Posted inଜାତୀୟ

ତେଜସ୍‌ ହେବ ଦେଶର ପ୍ରଥମ ପ୍ରାଇଭେଟ ଟ୍ରେନ

ନୂଆଦିଲ୍ଲୀ,୯ା୭: ଦେଶରେ ଦୌଡ଼ିବ ପ୍ରଥମ ପ୍ରାଇଭେଟ ଟ୍ରେନ। ଦିଲ୍ଲୀ ଓ ଲକ୍ଷ୍ନୌ ମଧ୍ୟରେ ଚାଲିବାକୁ ଥିବା ତେଜସ୍‌ ଏକ୍ସପ୍ରେସକୁ ଘରୋଇ କମ୍ପାନୀ ହାତକୁ ଟେକି ଦିଆଯିବ। ବିମାନରେ ମିଳୁଥିବା ସମସ୍ତ ପ୍ରକାର ସୁବିଧା ଏଥିରେ ଉପଲବ୍ଧ ହେବ। ସରକାରଙ୍କ ୧୦୦ ଦିନିଆ କାର୍ଯ୍ୟସୂଚୀ ଅନୁଯାୟୀ ରେଳ ମନ୍ତ୍ରଣାଳୟ ପକ୍ଷରୁ ଦୁଇଟି ଟ୍ରେନ୍‌କୁ ଘରୋଇ କମ୍ପାନୀ ଦ୍ୱାରା ପରିଚାଳନା କରାଯିବ। ପ୍ରଥମ ରୁଟ୍‌ର ଚୟନ ଶେଷ ହୋଇଥିବା ବେଳେ ରେଲଓ୍ବେ ବୋର୍ଡ ପକ୍ଷରୁ ୫୦୦ କି.ମି.ଦୂରତା ବିଶିଷ୍ଟ ଆଉ ଏକ ରୁଟ୍‌ ଖୋଜା ଚାଲିଛି। ରେଲଓ୍ବେର ଜଣେ ଅଧିକାରୀ କହିଛନ୍ତି ଯେ, ବର୍ତ୍ତମାନ ପରିପ୍ରେକ୍ଷୀରେ ଦିଲ୍ଲୀ ଓ ଲକ୍ଷ୍ନୌ ମଧ୍ୟରେ ଥିବା ପ୍ରଥମ ରୁଟର ପରିଚାଳନା ଘରୋଇ କମ୍ପାନୀ କରିବେ। ଏ ସମ୍ପର୍କରେ ଆସନ୍ତା ମାସକ ମଧ୍ୟରେ ନିଷ୍ପତ୍ତି ନିଆଯିବ। ଆଇଆର୍‌ସିଟିସି ବର୍ତ୍ତମାନ ଏହାର ମଡେଲ ଉପରେ କାର୍ଯ୍ୟକରୁଛି। ଉଲ୍ଲେଖଥାଉ କି, ୨୦୧୬ରେ ତେଜସ୍‌ ଏକ୍ସପ୍ରେସ ଚଳାଚଳ ପାଇଁ ଘୋଷଣା କରାଯାଇଥିଲେ ହେଁ ଏହା ଆଜିଯାଏ ଚଳାଚଳ କରିନାହିଁ। ନିକଟରେ ଜାରି ହୋଇଥିବା ସମୟସାରଣୀରେ ତେଜସ୍‌କୁ ସାମିଲ କରାଯାଇଥିଲେ ମଧ୍ୟ ଏହା ବର୍ତ୍ତମାନ ଉତ୍ତର ପ୍ରଦେଶର ଆନନ୍ଦନଗର ରେଲଓ୍ବେ ଷ୍ଟେଶନରେ ଛିଡା ହୋଇରହିଛି। ନିଲାମୀ ପ୍ରକ୍ରିୟା ଶେଷ ହେବା ପରେ ଏହାକୁ ଘରୋଇ କମ୍ପାନୀକୁ ହସ୍ତାନ୍ତର କରାଯିବ। ଦିଲ୍ଲୀ-ଲକ୍ଷ୍ନୌ ରୁଟ୍‌ରେ ଏବେ ୫୩ଟି ଟ୍ରେନ ଚାଲୁଛି। କିନ୍ତୁ ଏମାନଙ୍କ ମଧ୍ୟରୁ ଗୋଟିଏ ହେଲେ ରାଜଧାନୀ ଟ୍ରେନ୍‌ ନୁହେଁ। ଏହି