ଥାନାର ଦ୍ୱାରସ୍ଥ ହୋଇ ନ ଥିବା ଗାଁ

କେନ୍ଦୁଝର, ୨୨ା୯ (ସ୍ବ.ପ୍ର.)-ବର୍ତ୍ତମାନ ସମୟରେ ବୃଦ୍ଧି ପାଉଥିବା ଆଇନ ଶୃଙ୍ଖଳା ପରିସ୍ଥିତି ପାଇଁ ପୋଲିସର ସହାୟତା ସମସ୍ତେ ନେଇଥାନ୍ତି। କିନ୍ତୁ କେନ୍ଦୁଝର ଜିଲାରେ ଏଭଳି ଏକ ଗ୍ରାମ ରହିଛି ଯେଉଁଠି ଏବେ ସୁଦ୍ଧା ପୋଲିସର ସହାୟତା ନେଇନାହାନ୍ତି। କଥାଟା ଏକଦମ୍‌ ସତ। ଏଭଳି ଏକ ଗ୍ରାମ ହେଉଛି ଝୁମ୍ପୁରା ବ୍ଲକର ତେଲିଅର୍ଶଳା ଗ୍ରାମ ା ଜିଲା ମୁଖ୍ୟାଳୟଠାରୁ ପ୍ରାୟ ୨୫ କି.ମି. ଦୂରରେ ଏହି ଗ୍ରାମ ଅବସ୍ଥିତ। ଏହି ଗ୍ରାମରେ ପାଖାପାଖି ୭୦୦ ମାଝି ସଂପ୍ରଦାୟର ଲୋକ ବସବାସ କରନ୍ତି।
ଗ୍ରାମକୁ ପୋଲିସ ଆସିବା ମନା। କୌଣସି ମାମଲାରେ ଯଦି ପୋଲିସ ଆସେ ତେବେ ସେମାନଙ୍କୁ ଗ୍ରାମ ଭିତରକୁ ପ୍ରବେଶ କରାଇଦିଅନ୍ତି ନାହିଁ। ବିଭିନ୍ନ ମାମଲାର ଫଇସଲା ଗ୍ରାମରେ ହୋଇଥାଏ। ସମସ୍ତ ସୁବିଧା ଅସୁବିଧାର ସମାଧାନ ଗ୍ରାମରେ କରାଯାଏ। ଗ୍ରାମର ମୁଖିଆ ହେଉଛନ୍ତି ଧନେଶ୍ୱର ମାଝି। ତାଙ୍କ ନେତୃତ୍ୱରେ ପଞ୍ଚାୟତ ବସି ସମସ୍ତ ପ୍ରକାରର ବିବାଦ, ଗଣ୍ଡଗୋଳର ସମାଧାନ ହୋଇଥାଏ। ଗ୍ରାମର ଡାକୁଆ ଜରିଆରେ ମୁରବିମାନଙ୍କୁ ଡକାଯାଏ। ଅଭିଯୋଗକାରୀ ତଥା ଅଭିଯୁକ୍ତଙ୍କୁ ମଧ୍ୟ ଡକାଯାଏ। ଯାହା ନିଷ୍ପତ୍ତି ହୋଇଥାଏ ତାହା ସମସ୍ତ ମାନିଥାନ୍ତି। ଏହି ଗ୍ରାମରେ ରହିଛି ଏକ ଆଶ୍ରମ ସ୍କୁଲ ା ଥରେ ଏହି ସ୍କୁଲର ଜଣେ ପିଲା କେଉଁ ଆଡେ ଚାଲିଯିବାରୁ ତାଙ୍କ ବାପା ପୋଲିସରେ ଅଭିଯୋଗ କରିଥିଲେ। ପୋଲିସ ଅଭିଯୋଗ ପାଇ ଗ୍ରାମକୁ ଆସିଥିଲା। କିନ୍ତୁ ଗ୍ରାମବାସୀ ପୋଲିସକୁ ଅଟକାଇ ଫେରାଇ ଦେଇଥିଲେ ା ନିଜେ ଗ୍ରାମବାସୀ ଉକ୍ତ ଛାତ୍ରକୁ ଖୋଜିବା ପାଇଁ ସ୍କୁଲ କର୍ତ୍ତୃପକ୍ଷଙ୍କୁ ସହାୟତା କରି ଫେରିପାଇଥିଲେ। ଯେଉଁ ସବୁ କେସ ଅନ୍ୟ ଗ୍ରାମରେ ପୋଲିସ ଥାନା ବା କୋର୍ଟ କଚେରିରେ ହୋଇଥାଏ ସେଭଳି କେସଗୁଡ଼ିକ ଏହି ଗ୍ରାମରେ ହୋଇଥାଏ ବୋଲି ଗ୍ରାମର ଦିନେଶ କୁମାର ଟୁଡୁ କହିଛନ୍ତି। ଏହି ପରମ୍ପରା ଏବେକାର ନୁହେଁ। ବହୁ ଆଗରୁ ଚାଲି ଆସୁଛି ା ଏପରିକି ବିବାହ ବିଚ୍ଛେଦ ମାମଲାଗୁଡିକ ମଧ୍ୟ ଫଇସଲା କରାଯାଇଥାଏ। ସମସ୍ତେ ଭାଇଚାରା ମନୋଭାବ ନେଇ ଖୁସିରେ ରହିଆସୁଛନ୍ତି ବୋଲି ବରିଷ୍ଠ ଗ୍ରାମବାସୀ ସୁରେନ୍ଦ୍ର ମାଝି କହିଛନ୍ତି।
ଏହି ଗ୍ରାମବାସୀ ଗୁଣିଗାରେଡି ଉପରେ ବିଶ୍ୱାସ କରନ୍ତି ନାହିଁ ା ଗ୍ରାମରେ ରହିଛି ଠାକୁରାଣୀ ଶାଳ ସେଠାରେ ପୂଜାପାଠ ସମସ୍ତେ ମିଳିମିଶି କରନ୍ତି। ଗ୍ରାମରେ ଓଷା ବା ଅନ୍ୟାନ୍ୟ ଗଣେଶ, ବିଶ୍ୱକର୍ମା ଆଦି ପୂଜା କରାଯାଏ ନାହିଁ। ବର୍ଷରେ କାଳୀପୂଜା ଓ ହୋଲିକୁ ଧୁମଧାମରେ ପାଳନ କରିଥାନ୍ତି। ଏହି ପର୍ବ ଗ୍ରାମର ସମସ୍ତେ ମିଶି ପାଳନ କରିଥିବାବେଳେ ମିଳିମିଶି ଖର୍ଚ୍ଚ ଉଠାଇଥାନ୍ତି। ମାଦଳ ଓ ନାଗରା ବଜାଇ ପାରମ୍ପରିକ ବେଶଭୂଷାରେ ସଜ୍ଜିତ ହୋଇ ନାଚଗୀତ କରି କଟାନ୍ତି। ଏହି ଗ୍ରାମର ଲୋକମାନେ ଧାନ, ଡାଲିଜାତୀୟ ଫସଲ, ପନିପରିବା ଚାଷବାସ ସହିତ ଗୋପାଳନ କରି ଚଳିଥାନ୍ତି।
ଫଟୋ-
ତେଲିଅର୍ଶଳ ଗ୍ରାମବାସୀ


