ଅମେଠି,୧୧ା୭(ପି.ଟି.): ଲୋକ ସଭା ନିର୍ବାଚନରେ ପରାଜୟ ପରେ କଂଗ୍ରେସ ନେତା ରାହୁଲ ଗାନ୍ଧୀ ବୁଧବାର ପ୍ରଥମ ଥର ପାଇଁ ନିଜ ନିର୍ବାଚନ ମଣ୍ଡଳୀ ଅମେଠି ଗସ୍ତରେ ଯାଇଥିଲେ। ପରାଜୟ ପାଇଁ ସେ ସ୍ଥାନୀୟ ନେତାଙ୍କୁ ଦୋଷ ଦେଇଛନ୍ତି। ସେମାନେ ଲୋକଙ୍କଠାରୁ ଦୂରେଇ ରହିଲେ ବୋଲି ରାହୁଲ କହିଛନ୍ତି। ତେବେ ରାହୁଲ ତାଙ୍କ ନିର୍ବାଚନ ମଣ୍ଡଳୀକୁ ଛାଡ଼ି ଯିବେନାହିଁ। ଏହା ତାଙ୍କର ଘର ଓ ପରିବାର ବୋଲି ରାହୁଲ କର୍ମୀମାନଙ୍କୁ କହିଛନ୍ତି। ସେ ଏବେ ଓ୍ବାୟାନଡ଼ର ଏମ୍ପି ହେଲେ ମଧ୍ୟ ଅମେଠି ସହ ତାଙ୍କର ତିନି ଦଶନ୍ଧିର ସମ୍ପର୍କ। ସେ ଦିଲ୍ଲୀରେ ଅମେଠି ପାଇଁ ଲଢ଼େଇ କରିବେ ବୋଲି କର୍ମୀମାନଙ୍କୁ ପ୍ରତିଶ୍ରୁତି ଦେଇଛନ୍ତି।
ରାହୁଲ ଗୌରୀଗଞ୍ଜରେ ଦଳର ତିଲୋଇ ବିଧାନସଭା ପ୍ରଭାରୀ ମାତା ପ୍ରସାଦ ବୈଶଙ୍କ ଘରକୁ ଯାଇ ତାଙ୍କର ମୃତ ସମ୍ପର୍କୀୟଙ୍କ ପାଇଁ ଶୋକବ୍ୟକ୍ତ କରିଥିଲେ। ପରେ ସେ ନିର୍ମଳାଦେବୀ ଶିକ୍ଷାନୁଷ୍ଠାନରେ ଅନ୍ୟ ନେତା ଓ କାର୍ଯ୍ୟକର୍ତ୍ତାମାନଙ୍କ ସହ ଏକ ସମୀକ୍ଷା ବୈଠକରେ ଯୋଗଦେଇଥିଲେ। ସୂଚନାଯୋଗ୍ୟ ଅମେଠି ଆସନରେ କେନ୍ଦ୍ରମନ୍ତ୍ରୀ ସ୍ମୃତି ଇରାନୀ ରାହୁଲଙ୍କୁ ୫୨୦୦୦ରୁ ଅଧିକ ଭୋଟରେ ପରାଜିତ କରିଛନ୍ତି।
