Posted inଜାତୀୟ

ଗଣିତ ବଦଳାଇଦେଲେ ହେମନ୍ତ

ରାଞ୍ଚି,୨୪ା୧୨: ଜେଏମ୍‌ଏମ୍‌ ନିଜ ୪୬ ବର୍ଷର ଇତିହାସରେ ପ୍ରଥମଥର ପାଇଁ ଏତେ ବଡ଼ ସଫଳତା ପାଇଛି। ଏହାସହ ଦଳର ନେତା ହେମନ୍ତ ସୋରେନ ଦ୍ୱିତୀୟଥର ଲାଗି ଝାଡ଼ଖଣ୍ଡର ମୁଖ୍ୟମନ୍ତ୍ରୀ ହେବାକୁ ଯାଉଛନ୍ତି। ଲୋକ ସଭା ନିର୍ବାଚନରେ ଭାଜପାକୁ ବିପୁଳ ସଫଳତା ମିଳିବା ପରେ ଜେଏମ୍‌ଏମ୍‌ ନିଜ ଘର ସଜାଡ଼ିବାକୁ ଉଦ୍ୟମ ଆରମ୍ଭ କରିଥିଲା। କଂଗ୍ରେସ ଏବଂ ଆର୍‌ଜେଡି ସହ ମିଶି ବିଧାନସଭା ନିର୍ବାଚନ ଲଢ଼ିବାକୁ ଦଳ ପକ୍ଷରୁ ସ୍ଥିର କରାଯାଇଥିଲା। ଏହା ପୂର୍ବରୁ ୨୦୧୮ ମାର୍ଚ୍ଚରେ ଅକ୍ସଫୋର୍ଡ, ସସେକ୍ସ, ଏସେକ୍ସ ୟୁନିଭର୍ସିଟି ଏବଂ ଟାଟା ଇନ୍‌ଷ୍ଟିଚୁଟ୍‌ ଅଫ୍‌ ସୋସିଆଲ ସାଇନ୍ସର ଏକ ୧୨ ଜଣିଆ ଟିମ୍‌ ହେମନ୍ତଙ୍କ ପାଇଁ ରଣନୀତି ପ୍ରସ୍ତୁତ କରିଥିଲେ। ସେବେଠୁ ହେମନ୍ତ ଟୁଇଟର ଓ ଫେସ୍‌ବୁକ୍‌ ଭଳି ସୋସିଆଲ ମିଡିଆ ପ୍ଲାଟ୍‌ଫର୍ମରେ ଅତ୍ୟନ୍ତ ସକ୍ରିୟ ହୋଇଥିଲେ। ଲୋକ ସଭା ନିର୍ବାଚନରେ ପରାଜୟ ପରେ ସେ ରଣନୀତି ପରିବର୍ତ୍ତନ କରି ସବୁ ବର୍ଗର ଲୋକଙ୍କ ସହ ମିଶିବା ଆରମ୍ଭ କରିଥିଲେ। ସେ ‘ବଦଲାଓ୍ବ ଯାତ୍ରା’ ନାମରେ ଏକ ଯାତ୍ରା କରିଥିଲେ, ଯାହାକି ଗତ ଅକ୍ଟୋବର ୧୯ରେ ଶେଷ ହୋଇଥିଲା। ନିଯୁକ୍ତି କ୍ଷେତ୍ରରେ ସ୍ଥାନୀୟ ଯୁବପିଢ଼ିଙ୍କ ପାଇଁ ସଂରକ୍ଷଣର ପ୍ରତିଶ୍ରୁତି ତାଙ୍କୁ ଏହି ନିର୍ବାଚନରେ ସଫଳତା ଦେବାର ଅନ୍ୟତମ କାରଣ ବୋଲି କୁହାଯାଉଛି। ଏଥର ତାଙ୍କ ନିର୍ବାଚନୀ ପ୍ରଚାରର ମୁଖ୍ୟ ସ୍ଲୋଗାନ ଥିଲା ‘ଝାଡ଼ଖଣ୍ଡ ମାଙ୍ଗେ ଯୁବା ସରକାର, ଝଡ଼ଖଣ୍ଡୀ ସରକାର’। ମୁଖ୍ୟମନ୍ତ୍ରୀ ରଘୁବର ଦାସଙ୍କ ପ୍ରତି ଆଦିବାସୀଙ୍କ କ୍ଷୋଭ ଓ ଅସନ୍ତୋଷ ବଢ଼ିବାରେ ଲାଗିଥିବାବେଳେ ହେମନ୍ତ ସେମାନଙ୍କ ପ୍ରକୃତ ବିକାଶର ସ୍ବପ୍ନ ଦେଖାଇଥିଲେ। ଫଳରେ ଏହି ନିର୍ବାଚନ ‘ରଘୁବର ବନାମ ହେମନ୍ତ’ରେ ପରିଣତ ହୋଇଥିଲା।

