ତାଳଚେର,୧।୯(ନି.ପ୍ର.) – ତାଳଚେରର ବିଭିନ୍ନ ଅଞ୍ଚଳରେ ଲୁଟ ତରାଜ ଚଳାଉଥିବା ଏକ ଡକାୟତି ଗ୍ୟାଙ୍ଗର ୭ ଜଣଙ୍କୁ କଲିୟରୀ ପୋଲିସ ଚଢ଼ାଉ କରି ଶନିବାର ଗିରଫ କରିଛି। ଗିରଫ ଅଭିଯୁକ୍ତମାନେ ହେଲେ ବାଘୁଆବୋଲ ଅଞ୍ଚଳର ବିକି ନାଏକ (୨୦), ବାଘୁଆବୋଲ ମୁଣ୍ଡା ସାହିର ଚେରେନ୍ ବନେରା(୧୯), ରାଉରକେଲା ସେକ୍ଟର ୨ ନୟା ବଜାରର ବଳରାମ ରାଓ(୩୦), ଅଙ୍ଗାରୁଆ ଅଞ୍ଚଳର ଚନ୍ଦନ ନାଏକ(୨୫), ଦେଉଳବେଡ଼ା କ୍ୱାର୍ଟର ନଂ. ଏଲ.ସି.ଏଚ୍-୨୭୬ରେ ରହୁଥିବା ପପୁ ନାଏକ(୨୫), ଦେଉଳବେଡ଼ା ଅଞ୍ଚଳର ମନୋରଞ୍ଜନ ଦାସ ଓରଫ ପିଣ୍ଟୁ (୨୧) ଏବଂ ସୁଜିତ ସିଂ ଓରଫ ସୁବ୍ରତ (୧୯)। ସେମାନଙ୍କଠାରୁ ବିଭିନ୍ନ ମାରଣାସ୍ତ୍ର ସହ ୨ଟି ବାଇକ୍, ଲାପଟପ, ୬ଟି ମୋବାଇଲ, ଚୋରି ସାମଗ୍ରୀ ଜବତ କରାଯାଇଛି। ଅଭିଯୁକ୍ତମାନେ ତାଳଚେରର ବିଭିନ୍ନ ଅଞ୍ଚଳରେ ଘରେ ଓ ଦୋକାନରୁ ଲୁଟ୍ତରାଜ କରୁଥିଲେ। କଲିୟରୀ ଥାନା, ବିକ୍ରମପୁର ଥାନା ଅଞ୍ଚଳରେ ଥିବା ବହୁ କ୍ୱାର୍ଟର୍ସ, ରାଶନ ଦୋକାନ ଗୁଡିକରେ ଗ୍ରୀଲ ତାଡି ସାମଗ୍ରୀ ଚୋରି କରୁଥିବା ନେଇ ପୂର୍ବରୁ ସେମାନଙ୍କ ନାମରେ ୮ଟି ମାମଲା ଥିବା ପୋଲିସ କହିଛି। ଏପରିକି ଏହି ଗ୍ୟାଙ୍ଗ ଅନ୍ଲାଇନ୍ ଶପିଂରେ ସାମଗ୍ରୀ ବିକ୍ରି କରୁଥିବା ଜନୈକ କର୍ମଚାରୀଙ୍କଠାରୁ ମଧ୍ୟ ଲୁଟ କରିଥିବାର ଅଭିଯୋଗ ରହିଛି। ସମସ୍ତ ଅଭିଯୁକ୍ତଙ୍କୁ କୋର୍ଟଚାଲାଣ କରାଯାଇଛି। ଆଇଆଇସି ସବ୍ୟସାଚୀ ରାଉତଙ୍କ ନେତୃତ୍ୱରେ ପୋଲିସ କର୍ମଚାରୀମାନେ ଏହି ଚଢ଼ାଉରେ ସାମିଲ ହୋଇଥିଲେ।
