କନ୍ୟାଶ୍ରମ ଦେଇଛି ସାହାରା

ସୋର,୧୯।୧୨(ଡି.ଏନ.ଏ.)- ବାଲେଶ୍ୱର ଜିଲା ସୋରସ୍ଥିତ ଗାନ୍ଧୀ ପୁରୁବାଇ କନ୍ୟାଶ୍ରମର ଅନ୍ତେବାସୀ ମାହେଶ୍ୱରୀ ରଣା (୧୭) ଚିତ୍ର ମାଧ୍ୟମରେ ସାମାଜିକ ସଚେତନତାର ବାର୍ତ୍ତା ଦେଇ ବେଶ୍‌ ଚର୍ଚ୍ଚାକୁ ଆସିଛନ୍ତି । କେବଳ ଚିତ୍ରାଙ୍କନ ନୁହେଁ ନାଚ, ଗୀତରେ ମଧ୍ୟ ମାହିର୍‌। ୨୦୧୮ ରେ ‘ବେଟି ବଚାଓ ଓ ବେଟି ବଢ଼ାଓ’ ଚିତ୍ରାଙ୍କନ ପ୍ରତିଯୋଗିତାରେ ଭାଗ ନେଇ ରାଜ୍ୟରେ ପ୍ରଥମ ହୋଇ ଜାତୀୟ ଗୋଲ୍ଡ ମେଡ଼ାଲ ହାସଲ କରିଛନ୍ତି। ଚଳିତବର୍ଷ ସ୍ବଚ୍ଛ ଭାରତ ଚିତ୍ରାଙ୍କନ ପ୍ରତିଯୋଗିତାରେ ‘ସ୍ବଚ୍ଛ ଭାରତ’ ଚିତ୍ର ଆଙ୍କି ସେ ମଧ୍ୟ ରାଜ୍ୟରୁ ପ୍ରଥମ ସ୍ଥାନ ଅଧିକାର କରି ନିଜ ଅଞ୍ଚଳ ଲାଗି ପୁଣି ଗୌରବ ଆଣିିଛନ୍ତି। ବର୍ତ୍ତମାନ ସେ ବାଲେଶ୍ୱର ଜିଲାର ତଳନଗର କଲେଜରେ ଯୁକ୍ତ୨ ପ୍ରଥମବର୍ଷର କଳା ଶ୍ରେଣୀରେ ଅଧ୍ୟୟନ କରୁଛନ୍ତି।
ନିଜ ପାଇଁ ନିଜେ ପରିଚୟ ସୃଷ୍ଟି କରିଥିବା ଛାତ୍ରୀ ମାହେଶ୍ୱରୀ ୭ବର୍ଷର ହୋଇଥିବା ବେଳେ ଘରୋଇ ପରିସ୍ଥିତି ଲାଗି ସୋର ସ୍ଥିତ ଗାନ୍ଧୀ ପୁରୁବାଇ କନ୍ୟାଶ୍ରମକୁ ଆସି ସେବେଠାରୁ ଏଠାରେ ରହିି ଆସୁଛନ୍ତି। କନ୍ୟାଶ୍ରମରେ ସେ ତୃତୀୟ ଶ୍ରେଣୀରୁ ପାଠ ପଢ଼ା ଆରମ୍ଭ କରି ଏବେ ଯୁକ୍ତ ୨ ପଢୁଛନ୍ତି। ତାଙ୍କ ଜନ୍ମସ୍ଥାନ ରୂପ୍‌ସା ଥାନା ଅନ୍ତର୍ଗତ ଗଡ଼ମଉଜା ଗ୍ରାମରେ । ତାଙ୍କ ବାପା ପର୍ଶୁରାମ ରଣା ଓ ମା’ ମନୋରମା ରଣା କେବେ କେବେ କନ୍ୟାଶ୍ରମ ଆସି ଝିଅଙ୍କୁ ଭେଟି ଯାଆନ୍ତି। ମାହେଶ୍ୱରୀ ଘରୁ ପାଦ କାଢ଼ି ଆସିବା ଠାରୁ ଆଉ କେବେ ଘରକୁ ଯାଇ ନାହାନ୍ତି । ଗାନ୍ଧୀ ପୁରୁବାଇ କନ୍ୟାଶ୍ରମର ସମ୍ପାଦିକା ସୁମତି ମହାନ୍ତିଙ୍କୁ ସେ ମା’ ଓ ବାପା ଭାବି ନେଇ ସ୍ନେହଶ୍ରଦ୍ଧାରେ ବଢ଼ି ଆସିଛନ୍ତି। କନ୍ୟାଶ୍ରମରେ ପାଠ ପଢ଼ିବା ବେଳେ ଧ୍ରୁବ ସାରଙ୍କ ଠାରୁ ସେ ଓଡ଼ିଶୀ ନାଚ ଓ ଗୀତ ଶିଖିଥିଲେ। ସେହିପରି ରାଜୁ ସାର୍‌ ତାଙ୍କୁ ଚିତ୍ର ଶିକ୍ଷା ଦେଇଥିଲେ। ଏଥିଲାଗି ମାହେଶ୍ୱରୀ ସେମାନଙ୍କୁ ମୂଳ ଗୁରୁ ମାନିଥିବା କହିଛନ୍ତି।
ପାଠ ପଢିବା ସାଙ୍ଗକୁ ନିୟମିତ ନାଚଗୀତ ଓ ଚିତ୍ରକଳା ଅଙ୍କନ ଅଭ୍ୟାସ ଜାରି ରଖି ଆଗକୁ ଆଗକୁ ସେ ବଢି ଚାଲିଛନ୍ତି। ସୋର ସମେତ ଜିଲାର ବିଭିନ୍ନ ଅନୁଷ୍ଠାନରେ ଆୟୋଜିତ ପ୍ରତିଯୋଗିତାରେ ସେ ଅଂଶଗ୍ରହଣ କରି ସାଉଣ୍ଟିଛନ୍ତି ବହୁ ପ୍ରଶଂସା ଓ ପୁରସ୍କାର। ସୋର ମହୋତ୍ସବ, କାଂଶବାଂଶ ସାଂସ୍କୃତିକ ପରିଷଦ ସମେତ ବିଭିନ୍ନ ଅନୁଷ୍ଠାନର ପ୍ରତିଯୋଗିତା ଓ କାର୍ଯ୍ୟକ୍ରମରେ ଭାଗ ନେଇ ସେ ଓଡ଼ିଶୀ, ସମ୍ବଲପୁରୀ, ଆଧୁନିକ ନାଚ, ଗୀତ ପରିବେଷଣ କରି କୃତିତ୍ୱ ହାସଲ କରିପାରିଛନ୍ତି। ଓଡ଼ିଶା ସରକାରଙ୍କ ମହିଳା ଶିଶୁ ବିକାଶ ମିଶନ ଶକ୍ତି ରାଷ୍ଟ୍ରୀୟ ଶିଶୁ ସୁରକ୍ଷା ସମିତି ପକ୍ଷରୁ ହୋସ୍‌ଲା-୨୦୧୮ ପ୍ରତିଯୋଗିତାରେ ରାଜ୍ୟର ପ୍ରଥମ ସ୍ଥାନ ଅଧିକାର କରି ଜାତୀୟ ଗୋଲ୍ଡ ମେଡ଼ାଲ ପାଇବା ସହ ୬୦ହଜାର ଟଙ୍କା ପୁରସ୍କାର ପାଇବା ତାଙ୍କୁ ଚିତ୍ରକଳା ଲାଗି ପ୍ରେରଣା ଯୋଗାଇଛି। କଳା ଶିକ୍ଷକ ରାଜବଲ୍ଲଭ ସାହୁଙ୍କ ପାଇଁ ସେ ଏଭଳି ସଫଳତା ପାଇ ପାରିଥିବା କହିଛନ୍ତି। ଉଚ୍ଚଶିକ୍ଷା ଲାଭ କରି ଭବିଷ୍ୟତରେ ଜଣେ ଆର୍ଟିଷ୍ଟ ହୋଇ ସମାଜରେ ସଚେତନତାର ବାର୍ତ୍ତା ପ୍ରଚାର କରିବାକୁ ଲକ୍ଷ୍ୟ ରଖିଛନ୍ତି ମାହେଶ୍ୱରୀ ।


