ପାରାଦୀପ ପୌରପାଳିକାର ବର୍ଜ୍ୟବସ୍ତୁ ପରିଚାଳନା ପ୍ରକଳ୍ପ: ଅନ୍ୟ ପୌରାଞ୍ଚଳ ପାଇଁ ଆଦର୍ଶ

ପାରାଦୀପ,୨୩ା୧୧(ସ୍ବ.ପ୍ର.): ଇଚ୍ଛାଶକ୍ତି ସୁଦୃଢ଼ ରହିଲେ ଖତଗଦାରେ ବି ଫୁଲ ଫୁଟେ। ଦୈନନ୍ଦିନ ଚଳଣିରେ ସୃଷ୍ଟ ଆବର୍ଜନାକୁ ନେଇ ଏବେ ସାରା ଦେଶରେ ସ୍ବଚ୍ଛ ଭାରତର ନାରା ଚାଲିଛି। ଅପରପକ୍ଷେ ମହିଳାଙ୍କୁ ସ୍ବାବଲମ୍ବୀ କରିବା ପାଇଁ ସ୍ବୟଂ ସହାୟିକା ଗୋଷ୍ଠୀ ଦ୍ୱାରା ଜୀବିକା ମିଶନ କାର୍ଯ୍ୟକ୍ରମ ଚାଲିଛି। ସ୍ବଚ୍ଛଭାରତ ମିଶନ ଓ ଜୀବିକା ମିଶନକୁ ଏକତ୍ର କରି ପାରାଦୀପ ପୌରପାଳିକା ଜୈବିକ ଖତର ପ୍ରୟୋଗଶାଳା କରିଛି। ଏହି ପ୍ରୟୋଗଶାଳା ଏବେ ୧୬ଜଣ ମହିଳାଙ୍କୁ ସଶକ୍ତ କରିଛି। ଅର୍ଥାତ୍‌ ଯେଉଁ ଆବର୍ଜନା ସମସ୍ତଙ୍କ ପାଇଁ ମୁଣ୍ଡବିନ୍ଧାର କାରଣ ସାଜୁଥିଲା ତାହା ଏବେ ରୋଜଗାରର ମାଧ୍ୟମ ସାଜିଛି। ଏହା ରାଜ୍ୟର ପ୍ରଥମ ପୌରପାଳିକା ଭାବେ ସଫଳ ହୋଇଥିବାରୁ ଅନ୍ୟ ପୌରପାଳିକାର ଅଧିକାରୀମାନେ ଆସି ଦେଖୁଛନ୍ତି। ଫଳରେ ଏହା ଅନ୍ୟମାନଙ୍କ ପାଇଁ ଆଦର୍ଶ ପାଲଟିଛି। ଏହିକ୍ରମରେ ଶୁକ୍ରବାର ଜଗତ୍‌ସିଂହପୁର ପୌରପାଳିକାର ୩ଜଣିଆ ପ୍ରତିନିଧି ଦଳ ଆସି ଜୈବିକ ଖତ ତିଆରି ପ୍ରଣାଳୀ ଅନୁଧ୍ୟାନ କରିଛନ୍ତି।
ସୂଚନାଯୋଗ୍ୟ, ପାରାଦୀପ ପୌରାଞ୍ଚଳରୁ ଦୈନିକ ୫୨ ଟନ୍‌ ଆବର୍ଜନା ବାହାରୁଛି। ସେହି ଆବର୍ଜନାକୁ ପ୍ରକ୍ରିୟାକରଣ କରିବା ପାଇଁ ୨୦୦୮/୦୯ରେ ପ୍ରଥମକରି କଠିନ ବର୍ଜ୍ୟବସ୍ତୁ ପରିଚାଳନା ପ୍ରକଳ୍ପ କରିବାକୁ ସରକାର ଘୋଷଣା କରିଥିଲେ। ବିଶ୍ୱବ୍ୟାଙ୍କର ୪୩.୭୦ କୋଟି ଟଙ୍କାରେ ଉକ୍ତ ପ୍ରକଳ୍ପ ସ୍ଥାନ ପାଇଁ ୫ ବର୍ଷ ଚାଲିଗଲା। ଶେଷରେ ପାରାଦୀପ ଉପକଣ୍ଠ ରଙ୍ଗିଆଗଡ଼ର ଚାନ୍ଦିନୀଠାରେ ୫୦ ଏକର ଜାଗାରେ ଏହା ନିର୍ମାଣ କରାଗଲା। କିନ୍ତୁ ଏହାକୁ ପରିଚାଳନା କରିବା ପାଇଁ ଏକାଧିକ ଥର ଟେଣ୍ଡର ଡକାଯାଇଥିଲେ ହେଁ କୌଣସି ଭେଣ୍ଡର ଭାଗ ନେଲେ ନାହିଁ। ସେହି ପ୍ରକଳ୍ପକୁ ସେମିତି ଅଧୁରା ରଖି ୪ଟି ସ୍ଥାନରେ ଛୋଟ ବର୍ଜ୍ୟବସ୍ତୁ ପରିଚାଳନା ପ୍ରକଳ୍ପ କରାଗଲା ଏବଂ ପ୍ରତି କଲୋନୀ ବସ୍ତିରେ ଖତଗଦା କରାଗଲା। ସହରାଞ୍ଚଳରୁ ଉଦ୍‌ବୃତ୍ତ ଆବର୍ଜନାକୁ ସେହି ଖତଗଦାରେ ଅଲଗା କରାଯାଉଛି। ଯଥା ପଲିଥିନ୍‌, ପ୍ଲାଷ୍ଟିକ୍‌, ଲୁହାଟିଣ, ପୁରୁଣା ଚପଲ, କାଠ ଆଦି ଶୁଖିଲା ଆବର୍ଜନାକୁ ସ୍ବଚ୍ଛସାଥି ମାଧ୍ୟମରେ ପ୍ରତିଦିନ କବାଡ଼ିଆଙ୍କୁ ବିକ୍ରି କରାଯାଉଛି। ବାସିଖାଦ୍ୟ ଓ ଅନ୍ୟ ଓଦା ଅଳିଆକୁ ବର୍ଜ୍ୟବସ୍ତୁ ପ୍ରକଳ୍ପରେ ଜୈବିକ ଖତ କରାଯାଉଛି। ସେହି ଆବର୍ଜନା ଜୈବିକ ଖତକୁ ୧ କିଲୋ ପ୍ୟାକେଟ କରି ସ୍ବୟଂ ସହାୟିକା ଗୋଷ୍ଠୀ ମାଧ୍ୟମରେ ପାରାଦୀପର କଳିଙ୍ଗ ବାଲିଯାତ୍ରା ଓ କଟକ ବାଲିଯାତ୍ରାରେ ବିକ୍ରି କାଯାଇଥିଲା। ଉକ୍ତ ଖତ କିଲୋ ପ୍ରତି ୬ ଟଙ୍କା ବିକ୍ରି ପାଇଁ ନିଷ୍ପତ୍ତି ହୋଇଥିଲା। କିନ୍ତୁ ଆଶ୍ଚର୍ଯ୍ୟଜନକ ଭାବେ ତାହା ୨୦ ଟଙ୍କାରେ ବିକ୍ରି ହୋଇଥିଲା ବୋଲି ପୌରନିର୍ବାହୀ ଅଧିକାରୀ ଦିଲୀପ ମହାନ୍ତି କହିଛନ୍ତି।
ଏବେ ୧୬ଜଣ ମହିଳା ସେହି ଜୈବିକ ଖତ ତିଆରି କରୁଛନ୍ତି। ସେମାନଙ୍କ ଖତ ବିକ୍ରି ଲବ୍ଧ ଅର୍ଥ ମାସିକ ୮ରୁ ୯ ହଜାର ଟଙ୍କା ହେଉଛି ବୋଲି କହିଛନ୍ତି। ଖତ ଶୁଖାଯାଇ ପ୍ୟାକେଟରେ ଭର୍ତ୍ତି କରିବା ପରେ ତାହା ଚା ପତି ଭଳି ଦେଖାଯାଉଛି। ଏବେ ୪ଟି ଯାକ ବର୍ଜ୍ୟବସ୍ତୁ ପରିଚାଳନା ପ୍ରକଳ୍ପରେ କେବଳ ମହିଳା କାମ କରିବେ। ଏହାଦ୍ୱାରା ଦୁଇଟିଯାକ ମିଶନ ସମାନ୍ତରାଳ ଭାବେ କାମ କରିବ ଏବଂ ସେମାନେ ସ୍ବାବଲମ୍ବୀ ହୋଇପାରିବେ ବୋଲି କୁହାଯାଉଛି। ଏଥିପାଇଁ ପୌର କର୍ତ୍ତୃପକ୍ଷ ସହରାଞ୍ଚଳରେ ଥିବା ୧୭୪୧୧ ବସ୍ତିବାସିନ୍ଦା ଓ ୫୩୫୦ କ୍ୱାର୍ଟର ବାସିନ୍ଦାଙ୍କୁ ଦୁଇଟି ଲେଖାଏଁ ରଙ୍ଗିନ୍‌ ଆବର୍ଜନା ବାଲ୍‌ଟି ପ୍ରଦାନ କରିଛି। ଗୃହବାସିନ୍ଦା ଓଦା ଓ ଶୁଖିଲା ବର୍ଜ୍ୟକୁ ଅଲଗା ଭାବେ ରଖୁଛନ୍ତି। ତାକୁ ପ୍ରତିଦିନ ସକାଳେ ପୌର କର୍ମଚାରୀ ସଂଗ୍ରହ କରି ଅଣୁଖଦ ଗଦାରେ ରଖୁଛନ୍ତି। ସେହିଠାରେ ଶୁଖିଲାକୁ ବିକ୍ରି କରାଯାଉଛି। ଓଦାକୁ ଖତ ପାଇଁ ନିଆଯାଉଛି। ଶୁଖିଲା ବର୍ଜ୍ୟବିକ୍ରି ଅର୍ଥ ଗତ ମାସକ ମଧ୍ୟରେ ୧ ଲକ୍ଷ ଟଙ୍କାରୁ ଅଧିକ ହେଲାଣି। ଏହି ପ୍ରକ୍ରିୟାରେ ୩୭ଜଣ ସ୍ବଚ୍ଛ ସାଥି ଓ ସୁପର ଭାଇଜରଙ୍କ ସମେତ ୧୬ଜଣ ମହିଳା ରୋଜଗାର ପନ୍ଥା ତିଆରି କରି ସାରିଲେଣି।


