Posted inଖେଳ

କାନାଡାର ପ୍ରଥମ ବିଜେତା

ଫାଇନାଲରେ ସେରେନାଙ୍କୁ ହରାଇ କାନାଡ଼ାର ବାଏଙ୍କା ଆଣ୍ଡ୍ରେସ୍କୁ ୟୁଏସ୍‌ ଓପନ୍‌ ଟାଇଟଲ ହାସଲ କରି ସମସ୍ତଙ୍କ ଦୃଷ୍ଟି ଆକର୍ଷଣ କରିଛନ୍ତି। ମାତ୍ର ୧୯ ବର୍ଷ ବୟସରେ କାନାଡ଼ା ପାଇଁ ପ୍ରଥମ ଗ୍ରାଣ୍ଡସ୍ଲାମ ଟାଇଟଲ ହାସଲ କରିଥିବାରୁ ବିଶ୍ୱ ଟେନିସ୍‌ରେ ଆଣ୍ଡ୍ରେସ୍କୁଙ୍କ ଭବିଷ୍ୟତ ଉଜ୍ଜ୍ୱଳ ବୋଲି କୁହାଯାଉଛି।

କାନାଡା ପାଇଁ ଇତିହାସ ସୃଷ୍ଟି କରିଛନ୍ତି ୧୯ ବର୍ଷୀୟା ମହିଳା ଟେନିସ ଖେଳାଳି ବାଏଙ୍କା ଆଣ୍ଡ୍ରେସ୍କୁ। ସେ ୟୁଏସ୍‌ ଓପନ୍‌ ଟାଇଟଲ ହାସଲ କରି କାନାଡ଼ାର ପ୍ରଥମ ଖେଳାଳିଭାବେ କୌଣସି ମେଜର ତଥା ଗ୍ରାଣ୍ଡସ୍ଲାମ ଟାଇଟଲ ହାସଲ କରି ଇତିହାସ ସୃଷ୍ଟି କରିଛନ୍ତି। ମହିଳା ସିଙ୍ଗଲ୍ସ ଫାଇନାଲ ମ୍ୟାଚ୍‌ରେ ସେ ଅଭିଜ୍ଞ ଆମେରିକୀୟ ତାରକା ସେରେନା ଓ୍ବିଲିୟମ୍ସଙ୍କୁ ୬-୩, ୭-୫ ସେଟ୍‌ରେ ପରାସ୍ତ କରି ଚାମ୍ପିୟନ ହୋଇଛନ୍ତି। ବିଭିନ୍ନ ଦୃଷ୍ଟିକୋଣରୁ ଏହି ବିଜୟ ଆଣ୍ଡ୍ରେସ୍କୁଙ୍କ ପାଇଁ ବିଶେଷ ଭାବେ ମହତ୍ତ୍ୱ ରଖୁଛି। ସେହିପରି ଏହି ପରାଜୟ ସେରେନାଙ୍କ ପାଇଁ ବିଶେଷ ମହଙ୍ଗା ସାବ୍ୟସ୍ତ ହୋଇଛି।