Enter your email to get our daily news in your inbox.

All Right Reserved By Dharitri.Com

ତାଳସାରି ଅଶ୍ଳୀଳ ଭିଡିଓ ଭାଇରାଲ ଘଟଣା: ଜିଲାପାଳ, ଏସ୍‌ପିଙ୍କୁ ଘେରିଲେ ଭୋଗରାଇବାସୀ

ଭୋଗରାଇ, ୨୬।୮( ଡି.ଏନ୍‌.ଏ.): ବାଲେଶ୍ୱର ଜିଲା ଭୋଗରାଇର ତାଳସାରି ମେରାଇନ ଥାନା ଅଧୀନ ବହୁ ଚର୍ଚ୍ଚିତ ନାବାଳିକା ଛାତ୍ରୀ ଅଶ୍ଳୀଳ ଭିଡିଓ ଭାଇରାଲ ଓ ବ୍ଲାକ୍‌ମେଲିଂ...

୨ବର୍ଷର ପୁଅକୁ ଧରି ଟ୍ରେନ୍‌ ଆଗକୁ ଡେଇଁଲେ ମହିଳା

ରୂପ୍‌ସା,୨୯।୫(ଡି.ଏନ.ଏ.): ବାଲେଶ୍ୱର ଜିଲା ଦକ୍ଷିଣ-ପୂର୍ବ ରେଳପଥ ଖଡ଼ଗପୁର ଡିଭିଜନ୍‌ ଅଧୀନ ରୂପ୍‌ସା-ବସ୍ତା ଷ୍ଟେଶନ ମଝି ନୂଆଗାଁ ରେଳଷ୍ଟେଶନ ନିକଟରେ ଶନିବାର ଜଣେ ମହିଳା ୨ବର୍ଷର ଶିଶୁପୁତ୍ରକୁ...