Enter your email to get our daily news in your inbox.

All Right Reserved By Dharitri.Com

ଜମି ଛଡ଼ାଇ ନେଇ ଗାଁରୁ ତଡ଼ି ଦେଲେ

ବରଗଡ଼ ଅଫିସ୍‌,୨୫।୭: ବରଗଡ଼ ଜିଲାର ଉପାନ୍ତ ଅମ୍ବାଭୋନା ଥାନା ଅନ୍ତର୍ଗତ କୁମ୍ଭୋ ଗ୍ରାମରେ ଏକ ଅଭାବନୀୟ ଘଟଣା ସାମ୍ନାକୁ ଆସିଛି । ଗ୍ରାମର ୬ଜଣ ମୁଷ୍ଟିମେୟ...

କରୋନା ଲାଗି ଭୁବନେଶ୍ୱର ବିମାନ ବନ୍ଦରରେ ଯାତ୍ରୀଙ୍କ ସ୍ବାସ୍ଥ୍ୟ ପରୀକ୍ଷା

ଭୁବନେଶ୍ୱର,୨୭।୧(ବ୍ୟୁରୋ): କରୋନା ଭୂତାଣୁ ପାଇଁ ଭୁବନେଶ୍ୱର  ବିଜୁ ପଟ୍ଟନାୟକ ଅନ୍ତର୍ଜାତୀୟ ବିମାନବନ୍ଦରେ ସୋମବାର ଯାତ୍ରୀଙ୍କ ସ୍ବାସ୍ଥ୍ୟ ପରୀକ୍ଷା କରାଯାଇଛି। ବିଦେଶରୁ ମୁଖ୍ୟତଃ ଚାଇନାରୁ ଆସୁଥିବା ଯାତ୍ରୀଙ୍କଠାରେ...