ବାଏଙ୍କା ଚତୁର୍ଥ ଖେଳାଳିଭାବେ ପଦାର୍ପଣରେ ୟୁଏସ୍‌ ଓପନ୍‌ ସେମିଫାଇନାଲରେ ପ୍ରବେଶ କରି ଓପନ୍‌ ଏରାରେ ଉଦାହରଣ ସୃଷ୍ଟି କରିଛନ୍ତି। ପୁଣି ୨୦୦୯ ପରେ ସେ ପ୍ରଥମ ସ୍ବଳ୍ପ ବୟସ୍କା ଖେଳାଳିଭାବେ ସେମିରେ ପ୍ରବେଶ କରିଛନ୍ତି। ରୁଷିଆର ମାରିଆ ସାରାପୋଭାଙ୍କ ପରେ ସେ ଦୀର୍ଘ ୧୩ ବର୍ଷ ପରେ ସର୍ବକନିଷ୍ଠ ମହିଳା ଖେଳାଳିଭାବେ ଗ୍ରାଣ୍ଡସ୍ଲାମ ଟାଇଟଲ ହାସଲ କରିଛନ୍ତି। ସାରାପୋଭା ୨୦୦୬ରେ ସର୍ବ କନିଷ୍ଠ ଖେଳାଳିଭାବେ ୟୁଏସ୍‌ ଓପନ୍‌ ଟାଇଟଲ ଜିତିଥିଲେ।
୧୯୯୪ରେ ବାଏଙ୍କାଙ୍କ ମାତାପିତା ରୋମାନିଆରୁ ଆସି କାନାଡ଼ାରେ ଅବସ୍ଥାପିତ ହୋଇଥିଲେ। ଏତେ କମ୍‌ ବୟସରୁ ହାସଲ କରିଥିବାର ସଫଳତାର ଶ୍ରେୟ ସେ ନିଜ ମାତାପିତାଙ୍କୁ ଦେଇଛନ୍ତି। ୫ ଫୁଟ ୭ ଇଞ୍ଚ୍‌ ଉଚ୍ଚତା ବିଶିଷ୍ଟ ବାଏଙ୍କା କାନାଡ଼ାର ଓଣ୍ଟାରିଓସ୍ଥିତ ମିସିସାଉଗାରେ ଜନ୍ମ ଗ୍ରହଣ କରିଥିଲେ। ଅଳ୍ପ ଦିନର ଛୋଟିଆ କ୍ୟାରିୟରରେ ୩ଟି ଡବ୍ଲ୍ୟୁଟିଏ ଓ ଗୋଟିଏ ଆଇଟିଏଫ୍‌ ଟାଇଟଲ ହାସଲ କରିଛନ୍ତି। ମାତ୍ର ୭ ବର୍ଷରୁ ଟେନିସ୍‌ ଖେଳିବା ଆରମ୍ଭ କରିଥିଲେ ଆଣ୍ଡ୍ରେସ୍କୁ। ମିସିସାଗୁଆସ୍ଥିତ ଓଣ୍ଟାରିଓ ର଼୍ୟାକେଟ କ୍ଲବ୍‌ରେ ସେ ଟେନିସ୍‌ରେ ପ୍ରଶିକ୍ଷଣ ନେଇଥିଲେ। ୧୧ ବର୍ଷ ହେବା ପରେ ସେ ଟରୋଣ୍ଟୋର ଟେନିସ୍‌ କାନାଡ଼ାର ଜାତୀୟ ଟ୍ରେନିଂ ପ୍ରୋଗ୍ରାମରେ ସାମିଲ ହୋଇଥିଲେ। ଏହାପରେ ଟେନିସ୍‌କୁ ସେ ଗୁରୁତର ଭାବେ ଗ୍ରହଣ କରିଥିଲେ। ବେଲଜିୟମ କିମ୍ବଦନ୍ତୀ ଖେଳାଳି କିମ୍‌ କ୍ଲିଷ୍ଟର୍ସଙ୍କୁ ସେ ପିଲାଟି ବେଳୁ ନିଜର ଆଦର୍ଶ ମାନୁଥିଲେ। ପରେ ସେ ସିମୋନ ହାଲେପଙ୍କୁ ନିଜର ଫେଭରାଇଟ ଖେଳାଳି ଭାବେ ସମ୍ମାନ ଦେଉଥିଲେ। ସେରେନା ଓ ଭେନସ ଓ୍ବିଲିୟମ୍ସଙ୍କୁ ମଧ୍ୟ ସେ ପ୍ରଶଂସା କରିଥାନ୍ତି। ୨୦୧୬ ରୋଜର୍ସ କପ୍‌ ଅବସରରେ ହାଲେପ ତାଙ୍କୁ ପେସାଦାର ହେବାକୁ ପରାମର୍ଶ ଦେଇଥିଲେ ଓ ଏହା ଶେଷରେ କାମରେ ଆସିଛି।
