ଫାଇଲେରିଆର ପ୍ରାଦୁର୍ଭାବ

”ଫାଇଲେରିଆ ଗୋଟିଏ ମଶା ବାହକ ରୋଗ। ଅସ୍ବାସ୍ଥ୍ୟକର ପରିବେଶ ଓ ଢାଙ୍କୁଣି ନ ଥିବା ନର୍ଦ୍ଦମା ପାଣିରେ ମଶାମାନେ ଅଣ୍ଡା ଦେଇ ବଂଶ ବିସ୍ତାର କରନ୍ତି। ଏହି ରୋଗରେ ମୃତ୍ୟୁହାର ନଗଣ୍ୟ ହୋଇଥିବାରୁ ପ୍ରଶାସନ ଉଦାସୀନ। ରୋଗୀ ସାରା ଜୀବନ ଜ୍ୱର ଓ ଯନ୍ତ୍ରଣା ଭୋଗ କରେ। ଗୋଦର ଗୋଡ଼ରୁ ଜୀବିକା ହରାଏ। ଆର୍ଥିକ ଅନଟନ, ପାରିବାରିକ ଅବହେଳା ଓ ସାମାଜିକ ବାସନ୍ଦ ଜୀବନକୁ ଦୁର୍ବିଷହ କରିପକାଏ।“

