କୋଲକାତା,୪।୫: ପଶ୍ଚିମବଙ୍ଗରେ ବିଧାନସଭା ନିର୍ବାଚନର ଫଳାଫଳ ଘୋଷଣା କରାଯାଇଛି। ଏଥର ନିର୍ବାଚନ ଫଳାଫଳରେ ଏକ ବଡ଼ ପରିବର୍ତ୍ତନ ଦେଖାଦେଇଛି ଏବଂ ୧୫ ବର୍ଷ ଧରି ଶାସନ କରୁଥିବା ମମତା ବାନାର୍ଜୀଙ୍କ ହାତରୁ କ୍ଷମତା ଖସି ଯାଇଛି। ଭାଜପା ଏଠାରେ ସମ୍ପୂର୍ଣ୍ଣ ବହୁମତ ସହିତ ସରକାର ଗଠନ କରିବାକୁ ଯାଉଛି। ଏସବୁ ଭିତରେ କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଏକ ବଡ଼ ବୟାନ ଦେଇଛନ୍ତି। ସେ କହିଛନ୍ତି, ବଙ୍ଗଳାର ଲୋକମାନେ ତୃଣମୂଳ କଂଗ୍ରେସର କୁଶାସନ ବିରୋଧରେ ଭୋଟ ଦେଇଛନ୍ତି। ବିଶେଷକରି ମହିଳାମାନେ ମମତା ବାନାର୍ଜୀଙ୍କୁ ତାଙ୍କ କୁଶାସନ, ଆରଜି କର ବଳାତ୍କାର-ହତ୍ୟା, ଦୁର୍ନୀତି ଏବଂ ଶିକ୍ଷକଙ୍କ ଚାକିରି ହରାଇବା ଭଳି ଅତ୍ୟାଚାରର ପରିଚାଳନା ଯୋଗୁ ପରାସ୍ତ କରିଛନ୍ତି। ଅନୁପ୍ରବେଶକାରୀଙ୍କ ପ୍ରତି ଦେଖାଯାଉଥିବା ବିଶେଷ ସ୍ନେହ, ଯୁବକମାନଙ୍କ ପାଖରେ ଚାକିରି ନ ଥିଲା, ମନ୍ତ୍ରୀମାନଙ୍କ ଘରୁ ନଗଦ ପାହାଡ଼ ଜବତ କରାଯାଇଥିଲା। ଏହିସବୁ କାରଣରୁ ଲୋକେ ମମତା ସରକାରଙ୍କୁ ହଟାଇଛନ୍ତି।
ଏସବୁ ମଧ୍ୟରେ ଧର୍ମେନ୍ଦ୍ରଙ୍କୁ ଏକ ରୋଚକ ପ୍ରଶ୍ନ ପଚରାଯାଇଥିଲା। ଯାହାକୁ ନେଇ ସ୍ପଷ୍ଟ ଉତ୍ତର ଦେଇଥିଲେ। ଓଡ଼ିଶା ଏବଂ ପଶ୍ଚିମବଙ୍ଗରେ ଏବେ ଭାଜପା ସରକାର, ତେବେ ରସଗୋଲା କାହାର ବୋଲି ପ୍ରଶ୍ନ ହେବାରୁ ଧର୍ମେନ୍ଦ୍ର ହସି ହସି କହିଥିଲେ ରସଗୋଲା କେବଳ ଓଡ଼ିଶାର।
Dharitri – Odisha’s No.1 Odia Daily