ଜୁନିୟରସ୍ତରରେ ସେ ବେଶ୍‌ ସଫଳତା ଲାଭ କରିଥିଲେ। ବିଶ୍ୱର ଶ୍ରେଷ୍ଠ ୧୪ ବର୍ଷରୁ କମ୍‌ ଟୁର୍ନାମେଣ୍ଟ ଲେସ୍‌ ପେଟିସ ଆଜ୍‌ ଟାଇଟଲ ଜିତିଥିଲେ। ଏହାପରେ ସେ ହାଭାନାରେ ଗ୍ରେଡ୍‌- ୫ ଟୁର୍ନାମେଣ୍ଟରେ ସିଙ୍ଗଲ୍ସ ଟାଇଟଲ ହାସଲ କରିଥିଲେ। ୨୦୧୫ରେ ସେ ଆଇଟିଏଫ୍‌ରେ ପଦାର୍ପଣ କରିଥିଲେ। ଏହାପରେ ଗୋଟିଏ ବର୍ଷ ପରେ ସେ କ୍ୟାରିୟରର ପ୍ରଥମ ଆଇଟିଏଫ୍‌ ଟାଇଟଲ ଜିତିଥିଲେ। ୨୦୧୭ରେ ସେ ଡବ୍ଲ୍ୟୁଟିଏ ଓ ଜୁନିୟର ଗ୍ରାଣ୍ଡସ୍ଲାମ ଚାମ୍ପିୟନଶିପ୍‌ରେ ପଦାର୍ପଣ କରିଥିଲେ। ୨୦୧୮ରେ ଆଘାତ ସମସ୍ୟା ସତ୍ତ୍ୱେ ସେ ସ୍ଥିର ପ୍ରଦର୍ଶନ କରିବାରେ ସକ୍ଷମ ହୋଇଥିଲେ।
୨୦୧୯ରେ ୟୁଏସ୍‌ ଓପନ୍‌କୁ ବାଦ୍‌ ଦେଲେ ସେ ଇଣ୍ଡିଆନ ଓ୍ବେଲ୍ସ ଓ କାନାଡିଆନ ଓପନ୍‌ ଟାଇଟଲ ମଧ୍ୟ ହାସଲ କରିଛନ୍ତି। ଆଞ୍ଜେଲିକ୍‌ କର୍ବର ଓ ସେରେନା ଓ୍ବିଲିୟମ୍ସଙ୍କ ଭଳି ଖେଳାଳିଙ୍କୁ ପଛରେ ପକାଇ ସେ ଏହି ସଫଳତା ପାଇଥିଲେ। ଚଳିତ ବର୍ଷ ଅଷ୍ଟ୍ରେଲିଆନ୍‌ ଓପନ ଓ ଫ୍ରେଞ୍ଚ୍‌ ଓପନ୍‌ରେ ସେ ଦ୍ୱିତୀୟ ରାଉଣ୍ଡରେ ପ୍ରବେଶ କରିଥିଲେ। ସେହିପରି ୨୦୧୭ରେ ଓ୍ବିମ୍ବେଲଡ଼ନରେ ଆଣ୍ଡ୍ରେସ୍କୁ ପ୍ରଥମ ରାଉଣ୍ଡରେ ପ୍ରବେଶ କରିଥିଲେ। ଡବଲ୍ସ ଇଭେଣ୍ଟରେ ସେ ଦୁଇଟି ଆଇଟିଏଫ୍‌ ଟାଇଟଲ ଜିତିଥିଲେ। ସିଙ୍ଗଲ୍ସରେ ତାଙ୍କର ସଫଳତା ହାର ବା କ୍ୟାରିୟର ରେକର୍ଡ ୭୪ ପ୍ରତିଶତ ରହିଛି। ସେହିପରି ଡବଲ୍ସରେ ତାଙ୍କର କ୍ୟାରିୟର ରେକର୍ଡ ରହିଛି ୬୫.୯ ପ୍ରତିଶତ। ବିଶ୍ୱ ର଼୍ୟାଙ୍କିଙ୍ଗ୍‌ରେ ସେ ଏବେ ୫ ନମ୍ବର ସ୍ଥାନରେ ରହିଛନ୍ତି। ଏହା ତାଙ୍କ ପାଇଁ କ୍ୟାରିୟର ଶ୍ରେଷ୍ଠ ର଼୍ୟାଙ୍କିଙ୍ଗ୍‌ ସାବ୍ୟସ୍ତ ହୋଇଛି। ମାତ୍ର ୧୯ ବର୍ଷ ବୟସରେ ବିଶ୍ୱର ଆଗଧାଡିର ଖେଳାଳିଙ୍କୁ ହରାଇ ବିପର୍ଯ୍ୟୟ ଘଟାଇବା ସହ ଗ୍ରାଣ୍ଡସ୍ଲାମ ବିଜେତା ହୋଇଥିବରୁ ଆଣ୍ଡ୍ରେସ୍କୁଙ୍କ ଭବିଷ୍ୟତ ଉଜ୍ଜ୍ୱଳ ବୋଲି କୁହାଯାଉଛି।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

