ବନ୍ଧୁକରେ ରୋମାନ୍ସ ବେଳେ ଗୁଳି ଫୁଟିବା ଘଟଣା: ପୋଲିସକୁ ଭୁଆଁ ବୁଲାଇଲେ ଆଶିଷ, ରାଜେଶ

ଭୁବନେଶ୍ୱର, ୧୨।୨(ବ୍ୟୁରୋ):ବନ୍ଧୁକରେ ରୋମାନ୍ସ ବେଳେ ଗୁଳି ଫୁଟି ପ୍ରେମିକା ଆହତ ହେବା ଘଟଣାରେ ଗିରଫ ପ୍ରେମିକ ଆଶିଷ କୁମାର ନାୟକଙ୍କୁ ମଙ୍ଗଳବାର ଜେଲ ଯିବାକୁ ପଡ଼ିଛି। ତାଙ୍କୁ ଗିରଫ ପରେ ଇନ୍‌ଫୋସିଟି ଥାନା ପୋଲିସ ଭୁବନେଶ୍ୱର ଏସ୍‌ଡିଜେଏମ୍‌ କୋର୍ଟ ଚାଲାଣ କରିଥିଲା। ତେବେ ଜାମିନ ନାମଞ୍ଜୁର ହେବାରୁ ତାଙ୍କୁ ଝାରପଡ଼ା ଜେଲକୁ ପଠାଇ ଦିଆଯାଇଛି। ଅନ୍ୟପକ୍ଷରେ ସମ୍ପୃକ୍ତ ବନ୍ଧୁକକୁ ପୋଲିସ ଜବତ କରିପାରି ନାହିଁ। ପୋଲିସ ଗତ ଦୁଇଦିନ ଧରି ତାଙ୍କୁ ପଚରାଉଚରା କରିଥିଲେ ମଧ୍ୟ ସେ ପୋଲିସକୁ ଭୁଆଁ ବୁଲାଇଥିବା ଜଣାପଡ଼ିଛି। ପୋଲିସକୁ ସେ କହିଥିଲେ, ପ୍ରେମିକା ସହ ରୋମାନ୍ସ କରିବା ବେଳେ ଭୁଲ୍‌ବଶତଃ ବନ୍ଧୁକର ଟ୍ରିଗାର ଉପରେ ହାତ ବାଜିଯାଇଥିଲା। ଫଳରେ ଗୁଳିଟି ଫୁଟି ଯୁବତୀଙ୍କ ଜଙ୍ଘରେ ପଶିଯାଇଥିଲା। ଏହାପରେ ସେ ତାଙ୍କୁ ତରବରିଆଭାବେ ଉଦ୍ଧାର କରି ଘରୋଇ ହସ୍ପିଟାଲକୁ ନେଇଥିଲେ। ପୋଲିସ କେସ୍‌ ହେବ ଜାଣିପାରି ବନ୍ଧୁକକୁ ଲୁଚାଇବାକୁ ମୋ ସାଙ୍ଗ ରାଜେଶ ତରାଇଙ୍କୁ କହିଥିଲି। ରାଜେଶ କେଉଁଠି ଲୁଚାଇଛନ୍ତି ତାହା ଜାଣିନାହାନ୍ତି। ଏହାପରେ ସୋମବାର ରାତିରେ ନନ୍ଦନକାନନ ଥାନା ଅଧୀନ ମାରୁତିଭିଲ୍ଲାରେ ରହୁଥିବା ରାଜେଶଙ୍କୁ ପୋଲିସକୁ କାବୁ କରିବା ସହ ତାଙ୍କ ଘର ତଲାସି କରିଥିଲା। କିନ୍ତୁ ବନ୍ଧୁକ ମିଳି ନ ଥିଲା। ପୋଲିସ ତାଙ୍କୁ ଥାନାକୁ ଆଣି ପଚରାଉଚରା କରିଥିଲା। ସେ କହିଥିଲେ ଯେ, ଆଶିଷଙ୍କଠାରୁ ଘଟଣା ସମ୍ପର୍କରେ ଶୁଣି ତାଙ୍କ ରୁମ୍‌କୁ ଯାଇଥିଲି। ସେଠାରୁ ବନ୍ଧୁକ ଆଣି ବାଇକରେ ମାରୁତି ଭିଲ୍ଲା ଯିବାବେଳେ ରଘୁନାଥପୁରଠାରେ ଏକ ନର୍ଦ୍ଦମାକୁ ଫିଙ୍ଗି ଦେଇଥିଲି। ପୋଲିସ ମଙ୍ଗଳବାର ସକାଳେ ଆଶିଷ ଓ ରାଜେଶଙ୍କୁ ଉକ୍ତ ନର୍ଦ୍ଦମା ନିକଟକୁ ନେଇ ବହୁ ସମୟ ଖୋଜାଖୋଜି କରିଥିଲେ ବି ବନ୍ଧୁକ ପାଇ ନ ଥିଲା। ଏଥିଯୋଗୁ ଏବେ ପୋଲିସ ଚିନ୍ତା ବଢିଯାଇଛି। କାରଣ ବନ୍ଧୁକ ନ ମିଳିଲେ ଅଭିଯୁକ୍ତ ଜେଲରୁ ଖସିଯିବା ଯଥେଷ୍ଟ ସମ୍ଭାବନା ରହିଛି। ରାଜେଶ ଜଣେ କୁଖ୍ୟାତ ଅପରାଧୀ। ସେ ଆଶିଷଙ୍କ ସହ ନୟାପଲ୍ଲୀ ବୋମାମାଡ଼ ମାମଲାରେ ସମ୍ପୃକ୍ତ ବୋଲି ପୋଲିସ କହିଛି। ରାଜେଶଙ୍କ ଘର ନିଆଳି ଅଞ୍ଚଳରେ ହୋଇଥିବା ବେଳେ ସେ ନନ୍ଦନକାନନ ଥାନା ଅଞ୍ଚଳରେ ରହୁଛନ୍ତି।
ଅନ୍ୟପକ୍ଷରେ ଯୁବତୀଙ୍କ ମା, ବାପା ବାଲେଶ୍ୱରରୁ ମଙ୍ଗଳବାର ଭୁବନେଶ୍ୱର ଆସି ହସ୍ପିଟାଲରେ ଝିଅକୁ ଭେଟିଛନ୍ତି। ପରେ ସେମାନେ ଆଶିଷଙ୍କ ବିରୋଧରେ ଇନ୍‌ଫୋସିଟି ଥାନାରେ ଅଭିଯୋଗ କରିଛନ୍ତି। ସେମାନେ ଆଶିଷକୁ ଜାଣି ନ ଥିବା କହିବା ସହ ତାଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଦାବି କରିଛନ୍ତି। ଯୁବତୀ ସୁସ୍ଥ ହେବା ପରେ ପୋଲିସ ତାଙ୍କ ବୟାନ ରେକର୍ଡ କରିବ। ମଙ୍ଗଳବାର ପୋଲିସ ଯୁବତୀଙ୍କ ବୟାନ ରେକର୍ଡ ପାଇଁ ହସ୍ପିଟାଲ ଯାଇଥିଲେ। ହେଲେ ଗୁଳିମାଡ଼ ପରଠୁ ଯୁବତୀ ଭୟଭୀତ ଅବସ୍ଥାରେ ଥିବାରୁୁ ସେ ପୋଲିସ ଆଗରେ ବୟାନ ଦେବା ସ୍ଥିତି ନ ଥିବା ଡାକ୍ତର କହିଥିଲେ। ଫଳରେ ପୋଲିସ ଫେରିଆସିଥିଲା।


Enter your email to get our daily news in your inbox.

All Right Reserved By Dharitri.Com

‘ଇଣ୍ଡିଆନ୍‌ ସ୍ମାର୍ଟ ସିଟିଜ୍‌ ଆଓ୍ବାର୍ଡ’ ପ୍ରତିଯୋଗିତାରେ ଭୁବନେଶ୍ୱର ଦ୍ୱିତୀୟ

ଭୁବନେଶ୍ୱର, ୧୯।୪(ବ୍ୟୁରୋ):ରାଜଧାନୀ ଭୁବନେଶ୍ୱରକୁ ମିଳିଛି ଆଉ ଏକ ସଫଳତା। ସୁରଟଠାରେ ଅନୁଷ୍ଠିତ ‘ଇଣ୍ଡିଆନ୍‌ ସ୍ମାର୍ଟ ସିଟିଜ୍‌ ଆଓ୍ବାର୍ଡ କଣ୍ଟେଷ୍ଟ’ (ଆଇଏସ୍‌ଏସି)ର ସାମାଜିକ ଦୃଷ୍ଟିକୋଣ ବର୍ଗରେ ସୋସିଆଲି...

୩୦ ଯାଏଁ ପ୍ରବଳ ବର୍ଷିବ

ଭୁବନେଶ୍ୱର,୨୮।୭: ଉତ୍ତର-ବଙ୍ଗୋପସାଗରରେ ସୃଷ୍ଟି ହୋଇଥିବା ଲଘୁଚାପ ବୁଧବାର ଘନୀଭୂତ ହୋଇଛି। ୪୮ ଘଣ୍ଟା ମଧ୍ୟରେ ଏହା ପଶ୍ଚିମ ଦିଗରେ ଗତିକରି ପଶ୍ଚିମବଙ୍ଗ, ଝାଡ଼ଖଣ୍ଡ ଏବଂ ବିହାର...

ଅଚଳ ହୋଇପଡ଼ିଛି ବର୍ଷାମାପକ ଓ ପାଗ ନିର୍ଣ୍ଣୟ ଯନ୍ତ୍ର

ଖଣ୍ଡପଡ଼ା,୧୯ା୭(ସ୍ବ.ପ୍ର.)-ଖଣ୍ଡପଡ଼ା ବ୍ଲକ ପରିସରସ୍ଥ ଭାରତୀୟ ପାଣିପାଗ ବିଭାଗ ଦ୍ୱାରା ସ୍ଥାପିତ ବର୍ଷାମାପକ ଯନ୍ତ୍ର ଓ ପାଣିପାଗ ନିର୍ଣ୍ଣୟ ଯନ୍ତ୍ର ଦୀର୍ଘବର୍ଷ ଧରି ଅଚଳ ତଥା ପରିତ୍ୟକ୍ତ...

ମେ’ପ୍ରଥମ ସପ୍ତାହରୁ କମିବ ତାତି!

ଭୁବନେଶ୍ୱର,୨୮।୪(ବ୍ୟୁରୋ): କାଳବୈଶାଖୀ ପ୍ରଭାବରେ ରାଜ୍ୟରେ ହିଟ୍‌ ଓ୍ବେବ୍‌ରେ ବ୍ରେକ୍‌ ଲାଗିବ। ମେ’୧ରୁ ୨ ମଧ୍ୟରେ ଦିନର ତାପମାତ୍ରା କମିବାର ସମ୍ଭାବନା ରହିଛି। ଏ ନେଇ ପାଣିପାଗ...

କାରାଗାରରେ ସ୍ବାସ୍ଥ୍ୟସେବା ବିପର୍ଯ୍ୟସ୍ତ

ଭୁବନେଶ୍ୱର,୩୧।୧(ବ୍ୟୁରୋ): ରାଜ୍ୟର ଏକାଧିକ କାରାଗାରରେ ସ୍ବାସ୍ଥ୍ୟସେବା ବିପର୍ଯ୍ୟସ୍ତ ହୋଇପଡିଛି। ସ୍ବୀକୃତିପ୍ରାକ୍ତ ପଦବୀ ଅନୁସାରେ ଆବଶ୍ୟକ ଡାକ୍ତର ନାହାନ୍ତି। ଏପରିକି ଡାକ୍ତର ନିଯୁକ୍ତ ପାଇଁ ଜେଲ ବିଭାଗ...

କୋଭିଡ୍‌ ହସ୍ପିଟାଲରେ ପଡ଼ିରହିଲା ମୃତଦେହ

ରାୟଗଡ଼ା ଅଫିସ,୧୮।୪: ରାୟଗଡ଼ା ଜିଲା ଜେକେପୁରସ୍ଥିତ କୋଭିଡ୍‌ ହସ୍ପିଟାଲରେ ରବିବାର ଏକ ଅଭାବନୀୟ ଘଟଣା ଦେଖିବାକୁ ମିଳିଛି। ହସ୍ପିଟାଲରେ ଅସ୍ଥାୟୀଭାବେ ନିୟୋଜିତ ଚତୁର୍ଥ ଶ୍ରେଣୀ କର୍ମଚାରୀମାନଙ୍କୁ...

ନିର୍ଦ୍ୱନ୍ଦ୍ୱରେ ଜିତିଲେ ୩୬ ହଜାର ୫୨୩ ୱାର୍ଡ ମେମ୍ବର ପ୍ରାର୍ଥୀ

ଭୁବନେଶ୍ୱର,୨୬।୧(ବ୍ୟୁରୋ): ତ୍ରିସ୍ତରୀୟ ପଞ୍ଚାୟତ ନିର୍ବାଚନ ପାଇଁ ସମସ୍ତ ପ୍ରକାର ପ୍ରସ୍ତୁତି ସରିଛି। ପ୍ରଚାର ମଧ୍ୟ ଆରମ୍ଭ କରିଦେଇଛନ୍ତି ପ୍ରାର୍ଥୀ । ଆଉ ରାଜ୍ୟର କିଛି ସ୍ଥାନରେ...

ଆଧାର ସାଜିବେ ଆଶା

ଅନୁଗୋଳ ଅଫିସ, ୧୧ା୭: କୋଭିଡ୍‌ ମହାମାରୀରୁ ଗର୍ଭବତୀଙ୍କୁ ଦିଆଯିବ ସୁରକ୍ଷା। ବୟସ୍କ ଓ ଯୁବବର୍ଗଙ୍କ ପରି ସେମାନଙ୍କର ମଧ୍ୟ ହେବ ଟିକାକରଣ। ହେଲେ ଏଥିପାଇଁ ଅନ୍‌ଲାଇନ୍‌ କି...

Advertisement
Archives

Model This Week