ନୂଆଦିଲ୍ଲୀ,୧୭-୧୨: ସାଧାରଣ ବଜେଟ ୨୦୨୦-୨୧ ପୂର୍ବରୁ ଅର୍ଥମନ୍ତ୍ରୀ ନିର୍ମଳା ସୀତାରାମନ ପ୍ରାକ୍ ବଜେଟ ପରାମର୍ଶ ପ୍ରକ୍ରିୟା ସୋମବାରଠାରୁ ଆରମ୍ଭ କରିଛନ୍ତି। ଏହି ଅବସରରେ ସେ ଡିଜିଟାଲ ଅର୍ଥ ବ୍ୟବସ୍ଥା, ଷ୍ଟାର୍ଟଅପ୍ ଏବଂ ଫିନଟେକ ପ୍ରତିନିଧିଙ୍କୁ ଭେଟିଛନ୍ତି। ବୈଠକରେ ମୁଖ୍ୟତଃ ଡାଟା ପ୍ରସଙ୍ଗରେ ଆଲୋଚନା କରାଯାଇଥିଲା। ଡାଟା ବିଶ୍ୱସନୀୟତା ଉନ୍ନତିକରଣ ଉପରେ ସରକାର ଏବେ ଫୋକସ ରଖିଥିବା ସୀତାରାମନ ବୈଠକରେ ଗୁରୁତ୍ୱାରୋପ କରିଛନ୍ତି। ବିଗ୍ ଡାଟା ପ୍ରଯୁକ୍ତି, ବୃହତ୍ତ ଡାଟା ତଥ୍ୟର ବିଶ୍ଲେଷଣ, ଏମ୍ଏସ୍ଏମ୍ଇ କ୍ଷେତ୍ର ଲାଗି ବିଗ୍ଡାଟା ପ୍ରଯୁକ୍ତିର ପ୍ରୟୋଗ, ଜନସାଧାରଣଙ୍କ ଅଭିଯୋଗର ସମାଧାନ ଲାଗି ବିଗ୍ ଡାଟା ପ୍ରଯୁକ୍ତିର ପ୍ରୟୋଗ ଭଳିି ପ୍ରସଙ୍ଗ ବୈଠକରେ ସ୍ଥାନିତ ହୋଇଥିଲା। ସେହିଭଳି ଡିଜିଟାଲ ଭିତ୍ତିଭୂମି, ସରକାରଙ୍କ ଭୂମିକା, ଗୋପନୀୟତା ଉପରେ ଗୁରୁତ୍ୱାରୋପ କରୁଥିବା ଡିଜିଟାଲ ଅର୍ଥ ବ୍ୟବସ୍ଥାର ନିୟନ୍ତ୍ରଣ, ଆର୍ଥତ୍କ ନିୟାମକ, ଷ୍ଟାର୍ଟ ଅପ୍ଗୁଡିକ ଲାଗି ବ୍ୟବସାୟିକ ସୁଗମତା, ଡିଜିଟାଲ ଇଣ୍ଡିଆ ଲାଗି ଭିତ୍ତିଭୂମି ଅସୁବିଧା ଦୂରୀକରଣ, ଟିକସ ବ୍ୟବସ୍ଥା ଉପରେ ଆଲୋଚନା କରାଯାଇଥିଲା।
ଡାଟା ସେଣ୍ଟର ପ୍ରତିଷ୍ଠା ଲାଗି ପ୍ରୋତ୍ସାହନ, ଡାଟା କ୍ଷେତ୍ରୀୟକରଣ ଲାଗି ଆର୍ଥତ୍କ ପ୍ରୋତ୍ସାହନ, ଗ୍ରାମାଞ୍ଚଳରେ ଡିଜିଟାଲର ପ୍ରସାରରେ ସହାୟତା, ଷ୍ଟାର୍ଟଅପଗୁଡିକୁ କର୍ପୋରେଟ ଗ୍ୟାରେଣ୍ଟି, ମ୍ୟାଟ ଟିକସ ଦରକୁ ଯୁକ୍ତି ସଙ୍ଗତ କରିବା, ଷ୍ଟାର୍ଟ ଅପ୍ ଲାଗି ଟିକସ ଛାଡ, ସୀମାପାର ଆର୍ଥତ୍କ ଅପରାଧ ନିୟନ୍ତ୍ରଣ ଲାଗି ସ୍ବତନ୍ତ୍ର ବ୍ୟବସ୍ଥା, ମହିଳାଙ୍କ ନିଯୁକ୍ତି ବୃଦ୍ଧି, ଗବେଷଣା ଏବଂ ବିକାଶ ଲାଗି ଆର୍ଥତ୍କ ପ୍ରୋତ୍ସାହନ ପ୍ରସଙ୍ଗରେ ବୈଠକରେ ଆଲୋଚନା କରାଯାଇଛି। ଡିଜିଟାଲ ଅର୍ଥ ବ୍ୟବସ୍ଥା, ଫିନଟେକ ଏବଂ ଷ୍ଟାର୍ଟଅପ କ୍ଷେତ୍ରର ପ୍ରତିନିଧି ମାନେ ସେମାନଙ୍କ ମତାମତ ଏଠାରେ ପ୍ରଦାନ କରିଛନ୍ତି। ସେମାନେ ବିଭିନ୍ନ ସମସ୍ୟାର ସମାଧାନକୁ ପ୍ରସଙ୍ଗରେ ଉଲ୍ଲେଖ କରିଥିଲେ। ଷ୍ଟାର୍ଟଅପ୍ଗୁଡିକୁ ଟିକସ ପ୍ରୋତ୍ସାହନ କ୍ଷେତ୍ରରେ ସରକାର ବିଭିନ୍ନ କାର୍ଯ୍ୟପନ୍ଥା ଗ୍ରହଣ କରନ୍ତୁ ବୋଲି ପ୍ରତିନିଧି ମାନେ ମତ ରଖିଛନ୍ତି।ସ୍ପେଶାଲ ଇକୋନୋମିକ ଜୋନଗୁଡିକରେ କାର୍ଯ୍ୟକରୁଥିବା ସର୍ଭିସସ କମ୍ପାନୀଗୁଡିକ ଲାଗି କର୍ପୋରେଟ ଟିକସ ହ୍ରାସ କରାଯିବା ସହ ଏହାକୁ ୧୫% କରିବା ନେଇ ଆଇଟି ଶିଳ୍ପ ପକ୍ଷରୁ ଦାବି ହୋଇଛି।
