କୋଲକାତା, ୨୯।୧୧:ପଶ୍ଚିମବଙ୍ଗର ୩ ବିଧାନସଭା ଆସନ ଲାଗି ହୋଇଥିବା ଉପନିର୍ବାଚନରେ ତୃଣମୂଳ କଂଗ୍ରେସ(ଟିଏମ୍ସି) ବାଜିମାରିଛି। ସମସ୍ତ ୩ ଆସନରେ ଟିଏମ୍ସିର ପ୍ରାର୍ଥୀ ବିଜୟୀ ହୋଇଛନ୍ତି। କାଳିଆଗଞ୍ଜରେ ଟିଏମ୍ସି ପ୍ରାର୍ଥୀ ତପନ ଦେବ ସିହ୍ନା ଭାଜପା ପ୍ରାର୍ଥୀ କମଲ ଚନ୍ଦ୍ର ସର୍କାରଙ୍କୁ ୨,୪୧୮ ଭୋଟରେ ପରାସ୍ତ କରିଛନ୍ତି। ସେହିଭଳି ଖଡ଼ଗପୁର ସଦର ଆସନରେ ଟିଏମ୍ସି ପ୍ରାର୍ଥୀ ପ୍ରଦୀପ ସର୍କାର ଭାଜପାର ପ୍ରେମଚନ୍ଦ୍ର ଝାଙ୍କୁ ୨୦,୮୧୧ ଭୋଟରେ ପରାସ୍ତ କରିଛନ୍ତି। ଅନୁରୂପ ଭାବେ କରିମ୍ପୁରରେ ଟିଏମ୍ସିର ବିମଳେନ୍ଦୁ ସିହ୍ନା ରୟ ଭାଜପା ଉପସଭାପତି ଜୟପ୍ରକାଶ ମଜୁମ୍ଦାରଙ୍କୁ ୨୩,୬୫୦ ଭୋଟ ବ୍ୟବଧାନରେ ପରାସ୍ତ କରିଛନ୍ତି। ଭାଜପା ପ୍ରଦେଶ ଅଧ୍ୟକ୍ଷ ଦିଲୀପ ଘୋଷ ପୂର୍ବରୁ ଖଡ଼ଗପୁର ବିଧାୟକ ଥିଲାବେଳେ ମିଦ୍ନାପୁର ଏମ୍ପି ଭାବେ ନିର୍ବାଚିତ ହୋଇଥିଲେ। ଏଥିଲାଗି ଏଠାରେ ଉପନିର୍ବାଚନ କରାଯାଇ ଥିବାବେଳେ ଭାଜପାକୁ ଜୋର୍ଦାର ଝଟକା ଲାଗିଛି।