Enter your email to get our daily news in your inbox.

All Right Reserved By Dharitri.Com

ପ୍ଲାଷ୍ଟିକ ବର୍ଜନ ଶୋଭାଯାତ୍ରାର ଶୁଭାରମ୍ଭ କଲେ ଜିଲାପାଳ

କେନ୍ଦୁଝର,୧୭।୧୦(ସ୍ବ.ପ୍ର.): କେନ୍ଦୁଝର ଜିଲା ମୁଖ୍ୟାଳୟରେ ପ୍ଲାଷ୍ଟିକ ବର୍ଜନ ଶୋଭାଯାତ୍ରା ଗୁରୁବାର ଅନୁଷ୍ଠିତ ହୋଇଯାଇଛି। ରାଜ୍ୟ ପ୍ରଦୂଷଣ ନିୟନ୍ତ୍ରଣ ବୋର୍ଡ, କେନ୍ଦୁଝର ଶାଖା ପକ୍ଷରୁ ଏହି ଶୋଭାଯାତ୍ରା...

ପାଟଣା ବ୍ଲକରେ ୯୪୦ ଆଇସୋଲେଶନ ବେଡ଼

ପାଟଣା,୫।୪(ସ୍ୱ.ପ୍ର.): ଓଡ଼ିଶାରେ ଦିନକୁ ଦିନ କରୋନା ରୋଗୀଙ୍କ ସଂଖ୍ୟା ବୃଦ୍ଧି ପାଉଥିବା ବେଳେ ପ୍ରଶାସନ ତରଫରୁ ଏହାର ମୁକାବିଲା ପାଇଁ ଜୋରଦାର ପ୍ରସ୍ତୁତି ଚାଲିଛି।କେନ୍ଦୁଝର ଜିଲା...

