମାନେ ପଚାରୁଛନ୍ତି, ନା ସମାଜ ସେମାନଙ୍କୁ ଆଦର୍ଶ ନାଗରିକଭାବେ ଗ୍ରହଣ କରୁଛି। ତେଣୁ ପ୍ରତି ୪ଜଣରେ ଜଣେ ବରିଷ୍ଠ ନାଗରିକ ଶାରୀରିକ ଓ ମାନସିକ ନିର୍ଯାତନାର ଶିକାର ହେଉଛନ୍ତି। ଜୀବନର ଅପରାହ୍ନରେ ଅଧିକାଂଶ ବୃଦ୍ଧାବୃଦ୍ଧଙ୍କୁ ନିଃସଙ୍ଗ ଜୀବନ କାଟିବାକୁ ପଡ଼ୁଛି। ଓଡ଼ିଶାରେ ବରିଷ୍ଠ ନାଗରିକମାନଙ୍କ ସ୍ଥିତି ଏବେ ଜଟିଳ ହୋଇଥିବାବେଳେ ରାଜଧାନୀରେ ଏହି ସମସ୍ୟା ଅଧିକ ଦେଖିବାକୁ ମିଳୁଛି। କେବଳ ଭୁବନେଶ୍ୱରର ୪୫%ରୁ ଅଧିକ ବରିଷ୍ଠ ନାଗରିକ ନିର୍ଯାତିତ ଓ ଅବହେଳିତ, ଯାହାକି ଜାତୀୟ ହାରଠାରୁ ବେଶ୍‌ ଅଧିକ ବୋଲି ନିକଟରେ ‘ହେଲ୍‌ପଏଜ୍‌ ଇଣ୍ଡିଆ’ ପକ୍ଷରୁ କରାଯାଇଥିବା ଏକ ସର୍ଭେ ରିପୋର୍ଟରୁ ଜଣାପଡ଼ିଛି।
ଓଡ଼ିଶାର ୨୮% ବୟୋଜ୍ୟେଷ୍ଠ ଦୈନିକ ନିର୍ଯାତନାର ଶିକାର ହେଉଥିବାବେଳେ ୨୮% ମାସକୁ ଥରେ ଦୁର୍ବ୍ୟବହାରର ସାମ୍ନା କରିଥାନ୍ତି। ସମାଜରେ ୯୯% ଲୋକ ବାର୍ଦ୍ଧକ୍ୟରେ ନିର୍ଯାତିତ ହେଉଥିବା ସ୍ବୀକାର କରିଥିବା ଏହି ସର୍ଭେ ଦର୍ଶାଇଛି। ରାଜ୍ୟର ୩୪% ବରିଷ୍ଠ ନାଗରିକ ଗାଳିଗୁଲଜ ଶୁଣୁଥିବାବେଳେ ୩୯% ନିଜ ପରିବାର ଓ ଆତ୍ମୀୟ ସ୍ବଜନଙ୍କଠାରୁ ସମ୍ମାନ ପାଇ ନ ଥାନ୍ତି। ସେହିଭଳି ୨୮% ଉପେକ୍ଷିତ ଅବସ୍ଥାରେ ରହୁଛନ୍ତି। ସବୁଠାରୁ ଗୁରୁତ୍ୱପୂର୍ଣ୍ଣ କଥାହେଲା, ୫୨% ଘଟଣାରେ ପୁଅ ନିଜ ବାପା, ମା’ଙ୍କୁ ନିର୍ଯାତନା ଦେଉଥିବାବେଳେ ୩୪% ମାମଲାରେ ବୋହୂ ନିର୍ଯାତନା ଦେଇଥାଏ। ବଳକା କ୍ଷେତ୍ରରେ ନାତି, ନାତୁଣୀ, ଝିଅ, ଜ୍ୱାଇଁ, ନିଜ ସ୍ବାମୀ କିମ୍ବା ସ୍ତ୍ରୀ, ଯତ୍ନ ନେଉଥିବା ଲୋକ ଏବଂ ଘରୋଇ ସହାୟକମାନେ ନିର୍ଯାତନା ଦେଇଥାନ୍ତି। ୬୦ବର୍ଷରୁ ଊର୍ଦ୍ଧ୍ୱ ୩୨% ବରିଷ୍ଠ ନାଗରିକ ପରିବାରର ଆତ୍ମସମ୍ମାନ ଦୃଷ୍ଟିରୁ ନିର୍ଯାତନାକୁ ମୁଣ୍ଡ ପାତି ସହିଯାଇଥାନ୍ତି।
ଡିଜିଟାଲ ଯୁଗରେ ନିଃସଙ୍ଗ ବୟୋଜ୍ୟେଷ୍ଠ
ଆଗରୁ ଯୌଥ ପରିବାର ଥିବାବେଳେ ବୟୋଜ୍ୟେଷ୍ଠଙ୍କ ଯତ୍ନ ନେବାକୁ ଏବଂ ସେମାନଙ୍କ ସହ ସମୟ ବିତାଇବାକୁ ଗୋଟିଏ ପରିବାରରେ ଏକାଧିକ ସଦସ୍ୟ ରହୁଥିଲେ। ହେଲେ ଏବେ ଯୁଗ୍ମ ଏକାନ୍ନବର୍ତ୍ତୀ ପରିବାରଗୁଡ଼ିକ ଭାଙ୍ଗିଯିବା ପରେ ବୟୋଜ୍ୟେଷ୍ଠମାନେ ପୁଅ, ବୋହୂ, ଝିଅ, ଜ୍ୱାଇଁ ଏବଂ ନାତି, ନାତୁଣୀଙ୍କ ପାଇଁ ଅଲୋଡ଼ା ହୋଇପଡ଼ୁଛନ୍ତି। ସ୍ମାର୍ଟଫୋନ୍‌ ଓ ଡିଜିଟାଲ ଯୁଗରେ ଯୁବବର୍ଗଙ୍କ ନିକଟରେ ବୟସ୍କଙ୍କ ପାଇଁ ନା ଅଛି ଧୈର୍ଯ୍ୟ ନା ଅଛି ସମୟ। ଫଳରେ ନିଃସଙ୍ଗତା ଯୋଗୁ ସେମାନେ ମାନସିକସ୍ତରରେ ଦୁର୍ବଳ ହେବାସହ ବିଭିନ୍ନ ରୋଗର ଶିକାର ହେଉଛନ୍ତି। ଅଧିକାଂଶ କ୍ଷେତ୍ରରେ ବାପା, ମା’ଙ୍କୁ ଏକୁଟିଆ ଛାଡ଼ି ପିଲାମାନେ ରାଜ୍ୟ ଏବଂ ଦେଶ ବାହାରେ ଯାଇ ରହୁଛନ୍ତି। ଏଭଳିସ୍ଥଳେ ସେମାନେ ହତ୍ୟା, ଲୁଟ୍‌ ଭଳି ଅପରାଧର ଶିକାର ହେଉଥିବା ଦେଖିବାକୁ ମିଳୁଛି। ଅନ୍ୟପକ୍ଷରେ କେବଳ ଘରେ ନୁହେଁ, ବୟସ୍କ ନାଗରିକମାନେ ରାସ୍ତାଘାଟ ଓ ବିଭିନ୍ନ ସରକାରୀ, ବେସରକାରୀ କାର୍ଯ୍ୟାଳୟରେ ମଧ୍ୟ ଦୁର୍ବ୍ୟବହାରରୁ ବାଦ୍‌ ପଡ଼ୁ ନ ଥିବା କୁହାଯାଉଛି।

