କାଳ ସାଜିଛି ରଙ୍ଗ୍‌ ସାଇଡ୍‌ ଡ୍ରାଇଭିଂ:ଟୁଇନ୍‌ ସିଟିରେ ୨୦୦ ସ୍ଥାନ ଚିହ୍ନଟ, ୬୦ ଅତି ସମ୍ବେଦନଶୀଳ

ଭୁବନେଶ୍ୱର,୪ା୧୨(ବ୍ୟୁରୋ):ରଙ୍ଗ୍‌ ସାଇଡ୍‌ ଡ୍ରାଇଭିଂ ଯୋଗୁ ଅଧିକାଂଶ ଦୁର୍ଘଟଣା ଘଟି ଧନଜୀବନ ହାନି ହେଉଛି। ଡିସେମ୍ବର ୧ରୁ ରାଜ୍ୟରେ ନୂଆ ମୋଟର ଯାନ ଆଇନକୁ କଡ଼ାକଡ଼ି କରାଯାଇଥିବାବେଳେ ୧୦ ଟ୍ରଫିକ ନିୟମ ଉଲ୍ଲଂଘନକାରୀ ଧରପଗଡ଼ ଚାଲିଛି। ତେବେ କଟକ ଓ ଭୁବନେଶ୍ୱର ଟୁଇନ୍‌ସିଟିରେ ହେଲ୍‌ମେଟ, ସିଟ୍‌ବେଲ୍ଟ, ବାଇକରେ ୩ଜଣ ବସିଯିବା ଓ ରଙ୍ଗ୍‌ ସାଇଡ୍‌ ଗାଡ଼ି ଚାଳନାକୁ ଗୁରୁତ୍ୱର ସହ ନେଇ ଯାଞ୍ଚ ଚାଲିଛି। ତେବେ କମିଶନରେଟ ପୋଲିସ ପାଇଁ ଏବେ ରଙ୍ଗ୍‌ ସାଇଡ୍‌ ଡ୍ରାଇଭିଂ ମୁଣ୍ଡବିନ୍ଧାର କାରଣ ପାଲଟିଛି। ଟୁଇନ୍‌ ସିଟିରେ ୨ଶହ ସ୍ଥାନ ଚିହ୍ନଟ କରାଯାଇଥିବାବେଳେ ୬୦ଟି ଅତି ସମ୍ବେଦନଶୀଳ ରହିଛି। ଏସବୁ ରଙ୍ଗ୍‌ସାଇଡ୍‌ ପଏଣ୍ଟ ଗୁଡିକରେ ଟ୍ରାଫିକ ଓ୍ବିଙ୍ଗ୍‌ ପକ୍ଷରୁ କର୍ମଚାରୀ ନିୟୋଜିତ କରାଯିବାକୁ ଯୋଜନା କରାଯାଉଛି ବୋଲି ଟ୍ରାଫିକ ଡିସିପି ସାଗରିକା ନାଥ ସୂଚନା ଦେଇଛନ୍ତି।
ମଙ୍ଗଳବାର ଟ୍ରାଫିକ ଡିସିପି ନାଥ ନିଜେ ବିଭିନ୍ନ ଛକରେ ରହି ରଙ୍ଗ୍‌ ସାଇଡ୍‌ ଗାଡ଼ି ଚାଳନା ଯାଞ୍ଚ କରିଥିଲେ। ଭୁବନେଶ୍ୱର ସିଟି ଓମେନ୍ସ କଲେଜ ଛକ ନିକଟରେ ରଙ୍ଗ୍‌ ସାଇଡ୍‌ରେ ଗାଡ଼ି ନେଇ ଆସୁଥିବା ଲୋକଙ୍କୁ ପାଠପଢ଼ାଇବା ସହ ଜରିମାନା କରିଥିଲେ। ନିଆରା ଢଙ୍ଗରେ ପୁଅ ଜରିଆରେ ଜଣେ ମା’କୁ ବୁଝାଇଲେ। ମା’ ଜଣକ ନିଜ ପୁଅକୁ ସ୍କୁଲ୍‌ରୁ ସ୍କୁଟିରେ ବସାଇ ରଙ୍ଗ୍‌ ସାଇଡ୍‌ରେ ଯାଉଥିବାବେଳେ ଟ୍ରାଫିକ ଡିସିପିଙ୍କ ହାବୁଡ଼ରେ ପଡିଯାଇଥିଲେ। ଡିସିପି ନାଥ ଉକ୍ତ ମା’ଙ୍କ ବଦଳରେ ପ୍ରଥମେ ତାଙ୍କ ୫ବର୍ଷର ପୁଅକୁ ବୁଝାଇଥିଲେ। ତୁମ ପାଇଁ ହେଲମେଟ୍‌ ଆଣିବା ସହ ରଙ୍ଗ୍‌ ସାଇଡ୍‌ରେ ଗାଡି ଚାଳନା ନ କରିବା ଲାଗି ମା’ଙ୍କୁ କହିବାକୁ କୁନି ପୁଅକୁ କହିଥିଲେ।
୩ ଦିନରେ ଧରାହେଲେଣି ୧୫ଶହ ଉଲ୍ଲଂଘନକାରୀ
୩ ଦିନରେ କଟକ-ଭୁବନଶ୍ୱେରରେ ୧୫ଶହ ନିୟମ ଉଲ୍ଲଂଘନକାରୀ ଗାଡ଼ି ଚାଳକ ଧରାପଡିଛନ୍ତି। କେତେଜଣଙ୍କଠାରୁ ଜରିମାନା ଆଦାୟ କରାଯାଇଥିବାବେଳେ ଯେଉଁମାନେ ଦେଇପାରି ନାହାନ୍ତି ସେମାନଙ୍କ ନିକଟକୁ ଚାଲାଣ ପଠାଯାଇଥିବା ଟ୍ରାଫିକ ଡିସିପି ସାଗରିକା ନାଥ ସୂଚନା ଦେଇଛନ୍ତି। ମଙ୍ଗଳବାର ମଧ୍ୟ ରାଜଧାନୀର ୨୩ ସ୍ଥାନରେ ଯାଞ୍ଚ କରାଯାଇଥିଲା। ଅନ୍ୟପକ୍ଷରେ କଟକରେ ଜଣେ କାର ଚାଳକଙ୍କୁ ହେଲମେଟ୍‌ ପିନ୍ଧି ନ ଥିବା ଦର୍ଶାଇ ଚାଲାଣ କଟାଯାଇଥିବା ନେଇ ହୋଇଥିବା ଅଭିଯୋଗର ଉତ୍ତର ରଖିଛନ୍ତି ଡିସିପି ନାଥ। ସେ କହିଛନ୍ତି, ଏହାକୁ ପୋଲିସର ଭୁଲ୍‌ ବୋଲି କୁହାଯାଇପାରିବ ନାହିଁ। କାରଣ ଯେଉଁ ବାଇକ୍‌ ଚାଳକ ଜଣକ ହେଲ୍‌ମେଟ୍‌ ପିନ୍ଧି ନ ଥିଲେ, ସେ ତାଙ୍କ ବାଇକ୍‌ରେ କାର୍‌ ନମ୍ବର ବ୍ୟବହାର କରିଥିବା ଜଣାପଡିଛି। ଉକ୍ତ ନମ୍ବର ଆଧାରରେ ଚାଲାଣ କଟାଯାଇଛି। ଏନେଇ ତଦନ୍ତ ଚାଲିଛି। ରିପୋର୍ଟ ମିଳିବା ପରେ ସବୁକିଛି ସ୍ପଷ୍ଟ ହେବ ବୋଲି ସେ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ପାରିବାରିକ ମାମଲା: ଅଡୁଆରେ ଅନୁଭବ

