ପିଏଫ୍‌ଏମ୍‌ଏସ୍‌ ନ ହେବାରୁ ୪ ପଞ୍ଚାୟତର କେନ୍ଦ୍ରୀୟ ଅନୁଦାନ ୬ ମାସ ହେଲା ବନ୍ଦ
5:35 pmOctober 12, 2019 / 09

ଭବାନୀପାଟଣା,୧୨।୧୦(ଡି.ଏନ୍‌.ଏ.): କେନ୍ଦ୍ର ଓ ରାଜ୍ୟ ଅନୁଦାନଗୁଡ଼ିକୁ ବିଭିନ୍ନ କ୍ଷେତ୍ରରେ ସାଧାରଣ ଅର୍ଥ ବଣ୍ଟନ ଯୋଜନା (ପିଏଫ୍‌ଏମ୍‌ଏସ୍‌) ଜରିଆରେ ଅନ୍‌ଲାଇନ୍‌ ପେମେଣ୍ଟ ବ୍ୟବସ୍ଥା ରହିଛି। ମାତ୍ର ଏପର୍ଯ୍ୟନ୍ତ ଅନେକ ସ୍ଥାନରେ ଉକ୍ତ ବ୍ୟବସ୍ଥାରେ କମ୍ପ୍ୟୁଟରରୁ ତଥ୍ୟ ଆଦାନ ପ୍ରଦାନର ଯାନ୍ତ୍ରିକ ତ୍ରୁଟି ରହିଛି। ଫଳରେ କଳାହାଣ୍ଡି ଜିଲା କଲମପୁର ବ୍ଲକର ମଣ୍ଡଳ, କୋଟଗାଁ, ନୂଆଗାଁ ଏବଂ ବୀଜମରା ପଞ୍ଚାୟତରେ ୬ ମାସ ହେଲା କେନ୍ଦ୍ରୀୟ ଅନୁଦାନ ମିଳି ନ ଥିବାରୁ ଉନ୍ନୟନମୂଳକ କାର୍ଯ୍ୟ ଠପ୍‌ ହୋଇଯାଇଛି। ଏପରିକି ବିଭିନ୍ନ କାମରେ ନିୟୋଜିତ ଶ୍ରମିକମାନେ ମଜୁରି ପାଇପାରି ନାହାନ୍ତି। ଏ ନେଇ ବିଡିଓ ହେମ ସାଗର ଭୋଇଙ୍କୁ ପଚାରିବାରୁ ଟେକ୍ନିକାଲ ପ୍ରୋବ୍ଲେମ ରହିଛି, ଆମେ ଯେତେଶୀଘ୍ର ହୋଇପାରିବ ତା’ ଉପରେ ଚେଷ୍ଟା କରୁଛୁ ବୋଲି କହିଛନ୍ତି।