ଭୁବନେଶ୍ୱରରେ ସର୍ବାଧିକ ନିର୍ଯାତିତ ବରିଷ୍ଠ
ଭୁବନେଶ୍ୱର ସମେତ ଦେଶର ୨୩ଟି ସହରକୁ ନେଇ କରାଯାଇଥିବା ଏହି ସର୍ଭେରେ ବରିଷ୍ଠ ନାଗରିକଙ୍କୁ ନିର୍ଯାତନା ଦେବା କ୍ଷେତ୍ରରେ ସବୁଠାରୁ ଆଗରେ ରହିଛି ଭୁବନେଶ୍ୱର, ଯେଉଁଟି ଜାତୀୟ ହାର ୨୫% ସେଠାରେ ଭୁବନେଶ୍ୱରରେ ୪୫% ନିର୍ଯାତନା ଅଭିଯୋଗ ରହିଛି। ଭୁବନେଶ୍ୱରରେ ୫୨% ବୃଦ୍ଧାବୃଦ୍ଧ ଅସମ୍ମାନ ଓ ଦୁର୍ବ୍ୟବହାରର ଶିକାର ହେଉଥିବାବେଳେ ୩୩% ନିଜ ପରିବାରଜନଙ୍କଠାରୁ ଶାରୀରିକ ଓ ମାନସିକ ନିର୍ଯାତନା ପାଇଥାନ୍ତି। ୨୭% ଆର୍ଥିକସ୍ତରରେ ନିର୍ଯାତିତ ଓ ୧୭% ଅବହେଳାର ସମ୍ମୁଖୀନ ହୋଇଥାନ୍ତି। ଅଧିକାଂଶ କ୍ଷେତ୍ରରେ ବୟସ ବଢ଼ିବା ପରେ ପିଲାମାନେ ବୃଦ୍ଧ ବାପା, ମା’ଙ୍କ ସହ ରହିବାକୁ ପସନ୍ଦ କରୁନାହାନ୍ତି। ବୃଦ୍ଧ ବାପା, ମା’ ସେମାନଙ୍କୁ ଏକ ବୋଝ ଭଳି ଲାଗୁଥିବାରୁ ସେମାନେ ଜାଣତରେ ବା ଅଜାଣତରେ ଦୁର୍ବ୍ୟବହାର କରିବା ଆରମ୍ଭ କରିଥାନ୍ତି। ଏହାଛଡ଼ା ସମ୍ପତ୍ତିକୁ ନେଇ ବିବାଦ ବରିଷ୍ଠ ନାଗରିକ ନିର୍ଯାତନାର ଆଉ ଏକ ମୁଖ୍ୟ କାରଣ ବୋଲି ଜଣାପଡ଼ିଛି। ତେବେ ଭୁବନେଶ୍ବରରେ ଦେଶର ସର୍ବାଧିକ ୯୨% ବୟସ୍କ ବ୍ୟକ୍ତି ଦୁର୍ବ୍ୟବହାରର ସାମ୍ନା କରୁଥିବା ଏହି ସର୍ଭେ ରିପୋର୍ଟରୁ ଜଣାପଡ଼ିଛି।

