ପିଡିଏସ୍‌ ଲାଇସେନ୍ସ : ଏସ୍‌ଏଚ୍‌ଜିକୁ ଅଗ୍ରାଧିକାର ମିଳିବା ନେଇ ପ୍ରଶ୍ନବାଚୀ

ଭୁବନେଶ୍ୱର,୩୦ା୯ : ପିଡିଏସ୍‌ (ସାଧାରଣ ବଣ୍ଟନ ବ୍ୟବସ୍ଥା)ରେ ମହିଳା ସ୍ବୟଂ ସହାୟିକା ଗୋଷ୍ଠୀ(ଏସ୍‌ଏଚ୍‌ଜି)କୁ ଲାଇସେନ୍ସ ଦେବା କ୍ଷେତ୍ରରେ ଅଗ୍ରାଧିକାର ମିଳିବ। ଏହାପରେ ଗ୍ରାମପଞ୍ଚାୟତ ଏବଂ ପୌରାଞ୍ଚଳ ସଂସ୍ଥାଗୁଡ଼ିକୁ ଅଗ୍ରାଧିକାର ଦିଆଯିବ। ପୂର୍ବରୁ ଓଡ଼ିଶା ସାଧାରଣ ବଣ୍ଟନ ବ୍ୟବସ୍ଥା(ନିୟନ୍ତ୍ରଣ) ଆଦେଶ ୨୦୧୬ର ଧାରା-୪(୩) ଅନୁସାରେ ଗ୍ରାମପଞ୍ଚାୟତ, ପୌରାଞ୍ଚଳ ସଂସ୍ଥା ଏବଂ ଶେଷରେ ମହିଳା ସ୍ବୟଂ ସହାୟକ ଗୋଷ୍ଠୀକୁ ଲାଇସେନ୍ସ ପ୍ରାପ୍ତି ପାଇଁ ଅଗ୍ରାଧିକାର ଦିଆଯାଉଥିଲା। ରାଜ୍ୟ ସରକାର ବର୍ତ୍ତମାନ ଏହି ବ୍ୟବସ୍ଥାରେ ପରିବର୍ତ୍ତନ ଆଣିଛନ୍ତି। ଯେଉଁ ମହିଳା ଗ୍ରୁପ ବ୍ୟାଙ୍କରୁ ଋଣ ନେଇ ଠିକ୍‌ ଭାବରେ କାର୍ଯ୍ୟ ଚଳାଇଥିବେ ସେମାନଙ୍କୁ ବିଶେଷ ପ୍ରାଧାନ୍ୟ ମିଳିବ। ଏହାଛଡ଼ା ଯଦି ପିଡିଏସ୍‌ ଲାଇସେନ୍ସ ପାଇଁ ଆବେଦନ କରୁଥିବା କୌଣସି ମହିଳା ସ୍ବୟଂ ସହାୟକ ଗୋଷ୍ଠୀ ଭଲ ବାଣିଜ୍ୟ ବେପାର କରୁଥିବ ସେଠାରେ ମଧ୍ୟ ଗୁରୁତ୍ୱ ଦିଆଯିବ। ଏଭଳି ପ୍ରସ୍ତାବ ଉପରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଗତ ସେପ୍ଟେମ୍ବର ୨୧ ତାରିଖରେ ମୋହର ମାରିଛନ୍ତି। ମହିଳାମାନଙ୍କୁ ସ୍ବାବଲମ୍ବୀ ଏବଂ ନାରୀ ସଶକ୍ତୀକରଣକୁ ଗୁରୁତ୍ୱ ଦେଇ ସରକାରଙ୍କ ପକ୍ଷରୁ ଏପରି ନିଷ୍ପତ୍ତି ନିଆଯାଇଥିବା କୁହାଯାଉଛି। ଏପରିକି ମୁଖ୍ୟମନ୍ତ୍ରୀ ମଞ୍ଜୁରୀ ପ୍ରଦାନ କରିବା ଦିନ ହିଁ ସବୁ ଜିଲାପାଳଙ୍କ ନିକଟକୁ ନିର୍ଦ୍ଦେଶ ପଠାଇ ଦିଆଯାଇଛି। କିନ୍ତୁ ପ୍ରାୟତଃ ରାଜ୍ୟର ସବୁ ସ୍ଥାନରେ ଅର୍ଥାତ୍‌ ୫ ହଜାର ସରକାରୀ କିମ୍ବା ୭ ହଜାର ଘରୋଇ ଡିଲର ରହିଛନ୍ତି। ଏଭଳି ସ୍ଥିତିରେ ମହିଳା ସ୍ବୟଂ ସହାୟକ ଗୋଷ୍ଠୀଙ୍କୁ କେଉଁ ସ୍ଥାନରେ ପ୍ରାଧାନ୍ୟ ମିଳିବ ସେନେଇ କୌଣସି ବିଧିବଦ୍ଧ ବ୍ୟବସ୍ଥା କରାଯାଇନାହିଁ। ଜଣେ ସରକାରୀ ଅଧିକାରୀଙ୍କ କହିବା କଥା, ଯଦି କୌଣସି ସ୍ଥାନରେ ଡିଲର ନ ଥିବେ ସେହି ସ୍ଥାନରେ ଏହି ବ୍ୟବସ୍ଥା ଲାଗୁ କରାଯିବ। ଅନ୍ୟପଟେ ଯଦି କୌଣସି ଡିଲର ବିରୋଧରେ ଅନିୟମିତତା ଅଭିଯୋଗ ପ୍ରମାଣିତ ହୁଏ, ସେହି ସ୍ଥାନରେ ମଧ୍ୟ ଅଗ୍ରାଧିକାର