ଆଠମଲ୍ଲିକ,୧୦ା୧୨(ଡି.ଏନ.ଏ.)- ଆଠମଲ୍ଲିକ ଡିଏଫ୍ଓ ସମ୍ୟକ ସାମନ୍ତରାଙ୍କ ନିର୍ଦ୍ଦେଶ କ୍ରମେ ମଙ୍ଗଳବାର ବନ ବିଭାଗ କର୍ମଚାରୀମାନେ ଚଢାଉ କରି ଲକ୍ଷାଧିକ ଟଙ୍କାର ଚୋରା କେନ୍ଦୁପତ୍ର ସହ ଗୋଟିଏ ଟାଟା ଏସିଇ (ନଂ. ଓଡି୧୯ପି-୩୪୭୮) ଜବତ କରିଛନ୍ତି। ଆଠମଲ୍ଲିକ ଥାନା ପତକାଆଡୁ ଆଠମଲ୍ଲିକ ଅଭିମୁଖେ ଏହି ଚୋରା କେନ୍ଦୁପତ୍ର ବୋଝେଇ ଗାଡି ଆସୁଥିବା ବେଳେ ଖବରପାଇ ବାହାଲି ରାସ୍ତାରେ ବନ ବିଭାଗ ଟିମ୍ ଜଗି ରହି ଚଢ଼ାଉ କରିଥିଲା। ଏଥିସହ ଚୋରା କାରବାରରେ ସମ୍ପୃକ୍ତି ଅଭିଯୋଗରେ ଆଠମଲ୍ଲିକ ଥାନା ଓଡସିଙ୍ଗା ଗ୍ରାମର ସୁଦାମ ରଣା (୪୫), ଡ୍ରାଇଭର ପ୍ରଶାନ୍ତ ପ୍ରଧାନ (୨୨)ଙ୍କୁ ବନ ବିଭାଗ ଗିରଫ କରିଛି। ଉକ୍ତ ଗାଡିରୁ ୧୧୦ ବଣ୍ଡଲ କେନ୍ଦୁପତ୍ର ଜବତ ହୋଇଛି। ଏହାର ଓଜନ ୫ କୁଇଣ୍ଟାଲ ୪୫ କେଜି ହେବ ବୋଲି ଜଣାପଡିଛି। ଏହି ଚଢାଉରେ ଆଠମଲ୍ଲିକ ଡେପୁଟି ରେଞ୍ଜର କୈଳାସ ସାହୁ, ଫରେଷ୍ଟର ଗରିିଜାଶଙ୍କର ପ୍ରସାଦ, ଗାର୍ଡ ଆଲୋକ ମିଶ୍ର ପ୍ରମୁଖ ସାମିଲ ଥିଲେ।