ଭୁବନେଶ୍ୱର,୨୩।୭: ଅନୁଭବ-ବର୍ଷା ପାରିବାରିକ ବିବାଦ ମାମଲା ଥମିବାର ନାଁ ନେଉ ନଥିବା ବେଳେ ମଙ୍ଗଳବାର ଅନୁଭବଙ୍କୁ ଜେରା କରାଯାଇଛି। ଅଗଷ୍ଟ ୧୬ରେ ମାମଲାର ପରବର୍ତ୍ତୀ ଶୁଣାଣି...

ଆର୍‌ ସନ୍ଥଗୋପାଳନ ରାଜ୍ୟର ମୁଖ୍ୟ ନିର୍ବାଚନ ଅଧିକାରୀ ଭାବେ ନିଯୁକ୍ତ

ଭୁବନେଶ୍ୱର,୨୩।୭: ରାଜ୍ୟର ନୂଆ ସିଇଓ ହେଲେ ଆଇଏଏସ ଅଫିସର ଆର୍‌ ସନ୍ଥଗୋପାଳନ । ୨୦୦୧ ବ୍ୟାଚର ଏହି ଆଇଏଏସ ଅଫିସରଙ୍କୁ ରାଜ୍ୟର ନୂଆ ନିର୍ବାଚନ କମିଶନର...