ମିଳିବ। କିନ୍ତୁ ଯାହା ମନେ ହେଉଛି ମହିଳା ସ୍ବୟଂ ସହାୟକ ଗୋଷ୍ଠୀଙ୍କୁ ଅଗ୍ରାଧିକାର ମିଳିବା ଭଳି ଦେଖାଯାଉନାହିଁ। କାରଣ ଦୁର୍ନୀତି ଅଭିଯୋଗ ସତ୍ତ୍ୱେ ସରକାର ଘରୋଇ ଡିଲରଙ୍କୁ ନ ହଟାଇ ସେମାନଙ୍କ କାର୍ଯ୍ୟ ଅବଧି ବଢ଼ାଇ ଚାଲିଥିବାରୁ ଉପରୋକ୍ତ ନିଷ୍ପତ୍ତି କିପରି କାର୍ଯ୍ୟକାରୀ ହେବ ତାହା ସରକାରୀ ମହଲରେ ଆଲୋଚନା ହେଉଛି।
ସୂଚନାଯୋଗ୍ୟ ପିଡିଏସ୍‌ ଖୁଚୁରା ବିକ୍ରୟ କେନ୍ଦ୍ରଗୁଡିକରେ ନିମ୍ନମାନର ଚାଉଳ ପ୍ରଦାନ କରାଯାଉଥିବା ଅଭିଯୋଗ କ୍ରମେ ଘରୋଇ ଡିଲରମାନଙ୍କୁ ହଟାଇବା ପାଇଁ ଫେବୃୟାରୀ ୨୦୧୮ରେ ସବୁ ଜିଲାପାଳଙ୍କୁ ତତ୍କାଳୀନ ରାଜ୍ୟ ଖାଦ୍ୟ କମିଶନର ରଙ୍ଗଲାଲ ଜାମୁଡା ଚିଠି କରିଥିଲେ। ହେଲେ ଏହାକୁ କାର୍ଯ୍ୟକାରୀ କରିବା ପାଇଁ ଖୋଦ୍‌ ସରକାର ରାଜି ହେଲେନାହିଁ। ଘରୋଇ ଡିଲରଙ୍କୁ ହଟାଇବା ଲାଗି ୨୦୧୮ ମାର୍ଚ୍ଚ ୧୫ ଶେଷ ତାରିଖ ଥିଲା। କିନ୍ତୁ ଠିକ୍‌ ଏହାର ଦିନକ ଆଗରୁ ଅର୍ଥାତ୍‌ ୧୪ ମାର୍ଚ୍ଚ ୨୦୧୮ରେ ସରକାର କ୍ୟାବିନେଟ୍‌ ବୈଠକ ଡକାଇ ଘରୋଇ ଡିଲରଙ୍କ ସମୟ ଅବଧି ଗୋଟିଏ ବର୍ଷ ବଢାଇ ଦେଇଥିଲେ। ତଦନୁଯାୟୀ ୧୫ ମାର୍ଚ୍ଚ ୨୦୧୯ ଶେଷ ତାରିଖ ହୋଇଥିବାବେଳେ ସାଧାରଣ ନିର୍ବାଚନ ନିକଟତର ଥିଲା। ତେଣୁ ଦୁଇମାସ ପୂର୍ବରୁ ଅର୍ଥାତ୍‌ ୫ ଜାନୁୟାରୀ ୨୦୧୯ରେ ସରକାରଙ୍କ ପକ୍ଷରୁ ପୁଣି କ୍ୟାବିନେଟ୍‌ ବୈଠକ ବସି ଉକ୍ତ ସମୟ ଅବଧିକୁ ୧୫ ମାର୍ଚ୍ଚ ୨୦୨୦ ପର୍ଯ୍ୟନ୍ତ ବୃଦ୍ଧି କରାଯାଇଥିଲା। ତେଣୁ ବିରୋଧୀ ଦଳଗୁଡ଼ିକ ସରକାରଙ୍କୁ ସମାଲୋଚନା କରିଥିଲେ। ପ୍ରାୟତଃ ଶାସକ ଦଳର କର୍ମୀମାନେ ଘରୋଇ ଡିଲର ହୋଇଥିବାରୁ ସେମାନଙ୍କୁ କାଢ଼ି ଅସନ୍ତୁଷ୍ଟ କରିବାକୁ ସରକାର ଚାହୁଁ ନ ଥିବା କଂଗ୍ରେସ ନେତା ଶରତ ରାଉତ କହିଛନ୍ତି।
ଜଣେ ବରିଷ୍ଠ ଅଧିକାରୀଙ୍କ କହିବା କଥା, ଯଦି ଘରୋଇ ଡିଲରମାନେ ଦୁର୍ନୀତି କରୁଥିବା ଖୋଦ୍‌ ଖାଦ୍ୟ କମିଶନର ଅଭିଯୋଗ କରିଛନ୍ତି, ତେବେ ରାଜ୍ୟ ସରକାର ଏହାକୁ କାହିଁକି ପ୍ରୋତ୍ସାହନ ଯୋଗାଉଛନ୍ତି। ଏହି ସଂସ୍ଥାଗୁଡିକ ସାଧାରଣ ଲୋକଙ୍କ ସହିତ ଜଡିତ। ତେଣୁ ଏଠାରେ କାହିଁକି ସରକାର ଦୁର୍ନୀତିଖୋର୍‌ଙ୍କ ବିରୋଧରେ କାର୍ଯ୍ୟାନୁଷ୍ଠାନ ନ ନେଇ ସେମାନଙ୍କୁ ସୁଯୋଗ ଦେଉଛନ୍ତି ବୋଲି ସେ ପ୍ରଶ୍ନ କରିଛନ୍ତି।

