କରୋନା ଭୂତାଣୁ ଓ ନାନୋକଣିକା

”କରୋନା ଭୂତାଣୁର ଆକାରକୁ ନାନୋମିଟର ସ୍କେଲରେ ମାପ କରାଯାଏ। ଆଜିକାଲି ନାନୋମିଟର ଓ ନାନୋଟେକ୍ନୋଲୋଜି ବିଷୟରେ ବେଶ୍‌ ଚର୍ଚ୍ଚା ହେଉଛି। ଆଗାମୀ ଦିନରେ ବୈଜ୍ଞାନିକ ଉଦ୍ଭାବନକୁ ଆହୁରି ଅବିଶ୍ୱସନୀୟ ଓ ଚମକପ୍ରଦ କରିବା ଦିଗରେ ନାନୋକ୍ଷେତ୍ରର ଗୁରୁତ୍ୱପୂର୍ଣ୍ଣ ଭୂମିକା ରହିବ। ‘ନାନୋ’ ଶବ୍ଦର ଅର୍ଥ ୧୦୦୦୦୦୦୦ ଭାଗରୁ ଏକ ଭାଗ। ତେଣୁ ‘ନାନୋମିଟର’ ଶବ୍ଦର ଅର୍ଥ ୧ ମିଟର ଲମ୍ବର ୧୦୦ କୋଟି ଭାଗରୁ ଏକ ଭାଗ। ଏକ ନାନୋମିଟର ହେଉଛି ଆମ ମୁଣ୍ଡ ବାଳ ମୋଟେଇର ୮୦,୦୦୦ ଭାଗରୁ ମାତ୍ର ଏକ ଭାଗ ।“

ଆଜିକାଲି କରୋନା ଭୂତାଣୁ ବିଷୟରେ ବେଶ୍‌ ଚର୍ଚ୍ଚା ହେଉଛି। କାହିଁକି ନା, ଏଇ ଭୂତାଣୁ ସାରା ବିଶ୍ୱକୁ ଭୟଭୀତ କରି ରଖିଛି। ସାରା ପୃଥିବୀରେ ଲୋକମାନଙ୍କର ଜୀବନଶୈଳୀକୁ ପ୍ରଭାବିତ କରିଛି। ଏଇ ଭୂତାଣୁ ଏକ ବିଂଶ ଶତାବ୍ଦୀର ମହାଜ୍ଞାନୀ ବୈଜ୍ଞାନିକମାନଙ୍କର ମଧ୍ୟ ନିଦ ହଜେଇ ଦେଇଛି। କିନ୍ତୁ ଆଶ୍ଚର୍ଯ୍ୟର କଥା, ଯେଉଁ କରୋନା ଭୂତାଣୁ କଥା କୁହାଯାଉଛି, ତାହା ଧୂମକେତୁ କିମ୍ବା କୌଣସି ଉଲ୍‌କା ପଥର ପରି ବିଶାଳ ନୁହେଁ। ବରଂ ତାହାର ଆକାର ଅତି ଛୋଟ। ସେଗୁଡିକ ପ୍ରାୟତଃ ଗୋଲ, ଯାହାର ହାରାହାରି ମୋଟେଇ ମାତ୍ର ୧୨୫ ନାନୋମିଟର। ପୁଣି ବସ୍ତୁତ୍ୱ ହାରାହାରି ୦.୯ ଅଟୋଗ୍ରାମ୍‌।  ଏକ ଅଟୋଗ୍ରାମ୍‌ ହେଉଛି ୧ ଗ୍ରାମ୍‌ ବସ୍ତୁତ୍ୱର ୧,୦୦୦, ୦୦୦,୦୦୦,୦୦୦,୦୦୦,୦୦୦ ଭାଗରୁ ୧ ଭାଗ।
ନାନୋମିଟର କହିଲେ, ମିଟର ଓ ସେଣ୍ଟିମିଟର କଥା ମନେପଡେ। ଜଣେ ଲୋକର କହୁଣିଠାରୁ ମଝିଆଙ୍ଗୁଠିର ଅଗ୍ରଭାଗ ପର୍ଯ୍ୟନ୍ତ ଲମ୍ବକୁ ଆମେ କହୁ ‘ଏକ ହାତ’ ଲମ୍ବ। ଜଣେ ବୟସ୍କ ଲୋକର ପ୍ରାୟ ଦୁଇ ହାତ ଲମ୍ବର ଗୋଟିଏ ବାଡି ନେଲେ ତାହା ପାଖାପାଖି ଏକ ମିଟର ହେବ। ଆମେ ରାସ୍ତାରେ ଗଲାବେଳେ ଲେଖାଥାଏ ‘କିଲୋମିଟର’ । ‘କିଲୋ’ ଶବ୍ଦର ଅର୍ଥ ୧୦୦୦। ଏହାର ଅର୍ଥ, ଏକ କିଲୋମିଟର ହେଉଛି ୧୦୦୦ ମିଟର ସହିତ ସମାନ। ତେଣୁ ସିଧା ରାସ୍ତା ଉପରେ ୧୦୦୦ ଗୋଟି ଏକ ମିଟର ବାଡିକୁ ପଛକୁ ପଛ ଲଗେଇ ରଖିଲେ, ସମସ୍ତ ବାଡିକୁ ରଖିବା ସକାଶେ ଏକ କିଲୋମିଟର ରାସ୍ତା ଦରକାର ହେବ। ତେଣୁ ଏକ ମିଟର ଲମ୍ବର ୧୦୦ ଭାଗରୁ ୧ ଭାଗ ହେଉଛି ୧ ସେଣ୍ଟିମିଟର।
କରୋନା ଭୂତାଣୁର ଆକାରକୁ ନାନୋମିଟର ସ୍କେଲରେ ମାପ କରାଯାଏ। ଆଜିକାଲି ନାନୋମିଟର ଓ ନାନୋଟେକ୍ନୋଲୋଜି ବିଷୟରେ ବେଶ୍‌ ଚର୍ଚ୍ଚା ହେଉଛି। ଆଗାମୀ ଦିନରେ ବୈଜ୍ଞାନିକ ଉଦ୍ଭାବନକୁ ଆହୁରି ଅବିଶ୍ୱସନୀୟ ଓ ଚମକପ୍ରଦ କରିବା ଦିଗରେ ନାନୋ କ୍ଷେତ୍ରର ଗୁରୁତ୍ୱପୂର୍ଣ୍ଣ ଭୂମିକା ରହିବ। ‘ନାନୋ’ ଶବ୍ଦର ଅର୍ଥ ୧୦୦୦୦୦୦୦ ଭାଗରୁ ଏକ ଭାଗ। ତେଣୁ ‘ନାନୋମିଟର’ ଶବ୍ଦର ଅର୍ଥ ୧ ମିଟର ଲମ୍ବର ୧୦୦ କୋଟି ଭାଗରୁ ଏକ ଭାଗ।
ଏକ
ନାନୋମିଟର ହେଉଛି
ଆମ ମୁଣ୍ଡ ବାଳ
ମୋଟେଇର ୮୦,୦୦୦
ଭାଗରୁ ମାତ୍ର ଏକ ଭାଗ।
ପଦାର୍ଥର କଣିକାଗୁଡିକର ଆକାର ୧ ନାନୋମିଟରରୁ ୧୦୦ ନାନୋମିଟର ଭିତରେ ରହିଲେ, ସେଗୁଡିକୁ ଆମେ ନାନୋକଣିକା ବୋଲି କହିପାରିବା। କରୋନା ଭୂତାଣୁଗୁଡିକ ନାନୋକଣିକା ସହିତ ତୁଳନୀୟ ା ଯେହେତୁ କରୋନା ଭୂତାଣୁର ମୋଟେଇ ୧୨୫ ନାନୋମିଟର, ତେଣୁ ତାହା ଆମ ମୁଣ୍ଡ ବାଳ ମୋଟେଇର ୬୦୦ ଭାଗରୁ ମାତ୍ର ଏକ ଭାଗ ହେବ।
ଏତେ କ୍ଷୁଦ୍ର ଭୂତାଣୁକୁ ଖାଲି ଆଖିରେ ଦେଖିବା ନିଶ୍ଚିତ ଭାବରେ ଅସମ୍ଭବ।
ଏହି କ୍ଷୁଦ୍ର ଭୂତାଣୁକୁ ଇଲେକ୍‌ଟ୍ରନ୍‌ ମାଇକ୍ରୋସ୍କୋପ୍‌ ସାହାଯ୍ୟରେ ଦେଖିହେବ। ଏହାର ଶରୀର ଉପରେ ଛୋଟ ଛୋଟ କୀଳା (ଶଙ୍କୁ) ରହିଥାଏ।
ସାଧାରଣ ଥଣ୍ଡା, ତଣ୍ଟିବଥା, ଛିଙ୍କ ଓ କାଶ କରୁଥିବା ଭୂତାଣୁଗୁଡିକ ଭିତରେ ରାଇନୋଭୂତାଣୁର ଅଧିକ ଭୂମିକା ରହିଛି।
ଏଗୁଡିକ କରୋନା ଭୂତାଣୁ ତୁଳନାରେ ଛୋଟ। ରାଇନୋଭୂତାଣୁର ହାରାହାରି ମୋଟେଇ ୩୦ ନାନୋମିଟର।ତେଣୁ କରୋନା ଭୂତାଣୁର ମୋଟେଇ ସାଧାରଣ ଥଣ୍ଡାକାଶ କରୁଥିବା ଭୂତାଣୁଠାରୁ ୪ ଗୁଣ ଅଧିକ। କରୋନା ଭୂତାଣୁକୁ ମାରିବା ପାଇଁ ଏଯାଏ ଔଷଧ ବାହାରି ନାହିଁ। ଏବେ ବି ସକ୍ରିୟ ଗବେଷଣା ଚାଲିଛି। କେତେକ ଦେଶରେ ମ୍ୟାଲେରିଆ ପାଇଁ ବ୍ୟବହୃତ ‘ହାଇଡ୍ରୋକ୍ସିକ୍ଲୋରକୁଇନ୍‌’ ଓ ଇବୋଲା ପାଇଁ ବ୍ୟବହୃତ ‘ରେମଡେସିଭିର’ ବ୍ୟବହାର କରାଯାଉଛି। ଭାରତରେ ଅଶ୍ୱଗନ୍ଧା ଓ ପିପ୍ପଳୀ ଆଦିରୁ ପ୍ରସ୍ତୁତ ଆୟୁର୍ବେଦିକ ଔଷଧ ଉପରେ ପରୀକ୍ଷଣ ଚାଲିଛି।

ସୁପ୍ରଭାତ ସେନାପତି
-ଏମ୍‌.ଫିଲ୍‌. (ପଦାର୍ଥ ବିଜ୍ଞାନ), ମାର୍ଫତ୍‌: ପ୍ରଭାକର ସେନାପତି, ସନ୍ଥିଆ, ଭଦ୍ରକ


Enter your email to get our daily news in your inbox.

All Right Reserved By Dharitri.Com

ଶିଶୁ ପାଇଁ ଅମୃତ

ମା’ ସ୍ତନରୁ ଝରୁଥିବା କ୍ଷୀର ଶିଶୁ ପାଇଁ ଅମୃତର ଧାରା; ଯାହା ପ୍ରତିଷେଧକ ଟିକା ସଦୃଶ ଶିଶୁକୁ ସମସ୍ତ ରୋଗ ଓ ଜଟିଳତାରୁ ରକ୍ଷା କରିଥାଏ।...

ଧାର୍ମିକସ୍ଥଳ ଖୋଲିବା ପ୍ରସଙ୍ଗ: କେନ୍ଦ୍ର ସରକାରଙ୍କ ମତାମତ ଲୋଡ଼ିଲେ ସୁପ୍ରିମ୍‌କୋର୍ଟ

ନୂଆଦିଲ୍ଲୀ, ୯।୯: କରୋନା ମହାମାରୀ ସଂକ୍ରମଣ ଯୋଗୁ ଦେଶର ଧାର୍ମିକ ସ୍ଥଳ ବନ୍ଦ ରହିଛି। ଧାର୍ମିକସ୍ଥଳ ଖୋଲିବା ନେଇ ଦାଖଲ କରାଯାଇଥିବା ଏକ ଆବେଦନ ଉପରେ...

୧ ନଭେମ୍ବରରୁ ରାଜଧାନୀରେ ଖୋଲିବ ସ୍କୁଲ୍‌, ଛଟ୍‌ ପୂଜାକୁ ବି ଅନୁମତି…

ନୂଆଦିଲ୍ଲୀ,୨୭।୧୦: ଦେଶରେ କରୋନା ମହାମାରୀ ସଂକ୍ରମଣ ଥମିବାରେ ଲାଗିଛି। ରାଜଧାନୀ ଦିଲ୍ଲୀରେ ସଂକ୍ରମଣ କମୁଥିବାରୁ ୧ ନଭେମ୍ବରଠାରୁ ସ୍କୁଲ୍‌ କଲେଜ ଖୋଲିବାକୁ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ବାଲଙ୍କ...

ଦେଶର ୫ଟି ଅଞ୍ଚଳରେ ହେବ କରୋନା ଟୀକା ପରୀକ୍ଷଣ…

ନୂଆଦିଲ୍ଲୀ, ୨୮।୭: ଭାରତରେ କରୋନା ମହାମାରୀ ଯୋଗୁ ଆତଙ୍କ ଦେଖାଦେଇଛି। ଅକ୍ସଫୋର୍ଡ ବିଶ୍ୱବିଦ୍ୟାଳୟ ଏବଂ ଏସଷ୍ଟ୍ରାଜେନିକା ପକ୍ଷରୁ ପ୍ରସ୍ତୁତ କରାଯାଇଥିବା କରୋନା ପ୍ରତିଷେଧକ ଟୀକା ‘କୋଭି...

ଖାଇବା ପରେ..

ଖାଇବା ପରେ ଏପରି କାମ କରନ୍ତୁ ନାହିଁ, ଯାହାର ଖରାପ ପ୍ରଭାବ ଶରୀର ଉପରେ ପଡ଼ିବ । ଜାଣନ୍ତୁ ସେ ସମ୍ପର୍କରେ… ଆମେ ଖାଦ୍ୟ ଖାଇବା...

ଉପକାରୀ ମହୁ

ମହୁରେ ଅନେକ ଉପକାରୀ ଗୁଣ ଭରି ରହିଛି। ଯଦି ଆପଣ କଫଜନିତ ସମସ୍ୟା ସହ ଜଡ଼ିତ ତେବେ ମହୁ ଖାଇଲେ ଏଥିରୁ ଉପଶମ ମିିଳିଥାଏ। ସକାଳୁ...

ଚାଇନାର ଚିନ୍ତା ଡେଲ୍ଟା ଭାରିଏଣ୍ଟ

ବେଜିଂ,୨ ।୮: କରୋନା ଭାଇରସର ଡେଲ୍ଟା ଭାରିଏଣ୍ଟ ଚାଇନାରେ ବି ତା’ର ଉପଦ୍ରବ ଦେଖାଇଲାଣି । ଚାଇନା ପୂର୍ବରୁ କହିଥିଲା କି ଅନ୍ୟ ଦେଶ ତୁଳନାରେ...

ଉପକାରୀ ଅପରାଜିତା ଫୁଲ ଚା’

ସାରାଦିନର କାର୍ଯ୍ୟବ୍ୟସ୍ତ ମଧ୍ୟରେ ଯଦି ଥକ୍କା ଅନୁଭବ କରୁଛନ୍ତି, ତେବେ ଅପରାଜିତା ଫୁଲ ଚା’ର ସେବନ କରନ୍ତୁ। ଫୁଲଟି ଦେଖିବାକୁ ଯେତିକି ସୁନ୍ଦର ଏହାର ଔଷଧୀୟ...

Advertisement
Archives

Model This Week