ସମାଜ, ସିଷ୍ଟମ୍‌ ପ୍ରସ୍ତୁତ ନାହିଁ
ବର୍ତ୍ତମାନ ସମୟରେ ଆମ ସମାଜରେ ଏକ ଛୋଟ ପରିବାର କନ୍‌ସେପ୍ଟ ବିକଶିତ ହୋଇଛି। ସମସ୍ତେ ବାହାରକୁ ବାହାରୁଛନ୍ତି ଓ ଏକୁଟିଆ ରହିବାକୁ ପସନ୍ଦ କରୁଛନ୍ତି। ତେଣୁ ବୃଦ୍ଧ ବାପା, ମା’ମାନେ ସମସ୍ତଙ୍କୁ ବୋଝ ଭଳି ଲାଗୁଛନ୍ତି। ଏହାଛଡ଼ା ଆମ ଜନସଂଖ୍ୟା ଧୀରେ ଧୀରେ ବୃଦ୍ଧି ପାଉଥିବାବେଳେ ବରିଷ୍ଠ ନାଗରିକଙ୍କ ସଂଖ୍ୟା ମଧ୍ୟ ବଢୁଛି। ସେହି ଅନୁଯାୟୀ ଲୋକଙ୍କ ଆବଶ୍ୟକତା ମଧ୍ୟ ବଢୁଛି। ଏତେସଂଖ୍ୟକ ବୃଦ୍ଧାବୃଦ୍ଧଙ୍କୁ ସମ୍ଭାଳିବାକୁ ଆମ ସମାଜ ଓ ସିଷ୍ଟମ୍‌ ଉଭୟ ପ୍ରସ୍ତୁତ ନାହାନ୍ତି। ମୋ ମତରେ ଏହି ଦୁଇଟି କାରଣ ଯୋଗୁ ବରିଷ୍ଠ ନାଗରିକଙ୍କ ଉପରେ ନିର୍ଯାତନା ବଢ଼ୁଛି।
– ଭାରତୀ ଚକ୍ର, ଓଡ଼ିଶା ମୁଖ୍ୟ, ହେଲ୍‌ପଏଜ୍‌ ଇଣ୍ଡିଆ


Enter your email to get our daily news in your inbox.

All Right Reserved By Dharitri.Com

ଯାଜପୁର ଜିଲାର ସୀମା ନାକାବନ୍ଦୀ

ଯାଜପୁର ଅଫିସ,୨।୪: ପଡୋଶୀ ଜିଲା ଭଦ୍ରକରେ ଓଡ଼ିଶାର ୪ର୍ଥ କରୋନା ଭାଇରସ୍‌ ସଂକ୍ରମିତ ଚିହ୍ନଟ ହେବା ପରେ ଯାଜପୁର ଜିଲାର ସମସ୍ତ ସୀମାକୁ ନାକାବନ୍ଦୀ କରି...

ମାଟିତଳେ ମନ୍ଦିର ଭଗ୍ନାବଶେଷ

ପୁରୁଣା ଭୁବନେଶ୍ୱର,୨୯।୧(ଡି.ଏନ୍‌.ଏ.): ଏକାମ୍ର କ୍ଷେତ୍ରର ଉନ୍ନତି ପାଇଁ ମିଳିତ ଟିମ୍‌ ପକ୍ଷରୁ ଉଚ୍ଛେଦ ଓ ଖନନ ପ୍ରକ୍ରିୟା ଜାରି ରହିଛି। ଏହି ପରିପ୍ରେକ୍ଷୀରେ ଗୁରୁବାର ଶ୍ରୀଲିଙ୍ଗରାଜ...