ରୁଟ୍‌ରେ ଚାଲୁଥିବା ପ୍ରିମିୟମ ଟ୍ରେନ ସ୍ବର୍ଣ୍ଣ ଶତାବ୍ଦୀ ଏକ୍ସପ୍ରେସ୍‌ରେ ଟିକେଟ ଚାହିଦା ଅଧିକ ରହିଛି ଓ ଏହା ମାତ୍ର ସାଢ଼େ ୬ ଘଣ୍ଟାରେ ଯାତ୍ରା ପୂରଣ କରୁଛି। ତେଜସ୍‌ ଏକ୍ସପ୍ରେସର ଦାୟିତ୍ୱ ଆଇଆର୍‌ସିଟିସିକୁ ଦିଆଯିବ, ଯିଏକି ଲିଜ୍‌ ଚାର୍ଜଠାରୁ ଆରମ୍ଭ କରି ସମସ୍ତ ଶୁଳ୍କ ପ୍ରଦାନ ସଂକ୍ରାନ୍ତରେ ଫାଇନାନ୍ସିିଂ ଡିପାର୍ଟମେଣ୍ଟ ସହ ସହଯୋଗ କରିବ। ଅନ୍ୟ ଜଣେ ଅଧିକାରୀ କହିଛନ୍ତି ଯେ, ଦୁଇଟି ଟ୍ରେନକୁ ନେଇ ପ୍ରଥମେ ପରୀକ୍ଷାମୂଳକ ପ୍ରୟୋଗ କରାଯିବ। ଆସନ୍ତା ୧୦୦ ଦିନ ଭିତରେ ଅତିକମ୍‌ରେ ଗୋଟିଏ ଟ୍ରେନକୁ ଘରୋଇ କମ୍ପାନୀକୁ ଦିଆଯିବ। କମ୍‌ ଭିଡ ଥିବା ତଥା ପର୍ଯ୍ୟଟନ କ୍ଷେତ୍ରକୁ ଯୋଡୁଥିବା ଦୃଷ୍ଟିରୁ ଉକ୍ତ ରୁଟ୍‌କୁ ଚୟନ କରାଯାଇଛି। ଖୁବଶୀଘ୍ର ଦ୍ୱିତୀୟ ଟ୍ରେନ ଓ ରୁଟ୍‌ ବଛାଯିବ ବୋଲି ସେ କହିଛନ୍ତି। ୧୨୫୮୫ ଲକ୍ଷ୍ନୌ ଜଙ୍କସନ-ନୂଆଦିଲ୍ଲୀ ତେଜସ୍‌ ଏକ୍ସପ୍ରେସ ସକାଳ ୬.୫୦ରେ ଲକ୍ଷ୍ନୌ ଜଙ୍କସନ ଛାଡିବ ଏବଂ ନୂଆଦିଲ୍ଲୀରେ ଅପରାହ୍ନ୧.୩୫ରେ ପହଞ୍ଚତ୍ବ। ସେହିପରି ୧୨୫୮୬ ନୂଆଦିଲ୍ଲୀ-ଲକ୍ଷ୍ନୌ ଜଙ୍କସନ ତେଜସ୍‌ ଏକ୍ସପ୍ରେସ ଅପରାହ୍ନ ୩.୩୫ରେ ନୂଆଦିଲ୍ଲୀ ଛାଡ଼ି ରାତି ୧୦.୦୫ରେ ଲକ୍ଷ୍ନୌ ଜଙ୍କସନରେ ପହଞ୍ଚତ୍ବ। ରବିବାର ଓ ଗୁରୁବାର ଛାଡ଼ି ଦେଲେ ଅବଶିଷ୍ଟ ଦିନରେ ଏହି ଟ୍ରେନ ଚାଲିବ। ସୂଚନାଯୋଗ୍ୟ ଯେ, ଏହି ଟ୍ରେନର ପ୍ରତ୍ୟେକ ସିଟ୍‌ ପଛରେ ଏଲ୍‌ସିଡି ଏଣ୍ଟରଟେନମେଣ୍ଟ-ଇନ୍‌ଫରମେଶନ ସ୍କ୍ରିନ୍‌ ରହିଥିବା ବେଳେ ଓ୍ବାଇଫାଇ ସୁବିଧା, ଆରାମଦାୟକ ସିଟ୍‌, ମୋବାଇଲ ଚାର୍ଜିଂ ପଏଣ୍ଟ, ବହି ପଢ଼ିବା ପାଇଁ ସ୍ବତନ୍ତ୍ର ଲାଇଟ ବ୍ୟବସ୍ଥା ରହିଛି।