୬ ବର୍ଷ ପରେ କ୍ଷମତାକୁ ଫେରିଲେ

ଜେଏମ୍‌ଏମ୍‌ କାର୍ଯ୍ୟକାରୀ ଅଧ୍ୟକ୍ଷ ହେମନ୍ତ ସୋରେନ ୬ ବର୍ଷ ପରେ ପୁଣି ଥରେ ମୁଖ୍ୟମନ୍ତ୍ରୀ ହେବାକୁ ଯାଉଛନ୍ତି। ପୂର୍ବତନ କେନ୍ଦ୍ରମନ୍ତ୍ରୀ ତଥା ଆଦିବାସୀ ନେତା ଶିବୁ ସୋରେନଙ୍କ ପୁଅ ହେମନ୍ତ ବିଧାନସଭା ନିର୍ବାଚନରେ ଜେଏମ୍‌ଏମ୍‌-କଂଗ୍ରେସ-ଆର୍‌ଜେଡି ମେଣ୍ଟର ମୁଖ୍ୟମନ୍ତ୍ରୀ ପ୍ରାର୍ଥୀ ଥିଲେ। ୧୯୭୫ ଅଗଷ୍ଟ ୧୦ରେ ରାମଗଡ଼ ଜିଲାର ନେମ୍ରା ଗ୍ରାମରେ ଜନ୍ମିତ ହେମନ୍ତ ମେକାନିକାଲ ଇଞ୍ଜିନିୟରିଂ ପାସ୍‌ କରିଥିବା ତାଙ୍କର ଘନିଷ୍ଠ ସହଯୋଗୀମାନେ କହୁଥିବାବେଳେ ସେ ନାମାଙ୍କନପତ୍ର ଦାଖଲ ବେଳେ ଶିକ୍ଷାଗତ ଯୋଗ୍ୟତା ଇଣ୍ଟରମିଡିଏଟ୍‌ ପାସ୍‌ ବୋଲି ଦର୍ଶାଇଥିଲେ। ୨୦୦୫ରେ ସେ ପ୍ରଥମେ ନିର୍ବାଚନୀ ରାଜନୀତିରେ ପ୍ରବେଶ କରି ଡୁମୁକାରୁ ପ୍ରାର୍ଥୀ ହୋଇଥିଲେ। ତେବେ ସେ ଦଳୀୟ ବିଦ୍ରୋହୀ ପ୍ରାର୍ଥୀ ଷ୍ଟିଫେନ୍‌ ମାର୍ଣ୍ଡିଙ୍କଠାରୁ ହାରିଯାଇଥିଲେ। ୨୦୦୯ରେ ତାଙ୍କ ବଡ଼ଭାଇ ଦୁର୍ଗାଙ୍କ ପରଲୋକ ପରେ ହେମନ୍ତଙ୍କୁ ଦଳରେ ବଡ଼ ଦାୟିତ୍ୱ ମିଳିଥିଲା। ସେ ୨୦୦୯ ଜୁନ୍‌ ୨୪ରୁ ୨୦୧୦ ଜାନୁୟାରୀ ୪ ପର୍ଯ୍ୟନ୍ତ ରାଜ୍ୟ ସଭା ସଦସ୍ୟ ଥିଲେ। ପରେ ସେ ଅର୍ଜୁନ ମୁଣ୍ଡାଙ୍କ ନେତୃତ୍ୱାଧୀନ ମେଣ୍ଟ ସରକାରରେ ଉପମୁଖ୍ୟମନ୍ତ୍ରୀ ହୋଇଥିଲେ। ୨୦୧୩ରେ ସେ ରାଜ୍ୟର ସର୍ବକନିଷ୍ଠ ମୁଖ୍ୟମନ୍ତ୍ରୀ ଭାବେ ଦାୟିତ୍ୱ ଗ୍ରହଣ କରି ୨୦୧୪ ଡିସେମ୍ବର ପର୍ଯ୍ୟନ୍ତ କ୍ଷମତାରେ ରହିଥିଲେ।

