ବେଗୁନିଆପଡା,୨୧ା୪(ଡି.ଏନ.ଏ.)-କରୋନା ମୁକାବିଲା ପାଇଁ ସାମାଜିକ ଦୂରତା ଉପରେ ଅଧିକ ଗୁରୁତ୍ୱ ଦିଆଯାଉଛି। ଗଞ୍ଜାମ ଜିଲାପାଳ ଏ ଦିଗରେ ବହୁ କଟକଣା ମଧ୍ୟ ଜାରି କରିଛନ୍ତି। କିନ୍ତୁ ବେଗୁନିଆପଡ଼ା ବ୍ଲକ ଅନ୍ତର୍ଗତ ବିଭିନ୍ନ ବ୍ୟାଙ୍କରେ ଜନଗହଳି ଦେଖିବାକୁ ମିଳିଛି। ଏହାକୁ ପ୍ରତିହତ କରିବା ସହ ଲୋକମାନଙ୍କୁ ସୁବିଧା ଯୋଗାଇ ଦେବାକୁ ସୁମଣ୍ଡଳ ସ୍ଥିତ ବ୍ୟାଙ୍କ ଅଫ୍ ଇଣ୍ଡିଆ ଶାଖା ତରଫରୁ ମଙ୍ଗଳବାର ଠାରୁ ମୋବାଇଲ ବ୍ୟାଙ୍କିଙ୍ଗ ସେବା ଆରମ୍ଭ ହୋଇଛି। ଏଥି ସହିତ କରୋନା ଭୂତାଣୁ ସଂକ୍ରମଣ ପ୍ରତିହତ ସମ୍ପର୍କରେ ସଚେତନତା ସୃଷ୍ଟି କରିବା, ବାର୍ଦ୍ଧକ୍ୟ, ଭିନ୍ନକ୍ଷମ ଓ ଅସହାୟ ଲୋକମାନଙ୍କୁ ସୁବିଧା ସୁଯୋଗ ଯୋଗାଇ ଦେବା ଏହି କାର୍ଯ୍ୟକ୍ରମର ଉଦ୍ଦେଶ୍ୟ ବୋଲି ଶାଖା ପରିଚାଳକ ଦିଲ୍ଲୀପ କୁମାର ମହାନ୍ତି, ସହକାରୀ ଶାଖା ପରିଚାଳକ ସତ୍ୟବ୍ରତ ବାରିକ କହିଛନ୍ତି। ଏହି ମୋବାଇଲ ଟିମ୍ରେ ବ୍ୟାଙ୍କ କର୍ମଚାରୀ ଦିବ୍ୟଜୀବନ ମହାରଣା, ଦୀପକ କୁମାର ଜେନା, ସସ୍ମିତା ମହାଳିକ, ପ୍ରମିଳା ଦାସ, ପ୍ରଭାତ ମହାନ୍ତି ରହି ସେବା ଯୋଗାଉଛନ୍ତି।