ପ୍ରତୀକ୍ଷାର ଅନ୍ତ: ଟିକାକରଣ ପ୍ରକ୍ରିୟା ଆରମ୍ଭ

ବାଲେଶ୍ୱର ଅଫିସ,୧୮।୧: ସମସ୍ତ ପ୍ରତୀକ୍ଷାର ଅନ୍ତ ପରେ ସୋମବାରଠାରୁ ଟିକାକରଣ ପ୍ରକ୍ରିୟା ଆରମ୍ଭ ହେଇଛି। ବାଲେଶ୍ବର ମୁଖ୍ୟ ଚିକିତ୍ସାଳୟ ସମେତ ଜିଲାର ୪ଟି ଗୋଷ୍ଠୀ ସ୍ବାସ୍ଥ୍ୟ...

ନାହାସୋଲ ଜଙ୍ଗଲରୁ ନବଜାତ ଶିଶୁପୁତ୍ର ଉଦ୍ଧାର

ବାରିପଦା ଅଫିସ,୧୫।୬: ମୟୂରଭଞ୍ଜ ଜିଲା ବେତନଟୀ ଥାନା ଅଧୀନ ସୁରେଇଡିହି ପଞ୍ଚାୟତ ନାହାସୋଲ ଜଙ୍ଗଲରୁ ଶନିବାର ସକାଳେ ଏକ ନବଜାତ ଶିଶୁପୁତ୍ର ଉଦ୍ଧାର ହୋଇଛି। ଶିଶୁର...

ପାଠପଢ଼ା ସାଙ୍ଗକୁ ଖେଳରେ ବି ଧୁରନ୍ଧର

ସିମୁଳିଆ, ୨୨ା୭(ଡି.ଏନ୍‌.ଏ.)- ବାଲେଶ୍ୱର ଜିଲା ସିମୁଳିଆ ମହାବିଦ୍ୟାଳୟର ଯୁକ୍ତ ୨ ଦ୍ୱିତୀୟ ବର୍ଷର ଛାତ୍ରୀ ବବିତା ମହାପାତ୍ର(୧୬)। ବିଭିନ୍ନ କ୍ରୀଡ଼ା ସହିତ ପାଠପଢ଼ାରେ ବେଶ୍‌ ଧୁରନ୍ଧର।...

ହତ୍ୟା ମାମଲାରେ ୪ ନିର୍ଦ୍ଦୋଷରେ ଖଲାସ

ବାଲେଶ୍ୱର ଅଫିସ, ୩।୮: ଏକ ହତ୍ୟା ମାମଲାର ବିଚାର କରି ବାଲେଶ୍ୱର ଅତିରିକ୍ତ ସେସନ୍ସ ଜଜ୍‌ ଗିରିଜା ଶଙ୍କର ମହାପାତ୍ର ଉପଯୁକ୍ତ ସାକ୍ଷ୍ୟପ୍ରମାଣ ଅଭାବରୁ ବାଲେଶ୍ୱର...

କରତକଳରୁ ୧୫ଲକ୍ଷରୁ ଊର୍ଦ୍ଧ୍ୱ ଟଙ୍କାର କାଠ, ଯନ୍ତ୍ରାଂଶ ଜବତ

ଭୋଗରାଇ,୨୯।୯(ଡି.ଏନ.ଏ.)-ବାଲେଶ୍ୱର ଜିଲା ଭୋଗରାଇ ବ୍ଲକର ୩ ବେଆଇନ କରତକଳ ଉପରେ ଗତ ଶନିବାର ବାଲେଶ୍ୱର ଟାସ୍କଫୋର୍ସ ଓ ପୋଲିସର ଚଢ଼ାଉ କରି ରବିବାର ବନବିଭାଗ ପକ୍ଷରୁ...

ବିଭିନ୍ନ ଚୋରିରେ ସମ୍ପୃକ୍ତ ଯୁବକ ଗିରଫ

ଖଇରା, ୧୩ା୪(ଡି.ଏନ.ଏ.)-ବାଲେଶ୍ୱର ଜିଲା ଅଧୀନ ଖଇରା ବଜାରର ଏକ ମୋବାଇଲ ଦୋକାନ ସମେତ ଅନ୍ୟାନ୍ୟ ସ୍ଥାନରୁ ସାଇକେଲ ତଥା ଅନ୍ୟାନ୍ୟ ଆସବାବପତ୍ର ଚୋରିରେ ସମ୍ପୃକ୍ତ ଯୁବକଙ୍କୁ...

Advertisement
Archives

Model This Week