ହିନ୍ଦୁ ଦେବଦେବୀଙ୍କୁ ଗାଳି, ଗାଁରେ ତେଜୁଛି ଉତ୍ତେଜନା

ବାଲିଗୁଡ଼ା,୩ା୧୦(ଡି.ଏନ୍‌.ଏ.): କନ୍ଧମାଳ ଜିଲା ବାଲିଗୁଡ଼ା ଥାନା ଅଞ୍ଚଳର ଜଣେ ମୁସଲମାନ ଯୁବକ ହିନ୍ଦୁ ଦେବଦେବୀଙ୍କ ପ୍ରତି ସୋସିଆଲ ମିଡିଆରେ ଅଶ୍ଳୀଳ ମନ୍ତବ୍ୟ ପୋଷ୍ଟ କରିଥିବା ଅଭିଯୋଗ...

୨୦୩୫ ପର୍ଯ୍ୟନ୍ତ ଦେଶରେ ଖାଦ୍ୟାଭାବ ଭୟ ନାହିଁ

କଟକ ଅଫିସ, ୨୯।୫: ସମ୍ପ୍ରତି ଚାଇନା ବିଶ୍ୱରେ ସର୍ବାଧିକ ଧାନ ଉତ୍ପାଦନକାରୀ ରାଷ୍ଟ୍ର ଭାବେ ପରିଗଣିତ ହେଉଛି। ଚାଇନାରେ ହେକ୍ଟର ପିଛା ହାରାହାରି ୬୦ କୁଇଣ୍ଟାଲ...

୧୪ରୁ ଖୋଲିବ ପ୍ରି-ସ୍କୁଲ

ଭୁବନେଶ୍ୱର, ୯ା୨(ବ୍ୟୁରୋ):ରାଜ୍ୟର ସମସ୍ତ ଘରୋଇ ପ୍ରି-ସ୍କୁଲ (ପ୍ଲେ ଓ କେଜି ଶ୍ରେଣୀ) ଖୋଲିବା ପାଇଁ ମଙ୍ଗଳବାର ରାଜ୍ୟ ସରକାର ଅନୁମତି ଦେଇଛନ୍ତି। କୋଭିଡ୍‌ ଗାଇଡ୍‌ଲାଇନ୍‌ ଅନୁପାଳନ...

ଗଛ ମୂଳେ ଆଶ୍ରୟ ନେବା ହେଲା କାଳ

ଆନନ୍ଦପୁର/ଘସିପୁରା,୨୭। ୬: ରବିବାର ବଜ୍ରପାତ ଘଟି ଜଣେ ଚାଷୀଙ୍କ ମୃତ୍ୟୁ ଘଟିଥିବା ବେଳେ ଅନ୍ୟ ୩ ଜଣ ଗୁରୁତର ହୋଇଛନ୍ତି। ଗୁରୁତରଙ୍କୁ ଆନନ୍ଦପୁର ମୁଖ୍ୟ ଚିକିତ୍ସାଳୟରେ...

ଅଖାରେ ବାନ୍ଧି ନବଜାତ ଶିଶୁ କନ୍ୟାଙ୍କୁ ଫୋପାଡି ଦେଇଥିଲେ

ଯୋଡ଼ା,୫।୧୨(ଡି.ଏନ୍‌.ଏ.): କେନ୍ଦୁଝର ଜିଲା ଯୋଡ଼ା ସହରସ୍ଥିତ ପଶ୍ଚିମ ଯୋଡ଼ା ହୁଡ଼ି ସାହି ନିକଟ ଏକ ପରିତ୍ୟକ୍ତ ବୁଦାମୂଳରୁ ଏକ ନବଜାତ ଶିଶୁ କନ୍ୟାକୁ ଉଦ୍ଧାର କରାଯାଇଛି।...

ପୋଲିସ ଆଖିରେ ଧୂଳି ଦେଇ ଖସି ପଳାଉଥିଲା ଅଭିଯୁକ୍ତ: ଚଢିଗଲା ଟ୍ରକ

ରାୟଗଡା ଅଫିସ,୧୩।୭-ପୋଲିସ ଆଖିରେ ଧୂଳି ଦେଇ ଥାନା ସମ୍ମୁଖରୁ ଖସି ଯିବାକୁ ଜଣେ ଅଭିଯୁକ୍ତ ଚେଷ୍ଟା କରୁଥିବାବେଳେ ତାଙ୍କ ଉପରେ ଟ୍ରକ ଚଢିଯାଇଛି। ଫଳରେ ଘଟଣାସ୍ଥଳରେ...

Advertisement
Archives

Model This Week