Enter your email to get our daily news in your inbox.

All Right Reserved By Dharitri.Com

କରୋନା ସଂକ୍ରମଣ ଯୋଗୁ ବନ୍ଦ ହୋଇପଡ଼ିଥିବା ଦିଲ୍ଲୀ ଏମ୍ସର ଓପିଡ଼ି ସେବା ପୁଣି ଆରମ୍ଭ

ନୂଆଦିଲ୍ଲୀ,୨୫।୬: ଦେଶରେ କରୋନା ଭାଇରସ୍‌ ସଂକ୍ରମଣ ଦ୍ରୁତଗତିରେ ବ୍ୟାପିବାରେ ଲାଗିଛି। ଦିନକୁ ଦିନ ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଉଥିବା ବେଳେ ଦେଶରେ ଆକ୍ରାନ୍ତଙ୍କ ସଂଖ୍ୟା ବୃଦ୍ଧି...

ଭାଜପା ନେତାଙ୍କୁ ହତ୍ୟା କଲେ ଆତଙ୍କବାଦୀ

ନୂଆଦିଲ୍ଲୀ,୧୭।୮ : କଶ୍ମୀରର କୁଲଗାମ ଅଞ୍ଚଳରେ ଆତଙ୍କବାଦୀମାନେ ମଙ୍ଗଳବାର ଜଣେ ଭାଜପା ନେତାଙ୍କୁ ହତ୍ୟା କରିଛନ୍ତି। କୁଲଗାମ ଜିଲାର ନିର୍ବାଚନମଣ୍ଡଳୀର ଭାଜପା ଇନଚାର୍ଜରେ ଥିଲେ ଜାଭିଦ...

ଓମ୍‌ ବିର୍ଲା ହେଲେ ୧୭ ତମ ଲୋକ ସଭା ବାଚସ୍ପତି: ସମସ୍ତ ଦଳ କଲେ ସମର୍ଥନ

ନୂଆଦିଲ୍ଲୀ,୧୯।୬: ରାଜସ୍ଥାନ କୋଟା ଲୋକ ସଭା ଆସନରୁ ନିର୍ବାଚିତ ହୋଇଥିବା ଓମ୍‌ ବିର୍ଲା ୧୭ତମ ଲୋକ ସଭାର ବାଚସ୍ପତି ହୋଇଛନ୍ତି। ବୁଧବାର ବାଚସ୍ପତି ଭାବେ ତାଙ୍କ...

୧୨ ଘରୋଇ ଲାବ୍‌ ଚେନ୍‌ରେ ହେବ କରୋନା ପରୀକ୍ଷା

ନୂଆଦିଲ୍ଲୀ,୨୪ା୩(ଆଇଏଏନ୍‌ଏସ୍‌): କରୋନା ପରୀକ୍ଷା ଲାଗି ସରକାର ୧୨ଟି ଘରୋଇ ଲାବ୍‌ ଚେନ୍‌କୁ ଦାୟିତ୍ୱ ଦେଇଛନ୍ତି। ଭାରତୀୟ ଭେଷଜ ଗବେଷଣା ପରିଷଦ (ଆଇସିଏମ୍‌ଆର୍‌) ନିର୍ଦ୍ଦେଶକ ଡ. ବଳରାମ...

ଅଧିକ ଚାଲାଣ କାଟିବା ସରକାରଙ୍କ ଇଚ୍ଛା ନୁହେଁ: ଗଡକରୀ

ନୂଆଦିଲ୍ଲୀ,୫।୯: ନୂଆ ମୋଟର ଯାନ ନିୟମ ଅନୁଯାୟୀ ଏବେ ସମସ୍ତେ ଚିନ୍ତିତ। କାରଣ ପୂର୍ବାପେକ୍ଷା ଏହି ନିୟମ ଉଲ୍ଲଂଘନକାରୀଙ୍କୁ ଅଧିକ ଜରିମାନା ଦେବାକୁ ପଡୁଛି। ତେବେ...

ମମତାଙ୍କ ବଡ଼ ଘୋଷଣା

ନୂଆଦିଲ୍ଲୀ,୧୯।୪: ଦେଶରେ କରୋନା ମାମଲା ଦ୍ରୁତ ଗତିରେ ବଢୁଥିବା ବେଳେ ପଶ୍ଚିମବଙ୍ଗ ବିଧାନସଭା ନିର୍ବାଚନ ଉପରେ ମଧ୍ୟ ଏହା ପ୍ରଭାବ ପକାଇବା ଆରମ୍ଭ କରିଛି। କଂଗ୍ରେସ...

ଭାଜପା ନିୟନ୍ତ୍ରଣରେ ୬୩୦ ଆସନ

ଲକ୍ଷ୍ନୌ, ୧୧।୭: ଉତ୍ତରପ୍ରଦେଶ ବିଧାନସଭା ନିର୍ବାଚନ ପୂର୍ବରୁ ଅନୁଷ୍ଠିତ ଜିଲା ପଞ୍ଚାୟତ ଅଧ୍ୟକ୍ଷ ନିର୍ବାଚନରେ ଭାଜପାକୁ ବଡ଼ ସଫଳତା ମିଳିବା ପରେ ଶନିବାର ଅନୁଷ୍ଠିତ ବ୍ଲକ...

୨୮ସପ୍ତାହରେ ଗର୍ଭପାତ କରିବାକୁ ଅନୁମତି ଦେଲେ ହାଇକୋର୍ଟ

ନୂଆଦିଲ୍ଲୀ,୧୧।୧: ଜଣେ ମହିଳାଙ୍କୁ ୨୮ ସପ୍ତାହରେ ଗର୍ଭପାତ କରିବାକୁ ଦିଲ୍ଲୀ ହାଇକୋର୍ଟ ଅନୁମତି ଦେଇଛନ୍ତି। ଗର୍ଭରେ ବଢୁଥିବା ଭ୍ରୁଣର ମସ୍ତିଷ୍କ ଉପରେ ଖପୁରୀ ଠିକ୍‌ ଭାବେ...

Advertisement
Archives

Model This Week