ମନ୍ତ୍ରୀଙ୍କ ବାସଭବନକୁ ଅଣ୍ଡାମାଡ଼ କଲେ ମହିଳା ମୋର୍ଚ୍ଚା

ଭବାନୀପାଟଣା,୨୦।୧୦(ସ୍ବ.ପ୍ର.): କଳାହାଣ୍ଡି ଜିଲା କେଗାଁ ଥାନା ମହାଲିଙ୍ଗସ୍ଥିତ ଏକ ଘରୋଇ ସ୍କୁଲ ଅଧ୍ୟକ୍ଷା ମମିତା ମେହେରଙ୍କୁ ଅପହରଣ ଓ ହତ୍ୟା ଘଟଣା ନେଇ ବୁଧବାର ଜିଲା...

କୋଭିଡ୍‌ ପରିଚାଳନାରେ ସରକାରଙ୍କ ତ୍ରୁଟି ଦର୍ଶାଇଲା ଭାଜପା

ଭୁବନେଶ୍ୱର, ୧୭ା୫(ବ୍ୟୁରୋ):କରୋନାର ୨ୟ ଲହର ଯୋଗୁ ଅନ୍ୟ ରାଜ୍ୟଗୁଡିକରେ ଲକ୍‌ଡାଉନ କଟକଣା ଜାରି ରହିଛି। ଏହି କାରଣରୁ ଅନ୍ୟ ରାଜ୍ୟଗୁଡିକରୁ ପ୍ରବାସୀ ଓଡ଼ିଆ ଶ୍ରମିକ ପୁଣି...

ସାନଭାଇ ଟାଙ୍ଗିଆ ଚୋଟରେ ବଡ଼ଭାଇଙ୍କ ଜୀବନଗଲା

କଣିହାଁ,୨୩ା୮(ଡି.ଏନ୍‌.ଏ.): ସାନ ଭାଇଙ୍କ ଟାଙ୍ଗିଆ ଚୋଟରେ ବଡ଼ ଭାଇଙ୍କ ଜୀବନ ଯାଇଛି। ଏମିତି ଏକ ଅଭାବନୀୟ ଘଟଣା ଘଟିଛି ଅନୁଗୋଳ ଜିଲା ସମଲ ଥାନା ଶିପୁର...

ଏସ୍‌ସିବି ମେଡିକାଲରେ ୫-ଟି ସଚିବ: ସୁପର ସ୍ପେଶିଆଲିଟି ବିଲ୍ଡିଂ ନିର୍ମାଣ ନେଇ ଆଲୋଚନା

କଟକ ଅଫିସ, ୭।୧୧: ରାତି ପାହିନି, କଟକ ଏସ୍‌ସିବି ମେଡିକାଲରେ ରାଜ୍ୟର ୩ ଜଣ ଆଇଏଏସ୍‌ ଅଫିସର ପହଞ୍ଚିଥିଲେ। ୫-ଟି ସଚିବ ଭି.କେ. ପାଣ୍ଡିଆନଙ୍କ ନେତୃତ୍ୱରେ...

ପୁରୀରେ ୧୫ କରୋନା ପଜିଟିଭ୍‌ ଚିହ୍ନଟ: ୬ଦିନରେ ୪୭ ନୂଆ ଆକ୍ରାନ୍ତ

ପୁରୀ ଅଫିସ,୧୩।୬: ପୁରୀ ଜିଲାରୁ ପୁଣି ଶନିବାର ୧୫ ଜଣ କରୋନା ପଜିଟିଭ୍‌ ଚିହ୍ନଟ ହୋଇଛନ୍ତି। ଚିହ୍ନଟ ନୂଆ ସଂକ୍ରମିତଙ୍କୁ ମିଶାଇ ଜିଲାର ମୋଟ ପଜିଟିଭ୍‌...

ସଂକ୍ରମଣ ରୋକିବାକୁ ସୀମା ସିଲ୍‌

ଭୋଗରାଇ,୨୨।୪(ଡି.ଏନ.ଏ.): ମହାମାରୀ କରୋନାର ଦ୍ୱିତୀୟ ଲହର କ୍ଷିପ୍ର ଗତିରେ ସଂକ୍ରମିତ ହେଉଥିବା ବେଳେ ରାଜ୍ୟ ସରକାର ସତର୍କତା ମୂଳକ ଆନ୍ତଃରାଜ୍ୟ ସଡ଼କ ପଥ ସୀମାକୁ ସିଲ୍‌...

Advertisement


Archives

Model This Week