ଗୁରୁଜୀଙ୍କ ଆଶୀର୍ବାଦ ନେଲେ


ଝାଡ଼ଖଣ୍ଡ ବିଧାନସଭା ନିର୍ବାଚନ ପରିଣାମ ଆସିବାରେ ଲାଗିଥିବାବେଳେ ଜେଏମ୍‌ଏମ୍‌ ନେତା ହେମନ୍ତ ସୋରେନ ତାଙ୍କ ବାପା ତଥା ଦଳର ଅଧ୍ୟକ୍ଷ ଶିବୁ ସୋରେନ(ଗୁରୁଜୀ)ଙ୍କୁ ଭେଟିଥିଲେ। ସେ ବାପା ଏବଂ ମା’ ରୂପୀ ସୋରେନଙ୍କ ଚରଣ ସ୍ପର୍ଶ କରି ତାଙ୍କୁ ଧନ୍ୟବାଦ ଦେଇଥିଲେ। ଏହାସହ ବାପାଙ୍କ ବାସଭବନ ପରିସରରେ ସେ ଏକ ସାଇକେଲ ଚଳାଉଥିବା ଦେଖିବାକୁ ମିଳିଥିଲା। ଜିନ୍ସ ପ୍ୟାଣ୍ଟ ଓ ଜ୍ୟାକେଟ ପିନ୍ଧି ତାଙ୍କର ସାଇକେଲରେ ଚକ୍କର ମାରୁଥିବା ଦୃଶ୍ୟ ଟିଭି ଚ୍ୟାନେଲଗୁଡ଼ିକରେ ଆସିବା ପରେ ଏହାର ନାନା ରାଜନୈତିକ ନିହିତାର୍ଥ ବାହାର କରାଯାଉଛି। କଂଗ୍ରେସ ଓ ଆର୍‌ଜେଡି ସହ ମିଶି ନିର୍ବାଚନ ଜିତିଥିବାରୁ ଆଗକୁ ଏହି ଦୁଇଦଳକୁ ସାଙ୍ଗରେ ନେଇ ଏକ ସନ୍ତୁଳିତ ସରକାର ଚଳାଇବା ପାଇଁ ପ୍ରସ୍ତୁତ ବୋଲି ହେମନ୍ତ ଏକ ସୁଦୂରପ୍ରସାରୀ ରାଜନୈତିକ ବାର୍ତ୍ତା ଦେଇଥିବା କୁହାଯାଉଛି। ସେହିପରି ସାଇକେଲ ଚଳାଇ ସେ ଯୁବବର୍ଗଙ୍କ ପ୍ରତିନିଧିତ୍ୱର ସନ୍ଦେଶ ଦେଇଥିବା ମଧ୍ୟ କେତେଜଣ ରାଜନୈତିକ ବିଶ୍ଳେଷକ କହିଛନ୍ତି।

 

