ବଡ଼ସାହି,୨୭ା୭(ସ୍ବ.ପ୍ର)- ଦୋକାନୀଙ୍କୁ ବଟି ମାଗିବା ଅଭିଯୋଗରେ ବଡ଼ସାହି ପୋଲିସ ଜଣେ ଯୁବକଙ୍କୁ ଗିରଫ କରି ଶୁକ୍ରବାର କୋର୍ଟ ଚାଲାଣ କରିଛି ା ଅଭିଯୁକ୍ତ ଜଣଙ୍କ ହେଲେ ବଡ଼ସାହିର ସିପୁନ କୁମାର ସେଠୀ (୨୨) ା ବଡ଼ସାହି ବଜାରରେ ଜଳଖିଆ ଦୋକାନ କରିଥିବା ଅଜିତ କୁମାର ସାହୁ ଥାନାରେ କରିଥିବା ଅଭିଯୋଗ ଅନୁଯାୟୀ ଜଳଖିଆ ଦୋକାନରେ ଚୋରା ମଦ ବିକ୍ରି ହେଉଥିବା ଅଭିଯୋଗ କରି ସିପୁନ ତାଙ୍କୁ ୫୦୦ଟଙ୍କା ବଟି ମାଗିଥିଲେ ା
ଅଜିତ ବଟି ଦେଇପାରିବେ ନାହିଁ କହିବାରୁ ଉଭୟଙ୍କ ମଧ୍ୟରେ ବଚସା ହୋଇଥିଲା ା ଏହି ସମୟରେ ସିପୁନ ଅଜିତଙ୍କ ପକେଟରୁ ବଳପୂର୍ବକ ୫ ଶହ ଟଙ୍କା ଛଡ଼ାଇ ନେଇଥିଲେ ା ଘଟଣା ପ୍ରକାଶ ନ କରିବାକୁ ମଧ୍ୟ ଧମକ ଦେଇଥିବା ଅଭିଯୋଗରେ ଉଲ୍ଲେଖ ଅଛି ା ଅଭିଯୋଗକୁ ଭିତ୍ତିିି କରି ପୋଲିସ ଏକ ମାମଲା (ନଂ.୧୦୫/୧୯) ରୁଜୁ କରି ଅଭିଯୁକ୍ତଙ୍କୁ ଗିରଫ କରିଛି। ଅଭିଯୁକ୍ତ ବ୍ୟବହାର କରୁଥିବା ଏକ ବାଇକ୍କୁ ମଧ୍ୟ ପୋଲିସ ଜବତ କରିଛି ା ଅଭିଯୁକ୍ତ ଜଣଙ୍କ ପୂର୍ବରୁ ବିଭିନ୍ନ ରାଜନୈତିକ ଦଳର ଯୁବନେତା ଭାବେ ନିଜକୁ ପରିଚୟ ଦେଉଥିବା ବେଳେ କିଛି ଦିନ ଧରି ଖବରଦାତା ଭାବେ ବିଭିନ୍ନ ଲୋକଙ୍କୁ ବ୍ଲାକମେଲିଂ କରୁଥିବା ତଦନ୍ତକାରୀ ଅଧିକାରୀ ପ୍ରାଥମିକ ତଦନ୍ତରୁ ଜାଣିବାକୁ ପାଇଥିବା କହିଛନ୍ତି।
