ଛତ୍ରପୁର,୬।୭(ଡି.ଏନ.ଏ) -ଛତ୍ରପୁର ସହରର ବିଭିନ୍ନ ସମସ୍ୟା ଆଲୋଚନା କରିବା ଏବଂ ଏହାର ସମାଧାନ ପାଇଁ ଆଗାମୀ ଦିନରେ କିି ପଦକ୍ଷେପ ନିଆଯିବ ସେ ନେଇ ଆଲୋଚନା ନିମନ୍ତେ ଶୁକ୍ରବାର ସନ୍ଧ୍ୟାରେ ଛତ୍ରପୁର ଓକିଲ ସଂଘ ପକ୍ଷରୁ ଏକ ବୈଠକ ଅନୁଷ୍ଠିତ ହୋଇଥିଲା ା ଏଥିରେ ଓକିଲ ସଂଘର ସଭାପତି କେ. ଶିବରାମ ରେଡ୍ଡୀ ଅଧ୍ୟକ୍ଷତା କରିଥିଲୋ ବୈଠକରେ ଓକିଲ ସଂଘ ସମେତ ବ୍ୟବସାୟୀ ସଂଘ, ବସ ମାଲିକ ସଂଘ, ନାଗରିକ କମିଟି ଓ ପ୍ରେସ୍ କ୍ଲବର ପ୍ରତିନିଧିମାନେ ଯୋଗଦେଇଥିଲୋ ପ୍ରାରମ୍ଭରେ ଓକିଲ ସଂଘ ସଭାପତି ବିଭିନ୍ନ ସମସ୍ୟା ଉପସ୍ଥାପନ
କରିଥିଲେ ା ଛତ୍ରପୁରରେ କେନ୍ଦ୍ରୀୟ ବିଦ୍ୟାଳୟ ଖୋଲିବା ବିଳମ୍ବ ହେଉଥିବା ସମ୍ପର୍କରେ ଆଲୋଚନା ହୋଇଥିଲାା ଉକ୍ତ ବିଦ୍ୟାଳୟ ପାଇଁ ଆବଶ୍ୟକ ହେଉଥିବା ଜମି ଓ ଅସ୍ଥାୟୀ କ୍ୟାମ୍ପସ ପାଇଁ ଅନସ୍ଲୋ କୋଠା ତୁରନ୍ତ ହସ୍ତାନ୍ତର କରିବା ଆବଶ୍ୟକ ବୋଲି ଓକିଲ ପ୍ରଦୀପ ପାଢୀ କହିଥିଲେ ା ଛତ୍ରପୁରର ବିକାଶ ସମ୍ପର୍କରେ ମାସକରେ ଗୋଟିଏ ଦିନ ସବୁ ବିଭାଗୀୟ ଅଧିକାରୀ ଏବଂ ବିଭିନ୍ନ ସଂଘର ପ୍ରତିନିଧିଙ୍କୁ ନେଇ ଜିଲାପାଳ ବୈଠକ କରିବା ଆବଶ୍ୟକ ଥିବା ଓକିଲ ବି. ଶ୍ରୀନିବାସ ପ୍ରସ୍ତାବ ଦେଇଥିଲେ ା କେନ୍ଦ୍ରୀୟ ବିଦ୍ୟାଳୟ ଓ ଉକ୍ତ ବୈଠକ କରିବା ସମ୍ପର୍କରେ ଶନିବାର ଜିଲାପାଳଙ୍କୁ ଭେଟି ଏକ ପ୍ରତିନିଧି ଦଳ ଆଲୋଚନା କରି ଦାବି ଜଣାଇବ ବୋଲି ସଂଘ ସଭାପତି ରେଡ୍ଡୀ ସୂଚନା ଦେଇଥିଲେ ା ଏଥିସହ ଅନ୍ୟ ସମସ୍ୟା ସମ୍ପର୍କରେ ମଧ୍ୟ ନିୟମିତ ଜିଲାପାଳ ଓ ଏସପିଙ୍କୁ ଭେଟି ଅବଗତ କରାଯିବ ବୋଲି ବୈଠକରେ ନିଷ୍ପତି ହୋଇଛି ା ସମସ୍ୟା