ଫାଇଲେରିଆ ଗୋଟିଏ ମଶା ବାହକ ରୋଗ। ଅସ୍ବାସ୍ଥ୍ୟକର ପରିବେଶ ଓ ଢାଙ୍କୁଣି ନ ଥିବା ନର୍ଦ୍ଦମା ପାଣିରେ ମଶାମାନେ ଅଣ୍ଡା ଦେଇ ବଂଶ ବିସ୍ତାର କରନ୍ତି। ଏହି ରୋଗରେ ମୃତ୍ୟୁହାର ନଗଣ୍ୟ ହୋଇଥିବାରୁ ପ୍ରଶାସନ ଉଦାସୀନ। ରୋଗୀ ସାରା ଜୀବନ ଜ୍ୱର ଓ ଯନ୍ତ୍ରଣା ଭୋଗ କରେ। ଗୋଦର ଗୋଡ଼ରୁ ଜୀବିକା ହରାଏ। ଆର୍ଥିକ ଅନଟନ, ପାରିବାରିକ ଅବହେଳା ଓ ସାମାଜିକ ବାସନ୍ଦ ଜୀବନକୁ ଦୁର୍ବିଷହ କରିପକାଏ। ଏହି ରୋଗ ଭାରତରୁ ୨୦୨୫ ସୁଦ୍ଧା ନିରାକରଣ କରିବା ପାଇଁ ସରକାର ଓ ବିଶ୍ୱ ସ୍ବାସ୍ଥ୍ୟ ସଂସ୍ଥା ଯୋଜନା ସ୍ଥିର କରିଛନ୍ତି। ଏହାର ସଫଳତା ସମୟ ହିଁ କହିବ। ସ୍ଥାୟୀ ଭାବରେ ଅସୁସ୍ଥ ରୋଗୀମାନଙ୍କ ପାଇଁ କୌଣସି ବ୍ୟବସ୍ଥା ନାହିଁ। ସେମାନଙ୍କର ଚିକିତ୍ସା, ଥଇଥାନ, ଆର୍ଥିକ ସହାୟତା ଓ ସମାଜରେ ସାଧାରଣ ନାଗରିକ ଭାବରେ ବଞ୍ଚତ୍ବାର ଅଧିକାର ପାଇଁ ପ୍ରଶାସନ ଚିନ୍ତା କରୁନାହାନ୍ତି। ଆମ ଦେଶରେ ଏହିପରି ୧୫ ନିୟୁତ ରୋଗୀ ମୁମୂର୍ଷୁ ଅବସ୍ଥାରେ ଅଛନ୍ତି। ସେମାନେ ଅବହେଳିତ ଓ ନିଷ୍ପେଷିତ ଜୀବନଯାପନ କରୁଛନ୍ତି। ପାଦରେ ଘା’ ହୋଇ ସବୁବେଳେ ପୂଜ ଓ ପାଣି ବାହାରୁଛି। ପୋକ ବାହାରୁଛନ୍ତି। ଘା’ ଶୁଖୁ ନାହିଁ। ଚାଲିବାରେ କଷ୍ଟ ହେଉଛି। ଡାକ୍ତରଖାନାରେ ରହି ଚିକିତ୍ସା ପାଇଁ ବ୍ୟବସ୍ଥା ନାହିଁ। ମନ୍ଦିର ପାଖରେ ଓ ରାସ୍ତା କଡ଼ରେ ଭିକ ମାଗି ଜୀବନ ନିର୍ବାହ କରୁଛନ୍ତି।
ଗୋଡ଼-ହାତ ଫୁଲା କେବଳ ଫାଇଲେରିଆ ରୋଗର ଲକ୍ଷଣ ନୁହେଁ। ଧଳା ଓ ରକ୍ତ ପରିସ୍ରା, ଶୁକ୍ରରେ ରକ୍ତ ପଡ଼ିବା, ଶୁଖିଲା କାଶ ସହିତ ଛାତିରେ ଯନ୍ତ୍ରଣା ହେବା, ଅଣ୍ଟା ଓ ପିଠିର ତଳ ଭାଗରେ କଷ୍ଟ ହେବା, ଗଣ୍ଠି ଦରଜ ହୋଇ ବିନ୍ଧିବା ଇତ୍ୟାଦି ଏହି ରୋଗର ନିଦାନ। ଫୁସ୍‌ଫୁସ୍‌ରେ ଏହି ରୋଗର ପରଜୀବୀ ରହି ପ୍ରଦାହ କରେ ଓ ଆଲର୍ଜି ହୋଇ ସବୁବେଳେ ଶୁଖିଲା କାଶ ଲାଗିରହେ। ଆଣ୍ଟିବାୟୋଟିକ୍‌ ଚିକିତ୍ସା ଦ୍ୱାରା ରୋଗୀ ସୁସ୍ଥ ହୁଏ ନାହିଁ। ଏମାନେ ଶରୀରରେ ୧୦ବର୍ଷ ପର୍ଯ୍ୟନ୍ତ ବଞ୍ଚତ୍ ରହନ୍ତି। ତେଣୁ ଚିକିତ୍ସା ଦୀର୍ଘଦିନ କରିବା ଆବଶ୍ୟକ।
ପୁରୁଷମାନଙ୍କର ଅଣ୍ଡକୋଷ, ଶୁକ୍ରବାହୀ ନଳୀ ଏବଂ ମହିଳାମାନଙ୍କର ସ୍ତନରେ ପ୍ରଦାହ ବହୁଦିନ ଲାଗି ରହିବା ଫଳରେ ଆକାର ଧୀରେ ଧୀରେ ବୃଦ୍ଧିହୁଏ। ଶୁକ୍ରବାହୀ ନଳୀ ସଙ୍କୁଚିତ ହୋଇ ଏହାର ଭିତର ରନ୍ଧ୍ର ବନ୍ଦ ହୋଇଯାଏ। ଫଳରେ ଶୁକ୍ର ନିର୍ଗତ ହୋଇପାରେ ନାହିଁ। ଏହା ପୁରୁଷ ବନ୍ଧ୍ୟାର କାରଣ। ଗୋଦର ଗୋଡ଼କୁ ଅପରେଶନ କରିବା ଅନୁଚିତ। ଏହା କଲେ ସବୁଦିନ ପାଇଁ ହସିକା ନଳୀ ଓ ଗ୍ରନ୍ଥିଗୁଡ଼ିକ ନଷ୍ଟ ହୋଇଯାଏ। ଇସିକା ପ୍ରଦାହ ବନ୍ଦ ହୋଇଯିବାରୁ ଗୋଡ଼ର ଫୁଲା କ୍ରମାନ୍ବୟେ ବୃଦ୍ଧି ହୋଇ ହାତୀଗୋଡ଼ ଆକାର ହୋଇଯାଏ। ତେଣୁ ଏହାକୁ ‘ଏଲିଫାଣ୍ଟଏଡ଼’ ଗୋଡ଼ କୁହାଯାଏ। ଘା’ ନ ଶୁଖି ସବୁବେଳେ ପାଣି ଓ ପୂଜ ବାହାରି ଦୁର୍ଗନ୍ଧ ହୁଏ। ତେଣୁ ଏହି ରୋଗୀମାନେ ସମାଜରେ ବାସନ୍ଦ ହୋଇଯାଆନ୍ତି।
ପ୍ରଶାସନକୁ ଅନୁରୋଧ, ପୁରାତନ ଫାଇଲେରିଆ ରୋଗୀମାନଙ୍କ ପାଇଁ ସୁଚିକିତ୍ସା ଓ ଥଇଥାନର ବ୍ୟବସ୍ଥା କରନ୍ତୁ। ରୋଗ ନିରାକରଣ ସହିତ ଦୀର୍ଘସ୍ଥାୟୀ ମୁମୂର୍ଷୁ ରୋଗୀମାନଙ୍କର ସ୍ଥାୟୀ ସେବା ଓ ଫଳପ୍ରଦ ଚିକିତ୍ସା ହେଉ।

ଡା. ଦ୍ୱିଜେଶ କୁମାର ପଣ୍ଡା
-ଫାଇଲେରିଆ ଓ ନିଦାନ ବିଶେଷଜ୍ଞ, ବରିଷ୍ଠ ବୈଜ୍ଞାନିକ
ଆଚାର୍ଯ୍ୟ ବିହାର, ଭୁବନେଶ୍ୱର, ଫୋନ: (୦୬୭୪) ୨୫୪୨୯୩୪


Enter your email to get our daily news in your inbox.

