ମୁମ୍ବାଇ,୧୭।୭(ପିଟି)- ଆସନ୍ତା ୨୦ ତାରିଖରୁ ହାଇଦ୍ରାବାଦଠାରେ ଆରମ୍ଭ ହେବାକୁ ଯାଉଛି ପ୍ରୋ କବାଡି ଲିଗ (ପିକେଏଲ)ର ୭ମ ସଂସ୍କରଣ। ଏଥିଲାଗି ୟୁ ମୁମ୍ବା ଫ୍ରାଞ୍ଚାଇଜ ବୁଧବାର ଇରାନ ଖେଳାଳି ଫାଜେଲ ଆଟ୍ରାଚାଲିଙ୍କୁ ଦଳର ଅଧିନାୟକ ଭାବେ ଘୋଷଣା କରିଛି। ତାଙ୍କ ଡେପ୍ୟୁଟି ଭାବେ ସନ୍ଦୀପ ନଓର୍ବାଲଙ୍କୁ ମନୋନୀତ କରାଯାଇଛି। ମୋତେ ୟୁ ମୁମ୍ବା କବାଡି ଦଳର ଅଧିନାୟକ ଭାବେ ଚୟନ କରାଯାଇଥିବାରୁ ଉତ୍ସାହିତ ଅଛି। ଟାଇଟଲ ହାତେଇବା ଲକ୍ଷ୍ୟରେ ମୁଁ ଦଳକୁ ଅଗ୍ରସର କରାଇବି। ଷ୍ଟ୍ରାଟେଜି ଓ ଶୃଙ୍ଖଳା ଦଳ ପାଇଁ ଗୁରୁତ୍ୱପୂର୍ଣ୍ଣ। ସମସ୍ତ ଖେଳାଳି ଫିଲ୍ଡରେ ଭଲ ପ୍ରଦର୍ଶନ କରିବା ଲାଗି ଉତ୍ସାହିତ ଅଛନ୍ତି ବୋଲି ଆଟ୍ରାଚାଲି କହିଛନ୍ତି।
