ନୂଆଦିଲ୍ଲୀ, ୧୮।୯: ଉଜବେକିସ୍ତାନରେ ଚାଲିଥିବା ୨୦୨୦ ଏଏଫ୍ସି (ଏସିଆନ ଫୁଟ୍ବଲ କନ୍ଫେଡେରେଶନ) କପ୍ ଯୋଗ୍ୟତା ପର୍ଯ୍ୟାୟରେ ଭାରତ ବିଜୟରୁ ଅଭିଯାନ ଆରମ୍ଭ କରିଛି। ବୁଧବାର ଅନୁଷ୍ଠିତ ଗ୍ରୁପ୍-ବି’ର ଏକ ମ୍ୟାଚ୍ରେ ଭାରତୀୟ ଯୁବ ଦଳ ୫-୦ ଗୋଲରେ ଏକପାଖିଆ ଭାବେ ତୁର୍କମେନିସ୍ତାନକୁ ପରାସ୍ତ କରିଛି। ବିଜୟୀ ଦଳ ପକ୍ଷରୁ ସିଦ୍ଧାର୍ଥ ନୋଙ୍ଗମେଇକାପାମ (୪୧ତମ ଓ ୯୦+୨ତମ) ଡବଲ୍ ଗୋଲସ୍କୋର କରିଥିବାବେଳେ ଶୁଭୋ ପଲ (୨୪ତମ), ତାଇସନ ସିଂ (୫୨ତମ) ଓ ହିମାଂଶୁ ଜାଙ୍ଗ୍ରା (୮୮ତମ) ଗୋଟିଏ ଲେଖାଏ ବଲ୍ ପ୍ରତିପକ୍ଷ ନେଟ୍ସ ମଧ୍ୟକୁ ପଠାଇବାରେ ସଫଳ ହୋଇଥିଲେ। ଭାରତ ଓ ତୁର୍କମେନିସ୍ତାନ ବ୍ୟତୀତ ଏହି ଗ୍ରୁପ୍ରେ ବାହାରିନ ଓ ଆୟୋଜକ ଉଜବେକିସ୍ତାନ ରହିଛନ୍ତି।