All Right Reserved By Dharitri.Com

ଶ୍ୱାସରୋଗୀଙ୍କ ପାଇଁ ବେଶ୍‌ ଉପକାରୀ ଅରଖ ଫୁଲ

ଭଗବାନ ଶିବଙ୍କୁ ଅର୍ପଣ କରାଯାଉଥିବା ଅରଖ ଫୁଲର ବେଶ୍‌ ଉପକାରୀ ଗୁଣ ରହିଛି। ବିଭିନ୍ନ ରୋଗ ପାଇଁ ଏହି ଫୁଲ  ମହୌଷଧୀ ଭାବେ କାର୍ଯ୍ୟ କରେ।...

ଗୋଲାପ ପାଖୁଡାରେ ରହିଛି ରୋଗସହ ଲଢିବାର କ୍ଷମତା

ଗୋଲାପ ଫୁଲକୁ ପ୍ରେମର ପ୍ରତିକ ଭାବେ ବିବେଚନା କରାଯାଏ। ଏହା ଦେଖିବାକୁ ଏତେ ମନଲୋଭା ଯେ, ଯେ କେହି ଏହାକୁ ଦେଖିଲେ ମନର ବିଷାଦ ଦୂର...

ଅନେକ ରୋଗ ଦୂର କରେ ଶୁଣ୍ଠି

ଶୁଖିଲା ଅଦା ବା ଶୁଣ୍ଠି କେବଳ କବଳ ଖାଦ୍ୟର ସ୍ବାଦ ବଢ଼ାଇ ନ ଥାଏ, ଏହାର ଅନେକ ଔଷଧୀୟ ଗୁଣ ମଧ୍ୟ ରହିଛି। ବିଶେଷକରି ଶୀତଦିନେ...

ମେଦବହୁଳତାଠୁ ଦୂରେଇ ରହିବାକୁ ଚାହୁଁଛନ୍ତି; ସକାଳେ ଉଷୁମ ପାଣିରେ ମିଶାଇ ପିଅନ୍ତୁ ଏହି ଲୁଣ…

ସକାଳେ ଟିପେ କଳା ଲୁଣ(ସୈନ୍ଧବ ଲବଣ) ଗ୍ଲାସେ ଉଷୁମ ପାଣି ସହିତ ପିଇଲେ ମିଳିଥାଏ ଅନେକ ଉପକାର। ଏହା ପାଚନ କ୍ରିୟାକୁ ସ୍ବାଭାବିକ କରେ। ମେଦବହୁଳତା...

କେଇଟା ଦିନ ପରେ ଦୁର୍ଗାପୂଜା: ଘରକୁ ଦିଅନ୍ତୁ ଟ୍ରାଡିଶନାଲ ଲୁକ୍‌

ଦିନ କେଇଟା ପରେ ଦୁର୍ଗାପୂଜା। ଏହି ସମୟରେ ଫେଷ୍ଟିଭ ସିଜନ୍‌ରେ ଘରକୁ କିପରି ଦେବେ ଟ୍ରାଡିଶନାଲ ଲୁକ୍‌, ଜାଣନ୍ତୁ ଏ ସମ୍ପର୍କରେ.. ଡ୍ରଇଂରୁମ୍‌ ସେଣ୍ଟର ପିସ୍‌...

ସ୍ବା ସ୍ଥ୍ୟ ସୂ ଚ ନା

କେତେକ ରୋଗର ପ୍ରାରମ୍ଭିକ ଲକ୍ଷଣ ସମ୍ପର୍କରେ ପ୍ରାୟ ଅବଗତ। ଅପରପକ୍ଷରେ କିଛି ଜଟିଳ ରୋଗ ସମ୍ପର୍କରେ ମଧ୍ୟ ଜନସଚେତନତା ସୃଷ୍ଟି କରାଯାଉଛି। ଯଦି ଆପଣ କୌଣସି...

ପିମ୍ପୁଡ଼ିିଠୁ ଛୋଟ ରୋବଟ୍‌ ଶରୀର ଭିତରେ ଚିକିତ୍ସା କରିବ

ଓ୍ବାଶିଂଟନ,୨୧।୭: ଚିକିତ୍ସା କ୍ଷେତ୍ରରେ ରୋବଟ୍‌ର ଉପଯୋଗ ବୃଦ୍ଧି ପାଉଥିବାରୁ ଏବେ ବୈଜ୍ଞାନିକମାନେ ନୂଆ ନୂଆ ରୋବଟ ବିକାଶ କରିବାରେ ଲାଗିଛନ୍ତି। ଏବେ ବୈଜ୍ଞାନିକମାନେ ବିକାଶ କରିଥିବା...

ବେଶ୍‌ ଉପକାରୀ କଦଳୀ ଚୋପା

କଞ୍ଚା ଅବା ପାଚିଲା କଦଳୀ ଉଭୟର ବ୍ୟବହାର ସ୍ବାସ୍ଥ୍ୟ ପାଇଁ ବେଶ୍‌ ଉପକାରୀ। ଅଧିକାଂଶ କ୍ଷେତ୍ରରେ କଦଳୀ ଖାଇବା ପରେ ଚୋପାକୁ ଫିଙ୍ଗି ଦିଆଯାଏ। କିନ୍ତୁ...

Coronavirus Update

UTI
Archives

Model This Week

Why Dharitri

Leave a comment

Your email address will not be published. Required fields are marked *