କଳିଙ୍ଗନଗର,୧୯ା୧(ଡି.ଏନ.ଏ.): ଯାଜପୁରରୋଡ ଥାନା ପୋଲିସ ଏକ ବିଶ୍ୱସ୍ତ ସୂତ୍ରରୁ ଖବର ପାଇ ଶୁକ୍ରବାର ବଳିମ୍ବିତ ରାତିରେ ଦାନଗଦୀ ତ୍ରିଜଙ୍ଗା କଲୋନୀରେ ଚଢାଉ କରି ଏକ ଡକାୟତି ଯୋଜନାକୁ ପଣ୍ଡ କରିଛି। ଏଥିରେ ୪ଜଣଙ୍କୁ ଗିରଫ କରି ଶନିବାର କୋର୍ଟଚାଲାଣ କରାଯାଇଛି। ଏନେଇ ଯାଜପୁରରୋଡ ଥାନାରେ ଏକ ମାମଲା( ନଂ.୨୮/୨୦୨୦) ରୁଜୁ ହୋଇଛି। ମିଳିଥିବା ଖବର ଅନୁଯାୟୀ ତ୍ରିଜଙ୍ଗା କଲୋନୀରେ ଡକାୟତି କରିବାକୁ ଯୋଜନା ହେଉଥିବା ନେଇ ସୂଚନା ପାଇବା ପରେ ପୋଲିସ ସେଠାରେ ଚଢ଼ାଉ କରି ସାରଙ୍ଗପୁର ଗ୍ରାମର ଗୌତମ ଜେନା(୨୭), ନିଳକଣ୍ଠପୁର ଗ୍ରାମର ସାଗର ପେରେଇ(୨୨), ଦାନଗଦୀ ପାତ୍ରସାହିର ରଞ୍ଜିତ ପାତ୍ର(୨୩) ଓ କାହ୍ନୁ ପାତ୍ର(୨୨)ଙ୍କୁ ପୋଲିସ କାବୁ କରିବାରେ ସକ୍ଷମ ହୋଇଥିଲା। ସେମାନଙ୍କଠାରୁ ୩ଟି ଭୁଜାଲି, ୪ଟି ମୋବାଇଲ, ୬ଟି ମଙ୍କିକ୍ୟାପ, ୨ଟି ଟର୍ଚ୍ଚଲାଇଟ, ୧ ସ୍କେଚ ମ୍ୟାପ ଓ ଓଡି-୩୪ଜି-୬୫୪୨ ନମ୍ବର ବିଶିଷ୍ଟ ଏକ ବାଇକ ଜବତ କରାଯାଇଛି।