ସରକାରୀ ସ୍କୁଲରେ ୩୫୮ ଶିକ୍ଷକ ପଦବୀ ଖାଲି

କେନ୍ଦୁଝର, ୧୬।୬ (ସ୍ବ.ପ୍ର.) – ରାଜ୍ୟ ସରକାର ୫ଟି ଅନ୍ତର୍ଗତ ବିଦ୍ୟାଳୟ ରୂପାନ୍ତରୀକରଣ କାର୍ଯ୍ୟକ୍ରମରେ କେନ୍ଦୁଝର ଜିଲାରେ ସରକାରୀ ଉଚ୍ଚ ବିଦ୍ୟାଳୟର ଭିତି ଭୂମିର ବିକାଶ...

ବାଡ଼ ଅଛି, ଗଛ ନାହିଁ: ଉଜୁଡ଼ିଯାଉଛି ରାସ୍ତା ପାର୍ଶ୍ୱ ବନୀକରଣ

ଚମ୍ପୁଆ, ୨୮।୧୨(ଡି.ଏନ.ଏ.)-ପରିବେଶକୁ ସବୁଜ ସୁନ୍ଦର କରିବା ପାଇଁ ସରକାର ରାସ୍ତାପାର୍ଶ୍ୱ ବନୀକରଣ ଲାଗି ଲକ୍ଷ ଲକ୍ଷ ଟଙ୍କା ଖର୍ଚ୍ଚ କରୁଛନ୍ତି। ହେଲେ ରକ୍ଷଣାବେକ୍ଷଣ ଅଭାବରୁ କିଛି...

ଡିଜେଲ ଚୋରି ଘଟଣା: ପୁଣି ୨ ଗିରଫ

ବଡ଼ବିଲ,୩୦।୮(ସ୍ବ.ପ୍ର.): କେନ୍ଦୁଝର ଜିଲା ବଲାଣୀ ଥାନା ପୋଲିସ ଗୁରୁବାର ଡିଜେଲ ଚୋରି ଅଭିଯୋଗରେ ଜଣେ ଅଭିଯୁକ୍ତଙ୍କୁ ଗିରଫ କରିଥିଲା। ଏହି ଘଟଣାରେ ସଂପୃକ୍ତ ଅନ୍ୟ ୨...

ମା’ ତାରିଣୀଙ୍କ ଦର୍ଶନ କଲେ ଛତିଶଗଡ଼ ମୁଖ୍ୟମନ୍ତ୍ରୀ

ଘଟଗାଁ, ୩୧ା୧୨- ମା’ ତାରିଣୀଙ୍କୁ ୨୦୧୯ ବର୍ଷ ଶେଷଦିନରେ ଛତିଶଗଡ଼ ମୁଖ୍ୟମନ୍ତ୍ରୀ ଭୁପେଶ ବାଗଲା ଓ ତାଙ୍କ ପୁତ୍ର ଚୈତନ୍ୟ ବାଗ୍‌ଲା ମଙ୍ଗଳବାର ଆସି ଦର୍ଶନ...

୨୨ବର୍ଷରେ ୧୨୧ ହାତୀ ମୃତ

କେନ୍ଦୁଝର,୧୨।୮(ସ୍ବ.ପ୍ର.)-କେନ୍ଦୁଝର ଜିଲାରେ ହାତୀ ମଣିଷ ଲଢ଼େଇ ଲାଗି ରହିଛି। କେତେବେଳେ ନିରୀହ ମଣିଷଙ୍କ ଜୀବନ ଯାଉଛି ତ କେତେବେଳେ ମଣିଷଙ୍କ ଆକ୍ରୋଶରୁ ଟଳି ପଡ଼ୁଛନ୍ତି ହାତୀ।...

ଟୋକନ ମିଳିଲା, ମିଳିନି ଚାଉଳ

କେନ୍ଦୁଝର,୮ା୪ (ସ୍ବ.ପ୍ର.) – କରୋନା ପାଇଁ ସାରା ଦେଶରେ ଲକ୍‌ଡାଉନ ଘୋଷଣା କରାଯାଇଛି। ବିଭିନ୍ନ ସ୍କୁଲ ଛୁଟି କରାଯାଇ ଛାତ୍ରୀଛାତ୍ରଙ୍କୁ ୩ ମାସର ମଧ୍ୟାହ୍ନଭୋଜନ ଚାଉଳ...

Advertisement
Archives

Model This Week