ସିଡ୍ନୀ, ୬ା୪ (ଏପି)-ଅଷ୍ଟ୍ରେଲିଆର ପୂର୍ବତନ ଟେଷ୍ଟ ସ୍ପିନର ଷ୍ଟିଫେନ୍ ଓ’କିଫି ପ୍ରଥମ ଶ୍ରେଣୀ କ୍ରିକେଟରୁ ତାଙ୍କର ଅବସର ଘୋଷଣା କରିଛନ୍ତି। ଆସନ୍ତା ଘରୋଇ ସିଜନ ପାଇଁ ନ୍ୟୁ ସାଉଥ୍ ଓ୍ବେଲ୍ସ ତରଫରୁ ପ୍ରକାଶିତ ଖେଳାଳି ଚୁକ୍ତି ତାଲିକାରେ ତାଙ୍କ ନାମ ବାଦ୍ ପଡ଼ିବା ପରେ ସେ ଏହି ନିଷ୍ପତ୍ତି ନେଇଛନ୍ତି। ୩୫ ବର୍ଷୀୟ ଓ’କିଫି ତାଙ୍କ କ୍ୟାରିୟରରେ ୯ଟି ଟେଷ୍ଟ ମ୍ୟାଚ ଖେଳି ୩୫ଟିି ଉଇକେଟ ନେଇଛନ୍ତି। ୨୦୧୭ ରେ ପୁଣେଠାରେ ଭାରତ ବିପକ୍ଷ ଏକ ମ୍ୟାଚରେ ସେ ମୋଟ ୧୨ଟି ଉଇକେଟ ଅକ୍ତିଆର କରିଥିଲେ। ଗତ ସିଜନରେ ୪ଦିନିଆ ଶିଫିଲ୍ଡ ଶିଲ୍ଡ ଟୁର୍ନାମେଣ୍ଟରେ ଓ’କିଫି ୨୨.୨୫ ଆଭରେଜରେ ୧୬ଟି ଉଇକେଟ ଅକ୍ତିଆର କରିଥିଲେ। ପ୍ରତିଯୋଗିତାରେ ସେ ସବୁଠାରୁ ସଫଳ ସ୍ପିନର ବିବେଚିତ ହୋଇଥିଲେ।