କ୍ରିକେଟ୍‌ର ଭଗବାନଙ୍କୁ ପଛରେ ଛାଡ଼ିଲେ ରୁଟ୍‌

ଲିଡ୍ସ ,୨୭।୮: ଭାରତ ବିପକ୍ଷ ତୃତୀୟ ତଥା ଲିଡ୍ସ ଟେଷ୍ଟରେ ୧୨୧ ରନ୍‌ର ଶତକୀୟ ପାଳି ଖେଳିଛନ୍ତି ଇଂଲଣ୍ଡ ଅଧିନାୟକ ଜୋ ରୁଟ୍‌। ଏହା ତାଙ୍କ...

ଫେରିବେ ସାନିଆ

ମା’ ହେବା ପରେ ଟେନିସ ଖେଳାଳିମାନେ ସଫଳ ପ୍ରତ୍ୟାବର୍ତ୍ତନ କରିବାର ଉଦାହରଣ କମ୍‌ ରହିଛି। ତେବେ ସେରେନା ଓ୍ବିଲିୟମ, ମାର୍ଗାରେଟ୍‌ କୋର୍ଟ, ଇଭୋନ ଗୁଲାଗଙ୍ଗ ଓ...

ଏସିଆନ ଜିମ୍ନାଷ୍ଟିକ୍ସରେ ପ୍ରଣତିଙ୍କୁ ବ୍ରୋଞ୍ଜ

ନୂଆଦିଲ୍ଲୀ,୨୧।୬ (ପି.ଟି.)-ମଙ୍ଗୋଲିଆର ଉଲାନବାତାରଠାରେ ଚାଲିଥିବା ଏସିଆନ ସିନିୟର ଆର୍ଟିଷ୍ଟିକ୍‌ ଜିମ୍ନାଷ୍ଟିକ୍ସ ଚାମ୍ପିୟନଶିପ୍‌ ଭଲ୍ଟ ଇଭେଣ୍ଟରେ ଶୁକ୍ରବାର ଭାରତୀୟ ମହିଳା ଜିମ୍ନାଷ୍ଟ ପ୍ରଣତି ନାୟକ ଏକ ବ୍ରୋଞ୍ଜ...