ସୁନୀତ୍‌ ମିଶ୍ର


Enter your email to get our daily news in your inbox.

All Right Reserved By Dharitri.Com

CORONAVIRUS UPDATE: ଭୁବନେଶ୍ୱରର ଆଉ ଜଣେ କରୋନା ଆକ୍ରାନ୍ତ ସୁସ୍ଥ, ଆରୋଗ୍ୟ ସଂଖ୍ୟା ୩୩ରେ ପହଞ୍ଚିଲା

ଭୁବନେଶ୍ୱର,୨୩।୪(ବ୍ୟୁରୋ): ରାଜ୍ୟରେ ପୁଣି ଜଣେ କରୋନା ଆକ୍ରାନ୍ତ ସୁସ୍ଥ ହୋଇଛନ୍ତି। ସେ ଭୁବନେଶ୍ୱରର ଏବଂ ତାଙ୍କୁ ଡିସ୍‌ଚାର୍ଜ କରାଯିବ। ଏହାକୁ ମିଶାଇ ୩୩ଜଣ ସଂକ୍ରମିତ ସୁସ୍ଥ...

ଇଣ୍ଟରନ୍ୟାଶନାଲ ଫିଲ୍ମ ଫେଷ୍ଟିଭାଲରେ ‘ଦେବଦୂତ’

ଭୁବନେଶ୍ୱର, ୨୨ା୭(ବ୍ୟୁରୋ): ଈଶା ଭିଜନ ବ୍ୟାନରରେ ପ୍ରସ୍ତୁତ କ୍ଷୁଦ୍ର ଚଳଚ୍ଚିତ୍ର ‘ଦେବଦୂତ’ ଅନ୍ତର୍ଜାତୀୟ ଚଳଚ୍ଚିତ୍ର ମହୋତ୍ସବରେ ପ୍ରଶଂସା ସାଉଁଟିଛି। ମହାରାଷ୍ଟ୍ରର ଔରଙ୍ଗାବାଦ ସହରରେ ଅନୁଷ୍ଠିତ ରୋଷନି...