ଘାଟିରେ ଟ୍ରଲର-କଣ୍ଟେନର ହେଲେ ମୁହାଁମୁହିଁ : ଚାଲିଗଲା ଜୀବନ

ଜମନକିରା,୨୨।୭:(ରବୀନ୍ଦ୍ର ପ୍ରସାଦ ଦାନୀ): ସମ୍ବଲପୁର ଜିଲା ଜମନକିରା ଥାନା ଗୌଡ଼ପାଲି ଫାଣ୍ଡି ଅଧୀନ ବଡ଼ରମା ଘାଟିରେ ଏକ ବଡ଼ଧରଣର ଦୁର୍ଘଟଣା ଘଟିଛି। ମଙ୍ଗଳବାର ଭୋରରେ ଏକ...

ହୋଟେଲରୁ ବଡ଼ ଧରଣର ଚୋରି

ରାୟଗଡ଼ା,୨୩।୭(ଆଶିଷ ରଞ୍ଜନ ପଣ୍ଡା): ଜିଲାପାଳଙ୍କ କାର୍ଯ୍ୟାଳୟଠାରୁ ୧୦୦ ମିଟର ଦୂର ସାଇରାମ ରେଷ୍ଟୁରାଣ୍ଟ ନାମକ ଏକ ହୋଟେଲରୁ ମଙ୍ଗଳବାର ଭୋର ୩ଟାରେ ଏକ ବଡ଼ଧରଣର ଚୋରି...

ଉପବାଚସ୍ପତିଙ୍କ ନାଁ ଘୋଷଣା କଲା ଭାଜପା

ଭୁବନେଶ୍ୱର,୨୩।୭: ଉପବାଚସ୍ପତି ପଦ ପାଇଁ ମଙ୍ଗଳବାର ନାଁ ଘୋଷଣା କରିଛି ଭାରତୀୟ ଜନତା ପାର୍ଟି। ସୁନ୍ଦରଗଡ ଜିଲା ତଳସରା ବିଧାୟକ ଭବାନୀ ଭୋଇ ଉପବାଚସ୍ପତି ହେବେ...

ସ୍ତ୍ରୀଙ୍କୁ ହତ୍ୟା କରି ସ୍ବାମୀ ଫେରାର

ବାରିପଦା,୨୩।୭(ନୀଳାଦ୍ରି ବିହାରୀ ଦଣ୍ଡପାଟ): ମୟୂରଭଞ୍ଜ ଜିଲା ଖୁଣ୍ଟା ଥାନା ତଥା ଗୋପବନ୍ଧୁ ନଗର ବ୍ଲକ ଅନ୍ତର୍ଗତ ବାଲିଯୋଡା ଗ୍ରାମର ଜନୈକ ସ୍ବାମୀ ଜଣକ ସ୍ତ୍ରୀକୁ ପଥରରେ...

ବିଲରେ ହଳ କରୁଥିବାବେଳେ ଘୋଷାଡ଼ି ନେଲା ବଳଦ: ଚାଲିଗଲା ଚାଷୀଙ୍କ ଜୀବନ

ପାଟଣା ୨୩।୭(ବୀରକିଶୋର ଦାଶ): କେନ୍ଦୁଝର ଜିଲା ପାଟଣା ବ୍ଲକ ବାଉଁଶୁଳୀ ପଞ୍ଚାୟତ ନିକଟ ବିଲରେ ମଙ୍ଗଳବାର ସକାଳୁ ହଳ କରୁଥିବାବେଳେ ଅଘଟଣ ଘଟି ଜଣେ ବୃଦ୍ଧ...

ପୁଣି ଅଜଣା ରୋଗ ନେଲା ଶିଶୁର ଜୀବନ

କୋରାପୁଟ: କୋରାପୁଟ ଜିଲା ନାରାୟଣପାଟଣା ବିଚଳଚୁଆଁ ଗାଁରେ ମଙ୍ଗଳବାର ପୁଣି ଅଜଣା ରୋଗରେ ଜଣେ ୩ ବର୍ଷୀୟା ଝିଅର ମୃତ୍ୟୁ ଘଟିଛି। ଏହାକୁ ନେଇ ଅଞ୍ଚଳରେ...

Advertisement
Mettle Meet 2024

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri