ଓ୍ବାଶିଂଟନ୍,୧।୧୧: ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ କହିଛନ୍ତି ଯେ, ନାଇଜେରିଆରେ ଖ୍ରୀଷ୍ଟିଆନିଟି ଏକ ଅସ୍ତିତ୍ୱଗତ ବିପଦର ସମ୍ମୁଖୀନ ହେଉଛି। ସେ ଘୋଷଣା କରିଛନ୍ତି ଯେ ଆମେରିକା ନାଇଜେରିଆକୁ ଷ୍ଟେଟ ଡିପାର୍ଟମେଣ୍ଟର ସ୍ପେଶାଲ ୱାଚଲିଷ୍ଟରେ ଯୋଡିଛି। ଟ୍ରମ୍ପ ତାଙ୍କ ଟ୍ରୁଥ ସୋସିଆଲ ଆକାଉଣ୍ଟରେ ଲେଖିଛନ୍ତି ଯେ ନାଇଜେରିଆରେ ହଜାର ହଜାର ଖ୍ରୀଷ୍ଟିଆନିଟିକୁ ହତ୍ୟା କରାଯାଉଛି। “ମୌଳବାଦୀ ଶକ୍ତି ସେମାନଙ୍କ ବିରୁଦ୍ଧରେ ନରସଂହାର କରୁଛନ୍ତି। ବର୍ତ୍ତମାନ ଆମେରିକା ଏହାକୁ ଏକ ବିଶେଷ ଚିନ୍ତାର ଦେଶ ଘୋଷଣା କରୁଛି, ଏବଂ ଏହା କେବଳ ଆରମ୍ଭ।
ଆମେରିକା ପ୍ରଶାସନ ଏବେ ନାଇଜେରିଆକୁ ବିଶେଷ ଚିନ୍ତାର ଦେଶ (ସିପିସି)ରେ ରଖିଛି। ଏହି ତାଲିକାରେ ଚାଇନା, ରୁଷିଆ, ପାକିସ୍ତାନ, ଉତ୍ତର କୋରିଆ ଏବଂ ମିଆଁମାର ଭଳି ଦେଶ ପୂର୍ବରୁ ଅନ୍ତର୍ଭୁକ୍ତ। ଧାର୍ମିକ ସ୍ବାଧୀନତାର ଗମ୍ଭୀର ଉଲ୍ଲଂଘନ ଦେଖାଗଲେ ହିଁ କୌଣସି ଦେଶକୁ ଏହି ବର୍ଗରେ ରଖାଯାଏ। ଏହାର ଅର୍ଥ ତୁରନ୍ତ ଆର୍ଥିକ ପ୍ରତିବନ୍ଧକ ନୁହେଁ, କିନ୍ତୁ ଏହା ଆମେରିକାର ରାଷ୍ଟ୍ରପତିଙ୍କୁ ଆହୁରି କୂଟନୈତିକ କିମ୍ବା ଆର୍ଥିକ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଅଧିକାର ଦିଏ।
Dharitri – The Largest & Most Trusted Odia Daily