କାହିଁକି ଭୁଶୁଡ଼ିଲା ଭାଜପା ଦୁର୍ଗ

ଭାଜପାର ଝାଡ଼ଖଣ୍ଡ ଦୁର୍ଗ କାହିଁକି ଭୁଶୁଡ଼ିଲା ସେନେଇ ନାନା ଚର୍ଚ୍ଚା ହେଉଛି। ୨୦୦୦ ମସିହାରେ ବିହାରରୁ ଅଲଗା ହୋଇ ଝାଡ଼ଖଣ୍ଡ ସ୍ବତନ୍ତ୍ର ରାଜ୍ୟର ମାନତ୍ୟ ପାଇବା ପରେ ରାଜ୍ୟରେ ପ୍ରଥମଥର ପାଇଁ ଏକ ସ୍ଥିର ସରକାର ଦେଇଥିଲା ଭାଜପା। କିନ୍ତୁ ମୁଖ୍ୟମନ୍ତ୍ରୀ ରଘୁବର ଦାସଙ୍କୁ ଏଥର ଯୁଦ୍ଧଭୂଇଁରେ ପରାଜିତ ହେବାକୁ ପଡ଼ିଛି। କେନ୍ଦ୍ରର ନାଗରିକତ୍ୱ ସଂଶୋଧନ ଆଇନ (ସିଏଏ) ସହ ରଘୁବରଙ୍କ ଅହଂକାର ଓ ବହୁଥିବା ସରକାର ବିରୋଧୀ ହାଓ୍ବା ଭାଜପାର ଦୁର୍ଗ ପତନର କାରଣ ବୋଲି କୁହାଯାଉଛି। ରଘୁବର ଦାସଙ୍କ ସରକାର ଚେଟଙ୍ଗପୁର ଟେନାନ୍ସି ଆଇନ ଓ ସାନ୍ତାଳ ପ୍ରଗଣା ଟେନାନ୍ସି ଆଇନରେ ସଂଶୋଧନ ପାଇଁ ବିଫଳ ଉଦ୍ୟମ କରିଥିଲେ। ଆଦିବାସୀ ସମ୍ପ୍ରଦାୟର ବ୍ୟକ୍ତି କୌଣସି ଅଣଆଦିବାସୀଙ୍କୁ ନିଜ ଜମି ବିକ୍ରି କରିପାରିବେ ନାହିଁ ବୋଲି ଏହି ପ୍ରସ୍ତାବିତ ଆଇନରେ ବ୍ୟବସ୍ଥା ରହିଥିଲା। ଏହାକୁ ନେଇ ରଘୁବରଙ୍କ ଛବି ଆଦିବାସୀ ବିରୋଧୀ ହୋଇଯାଇଥିଲା। ଏପରି କି ରଘୁବରଙ୍କ ଅହଂକାରୀ ବ୍ୟବହାରକୁ ନେଇ ତାଙ୍କ ଦଳର ଅନେକ ନେତା ଅଭିଯୋଗ କରିଆସୁଥିଲେ। ସେହିପରି ସିଏଏକୁ ନେଇ ଅସନ୍ତୁଷ୍ଟ ରାଜ୍ୟବାସୀ କେନ୍ଦ୍ରର ମୋଦି ସରକାରଙ୍କୁ ଜବାବ ଦେବାକୁ ଯାଇ ରଘୁବର ସରକାରଙ୍କୁ ପ୍ରତ୍ୟାଖ୍ୟାନ କରିଥିବା କୁହାଯାଉଛି।


Enter your email to get our daily news in your inbox.

All Right Reserved By Dharitri.Com

ସିଏଏ ବିରୋଧୀ ହିଂସା:୧୦୦ କୋଟି କ୍ଷତି ସହିଲାଣି ରେଲଓ୍ବେ

ନୂଆଦିଲ୍ଲୀ,  ୨୦।୧୨:ନାଗରିକତ୍ୱ ସଂଶୋଧନ ଆଇନ (ସିଏଏ)କୁ ବିରୋଧ କରି ଦେଶର ବିଭିନ୍ନ ସ୍ଥାନରେ ହିଂସାକାଣ୍ଡ ଜାରି ରହିଥିବାବେଳେ ରେଲଓ୍ବେର ବହୁ କ୍ଷତି ଘଟିଛି। ବିକ୍ଷୋଭକାରୀମାନେ ରେଳଷ୍ଟେଶନରେ...

କରୋନା ପଜିଟିଭ ହେବା ପରେ ବି ପ୍ରଚାର କରୁଛନ୍ତି ବିଧାୟକ

ପାଟନା,୨୯ ।୧୦: ବିହାର ବିଧାନସଭା ନିର୍ବାଚନ ପାଇଁ ପ୍ରଚାର କାର୍ଯ୍ୟ ଜୋରସୋରରେ ଚାଲିଛି । ବିଭିନ୍ନ ଦଳର ଷ୍ଟାର ପ୍ରଚାରକମାନେ ସେଠାରେ ଏକ ପ୍ରକାର ଡେରା...