ସମାଧାନ ନ ହେଲେ ସବୁ ସଂଘର ମିଳିତ ବୈଠକ ବସି ଆଗାମୀ ପଦକ୍ଷେପ ନିଆଯିବ। ଛତ୍ରପୁର ବାଇପାସ୍ ଜାତୀୟ ରାଜପଥରେ ଫ୍ଲାଇଓଭର ଆବଶ୍ୟକ ଥିବା ପୂର୍ବତନ ନଗରପାଳ ରାମଚନ୍ଦ୍ର ବେହେରା ପ୍ରସଙ୍ଗ ଉଠାଇଥିଲେ ା ଛତ୍ରପୁର ସହର ପ୍ରତି ସବୁ ବେଳେ ଅବହେଳା କରାଯାଉଛି ଏବଂ ଏକ କମିଟି ଗଠନ କରି ପ୍ରଶାସନ ସହ ବିଭିନ୍ନ ସମସ୍ୟା ସମ୍ପର୍କରେ ଆଲୋଚନା କରିବାକୁ ପୂର୍ବତନ ଓକିଲ ସଂଘ ସଭାପତି ଗୋକୁଳ ଚନ୍ଦ୍ର ପଣ୍ଡା ପ୍ରସ୍ତାବ ଦେଇଥିଲେ ା ଛତ୍ରପୁର ଏନଏସିକୁ ମ୍ୟୁନିସିପାଲିଟିର ମାନ୍ୟତା ଦେବା ଏବଂ ଟ୍ରେଡ୍ ଓ ହୋଲ୍ଡିଂ ଟିକସର ସଂଶୋଧନ କରିବା ସମ୍ପର୍କରେ ମହାଶକ୍ତି ବଣିକ ସଂଘର ସଭାପତି କିଶୋର ଚନ୍ଦ୍ର ସେନାପତି ଦାବି କରିଥିଲେ ା ଛତ୍ରପୁର ହସ୍ପିଟାଲକୁ ହେଡକ୍ୱାର୍ଟର ହସ୍ପିଟାଲର ମାନ୍ୟତା ଦେବା ଆବଶ୍ୟକ ଥିବା ବଡବଜାର ବ୍ୟବସାୟୀ ସଂଘ ସଭାପତି ପ୍ରଫୁଲ୍ଲ ସେନାପତି କହିଥିଲେ ା ହାଟ ସ୍ଥାନାନ୍ତର, ମାଛ ଓ ପନିପରିବା ଦର ଉପରେ ନିୟନ୍ତ୍ରଣ, ଓପନ୍ ଜିମ୍ ପାଇଁ ଅପରବସଷ୍ଟାଣ୍ଡ ବ୍ୟବସାୟୀ ସଂଘର ସଭାପତି ବି. ରାଜୁ ବାବୁ ଦାବି କରିଥିଲୋ ବୈଠକରେ ଓକିଲ ସଂଘର ସମ୍ପାଦକ ଏସ୍ ଶ୍ୟାମ ସୁନ୍ଦର ରାଓ, ଉପସଭାପତି ସନ୍ତୋଷ ପଶୁପାଳକ, ନାଗରିକ କମିଟିର ସମ୍ପାଦକ ସୁଧୀର ସାହୁ, ଓକିଲ ରାମକୃଷ୍ଣ ଦାଶ, ପ୍ରଫୁଲ୍ଲ ପଟ୍ଟନାୟକ, ରିକାପଲ୍ଲୀ ବ୍ୟବସାୟୀ ସଂଘ ସଭାପତି ଲକ୍ଷ୍ମୀ ନାରାୟଣ ପଣ୍ଡା, ରାଜେନ୍ଦ୍ର ସେନାପତି, ରବୀନ୍ଦ୍ର ନାଥ ପଣ୍ଡା ପ୍ରମୁଖ ଯୋଗଦେଇ ଆଲୋଚନାରେ ଅଂଶଗ୍ରହଣ କରିଥିଲେ ା ମାସର ଶେଷ ସୋମବାର ଏହି କମିଟିର ବୈଠକ ଅନୁଷ୍ଠିତ ହେବ ା
