ନୂଆଦିଲ୍ଲୀ, ୨।୬: ୨୦୧୪ ଲୋକ ସଭା ନିର୍ବାଚନଠାରୁ ଚା’ରେ ଚର୍ଚ୍ଚା ଏତେ ମାତ୍ରାରେ ବ୍ୟାପିଛି ଯେ, ଯାହା ଆଜି ପର୍ଯ୍ୟନ୍ତ ଥମିନି। ଚା’କୁ ନେଇ ଚର୍ଚ୍ଚା, ଚା’କୁ ନେଇ କବିତା, ଚା’କୁ ନେଇ ସାୟରୀ ପରେ ଏବେ ଚା’ରେ ପ୍ରସ୍ତୁତ ହୋଇଛି ଚିତ୍ର।
୨୦୧୯ ଲୋକ ସଭା ନିର୍ବାଚନରେ ଭାଜପାର ଐତିହାସିକ ବିଜୟ ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ତାଙ୍କର ଜଣେ ପ୍ରଶଂସକ ନିଆରା ଉପହାର ଦେଇଛନ୍ତି। ନେ ନିଜ ହାତରେ ମୋଦିଙ୍କ ଛବି ପ୍ରସ୍ତୁତ କରିଛନ୍ତି ତା’ପୁଣି ଚା’ରେ। ଗୁଜୁରାଟର ନବସାରୀରେ ଜିତୁ ଯାଦବ ନାମକ ଜଣେ ବ୍ୟକ୍ତି କଳା ଏବଂ ଧଳା ଚା’ରେ ସେ ମୋଦିଙ୍କ ପେଣ୍ଟିଂ କରିଛନ୍ତି। ଏହି ଫଟୋକୁ ସେ ମୋଦିଙ୍କୁ ବ୍ୟକ୍ତିଗତ ଭାବେ ଭେଟି ଦେବାକୁ ଚାହୁଁଛନ୍ତି ବୋଲି କହିଛନ୍ତି। ୨୦୧୪ରେ ମୋଦି ଦେଶର ପ୍ରଧାନମନ୍ତ୍ରୀ ହେବା ପରେ ମୋଦି ଚା’ରେ ଚର୍ଚ୍ଚା ନାମକ ଏକ ପ୍ରୋଗ୍ରାମ ଆରମ୍ଭ କରିଥିଲେ। ଏହି ପ୍ରୋଗ୍ରାମରୁ ମୋଦିଙ୍କ ପ୍ରଶଂସକ ପାଲଟିଯାଇଛନ୍ତି ବୋଲି ଜିତୁ କହନ୍ତି।