ପତଳା ଯୋଗୁ ଜିମ୍‌ରେ ଉଠାଇପାରି ନ ଥିଲେ ଡମ୍ବଲ, ବାଧ୍ୟରେ କରିଥିଲେ ବୋଲିଂ; ଏବେ ପୂରଣ ହେଲା ଟେଷ୍ଟରେ ଡେବ୍ୟୁର ସ୍ବପ୍ନ

ଚେନ୍ନାଇ,୧୩।୨: ଇଂଲଣ୍ଡ ବିପକ୍ଷ ଦ୍ୱିତୀୟ ଟେଷ୍ଟରେ ଡେବ୍ୟୁ କରିଛନ୍ତି ବାମହାତୀ ସ୍ପିନ୍‌ ଅଲରାଉଣ୍ଡର ଅକ୍ଷର ପଟେଲ। ୨୭ ବର୍ଷୀୟ ଏହି କ୍ରିକେଟର ଏହାପୂର୍ବରୁ ୩୮ ଏକଦିବସୀୟ...

ଧଓ୍ବନ ନେତୃତ୍ୱାଧୀନ ଟିମ୍‌କୁ ନେଇ ବୋର୍ଡ ଉପରେ ବର୍ଷିଲେ ରାଣାତୁଙ୍ଗା: କହିଲେ ‘ଏହା ଶ୍ରୀଲଙ୍କା କ୍ରିକେଟର ଅପମାନ’

କଲମ୍ବୋ,୨।୭: ଚଳିତ ମାସ ଶେଷରେ ହେବାକୁ ଥିବା ସୀମିତ ଓଭର ସିରିଜ ପାଇଁ ଶ୍ରୀଲଙ୍କାର ବିଶ୍ୱକପ୍‌ ବିଜେତା ଅଧିନାୟକ ଅର୍ଜୁନ ରାଣାତୁଙ୍ଗା ତାଙ୍କ ଦେଶର କ୍ରିକେଟ...

ମ୍ୟାଚ୍‌ ବ୍ରେକ୍‌ ସମୟରେ ସନ୍ତାନକୁ ସ୍ତନ୍ୟପାନ କରାଇଲେ ଏହି ଖେଳାଳି

ଗୁଆହାଟି,୧୧।୧୨: ମିଜୋରାମର ଜଣେ ମହିଳା ଭଲିବଲ୍‌ ଖେଳାଳିଙ୍କ ଏକ ଫଟୋ ସୋସିଆଲ ମିଡିଆରେ ଭାଇରାଲ ହୋଇଛି। ଏହି ଫଟୋରେ ସେ ୭ ମାସର ସନ୍ତାନଙ୍କୁ ସ୍ତନ୍ୟପାନ...

୨୨ ବର୍ଷରେ ପନ୍ତ

ନୂଆଦିଲ୍ଲୀ,୪।୧୦: ଭାରତୀୟ କ୍ରିକେଟର ବିସ୍ଫୋରକ ବ୍ୟାଟ୍ସମ୍ୟାନ ରିଷଭ ପନ୍ତ ଶୁକ୍ରବାର ୨୨ ବର୍ଷରେ ପାଦ ଦେଇଛନ୍ତି। ୪ ଅକ୍ଟୋବର ୧୯୯୭ରେ ଜନ୍ମ ହୋଇଥିବା ଏହି ଖେଳାଳି...

ଏକଦା ଗାଙ୍ଗୁଲିଙ୍କୁ ବୋହୂ ଭଳି ସଜାଇଥିଲେ ସେହ୍ବାଗଙ୍କ ସହ ସାଥୀ ଖେଳାଳି: ବାଧ୍ୟକରି…

ନୂଆଦିଲ୍ଲୀ,୪।୯: ଯେତେବେଳେ ଭାରତୀୟ ଦଳର ଦୁଇଜଣ କ୍ରିକେଟର କୌଣସି ମଞ୍ଚରେ ଏକାଠି ହୋଇଥାନ୍ତି, ସେତେବେଳେ ଡ୍ରେସିଂ ରୁମ୍‌ର ଅନେକ ମଜାଦାର କାହାଣୀ ଶୁଣିବାକୁ ମିଳିଥାଏ। ସେଭଳି...

Advertisement
Ten Cric Info


Archives

Model This Week