ନୂଆଦିଲ୍ଲୀ,୩।୧୨: କେନ୍ଦ୍ରୀୟ ମାଧ୍ୟମିକ ଶିକ୍ଷା ପରିଷଦ(ସିବିଏସ୍) ପକ୍ଷରୁ ୨୦୧୯-୨୦ ଶିକ୍ଷା ବର୍ଷ ପାଇଁ ପରୀକ୍ଷା ପଦ୍ଧତିରେ ପରିବର୍ତ୍ତନ ଅଣାଯାଇଛି। ପ୍ରତି ବିଷୟରେ ଏଣିକି ୧ ନମ୍ବର ବିଶିଷ୍ଟ ୨୫ଟି ମଲ୍ଟିପୁଲ୍ ଚଏସ୍ ପ୍ରଶ୍ନ ରହିବ। ଏହା ସହିତ ୩୩ ପ୍ରତିଶତ ପ୍ରଶ୍ନରେ ପରୀକ୍ଷାର୍ଥୀ ନିଜସ୍ବ। ଏହାଦ୍ୱାରା ପରୀକ୍ଷାର୍ଥୀ ସହଜ ପ୍ରଶ୍ନର ଚୟନ କରି ଏହାର ଉତ୍ତର ଦେଇପାରିବେ। ଏନେଇ ମାନବ ସମ୍ବଳ ବିକାଶ ମନ୍ତ୍ରୀ ରମେଶ ପୋଖରିଓ୍ବାଲ ନିଶାଙ୍କ ସୂଚନା ଦେଇଛନ୍ତି। ପରୀକ୍ଷାର୍ଥୀଙ୍କ ତର୍କ ତଥା ଚିନ୍ତନ କ୍ଷମତା ବୃଦ୍ଧି କରିବା ଲାଗି ଏଭଳି ପଦ୍ଧତିକୁ ଗ୍ରହଣ କରାଯାଇଥିବା ସେ କହିଛନ୍ତି। ପ୍ରତି ବିଷୟରେ ୨୦ ପ୍ରତିଶତ ମଲ୍ଟିପୁଲ୍ ଚଏସ୍ ପ୍ରଶ୍ନ, ୧୦ ପ୍ରତିଶତ ଦୀର୍ଘ ଉତ୍ତରମୂଳକ ପ୍ରଶ୍ନ ରହିବ। ସେହିପରି ୨୦ ନମ୍ବରର ଇଣ୍ଟରନାଲ୍ ଆସେସ୍ମେଣ୍ଟ୍ ରହିବ। ଦ୍ୱାଦଶ ଶ୍ରେଣୀ ପରୀକ୍ଷାର୍ଥୀଙ୍କୁ ପ୍ରାକ୍ଟିକାଲ୍, ଥିଓରୀ ଏବଂ ଇଣ୍ଟରନାଲ୍ ଆସେସ୍ମେଣ୍ଟ୍ ଆଦିରେ ଅଲଗା ଅଲଗା ୩୩ ପ୍ରତିଶତ ନମ୍ବର ରଖିବାକୁ ହେବ। ୭୦ ନମ୍ବର ଥିବା ବିଷୟରେ ୨୩ ଏବଂ ୮୦ ନମ୍ବର ଥିବା ବିଷୟରେ ୨୮ ନମ୍ବର ରଖିବା ବାଧ୍ୟତାମୂଳକ ହେବ ବୋଲି ମାନବ ସମ୍ବଳ ମନ୍ତ୍ରୀ କହିଛନ୍ତି।