ଓଡ଼ିଶାକୁ ବିଦେଶୀ ପୁଞ୍ଜିର ସୁଅ

ଭୁବନେଶ୍ୱର,୩୦ା୬(ବ୍ୟୁରୋ): ଦୁବାଇ ଓ ଅନ୍ୟ ଦେଶର ଏକାଧିକ ପ୍ରତିଷ୍ଠିତ କମ୍ପାନୀ ଓଡ଼ିଶାରେ ବ୍ୟାପକ ନିବେଶ କରିବାକୁ ଆଗ୍ରହ ଦେଖାଇଛନ୍ତି। ଦୁବାଇରେ ରାଜ୍ୟ ସରକାରଙ୍କ ପକ୍ଷରୁ ବୁଧବାର...

୨୦୨୦ ସୁଦ୍ଧା ସବୁ ଗାଁରେ ପହଞ୍ଚିବ ଇଣ୍ଟରନେଟ୍‌

ଭୁବନେଶ୍ୱର,୧୭ା୧(ବ୍ୟୁରୋ): ଭାରତୀୟ କମ୍ପ୍ୟୁଟର ସୋସାଇଟିର ୫୩ତମ ବାର୍ଷିକ ଅନ୍ତର୍ଜାତୀୟ ସମ୍ମିଳନୀ ସିଏସ୍‌ଆଇ-୨୦୨୦ ଉଦ୍‌ଘାଟିତ ହୋଇଯାଇଛି। ଓଡ଼ିଶାରେ ପ୍ରଥମଥର ପାଇଁ ଏପରି ଏକ ସର୍ବବୃହତ ଆଇଟି ସମ୍ମିଳନୀ...

ଜେନେକ୍ସ ଡାଇଗ୍ନୋଷ୍ଟିକକୁ ବିଏମ୍‌ସି ପଠାଇଲା ନୋଟିସ

ଭୁବନେଶ୍ୱର, ୨୭।୧୦(ବ୍ୟୁରୋ): ଭୁବନେଶ୍ୱରସ୍ଥିତ ଜେନେକ୍ସ ଡାଇଗ୍ନୋଷ୍ଟିକରେ ନକଲି କୋଭିଡ୍‌ ରିପୋର୍ଟ ଦିଆଯାଉଛି। ସମାନ ସାମ୍ପଲ ଆଇଡି ଏବଂ ଏସ୍‌ଆର୍‌ଏଫ୍‌ ଆଇଡିରେ ଏକାଧିକ ଲୋକଙ୍କୁ ରିପୋର୍ଟ ପ୍ରଦାନ...

ଗ୍ରାହକଙ୍କୁ ଲୁଟୁଛନ୍ତି ଖୁଚୁରା ବ୍ୟବସାୟୀ

ଭୁବନେଶ୍ୱର, ୨୪।୮(ବ୍ୟୁରୋ): ରାଜ୍ୟରେ ପିଆଜ ଦର ବଢ଼ିଚାଲିଛି। ଗତ ଦୁଇ ସପ୍ତାହ ମଧ୍ୟରେ ପିଆଜ କିଲୋରେ ୧୦ରୁ ୧୫ ଟଙ୍କା ବୃଦ୍ଧି ହେଲାଣି। ଆଗକୁ ଦର...

ରାଜ୍ୟରୁ ଆଉ ୭ କରୋନା ଆକ୍ରାନ୍ତ ସୁସ୍ଥ

ଭୁବନେଶ୍ୱର,୯।୫(ବ୍ୟୁରୋ): ରାଜ୍ୟରେ ଗତ ୨୪ ଘଣ୍ଟାରେ ଆଉ ୭ କୋଭିଡ଼ ଆକ୍ରାନ୍ତ ସୁସ୍ଥ ହୋଇଛନ୍ତି। ଏହାକୁ ମିଶାଇ ବର୍ତ୍ତମାନ ସୁଦ୍ଧା ୧୨ଲକ୍ଷ ୭୮ ହଜାର ୮୭୭...

କରୋନା କାଳରେ ହୋଲ୍ଡିଂ ଟିକସ ମାଡ଼

ଭୁବନେଶ୍ୱର, ୨୭।୨ (ବ୍ୟୁରୋ): କରୋନା ଭୂତାଣୁଜନିତ ଲକ୍‌ଡାଉନ୍‌ ଓ ଶଟ୍‌ଡାଉନ୍‌ ସାଧାରଣ ଲୋକଙ୍କ ଆର୍ଥିକ ମେରୁଦଣ୍ଡକୁ ଦୋହଲାଇ ଦେଇଛି। ଏଭଳି କଠିନ ସମୟରେ ଭୁବନେଶ୍ୱର ମହାନଗର...

Advertisement
Archives

Model This Week