ଟେଷ୍ଟ କ୍ରିକେଟ ଧୈର୍ଯ୍ୟର ଖେଳ। ପଡିଆରେ ସେଟ୍ ହୋଇ ଖେଳିବାକୁ ଜଣେ ବ୍ୟାଟ୍ସମ୍ୟାନ ପାଖରେ ପର୍ଯ୍ୟାପ୍ତ ସମୟ ଥାଏ। ୧୪୩ ବର୍ଷ ଟେଷ୍ଟ କ୍ରିକେଟ ଇତିହାସରେ କେବଳ ୧୦ ଜଣ ବ୍ୟାଟ୍ସମ୍ୟାନ ଅଛନ୍ତି, ଯେଉଁମାନେ ଟେଷ୍ଟ ମ୍ୟାଚର ସମସ୍ତ ପାଞ୍ଚ ଦିନ ବ୍ୟାଟିଂ କରିଛନ୍ତି।
ଏମ୍ଏଲ ଜୟସିମହା
ଟେଷ୍ଟ କ୍ରିକେଟରେ ଭାରତୀୟ ବ୍ୟାଟ୍ସମ୍ୟାନ ଏମ୍ଏଲ ଜୟସିମହା ପ୍ରଥମ ଖେଳାଳି ଭାବେ ଟେଷ୍ଟ ମ୍ୟାଚର ସମସ୍ତ ପାଞ୍ଚ ଦିନରେ ବ୍ୟାଟିଂ କରିଥିଲେ। ୧୯୬୦ରେ କୋଲକତାରେ ଭ୍ରମଣକାରୀ ଅଷ୍ଟ୍ରେଲିଆ ଦଳ ବିରୁଦ୍ଧରେ ସେ ଏହା କରିଥିଲେ।
ଜେଫ୍ରି ବୟକଟ୍
ଟେଷ୍ଟ କ୍ରିକେଟ ଇତିହାସରେ ଇଂଲଣ୍ଡ ଖେଳାଳି ଜେଫ୍ରି ବଏକଟ ଦ୍ୱିତୀୟ ବ୍ୟାଟ୍ସମ୍ୟାନ ଭାବେ ଏହି କୃତିତ୍ୱ ହାସଲ କରିଥିଲେ॥ ୧୯୭୭ରେ ଟ୍ରେଣ୍ଟ ବ୍ରିଜରେ ଆସେଶ୍ ଟେଷ୍ଟରେ ଅଷ୍ଟ୍ରେଲିୟା ବିପକ୍ଷରେ ସେ ୫ ଦିନ ବ୍ୟାଟିଂ କରିଥିଲେ।
କିମ୍ ହ୍ୟୁଜ୍ସ
୧୯୮୦ରେ ଅଷ୍ଟ୍ରେଲିଆ ଖେଳାଳି କିମ୍ ହ୍ୟୁଜ୍ସ ଓଭାଲରେ ଇଂଲଣ୍ଡ ବିପକ୍ଷ ଟେଷ୍ଟରେ ୫ ଦିନ ବ୍ୟାଟିଂ କରିଥିଲେ।
ଆଲାନ ଲାମ୍ବ୍
ଇଂଲଣ୍ଡ କ୍ରିକେଟ ଖେଳାଳି ଆଲାନ ଲାମ୍ବ୍ ୧୯୮୪ରେ ଓ୍ବେଷ୍ଟଇଣ୍ଡିଜ୍ ବିପକ୍ଷରେ ଟେଷ୍ଟ ମ୍ୟାଚରେ ୫ ଦିନ ବ୍ୟାଟିଂ କରିଥିଲେ।
ରବି ଶାସ୍ତ୍ରୀ
ପୂର୍ବତନ ଭାରତୀୟ କ୍ରିକେଟର ରବି ଶାସ୍ତ୍ରୀ ଦ୍ୱିତୀୟ ଭାରତୀୟ ଖେଳାଳି ଭାବେ ଏହି କୃତିତ୍ୱ ଅର୍ଜନ କରିଥିଲେ। ୧୯୮୪ରେ କୋଲକତାରେ ଇଂଲଣ୍ଡ ବିପକ୍ଷ ଟେଷ୍ଟରେ ସେ ୫ ଦିନ ବ୍ୟାଟିଂ କରିଥିଲେ।