ଶୀତର କୁହୁଡ଼ି ତାଜମହଲକୁ ଦେଲା ଲୁଚାଇ

ଆଗ୍ରା,୩୦।୧୨: ରାଜଧାନୀ ଦିଲ୍ଲୀ ସହିତ ଉତ୍ତର ଭାରତର କେତେକ ରାଜ୍ୟରେ ଶୀତ ଲହରି ଜାରି ରହିଛି। ଏହି ଶୀତ ଶହ ଶହ ବର୍ଷର ରେକର୍ଡ ଭାଙ୍ଗିଥିବା...

ଭାଜପା କରିଛି ଘୋଡ଼ାବେପାର: ୭ ଏଏପି ବିଧାୟକଙ୍କୁ ଯାଚିଥିଲା ୧୦ କୋଟି ଲେଖାଏଁ

ନୂଆଦିଲ୍ଲୀ,୨।୫: ଭାଜପା ଘୋଡ଼ାବେପାର କରିଥିବା ଅଭିଯୋଗ କରିଛନ୍ତି ଆମ୍‌ ଆଦମୀ ପାର୍ଟି(ଏଏପି) ମୁଖ୍ୟ ଅରବିନ୍ଦ କେଜରିଓ୍ବାଲ। ଏଏପିରେ କନ୍ଦଳ ଲଗାଇବା ପାଇଁ ୭ ଏଏପି ବିଧାୟକଙ୍କୁ...

ଡେଥ୍‌ ଓ୍ବାରେଣ୍ଟ୍‌ ଜାରି କରିଥିବା ବିଚାରପତିଙ୍କ ବଦଳି

ନୂଆଦିଲ୍ଲୀ,୨୩।୧: ନିର୍ଭୟା ମାମଲାରେ ଦୋଷୀଙ୍କ ଲାଗି ଡେଥ୍‌ ଓ୍ବାରେଣ୍ଟ୍‌ ଜାରି କରିଥିବା ବିଚାରପତିଙ୍କ ବଦଳି କରାଯାଇଛି। ବିଚାରପତି ସତୀଶ ଆରୋରା ଏଣିପି ପାଟିଆଳା ହାଉସ୍‌ କୋର୍ଟ...

ଜଳବାୟୁ ପରିବର୍ତ୍ତନକୁ ନେଇ ଏକଜୁଟ ହେବା ଆବଶ୍ୟକ: ମୋଦି

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ରବିବାର ୧୫ତମ ଜି -୨୦ ଶିଖର ସମ୍ମିଳନୀକୁ ସମ୍ବୋଧିତ କରିଛନ୍ତି। ମୋଦି ତାଙ୍କ ଭାଷଣରେ ଜଳବାୟୁ ପରିବର୍ତ୍ତନ ସମେତ ପରିବେଶ ଭଳି...

ଚର୍ଚ୍ଚରେ ଭାଙ୍ଗିଦେଲେ ଯୀଶୁଙ୍କ ପ୍ରତିମୂର୍ତ୍ତି

ଅମ୍ବାଲା(ହରିୟାଣା),୨୬।୧୨: ହରିୟାଣା ଅମ୍ବାଲାର ଏକ ଚର୍ଚ୍ଚରେ ଯୀଶୁଙ୍କ ପ୍ରତିମୂର୍ତ୍ତି ଭଙ୍ଗାଯାଇଥିବା ଅଭିଯୋଗ ହୋଇଛି। ପୋଲିସ ସିସିଟିଭି ଫୁଟେଜ ଆଧାରରେ ତଦନ୍ତ ଆରମ୍ଭ କରିଛି। ହେଲେ ପୋଲିସ...

ବାମ ପଟେ ନୋଜ୍‌ ରିଂ…

ସାଧାରଣତଃ ପୂର୍ବ କାଳରେ ଝିଅମାନେ ବା ମହିଳା ମାନେ କାନ ଓ ନାକରେ ଛିଦ୍ର କରି ଗହଣା ପିନ୍ଧୁଥିଲେ। ଏବେ ମଧ୍ୟ କେତେକ ଏପରି କରୁଥିବାର...

Advertisement
Archives

Model This Week